Ka Makaainana, Volume III, Number 12, 27 May 1895 — Page 7

HONOLULU, OAHU, POAKAHI, MEI 27, 1895. 7

 

NA AINA MAMAO.

 

Na Lono Huikau mai na Wahi Like Ole mai o ke Ao nei.

 

Kina-Iapana a me na Mana Europa.

                Ma ka la 8 nei i kakauinoa aku ai ka Emeperoa o Kinai i kela kuikahi maluhia me Iapana a na hololea ae hoi na kukai ana, a o kahi olelo ana hoi, ma ka la 2 aku no ka . Aka, o kela kea kea nae hoi a Rusia, Farani a me Geremania, o ka la 7 ka pau ana o ka manawa i haawiia ai no Iapana e pane aku i ka lakou palapala, oia no ka la mamua iho o ka pau ana o ka manawa no Kina e apono ai i kela kuikahi. Ua oleloia ua pane aku o Iapana i kela mau mana o Europa ekolu e hoole ana i ka lakou koi a keakea iaia ma ka hua i loaa mai iaia mai ia Kina malalo o ke kuikahi. O ko Rusia kue, aohe ona makemake ia Iapana e lawe a e noho ae ma Manakuria, a pela no hoi ia Korea, a o ko Farani kue hoi, aohe ae i ko Iapana hoohui ae ia Foamesa, oiai no nae hoi, ua loaa aku ia iaia malalo o ke kuikahi. He alunu maopopo no paha hoi ko Rusia, no ke ake e loaa ona awa nona e puka ai ma ka Pakipika nei. No Farani hoi, he hilahila paha hoi no ke pio ole ana o kela mokupuni iaia mamua, a na lilo hoi i mea ole wale i na Kepani. A o Geremania hoi ma kona aoao, he oha piliwale aku no oia i na koi a kela mau mana. Pehea ana la o Enelani a me Amerika Huipui; aohe i akaka laua, a ke nanaia la me ka hoohialaai nui, a malia o kokua ae paha hoi laua ia Iapana ma keia hana.

Hana Kuikahi Malu Iapana me Kina.

                No Kina mai ka lono o Aperila 29, ua kukaiia ae mawaena o na elele mana kiekie o Iapana a me Kina he kuikahi
malu, no ke kue aku a no ke pale ae hoi i na kueia mai, me kekahi hoakaka e ae ana i ko Korea komo pu ana aku iloko o
ia hoohui ana no ko lakou pono iho a no ke kue ana aku hoi i na mana o Europa, a e hooholoia ana ka mahope iho o ke kuikahi mua. Ua hana malu loa ia ka keia kuikahi hou, a aohe no i manaoia e hoike akea ia na hoakaka ana. Ma keia kuikahi ua hoopaa aku o Kina e hoolimalima aku i poe kumuao paikau no na koa aina mai Iapana, a ina hoi he mea pono, e haawi
aku no i ka hoomalu ana o kona mau mokukaua malalo o ka lawelawe ana a na aliikoa moana Kepani. Ua ae pu aku no ka
hoi o Kina e hoomaemae ae i kona mau kulana hooponopono oihana kivila, kaua aina a me kaua moana ma ke ano e like

aku me ko Iapana, me ka hoomaopopo loa ia aku hoi ia Kina aia wale no a hana io ae oia i kekahi mau hoololi maopopo loa
ana ma ia mau mea, aole loa e hiki ana iaia ke manaolana ae e hiki ana iaia ke hoopapa aku me ka hololea a lanakila aku maluna ae o na mana kuwaho ma neia mua aku.

Hoolalelale Rusia e Poalo Maka.

