Ka Makaainana, Volume III, Number 16, 24 June 1895 — Page 8
HONOLULU, OAHU, POAKAHI, IUNE 24, 1895.
(Koena mai ka aoao 1)
-
ia a elua i ko laua ano hou ma ka laua mau hana, e hoike mai ana ua hemahema no. Me he hana mua no naha a makaukau alaila, hoohoa ae. Eia no ka he mau keiki hana no Kawaihae a me Kawaapae. Mea ia mai nae hoi e aho no ka kamalii kahi pohue o uka o Waolani, a me ko kula poe keiki unaunahi opika pika o na aweawe o ka hee. Ke nele ka makai o ka Hale i ka hana, alaila, he hamohamo ka hana i kona umiumi lehelehe e omilomilo ai.
-
KELA A ME KEIA.
-
He mau heihei waapa ana kekahi ma ka la 4 o Iulai.
He 3 5 1 6 ke kumukuai hope loa mai nei o ke kopaa.
Ua holo aku ma kana huakai aumoana i ka po Poakolu nei ka mokukaua Lehua.
Apopo ka la mare dala (sileva) o Paulo Numana a me kana wahine piha oluolu maikai.
O ka Poaha iho la ka la i kau ae ai o ka Moi Vitoria ma ka nohoalii o Enelani iloko o 1837.
Ua papa loa ka Papa Hawaii i ka hoouna ana i na pahu paka maluna o ka Hokuao no Maikonisia.
I keia Poaha iho e ku mai ai ka Alameda mai na Panalaau Hema mai a holo loa aku no Kapalakiko ia la no.
La 4 aenei o Iulai e ku mai ai ka Monowai mai Kapalakiko mai no ka holo loa aku no na Panalaau Hema.
O ka Poalima iho la, la 21 nei, ka la kau loihi loa o ka la, oiai, o ia no ka la waena o ke kau o ka Makalii.
I ka Poalua iho la, la 18 nei i piha ai ke kanawalu o na makahiki mai ka wa mai o kela kaua kaulana o Watalu
Ua lilo ae nei ia Bihopa ka hunapule ka heluhelu ana o na polu no ke Komite Pai o ka Aha Senate Oia no!
Aia ke laha nui loa la ka ma'i la garipa ma ka mokupuni o Kauai, pela ka lono i loaa mai ia makou mai laila mai.
He 6 la me 16 hora ka manawa i holo ia mai o nei ka Auseteralia mai ka Ipuka Gula mai a ku iho la i Honolulu nei.
No ka hoopuka i na olelo ino imua o kekahi mea, ua hoopaiia o J.C. Picanaco e ka Aha Apana i ka Poaono nei he $15 me $370 koina.
Uhai mau ia ko makou keonimana e na eepa o ke kula o Kaiwiula. Nolaila, mai haikeike hou aku malaila, mahope hehi hewa ka hila o ke kamaa o ko laila mau keiki.
Ua hanau mai na ka wahine a Beni Zabalana, mauka o alanui Kula, he kaikamahine i kakahiaka Poaha iho la. O ka elua iho la ia o ka laua mau opuu pua o ko laua mau la opio.
No na poe e makemake ana i na kii pena hoonuiia mai na kii hooleleaka, ina ma ka waihooluu a inika paha, e pono e ninau mua ia O.K. STILLMAN (Oliva Kilimana), oiai, he agena oia maia hana. E ninau ma keia keena nona.
mei 20-mp.
Ma ka Hotele Hawaii ka aha puhiohe hoohauoli a ka bana Aupuni i ka po Poalima nei no na ohua malihini mai o ka Auseteralia.
Ua hoi hou ae la no o Alopeka Makana ma kona kulana mua i ka Aha Apana, oiai, ua oluolu ae la no ka ma'i o Misita Feleba, makai o ka Aha Kiekie.
Aia ma kekahi o na pukaaniani o ka halekuai lakohao Hawaii e ikeia ai kekahi kaa hehiwawae na ka uwila e hooniniu kona mau huila ma ke ano hoikeike wale no. He nani maoli no.
Maloko o ka luakini Halepapu i malamaia ai na hana hoike hope o ke Kulanui o Oahu i ka po Poaha iho la Maloko no o ka halekula na papa hoike mea helu i malamaia ai i ke kakahiaka iho.
Mamuli o kekahi kuia i hiki ole ke pale ae i ko makou mea unuhi i na pu hou kuwaho, nolaila, aohe a makou mau nu hou o na aina mamao ma nei helu. E hoomanawanui no a no kahi wa aku.
