Ka Makaainana, Volume III, Number 12, 27 May 1895 — Page 3
HONOLULU, OAHU, POAKAHI. MEI 27, 1895. 3
LAUOMI DIHAE
--KA--
UI I MOHAIIA I KE KOKO
--KA--
NANI I ALANA IA I KA OI O KA PAHIKAUA.
Ka Mea Huna Iloko o ke Kiaha Waina.
Ka Mea Pohihihi i ka Maka o ke Kuikele.
--A O KE--
KEIKI NUMAREDINA
KE
Komo Lima Maka Popoki.
MOKUNA XVII.
Ke alahele no ke Kihapai pua o Numere--Ke aloha welawela, aole nalohia aku--Owai ke kupua, o oe?--
Hehihehi kulana i ka nani o ke Ao Olino--Huhuhui na opua i Awalau.
Oia no ka manawa i oi palua ao ai o ka enaena o ke ahi a na kupua o ua aina la, a iloko o ka imo ana a ka maka o ko lakou manawa no ia i poholo aku ai a moe ana ua poe kamahele la iloko o na pahu kupapa, ma ka hookahi kino kanaka o ka pahu hookahi, a ke laweia la hoi ko lakou mau kino iloko o ka enaena o ke ahi a na kupua, a waihoia aku la iloko o kela a me keia lua.
Mai kela mau lua aku e lewa hou aku ai iluna o na kaa huila palala, oia hoi na kaa hoolewa e kai ala iwaena o laina kupua e ao o ku mai ana me ka makaukau no ka hooko ana i ke kauoha o haawi ia aku ana ia lakou i ka wa o ka leo o ka luna nui e pane mai ai. A ia manawa nae e loheia aku ana na leo o na poo kiai la e pane like mai ana,----
"Aole loa kakou e hoopoino aku i keia poe keiki hewa ole. E nana ia lakou, aole he mea make ma ko lakou mau lima. E hookuu kakou ia lakou e hele iloko o ka aina me ka lanakila, a na ka inaina o Habakudera e hoopai mai ia lakou."
E hoomanaoia, i ka wa o ka enaena o ke ahi o pii palua ae ana no ka manao hooko i ka makemake o ko lakou Haku, oia no ka wa o kahi luahino i kaili aku ai i ka pahikaua mai ia Numaredina aku a ku olohelohe iho la ua keiki la, a oia koke no ka wa i malowale iho ai kahi kanaka me na ilio. Iho aku la paha ma kai pii paha i kuahiwi i ka uhai puaa Pig.
Ae, e ka mea heluhelu, ua amio iho la lakou me ka ike ole ia, a hookuu aku la i ka laua mau keiki e hele iloko o ka poino, a ma ka lokomaikai o na kiai a me ko lakou e hoopakele mai ia lakou mai ka make weliweli mai. A ina laua i ukali pu aku ina la ua papapau pu lakou iloko o ka poholima o ka hueloawa.
O keia mau hana a ke kilokilo he mau hana akamai ia i wahi e punihei mai ai na kiai i ka nani o keia poe keiki, a o ko lakou komo no ia iloko o ka lanakila mau loa. A pela io no ka mea i ikeia iloko o ia la hooili kaua weliweli o ka make a me ke ola.
I keia wa e laweia nei o Numaredina ma oia no ka wa o ke kilokilo me ke kanaka eleele i haawi aku ai i na kokua ana, me ka haawi ana i ka make ma ko lana mau aoao a pau, a ke hooho la hoi na kiai,--
"Ka enemi o ko kakou haku, oia keia! E pepehi iaia a make, aole oia e pono e ike i ka nani o ko kakou aina."
Oia no ka wa i ikeia aku ai ke kanaka eleele me na ilio e holo ana ma kona aoao i kahakai o ua aina la, kahi hoi a ka nalu e poi la me ka ikaika me ke kokua pu ia ana mai hoi e ka ikaika pa a ka makani Kona,ka makahi kaulana o ko makou aina. A o ia paha ka mea i "haunaele ai o Ewa i ka Moae," no ka hoouluulu a kela poe.
Maanei kaua, e ka mea heluhelu e waiho iho ai i na kamahele a kaua e moe malie iloko o ka pahu kupapa me ka hoolilo ia o ko lakou mau helehelena nani i mea makaikai na na kiai naue ole o Numere, a e ukali ae kaua mahope o ke kanaka eleele e holo ala maluna o kona waapa me na ilio elua iloko o ka ino nui e hana mao ole ana.
