Ka Makaainana, Volume IV, Number 2, 8 July 1895 — Page 1

Ka Makaainana.

BUKE IV ---- Ano Hou.     Honolulu, Oahu,  Iulai 8, 1905.     HELU 2

O. R. & L. CO.

Huakai Makaikai a na Poe Kakau Nupepa i ke Alahao Hou

E like hoi k@ mea i hoike mua ia, pela no hoi ia i hooke ia ae ai i kakahiaka Poalua iho la, hora 9:30.  Ua akoakoa ae na poe kakau nupepa ma ke kahua kikowaena o ka Hui Alahao a Aina Oahu mamua ae o ka manawa i hoikeia maluna e, a i ka hora 9:40 nae hei i haalele iho ai ia Kuwili, no ka ulu niu o Pokai ka pahuhopu, kahi hoi i makaukau o ka hooloihi ana aku o ke alahao, e hoopuni aku ai paha hoi ia Oahu nei ma keia mua aku, no ka lio hao e holo ai.

Malalo iho na laal o ka Papapai i holo aku F. J. Testa (Hoke), Puuku o ka KA MAKAAINANA nei J. Nawahi, Aloha Aina:  J E Buki, Ka Leo o ka Lahui a me D. M. Punini o ka Oiaio; J. U. Kawainui, Kuokoa, i kokuaia e G. P. Kamauoha, lunamakaainana hoopili wale; Bihopa Wilisi no ka nupepa ekalesia oili hapalua, S. E. Bihopa, Hoa'loha; W. R. Farinetona, Pi Ki Adavataisa a me Kekake: G. C. Keniona, Kuokoa namu:  E. Tause, Hoku; J. M. Vivasa, A Senetinela; G Manasona, Buletina Ahiahi; J D. Haine, Ka Hawaiiana; J D Setaka, Ka Manawa L P. Linekona, nupepa ekalesia oili malama a ka Rev. A. Makinikoki; Ho fona, na Hou Pake; C. Iakanama, Manawa Pake; H. M. Wini, nupepa malama a na poe mahiko; F. Godefere, aohe ana nupepa, aka, he hoa kamaaina oia no ia oihana.  Aohe mea o na nupepa kepani i hiki ae, a me he la, o keia paha kekahi akoakoa nui loa ana o na poe o ka Papapai, koe nae hoi ke ano laulea like nui ole ae.  A manawa ae hoi, ua kau aku ma ke ano ohua o Hope Makai Nui Kelekona o Waianae a me kana wahine.  O ke Ana aina Nui o ka Hui  a me ka mea paa aelike no ka hoomoe alahao ana kekahi i kaa pu me na poe kakau nupepa.

Mai ka hoomaka ana aku e holo a hoea hou mai iluna nei, ua nana, malama, a hoomaopopo ia na mea a pau e Luna Nui F. C. Samita, a ua hookeleia hoi ka enegini mahu e ka Wiliki Nui H. D. Robata.  I ka haalele ana iho ia Honolulu nei a mahope koke iho, ua hoolawaia mai kela a me keia me ua po-ke pua pake poni a ulaula, a ma hope iho me na kika a me nan mea inu mama.  Hora 10:9 i kaalo loa aku ai ia Kulanakauhale Momi me ka hoo@ha ole, a ku i ka halewiliko o Ewa i ka hora 10:25, a aole no i loihi loa iho hoomau aku la i ke kamoe ana no ke kaha o Waianae, kahi i kaulana i ka moolelo o Kamapuaa, a me Keopulupulu  i ke au o Kahahana ka Moi o Oahu nei, a pela no hoi me Hiiaka-i ka-Poli-o Pele, ma kana huakai imi kane ia Lohiau.

Ua like ka holo ana o ke kaa mahope iho o ka haalele ana i ka halewili me he "kai nehe i ka iliili," a e "pahee ana i ka welowelo," hookahi no hana, he hoolai wale no, i k amaikai a iliwai like o ke alanui a i ka lauia ae paha hoi kahi o ke alahao.  I ka hoea ana aku hoi keia i kahi papaakea o ke ala, i awila pu ia me ka lepo, aohe puehu a koe mai o ka lepo, a poino na maka o na poe ma ke kaa hamama mahope.  Maikai na mea ma ke ala i ka ikena aku a na maka, koe no ka uliuli mai o na pohaku o na pali.