E kukuluia aku ana he hale pohaku hou ma ka aoao Waikiki o alanui Betela, makai o alanui Moi nei, a ua lilo e no i ka hoolimalima ke paa ae i ka Hui Paipalapala Kekake a me WW Daimama.
Ua hoopaiia e ka Aha Apana i ka Poaha nei o Wona Ni no ka malama opiuma he elua malama e noho ai ma Kawa ma ka hana oolea O ka lua o ka hihia i hoopiiia ai o ia no ke kipa, ua hoopau wale ia
I ka po Poakolu iho la i piha ai ke kanakolu la o ke kanikau ana o ka lahui Amerika no Kuhina Nui Geresehama, a i ka Poaha nei i pau ai ka hapa ana o ka hae o ke keena Kanikela Amerika a me na mokukaua
Ua lawe aku ke Kilauea Hou i ke ahiahi Poalua nei no ka panalaau ma'i lepera o Molokai i kekahi heluna ma'i i oi aku maluna o ka eono kauna, ilaila lakou e noho ai no ke koena o ko lakou mau la me na poe mua.
Ma ka la 13 nei i haalele aku ai ka mokumahu Kahului ia Kapalakiko no Kahului me Mahukona me ka piha ukana. Ua hopohopoia kona pae maalahi mai mamuli o kona ano popopo a kupono ole, a me ka piha uka na loa hoi o luka iho o ka oneki.
He wahi uluaoa ka i ulu ae mawaena o kekahi mau Pake a me ke Pukiki ma alanui Liliha i ka Poalua iho la, no kekahi pa laau. A o ka hopena o ia ulu aoa o ia no ka hailukuia ana o ke Pukiki me ka laau a me ka pohaku.
Mai a mahope aku o Iulai 1, aole loa e hoounaia aku ka pepa i na poe e makemake mai ana ke ole e hookaa mua ia mai ka auhau o ka pepa. Pela pu no hoi me na luna, aole e loaa aku ana ka pepa ia lakou E hoomaopopo mai na poe lawe i keia.
Ke oili aku nei ma ko makou helu o keia la ka hoolaha kuahana a ME Siliva no kona halekuai hou e wehe aku ana ma ka la mua aenei o Iulai. He oiwi Hawaii oia, a ke kono aku nei i na mea a pau e kipa ae ma kona halekuai a e wae no oukou iho e like me ka makemake.
Eia ke hoaoia nei e hoolimalima i kekahi poe kanaka Hawaii no ka luu ana i ka lanahu i piholo ai me ke kao o ka moku kaua Beninetona.
Ke manaoia nei e hoihoi ae i ke kula Pake o ka Papa Hawaii, a Palani Kaimana e malama nei, a malalo o ka hoomalu ana a ka Papa Hoonaauao. Nui no ka maalea o na mikanele.
Ua wehe ae nei o L D Timmons (Timona) i halekuai lole nona ma kekahi o na rumi o ka hale laau o Warena, mauka iho o Kaukeano kahiko. Malaila e loaa ai na paihi no na kane o na ano a pau.
He wahi hoopuoho pauahi ko ka po Poaha nei, ma ke alanui Alapai. Na na wahine a me kamalii Pukiki i hoike ae i ka lohe i ke kikowaena ma o ka ike ana i ka ula ahi mahope iho o kahi noho o Kauka Anaru Ua hiki ae na kaawai, aole nae he ahi.
Lehulehu wale o na kanaka Hawaii i hopuhopu nui ia iho nei i ka pule i hala no ke kuai waiona me ka laikini ole A i ke ku ana imua o ka Aha Apana ua ae nui i na hewa a hookauluaia ko lakou mau hoopai, a ke hana hou aku lakou he hoopai wale no.
I ka Poalima iho i malamaia ai ka hoike o ke kula Malumalu ma Kauai. Maikai ke aoia ana o na keiki a nui no hoi ka mahalo ia e na poe makaikai. Pau na hana hoike, ua pahelaia mai la he papaaina i piha me na ono a ka Hawaii imua o na poe makaikai.
Auwina la o ka la apopo e haalele mai ai ka mokumahu mionasi Hokuao no na paeaina o Maikonisia. E malamaia ana he anaina haipule maluna o kona oneki mamua o kona holo ana aku. E hala ana iaia he umi paha malama mamua o kona huli hoi ana mai.
Ke noiia aku nei ka oluolu o ka mea a mau mea paha i loaa kekahi metala dala i kuni hoku ia me ka inoa o ka Moi Kalaka ua, maloko a mawaho paha o ka luakini o Kaumakapili, e hoike mai ma keia keena. Malaila e loaa ai na kuka ana no kona luhi.