He mea hiki ke oleloia ae, aole he mea kino uhane ola e pakele aku mai ka mana ae o na kiai o ke Ao Olino, a aole no hoi he mea hiki ke holo lanakila iluna o kela mau ale lokoino me ka loaa ole o na haawina polikia. Aka, heaha la ia i keia kanaka, ke kaikaina hoi o ka mea e imi nei i ka mea a kona mau onohi makai ike ai he mau makahiki loihi i hala ae.
Ua lilo ia ino i mea ole iaia, aia kana mau ilio elua ma ka ihu o ka waapa, a ke nana la me na maka hoihoi i kahi a ko laua haku o hookele nei i ka waapa me ke poi pu mai hoi o na alo maluna o laua. Ua hoomanawanui no, pela no hoi oukou o hoomanawanui ai a keia pule ae. Ae!
[Aolo i pau.]
Pakele mai Pau i ke Ahi.
He Pake ano elemakule ka i pakele mai pau i ke ahi i ka Poakolu la 8 nei, oiai oia e iho mai ana makai o alanui Liliha ia kakahiaka. E puhi paka ana oia a pau ke puhi ana, hookomo iho la no i ka ipupaka iloko o kona eke me ka hoopio ole i ke ahi, a a ma ia hope iho i a ae ai ke ahi i kona lole a hoomaka ae la oia e uwe. Lohe mai nei kekahi keiki Pukiki, oia o Joe Diasa, i kona uwe a holo mai la e kokua a pakele iho la ua Pake la. Ua wela iki no ko ke Pukiki lima i ke ahi.
Holo Pukalaki no ka Wa Elua.
Awakea o ka Poakolu, la 15 nei, ua holo pukaka ae la ka lio kaa huilalua o kekahi haole haku pena hale, oia o C. Sterling, a holo mai la mai kahi i hoopaaia ai ma alanui Uniona a alanui Hotele, a komo i ka puka pa o ka hotele Alinetona a pii ma ka lanai o ka hotele me ke kaa pu no. Komo mai la a puka makai nei o ka hale a haalele aku la i ke kaa mahope me ka pau o na ili i ka mokumoku a holo pololei ma alanui Moi a paa mauka ae o Kawaiahao i ka hopuia. O keia hookahi no ka lio i puiwa ai a poino ai o Nipa, a makou no i hoike aku ai i ka pule i hala niua. Eia ua wahi haole nei he hoki ka mea nana e huki kona kaa, no ka mea, ua hoolilo aku oia i ua lie puiwaiwa mau nei ona, a loaa no hoi ka mea e nui ai o ka poino.
Na Hihia i Hoopaiia.
Eono poe Pake piliwaiwai i hoopaiia imua o ka Aha Apana i ka Poaha, la 16 nei, e uku i $10 a me na koina pakahi, no ka ae nui ana no i ko lakou hewa, a hoopau wale ia he heluna nui o lakou, he iwakalua paha a keu. I ka Poalima, la 17, mamuli no o ko Kailianu ae ana i kona hewa no ka lawelawe ana i ka hana piliwaiwai ki-pa, ua hoopaiia mai oia e uku i $100 a me $3 koina. A pela no hoi me Davida i ka Poaono mai, oia ana no, a pakele mai o Ahewa, Poepoe a me Keawekuloa.
No ka aihue ana o kekahi haole Olelo E he ekolu paona kopaa makai o ka uwapo, i onaia o ka Hui Kopaa Onomea, ma ka okioki maoli ana no i na eke, ua hoounaia oia no Kawa i ka Poaha, la 16 nei, e hana oolea ai no umi la. Kanaono la hana oolea hoi ka hoopai i loaa i kekahi Pake, imua no o ka Aha Apana i ka Poalima mai, no ka aihue ana i kekahi kapa uhi moe o $2.50 ka waiwai io mai kekahi hoalahui mai ona.
No ka nui loa o ka wela, hookahi ana no paha wa paikau o ka malama o ko ka Piladelepia poe e lele mai ai iuka nei ma keia imua iho. I kakahiaka Poalua iho la i lelo mai ai lakou, a me he la o ka hopo loa paha ia a piha ae he malama holookoa.
Ke hana hou ia nei ko alanui Moi nei ma ka pea ma Waikiki, i maikai pono ai hoi no na hoohana ana o ka la 11 o Iune.
