Ka Makaainana, Volume III, Number 14, 10 June 1895 — Page 8

8 HONOLULU, OAHU, POAKAHI, IUNE 10, 1895.

Komohewa i ko Hai Kauhale.

                Ia Misasa Malia Wahinenui iuka o kahi o J. Nawahi i ka po Poaha nei, i ka ike i ke kino make o Misi Hanaia, a hoi aku i kauhale ona e noho pu nei me Misasa Kahanuu Miki, kihi hikina o na alanui Kalepa me Alakea, mawaena o na hora 1 a me 2 o ka wanaao ae, ua loaa aku ke haole malihini e moe ana iluna o kona whai moe, na pau kipa i ka wehewehe a e hookohokohoia ana i ka hai wahi. Aole oia i paawa a ma kina a awa ae, aka, ua moopuna aku oia i ka Hawaii, a loaa ae o Kapena Paki. I weli ku hoole a hoopaaia. He Kuene oia no ka Mariposa a ua loaa aku nae hoi ia moku me ka haalele iho iaia malalo nei, no ka lile i ka ona me na poe koa aupuni. Imua o ka Aha Apana i ka Poalima nei, ua hoike na haole la ua kuhihewa oia o ka hale ia o kekahi hoa'loha ona ma alanui Moiwahine a ua hele ae. Ua ahewa ia ole e ka Aha e hookaali aia nae hoi ka hoopai ana iaia a ka wa e noiia aku ai e ku aoao hoopii.

Lea lea Kinipopo o ka Poaono Nei

                Ua eo ka hui Kamehameha i oihana ana i ka hui Ikeoleia, a eia malalo iho ka hoike no ua na aipuai i loaa ia laua. O keia ihola paha ka Poaono mua loa o keia kau i laukanaka loa ai. I kinohi no, haule ka ua, a ua loaa no ia haawina like ia laua elua. Eia iho ka hoike o na aipuni:
                                                                1 2 3 4 5 6 7 8 9
Ikeolelo                                                  0 0 7 0 0 4 0 0 1—12
Kameli                                                    1 0 1 2 0 0 0 0 0—4
                Mawaena o na hui Ikeoleia me Hoku ka hoopapa o keia Poaono iho, aole nae hoi i akaka lea, no ka mea, oia ana no ka la wehe o na lealea kukini, a pela aku, o ka Hui Hooikaika Kino Honolulu ma ia kahua. He lehulehu hoi na lala o na hui kinipopo like ole he poe lala lakou no na hui la nana na hana o ka Poaono iho. Ia la no paha e maopopo ai.

                E ua mau wahine hanau keiki o kakahiaka o nehinei mauka o Niupaipai, ma na hora 4 me 6, he keikikane ka kahi a he kaikamahine ka kahi.
                Ua waiho aku kela koa Repubalika, nona ka inoa o Erick Hovicz, i hoopaaia ai na Kawa no ka ehumu iloko aku nei o Feberuari, he koi poho no $50,000 no kona hoopaa hewa ia ana. Oia kekahi o na koa hukuaa loa ma kela hoouka kaua i oehu ai ma kahi wahi o Honolulu nei, o kahi nae i noke ai aole i akaka ia makou.
                Ua hookui ae kekahi kaa papee me kekahi kaa ohana i ka Poakahi iho la, ma ke alo iho o ka halekuai o Paluapa Ma No ka oioi loa paha o ka hope o ke kaa ohana i ke alahao ke kumu o ka hookui, a na haki kekahi huila o hope. Iluna o ke kaa ohana ia wa o Misasa C.A. Balaunu me ke keiki a me Misasa Kikilia Anela. Ua haule lakou ekolu i ke ala aoao me ka pakele mahunehune nui. Aole i akaka nowai la ka hewa.

KELA A ME KEIA.