Me ka manao mua ole o kahi poe, ua hookiekie ae o Peresidena Kalivilana i kona Loio Kuhina, Richard Olney (Olone) i Kuhina Nui ma ka la 7 nei, a ia la like no ia Lunakanawai Judson Harman (Hamana) o Ohio i Loio Kuhina. O ka lono mai nei keia ma ka Auseteralia.
Ua hoopaneeia ka halawai paikau a ka pualikoa G nui o na oiwi Repubalika mai keia po a ka i po Poalima, hora 7:30. A ua makemakeia na lala a pau e akoakoa ae ma ia ahiahi, a o na poe e hele ole ae ana, e hoomanao iho lakou o ke ku a hele pela ka laau lapaau E hoolohe i keia!
Eia he ponalo ke pao malu nei iwaena o ua wahine opio Hawaii o ke kula o Punahou, pela ka mea i wawa wale ia ae iloko o keia mau la iho la, a ke huliia nei ka mea oiaio. Ua loheia ae o Haki a me Kini na loio o na kumu o ke kula ke maopopo pono ae keia mea a loaa hoi ka meheu pololei.
Iwaena o na ohua a ke Kopatika i lawe aku ai no Kapalakiko i ka Poakahi i hala, o F A Sefa a me ke kaikamahine kekahi i holo hoomaha aku la ma Amerika.
Ua lonoia ae ua lehulehu wale no ka o na kaikamahine hele kula o ke kula hanai ae nei o Kawaiahao i oili mai na maka o ka lakou mau onuu iwaho i pau no i ke umiia. Ea, pehea keia mau hana?
Ua hoi mai nei o W Tela, ka hookani ogana o ka luakini o Sana Anaru, mahope o ka hala ana aku nei iaia o eono pule hoomaha ma o, me ka maikai o kona ola. Palena ole kona mahalo no na hookipa i loaa mai nei iaia ma Kaleponi, mai na poe ike mele a pau, aka, ua oi loa aku no nae hoi kona hauoli i ka hiki hou ana mai nei ianei.
Oiai o Olelo, kekahi o na keiki kula o Sana Lui e paani kinipopo ana i ka Poakolu iho la ma ke kahua o ka halekula, ua loaa pono mai la kona a i i ka laau hahau popo a waiho aku la oia i ka honua. E hopu popo oia mahope o ka mea hahau, a no kona pili loa paha ua loaa mai la oia i ka wa i niniu ae ai o ke kino. Ua oluolu koke no oia a ua hiki ae i ke kula i ka Poaha ae.
He 20 mau kini opiuma i loaa aku i ka Luna Ki i Awa i ka Poalima iho la, iloko o kekahi pahu ia no ka halekuai hua ai o Camarino, oiai e hooleleia mai ana mai luna o ka Auseteralia. E hoohikihiki ana he elua mau haole no ka hookau ana iluna o ke kaa i ka wa i loaa aku ai, a ua koke lana i ka hopu ia iwaena o na i a i hookomokomo ia ai na kini opiuma. Mai ka Poaono nei i hoomoeia mai ai ka hihia o kekahi a ka Poakolu iho
-
No ka Hoolimalima.
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku.
E ninau ma ke keena o
WM. G. IRWIN & O.,
iune 24 Kaupalenaia.
-
L.D. TIMMONS,
[TIMONA].
Aia ma kona halekuai, kekahi o na keena kokoke ma Ewa loa o kela hale loihi mauka ae o ke kahua kahiko o Kaukeano, ma Alanui Beritania, e loaa ai na
Paihi o na Kane,
Na Papale,
Na Aahu Kane.
a me kela a me keia mau pono i pili wale no i kane
Aohe e hewa ke kipa ae a e nana a makaikai.
iune 24 1ml*
-
HOOLAHA KUAHAUA.
Oiai, ua pau ae nei ke kanawai koa, ke kauohaia aku nei na whaine a pau e naue ae a e makaikai i ka halekuai hou ma alanui Moi, mawaena o na alanui Konia a me Maunakea, ma ka aoao mauka, a ilaila e ike iho ai oukou i na waihooluu like ole o na lole a pau, oia hoi, na Kalakoa, na Makalena, na a-pa keokeo Vitoria,na Halua, na Kukaenalo a me na Keokeo o na ano ano a pau e lawa ai ka makemake, a me na waiwai e ae he nui wale.
E naue ae, e kipa, a e ikemaka. E kuaiia no nei mau waiwai a pau ma ke dala kuike a no ke kumukuai haahaa oa.
Ma ka la 1 o Iulai ae e weheia ai.
Owau no me ka oiaio,
M.E. SILVA,
iun 24 Luna Nui.