Komo aku la i Waimanalo, he ulu kiawe ma o a maanei, a aole i liuliu iho puka ana i ka aekai, e waiho hamama mai ana ka uliuli o ka moana i ka loa a me ka laula, a aohe nani aku a koe mai o ia wahi o ke ala.  A hoea i Piliokahi, he wahi a kamaaina, pale mai o Ewa a pale aku o Waianae, a e waiho lahalaha mai ana hoi mauka ae na awawa hanai holoholona o Nanakuli a me Mikilua, a pela no hoi i kaalo ae ai i na puu o Halema'u a me Puuohulu, a hoea loa i ke kula o Maili, He aina kaulana keia, a eia iho kekahi mau inoa pana o laila, oia o Ulehawa, Maipalaoa a me Maihilii.

Hoohiki loa ka huakai i Waianae i ka hora 11:10, he 1 hora me 25 minute mai luna aku nei.  Ilaila i lele nui iho ai na poe kamahele, a aole i mamao loa aku, u ahoea mai la ka lana nui oluolu o ka mahi@o, Misata Ana (Ahrens), a kau aku la maluna o na kaa hali ko me na noho papa maoli i hoomakaukau mua ia, a na ke kaamahu ka haua o ka lawe ana aku a kaalo iho ma ke alo o ka halewili a lawe loa ia no Makaha, a ano haawina like no.  ua kau mai ma ke ano ohua o Samuela Paka, A. C. Saporouls, Kimo Holo opio o Makaha, Oliva Kilimana, A A@ Samu Anaru o Makua, a me J. Kekahuna no luna nei.  He kaa ukana kekahi i hoopaaia mai mahope, oiai hoi ke kaamahu e pahu ana i na kaa ohua mamua, me na ukana mua loa mai ia kaha mai--elua pahu me eono kakini manu pelehu o loko, a mamuli hoi o ka oluolu o k aluna nui, ua hookuu wale ia me ka uku ole, oiai, o na ukana mua loa ia.  Ua pale na ole hoi ka hoomaikai o Kimo Holo no ia oluolu, he haawina hoi naan i moeuhane mua ole.

Ma Honouliuli i kau ai ko Ewa Hope Makai Nui, A Kauhi a oia kekahi o na kamaaina i kuhikuhi mai i na wahi paua a me na moolelo e pili ana.  Ua hookahi ka holo like ana a Waianae, a pela no hoi i k ahoi ana mai a Honolulu nei, mahae "ka pili ana me na nihoniho."

Aole i Heluia o Kamehameha.

Mamuli no o ke ano ekeukeu ole o Kamehameha, ua haule ino loa aku la oia ia Hoku i ka Poaono nei, ma ka loaa ana i ka Hoku he 21 ai-puni kue ia 1 @ wale no o Kamehameha.  Ma na komo ana, eia iho na ai puni:

            1  2  3  4  5  6  7  8  9

Kameh 1  1  2  4  0  0  2  2  2--14

Hoku   5  0  2  5  0  6  1  2  @--21

Aohe mahuahua loa o na poe makaikai, e aho nae hoi ia mamua o ka nele loa.

I keia Poaono iho o Kamehameha me Ikeolela ma ke kahua ulu maika.

I ka Poaha iho la i malama ae ai ka Hui Kalepa o Pauoa he paina hoomanao no ka piha ana o na makahiki elua o ke ku ana o @a hui.

Auwina la Poakahi i hala i halawai malu mua loa ai ka Ahakoka Malu o ka Repubalika, a pela no i ka Poalua mai, no ka noonoo ana i ka mea pili i na huikela.  O na poe pio i koe aku, ua manaoia lakou he poe alakai wale no , a e hooloihi aku no ka ponoi ko lakou noho pio ana.

Poaono nei i noho ai ka Aha Kaapuni ma ke kaulike e hoolohe i kela hihia nupepa mawaena o na ona o ka Buletina Ahiahi a me ke Kuokoa namu, a ua moe aku la mamuli o ka waihola ana aku o kekahi palapala kue i kela hoopii.  O Numana ma ka aoao o ke Kuokoa a o E P Kole ma ko ka Buletina aoao.