                O ke Kopetica ka mokumahu o keia Poakahi ae no Kapalakiko.
                Eia ko makou Komedea ke waiho nei malalo o na kipona hoopoluluhi a ka mai garipa.
                Ua hoopaneeia ka wa kudala o kela mau moraki a makou e hoolaha nei a ka Poalima la 21
                O nehinei ka la pule hoano no ke Kahikolu Hemolele ma na Ekalesia Katolika Enelani a me Roma.
                E kulaia ana makou i ka la apopo mai, o ko makou la ia, a nolaila, aohe ana a makou haka o ia la.
                Na Sana Lui ka eo o ke paani kinipopo o kakahiaka Poaono nei me Kelehuna , he 14 kui ia la aipuni.
                Apopo ka la hoano o Sana Barabasa, a e hoomanaoia ana ma na luakini o Sana Anaru a me Maheokamalu:
                Aohe i maopopo ka loihi e ku ai o ka Beritania ma Kou nei. Ua loaa ia no hoi e hoea mai ana no ka ka Olimepia.
                E noho ana ke kau mau o ka Aha Hookolokolo Kiekie i keia Poakahi ae, no ka hoolohe ana i na hihia hoohalahala.
                E nana iho i ka hoolaha no kekahi laau lapaau mai lepera e puka aku nei ma keia helu, me ka hoomaopopo ino i kahi e loaa ai o ia pomaikai.
                Poakolu, hora 12 awakea, e weheia ai a akoakoa mai na lala o ke kau kuikawa o ka Ahaolelo mua loa o keia Repubalika.
                Kakahiaka nui wale o ka Poakolu iho la i hookomo mai ai kahi mokumahu misionari Hailama Binamu mai Kapalakiko.
                Apopo ka la heihei mawaho o Kapiolani Paka, ka la hoomanao hoi ia o ka Na'i Aupuni a lakou nei ma ae e hoomanao hoomeamea nei.
                Wanaao Poaha iho la i ku mai ai ka Mariposa mai Kapalakiko mai, a i ka hora 4 no o ia ahiahi
i holo loa aku ai ia no na Panalaau o ka Hema.
                Ua hala aku ma ka Ausetera la o ka Poakahi i hala o Konela Keoki W. Makapolena a me ka
wahine no eono paha mahina hoomaha ma Enelani.
                Ma ka Mariposa o ka Poaha iho la i huli hoi mai ai ka Luna Leta Nui me ka wahine mai ka laua huakai aku nei i Kapalakiko, me na ola kino maikai.
                Iluna o ka Beninetona i kakahiaka Poalima iho la ke Kani kela Kenerala Amerika Mila, a

ua haawiia mai na ki pu hoohanohano ana iaia e like me ko ia kulana.
                Ua uhao lanahu ae ka Piladelepia i kahi mau la o ka pule i hala iho la a he pau loa i ka po Poalima nei me 660 tona. E makaukau a ia oia no ka holo aku i kahi o keia mau la.

                No na poe e makemake ke ana i na kii pena hoonuiia mai na kii hooheleaka, ina ma ka waiho loa a inika paha, e pono e ninau a ua ia O.K. STILLMAN (Oliva Kilimane) olai, he agena oia ma ia hana. E ninau ma keia keena nona.
mei 20 n.p.