                O ka manaolana nui ia no ka pono o na lahuikanaka o ke ao nei a me Iapana, aole laua e mokomoko ae me ka Bea Keokeo, a e loaa aku ana hoi na hoolaulea ana e loaa io ai o ka maluhia. Ua loheia ae aia o Rusia ke hoihoi la i kona mau
moku kalepa malalo o ka nae o ka Liona, a ua hoike aku hoi na luna oihana Rukini i ka lohe i na Kepani e noho la ma Valadivosetoka, ina e hoomaka io ana ke kaua e haalele iho lakou ia laila, a ua hoouna aku hoi ke Aupuni o Iapana i kekahi moku mahu e kii a hoihoi mai i ua poe la ona mai laila mai. Aohe no i lilo i mea hoomaopopo nui ia kahi o na mokukaua Rukini i haalele iho ai i na awa o Iapana me na kauoha malu i silaia, eia nao, ma ke awa o Kemalupo lakou e hoolulu ai, a ke kukala io ia ae ke kaua, hoolele aku i na koa iuka a lawe ae ia Korea, kahi hoi o Iapana i nawaliwali loa i keia wa, no ka mea, aia ka hapanui loa o kona poe pualikoa ma Kina. Ua manao wale ia e paniku ae ana o Rusia i na awa a pau o Iapana, a keakea mai hoi o Farani i ko na Kepani lawe ae ia Foamosa, me ka nana ole ae hoi i ko Kina haawi ana aku.

Ma re Elua ana o kekahi Mau Mea.

                Po o Dekemaba 1, 1894, ma Makaata. Ohio, i mareia ai o K A Black a me Rebecca Jarvis. Ano no i loheia ae ai ua mare mua ia no laua iloko o 1850. I ka wa o ka laua keiki hookahi he eono no mahina, ua hele aku o Balaka no ke Komohana. Mahope iho o ka hala ana o ekolu makahiki iaia me ko ka wahine lohe hou ole nona, ua okiia laua a mare hou ka wahine ia James Gibbs, a make ia kane iloko o ke kaua huliamahi. Hele a pau ke kana, ua mare hou no ua wahine la me Hymer Jarvis, a make no. Ano no oia i loaa hou ai ia Balaka, kaua kane mare mua, a no ka mau no o ke aloha, ua uo hou ia ae laua.

Aohe Manaolana ana no Cuba.

                He pualikaua Sepania nui ka i hoole eia aku ma Cuba, i hiki aku i ka heluna o 24000 koa, no ka hoopio loa ana aku i ke kipi malaila malalo o ke alakai ana a Generala Camaposo. O ka hana hiiahiia mua loa a ko ke aupuni aoao, oia no ke ki pu ana ia Lutanela Galego, i ka la 1 nei maloko o ka papu o Cabana, ma Havana. Ua hookolokoloia oia imua o ka aha koa a hewaia e make, no kona haawi pio ana iaia iho a me 50 poe koa Sepania i na kipi, a mahope iho oia i hopuia ai a haawiia aku i na mana koa. He hoouka kaua ka i hoikeia ae mawaena o Generala Makimo Gomeze me 2,000 poe kipi, a me 3,000 koa Sepania malalo o ka hookele ana a Generala Slacedo. Ua hoauhee ia na Sepania me ka poino nui, a he uuku loa ka poino ma ko na Cuba aoao.

Na Hunahuna Laulaha.

                Ke manao la ke Zarina e lilo ana oia i makuahine iloko ae o Sepatemaba, pela mai kahi lono o Sana Peterobuga Rusia o ka la 1 nei.
                Omaimai loa o Kuhina Nui Geresehama e waiho la. Ua olelo wale ao no kekahi poe, no kona kuupau loa i kona manawa i ka hana me ka loaa wa hoomaha ole.
                Ke manao la ko Venezuela poe e kukulu ae i kia hoomanao no Peresidena Monoro o Amerika Huipuiia ma Caracasa, ko laila kulanakauhale poo, i mea hoomanao no ke kahua alakai hana Monoro. Ua hoomakaia ae ka lulu ana malaila no keia mea.
                Ma kela hihia o Oseka Waila, na oleloia aole oia i hewa no kana hewa i hana ai, oiai, aohe maikai o kona noonoo. He pupule aku ana paha ke kumu pale ke hookolokolo hou ia aku. Pupule ka olelo ana imua o ka Aha, eia nae hoi ke noi la e hookuuia ae malalo o ka bela.
                E lilo ana no paha o Peresidena Harisona i pau i mo no peresidena i nei kau koho balota ae maluna o ke kahua lawelawe hana e pili ana i ke sileva. Ua olelo ae nae hoi oia aohe ona manao e kamailio ma ia mea, oiai, ua piha kona poo me na hana e ae, a nolaila, aohe oia ma na hana kalaiaina.
                Ua kono ae ka Repubalika o Agenetine i na koho ana mai na poe kaha kii hale a puni ke ao nei no kekahi halei manaoia no ka Ahaolelo. Ekolu makana e haawiia ana no na kii maikai a ano kupono, oia hoi, he $20,000 ka mua, he $10,000 ka lua, a he $5.000 ke kolu, a e ukuia hoi ia mau makana ma ke dala pepa (alualu) o ia aina. Ua like ka waiwai o ke dala hookahi o laila me 24 keneta ma ke gula o Amerika Huipuiia.
                No ka Farani kipaku kumu ole ana ia Kanikela Wala o Amerika Huipuia mai Madegasaka aku, mamuli o kona lihia no ke ano holomua o kana mau alakai ana iwaena o ia lahui, ua ulu ae he paee a he kukai palapala pili aupuni mawaena o ia mau aupuni no ia mea. Ua hoopaahao mua ia oia a mahope iho i kipakuia mai ai. E noii pono aku ana o Amerika Huipuiia i na kumu o keia hana, a ua kauoha aku i kona elele nui ma Parisa e koi aku no ia mea mai ke Aupuni mai o Farani me ka manao no e koi poho aku no ia hana ana.

