Ka Makaainana, Volume III, Number 16, 24 Iune 1895 — Page 3
HONOLULU, OAHU, POAKAHI, IUNE 24, 1895. 3
HAHANA NA OLELO.
-
Kakoo Ikaika no ko Kalivilana
Kahua Alakai Kuwaho.
[Hoomauia]
"Mahope koke iho o ko Peresidena Kalivilana hoonoho oihana ia ana, ua ku aku keia kulana imua o kona alo. Ua oi loa aku hoi mamua ae o ka lawa pono iloko o na kumu hoike oiaio, e like me ia i hoikeia ae ma na nupepa, e hookunana ai iaia e ninaninau aku pehea aku la ke kukonukonu o ka hanohano a me ka inoa maikai o Amerika Huipuia i komohia aku iloko o keia hana ano e a lele paukiki. Nolaila, ua unuhi mai oia i ke kuikahi, me ka manao kue ole, no ka imi a hoomaopopo hou ana aku. I mea hoi e hoomaikeike pono loa iho ai iaia iho i ke kulana, mamua aku a mahope iho o ka hookahuliia ana o ke aupuni e ku ana ma ia mau paemoku mamao, ua kupono loa hoi e hoauna aku oia ilaila i kekahi age ia i hilinaiia, e ike me kona mau maka a e lohe hoi me kona mau pepeiao i ka mea i hiki ole loa i ka Peresidena ke ike a ke lohe me kona ponoi. Ua kau aku kana wae ana ma luna o ka Mea Hanohano James H. Blount (Balauna) o Georegia. Aohe wae kupono oi aku ke hanaia mamua ae o ia. O ko Misita Balauna waiho ana mai no hoi ia mai kona noho lawelawe hana ana no ka lehulehu, mahope iho o ka hala ana o iwakalua makahiki o ka noho hana ana iloko o ka Hale o na Lunamaka ainana me ka hanohano a me ka pomaikai nui o ka lehulehu, me kekahi palapala hoomaikai mai kona poe hoa hana pu e pili ana no kona ano a waiwai pono maoli e like la hoi me ka mea i loaa kakaikahi mua ole aku i kekahi kanaka o ka lehulehu Maloko mai hoi o na palena o keia kukulumanao, ua hiki wale no ia makou ke kuhikuhi aku i ka mea heluhelu i na ao kuikawa i haawiia aku ia Komisina Kuikawa Balauna e ke Kuhina Nui, a me ka hoike i hanaia ai e ia i ke Kuhina Nui, mahope iho o ka noii akahele a naauao ana i hele a pau na malama eha.
(Ma keia wahi i hoakaka ae ai o Senatoa Gere i na olelo ike i hoakoakoaia e Misita Balauna, me ka lawe ana ae i na olelo o na palapala e hoike ana i haawi pio mai ka Moi i na pualikoa oi ae o Amerika Huipuia, ua ike o Kuhina Damona i kana hoopii i ka Peresidena o Amerika Huipuia, a ua noi aku hoi o Peresidena Kole a me kahi mau luna e ae o ke Aupuni Kuikawa ia Kuhina Kiwini no ka hoopokele ana a na pualikoa o Amerika Huipuia a, mahope iho, o ka hae o Amerika Huipuia.)
"Ua pane ae o Kuhina Kiwini i keia noi ma ka huki ana i ka hae o Amerika Huipuia maluna ae o ka hale aupuni, a me ka noho iho malaila me na luina a me na koa malina Amerika. No ekolu malama o keia hoomauia ana pela, a hiki wale no i ka wa i hookaawaleia ae ai o ka hae a unuhiia aku hoi na koa e Komisina Kuikawa Balaunu. He mea paakiki loa hoi ke hoomaopopo iho pehea la e hiki ai na olelo ike a me na palapala hoike ma keia hihia ke nanaia iho e ke kahi Amerika aloha aina, me ka loaa ole ae o ka hopena i onou maoli ia aku maluna ona ua hookulanalana inoino loa ia ka hanohano a me ka inoa maikai o kona aina e na hana o Ianuari, 1893, ma ko Hawaii Paeaina.