                Ua lilo ae nei o Kimo Boloka i mea hanu a kakau mea hou no ka nupepa Hoku, a o Boloku Makana ho9i, mai keia la aku, i mea huli no na lono pili moku a lono aukai e ae paha no ia nupepa no.
                E hiki mai ana ianei ma ka Auseteralia o keia pule ae he huakai o na kumukula o Kaleponi no ka makaikai ia Hawaii nei.
                Aohe a makou hoike o na lilo o ka Ahahui Kokua Manawalea Lahui no keia pule iho la, no ka loaa kope ole mai no hoi kahi mai ke kakauolelo mai.
                Haule na liilii ko nehinei a po, he ua hoopala ohia kuahiwi paha. Ua hanaia mai no i nei kakahiaka. E ole no nae hoi, mau ka lepo puehu a o ka ukelekele mai no paha hoi koe o na alanui.
                No ka aeahaukae, ua ahewa a hoopaiia o Kakaio imua o ka Aha Apapa i ka Poaono nei, no ka Poaha iho.
                Ua huli hoi mai o Adimerala Bindeli mai kana huakai pokole aku nei i Maui ma ka Manulani o ka Poalima iho la. Ma ke Kalaudina o ka Poalua kona hoio ana a lele ma Kahului, a ma Maalaea i kau mai nei.
                Eono hoi kalepa Kepani i hooki i ka lawelawe kalepa ana maanei a e hoi nui aku ana no Foamosa la leka nae a pau, komo hou ae la no he mau hu kalepa Kepani hou no, nolaila, aole no he wahi mea a emi iho o lakou.
                Poakahi ihola i pau ai na paio ana aina loio ma ka hihia kuu kino o Kama'lii Kalanianaole. O ka olelo hooholo wale no ka mea i koe a ka Aha Kiekie e noonoo ai a haawi mai, a ke kaunuiia aku nei pehea mai ana la ko lakou manao.
                He Pukiki malama halekuai no uka o Pauoa, o A. Makuisa ka inoa, ka i hoopa ia e ka Lunakanawai Apana i ka Poalima nei e uku i $100 a me na koina ao ke kuai waiona me ka la kini ole. Ua hoohalahala aku oia i ka Aha o luna ae.
                Iluna o ka Benetona i kakahiaka Poalima nei na Kuhina Haki a me Kamika, a ua haawi ia mai no na ki pu hoohanohano ana no laua e like me ko laua kulana.
                No ka waapa no o ka moku laua i lawe aku a pela no me ka hoi ana mai.
                He $103 i loaa i ka Ahahui Kokua Manawalea Beretania mai ka aha hulahula i haawiia ai iwaho o Pauoa i ka po o ka la hanau o ka Moi Beretania, mahope iho hoi o ka hoolaweia ana ae o na hoolilo o na ahahui o na Keiki o Sana Keoki a me Puakela Sekotia.
                Mamuli o ka make ana o Kuhi ia Nui Gereshama o Amerika Hopuia, ua hoopaneeia ka aha ike a Kuhina Wairsi o ka Poaha nei, a pela no hoi ko luna o ka Piladelepia i keia po. Ua kauia ae ka hoailona kanikau ma ka Logetona Amerika, a i ka Poaha iho la i welo hapa ae ai na hae.
                Imua o ka Aha Apana i ke Poaono nei, ua kanehaia ae o R W Kateita (Cathcart) e haawi i bana o $100 no ka malama ana i ka maluhia ia Elena Poaha, no kona hoopuka ana i na olelo hooweliweli e kuai i ka pu. No eono mahina o keia bona e paa ai, a ke haawi ole oia, alaila, e hoopaahaoia oia a hiki i kona wa e hooko ai.
                Ua hookuuia mai na pio kalaiaina, J.W. Bipikane a me S.K. Kaloa i ka Poalima nei e ike i ke kino make o Misi Hanaia, a o lana no na mea kahili ia la a no. Me ke kiai no lana i hele ae ai, a ua ko no pu no hi i ka hoolewa a hoi hou i Kawa.
                Ma ka Malulani o ka Poalima iho la i huli hoi mai ai ka Moiwahine Kanemake Kapiolani a me ke Kama'lii Kawananakoa. He maikai no ko laua mau ola kino, koe wale no ka hiki pono ole i ka aliiwahine ke waiho mai i ke alapii o ka moku no ke ano lolo o ka wawae akau, a ua kokuaia oia e ua Kapena Kamabela a me Halabasa.
                Ahiahi Poakahi iho la, oiai kani makai kaulio haole e holoholo ana i uka a i kai o alanui Liliha, na kani ae la ka pu o ka hora 9 o luna o ka Piladelepia, o kona waiho ia i kaohi koke iho ai i kona lio a hoolono ae la, a ma ia hope iho ua hoopau aku la i ka holo o kona lio no uka o ia alanui. Aia no hoi paha la, hokai no na haole kuli, a hanau ka apiki o ia hanaiahuhu Olelo E.
                Kakahiaka ka nui o ka Poakahi iho la i hookomo mai ai ka mokukaua Amerika Beritania iloko o Kou nei mai Mea Ailana mai, iloko o 71/3 la hola a mo ku iho ia ma ka apao Waikiki o ka Piladelepia. He 161/2 ka nui o kona mau luina, 18 koa marina a me 19 ahi. Aole i like ko la nei nui me ka Piladelepio, he uuku iho keia, he 1750 wale no kona mau tona, a o kona holo he 17 nita (mile moana) i ka hora, ua like me ka ikaika huki o na lio he 3,400 ka ikaika hoonee o kona mau enegini.
                Ia Alapaki Kauka ka haiolelo i ka po Poakahi i hala ma Kaumakapili imua o na lala a pau o ka Ahahui Euanelio. O kana kumuhana oia no ka pae mua ana mai o na misionari ma Kailua, Kona Akau, Hawaii, he 73 makahiki i hala. Ua hoike mai oia i ka ikaika o na mikanele ma ke ao mikanele ma ke ao ana i na kanaka iloko o ia mau la a hiki loa mai i keia wa, a ke noho mana nei na misionari maluna o ka lahui Hawaii a hiki i keia la. He mea makehewa ka olelo he hao aina na mikanele, a pela aku, no ka mea, ke pai mau ae nei ka pono o ua poe kolea nei o Kahiki.
                Puhipuhiahi ka hoi o Lunakanawai Kaapuni Kupa, pau na hihia a ua aeia mai kahi a hooleia hoi kahi. Wahi a ka Lunakanawai ua makemake oia e pau na hihia i ka hanaia, a oia kona mea i noho ai malaila, aole hoi o ka hoepalaleha a hoopaneenee wale, oiai, ua ao mua ia no na loio mai ka hoomaka ana mai o ke kau, a no ka hoopau pono loa ana hoi i na hana ka mea kauohalaiaai i kau kuikawa. Puhili no na loio a wili na poo, aohe mea e hiki ai ke alo ae.

Laau Ma'i Lepera.

Eia ia Kuika Ogawa (Kepani) he Laau Lepaau Ma'i Lepera maikai loa mai Iapana mai nei. Aohe no e hewa ke hoao ae.
                Uku haahaa loa no elua malaira, ma ka Siona i kanakolu la.
                Keena.--Alanui Hotele, kokoke i kahawai loa, Kikihale.
iun 10--1 ml.