 

Hahana ka wela o ka la iloko o keia mau la iho la.

                He wahine Hawaii ona ka i laweia ae e kekahi makai kaulio a paa ana i ka Halewai i ka po La Pule, la 12 aku nei. Ua haalele oia i kena hela i kakahiaka ae, aohe i ae e ku aku imua o ka Aha Apana. I ka ka ona paha hoi kahi. Hilahila ole!
                Ekolu aenei paha pule o ka puiwa ana o ka lio o kekahi kaa hali manu o ka Hui Mauu Kaleponi mauka o Hauhaukoi, alanui Liliha. I puiwa ka lio i ka hookuiia ana e ka lio a kekahi Pake e kau ana. Ua lilo ke kaa a me na ili i mea ole, a ua paa mai ka lio mamuli o ka hooikaika ana o Hale Papai, ka mea hookele kaa, a paa ai me ka poino ole o ka lio.
                Poalua, la 14 nei, i haawi ai o Misita a me Misasa Remona Reise i ahaaina palala, mauka o Kalihi-waena, no ka hoomanao i ka la hanau, ka piha ana hoi o ka elua makahiki i ka lana kamalei wahine. He mau pule mamua aku ka piha ana, a no ke omaimai ana, na waihoia mai a ia la. Lehulehu na makamaka a me na hoa'loha i hoea aku malaila e nuu ai i ua ono i hoolakoia. E ola loihi ka mea nona ka la, oia ka makou kalokalo.

 

W.H. DANIELS,

[ BILA DANIELA]
                Agena Kuai a Hooponopono Aina, Mea Hana Palapala Kanawai, Mea Ohi Aie a pela aku.
                O na hana a pau e haawiia aku ana iaia, e lawelaweia no ia me ka eleu a me ka emoole.
                Keena Hana a me Wahi Noho, aia ma Wailuku, Maui.
mei 6-mk.

 

J.K KAHOOKANO.

LOIO a he Kokua ma ke Kanawai.
KEENA HANA: Alanui Kaahumanu,
Honolulu.
ian 8, '94-1mk

 

E.M. NAKUINA.

KOMI SINA O NA ALA LIILII A ME NA PONO WAI.
Notari Lehulehu, a he Agena Haawi Palapala Ae Mare no Honolulu nei.
                KEENA HANA: Helu 308, Alanui Kalepa.
dk 3--1mk.

 

F.J. TESTA, (Hoke).

MEA O I A KOI AIE.
Mea Huli Moolelo Aina a Waiwai e ae paha.
Mea Unuhi a Mahele Olelo Hawaii a Enelani paha.
Mea Hana Palapala Kanawai o na Ano a pau.
Mea Kuai Mikini Humuhumu Lole.
Mea Hoolimalima a Hoolilo Aina.
Mea Kuai Waiwai no ka Uku Komisina Haahaa.
Ua makaukau mau oia e lawelawe i na hana a pau e haawi mai ana iaia. He kuike ka rula.
E loaa no oia ma ke keena. apr 8-1mk