"O ka pilikia wale no ua nui hewahewa loa keia olelo hoike e hiki lea ai ke heluheluia e ka lehulehu laulaha, a mamuli hoi o ia i hoea ae ai ka wa e hoohanaia ai a lilo mua ae ka noonoo o ka lehulehu me na manao lauwili a kapakahi ma ka aoao pono o na poe ohumu kipi hoohuiaina
"E hookuu aku i kekahi kanaka Amerika hoopono a manao maikai e nana pono iho i keia olelo hoike, a i ole ia, heluhelu ae paha hoi i ka palapala pili oihana a Peresidena Kalivilana o Dekemaba 18, 1893, a e ninau iho iaia iho mahea la ka Peresidena i hewa ai e pili ana i keia hana ku i ka hilahila, ana hoi i olelo ai:
"Ua kuhihewa au i ka lahui kanaka Amerika, ina lakou e kokua ana i ka loina hana ku i ka hoopailua, aole loa ia mea he manao noho pono iwaena o na launa ana o na aupuni he hookahi hoi kanawai no kekahi aupuni ikaika, a he okoa ae hoi no kekahi aupuni nawaliwali, a o ia hoi, ma ke ano pili pono ole, ua hiki i kekahi mana ikaika me ka pa ole i ka hoopai, e hoopopilikia i na palena aina o kekahi aupuni nawaliwali"
"He mea ku i ke ano aloha ke manaoio ae ina paha i loaa ia Peresidena Harisona na ike a pau i hukiia ae mamuli o ka noii ana i hoomaka koke ia aku ai e Peresidena Kalivalana, aole loa no paha hoi oia e hooko awiwi loa aku i ke kuikahi hoohui aina e like me ia ana i hana puahiohio ai.
[Aole i pau]
-
O na haole ekolu i hoao ai e lawe aihue malu i ka moku hei hei Bone Dunedi, a makou no i hoike aku ai ma ka helu i hala, ua ae nui i ka hewa imua o ka Aha Apana i ka Poalua iho la, a ua waihoia aku ko lakou hihia imua o ka Aha Kaapuni.
LA KAMEHAMEHA.
-
Malamaia na Lealea o ka La me
ka Maluhia.
Ua hoea mai ka la 11 o Iune me ke ano kawakawau o ke kakahiaka, a i ke awakea ana ae nae hoi ua poha mai la ka la me kona nani nui. Hora 10 ae i malamaia ai na lealea e like me ua hoakaka ana ma ka papakuhikuhi, penei:
Heihei kaa hehihehi wawae, 1 mile ka pahu holo Ewalu poe i komo i keia heihei, a lilo aku la ke eo ia A L C Atekinisona iloko o 2 minute, 38 sekona.
Heihei kaa wawae hou no, 5 mile ka pahu holo. Elima poe i komo i keia heihei, a na Dexter ka eo iloko o 15:51.
Heihei lio, hapalua mile ka pahu holo. Eha lio i holo a lilo ka eo ia Autonome, ka lio o Ge o Waialua. Manawa holo, 51 sekona.
Heihei holo kiauau, ekolu eo ana iloko o elima holo ana. Ekolu lio i komo i keia heihei. Lilo ia Beta Li ka eo iloko o 2:34 2 5.
No ekolu hapaha mile, heihei holo, he ekolu no lio i komo. Lilo ke eo ia Bile Si iloko o 1:18 1/2. No W H Konuwela keia lio.
O ka heihei holo hookahi mile ka pahu eo, ua noa i na lio a pau; e eo ai ka manaka holo o Augie A, 1:45 1/2. Eha lio i holo a iho ka eo ia Amarino me kahi oi uuku iki iloko o 1:45 1/2.
No ka heihei kaa holo kiauau i ekolu eo ana iloko o elima holo ana, he ekolu wale no lio i komo Na Silike ka eo.
Heihei lio liilii, hookahi mile ka pahu holo. Na Talibe ka eo iloko o 2:02 me ka ukali aku o E eu mahope.
Heihei kuikawa no 1 mile ka pahu holo, no na welo lio Hawaii i onaia e na lala o ka hui. Lilo ka eo o keia heihei ia Maganeta iloko o 1:49 1/2.
O ka heihei 10 1 mile ka loa o ka pahu holo, i elua eo iloko o ekolu holo ana. Na Bile Butona ka eo iloko o 234. Elima lio i komo i keia heihei.
E e a Peresidena Wilimana o ka ahahui, 1 1/4 mile ka pahu holo Eha lio i holo ma keia heihei, a lilo ka eo ia Amarino a helu elua mai o Haku Boroka. Manawa holo, 2 12 4 5
O ka panina loa no hoi keia o na heihei a hoi kela a me keia i ke ahiahi ana iho. Ua hoi kekahi poe me na manao maikai, a o kahi poe hoi, he kunahihi na helehelena no ka huli kahu hou ana aku o ka lakou mau wahi kenikeni.
Ma ke kulanakauhale nei, ua maluhia no na mea a pau, aole he mau hana hoohaunaele i ike ia. He ki pu i ke awakea ana ae mai na mokukaua Piladelepia a me Beneinetona mai a me ko uka nei. Ua malamaia na paina hoomanao ma na wahi like ole ma ia la.
Ka Eha ana i ko ke Ao nei.
He ao luhi, eha, uwe, kanikau, kumakena, pololi, nele, ilihune, kaua, hakaka, paonioni, eneenenii, hoinoia, hahauia, hailukuia, kuamuamu a inea maoli no; a he ao lealea, olioli, hauoli, maona, lako, kuikahi, aloha, hoomaikai ia, pailaniia, ohuohu i ke gula a me ke dala, momona i na ono a pau, nui na hoaloha a me na makamaka, a ano hiki ole no paha ke huai pau aku i na nani a pau o keia ao, aka, maluna o keia mau mea a pau, hookahi no puana ana o ka inoa piha, he "Ao mauleule" keia.
Aka, ina paha e hoi iho ka noonoo a kaana pono iho, alaila, aia he ao ano e ke olino mai la, alaila, aia ka he ao nani mau loa, aole kohu o ke kukui malaila, aole po, kanikau, uwe, hoinoia a aole hoi na inea a pau he gula aiai o ka pono ma na alanui, he wai ola ke haale ana, he kulanakauhale nani o Ierusalema Hou malaila, he kumulaau o ke ola ke ku mau ana malaila, a he lehulehu o na puali lani ke hooho mau ana.
Hookahi Moi o ia wahi, a oia no ka Moi o na Moi a pau, Nana no i hooponopono i na mea a pau ma Kona mana iho, Nana no i ho a i na lalapa uwila ma na ao panopano o ka lewa. - Mea e ka manomano o kona nani.
Ina paha o na la hope keia o ka honua alaila, he mea pono paha e kii kakou i mau "kikiki" e kau ai i ka Moku o ke Ola, a hookahi ka holo like ana ma ia awa olino. IAKA.
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.
-
F.J. TESTA, (Hoke).
MEA OHI A KOI AIE.
Mea Huli Moolelo Aina a Waiwai e ae paha.
Mea Unuhi a Mahele Olelo Hawaii a Enelani paha.
Mea Hana Palapala Kanawai o na Ano a pau.
Mea Kuai Mikini Humuhumu Lole.
Mea Hoolimalima a Hoolilo Aina.
Mea Kuai Waiwai no ka Uku Komisina Haahaa.
Ua makaukau mau oia o lawelawe i na hana a pau e haawiia mai ana iaia. He kuike ka rula.
E loaa no oia ma keia keena. apr 8-1mk