Maluna o kekahi lio ihu ano loihi ko makou porofesa i hoea aku ai mauka o Kapalama o nana ai i na mahi laiki a makou i na ahiahi i hala iho la, a wahi ana i hai mai ai aohe i oo pono loa.
Na Hoolaha Hou.
KALAHIKI.
HALEKUAI LAHUI.
Helu---, Alanui Moi, keena hana mua o ka Hawaii Holomua.
E weheia ana ka halekuai maluna ae i ka POAONO, MEI 11, 1895, a malaila e loaa ai na waiwai a me na lole hou loa o na ano a pau, no na kumukuai emi loa mamua o na wahi e ae.
Aohe hewa ke kipa mua mai a e ikemaka mamua o ka hele ana i na halekuai e ae.
M. PALAU,
mei 6----3ml Luna Hoohana.
Hoolaha Hooko Moraki a me ke Kuai.
Ke hoolahaia aku nei ma keia mamuli o kekahi mana kuai i hoikeia maloko o kekahi moraki i hanaia i ka la 21 o IANUARI M.H. 1887, e D. KAPOI; KAHAULELIO (w) a me L.W.P. KANEALII, kana kane mare, no Waihee lakou a pau, Apana o Wailuku, Mokupuni o Maui, i ka Hawaiian Commercial and Sugar Co., he hui i hoohuiia, a kopeia ma ke keena o ka Luna Kakau Kope Aupuni maloko o ka Buke 102, ma na aoao 498 me 499, ke manao nei ka Hawaiian Commercial and Sugar Co. e hooko aku i ka moraki i oleloia no kekahi uhaki ana o na kumu i hoakakaia ma ka noraki i oleloia, oia hoi: ka hookaa ole ia o ke kumupaa a me ka ukupanee ke hiki i ka manawa.
Ke hoolahaia aku nei no hoi ma keia e hoolilo ia aku ana na aina, na pono a me na pomaikai a pau i hoikeia a i hoakakaia ma ka moraki i oleloia ma ke kuai kudala akea, ma ke keena kudala o George Hons ma Wailuku, Maui, ma ka POALIMA< la 31 o MEI, M.H. 1895, ma ka hora 12 o ke awakea o ka la i oleloia.---
Eia iho ka hoakakaia ana o ka waiwai ma na moraki la, penei:
I--O kela mau wahi a pau loa i hoakakaia maloko o ka Palapala Sila Nui Helu 7654, Kuleana 11257 no Waiolama, e loaa ana he ili o 71-100 o ka eka ma Waihee i olelo mua ia, a i hooliloia ia D.Kapoi i oleloia ma kekahi palapala hoolilo a Waiolama i oleloia, i kopeia ma Kapoi i oleloia, i kopeia ma ka Buke 20 ma na aoao 263 me 264.
2--O kela mau wahi a pau loa i hoakakaia maloko o ka Palapala Sila Nui Helu 1226 no Kihuluhulu a me Kapoi i oleloia, e loaa ana he ili o 29 87-100 eka ma Honuaula, Maui; a no D. Kapoi i oleloia ia kuleana a pau loa ma kona ano oia kekahi o na mea ma ka Palapala Sila a mamuli hoi o kekahi palapala hoolilo mai ia SDW Kanuha, i kopeia ma ka Buke 78, ma na aoao 358 me 359.
3--O kela mau wahi a pau loa i hoakakaia maloko o ka Palapala Sila Nui Helu--Kuleana 3960 no Napahoa, e loaa ana he ili o I 44-100 eka ma Waihee i olelo mua ia, a o ia no hoi na wahi i hooholoia mai ia D.Kapoi i oleloia ma ka palapala hoolilo a Moses Kealoha, i kopeia ma ka Buke 46, ma na aoao 156 me 157.
4--O kela mau wahi a pau loa i hoakakaia maloko o ka Palapala Sila Nui Helu--Kuleana 3925 no Nika I, e loaa ana he ili o 9 32-100 eka ma Kaanapali, Maui.
5--O ka pono, kuleana a pomaikai a pau loa o Kahaulelio i oleloia iloko o kela mau wahi e waiho la ma Waihee i olelo mua ia, a i akaka i heaia o kahi o Haaheo, a i hooliloia ia Polly Kalua ma ka palapala hoolilo a W. Kahinu, i kopeia ma ka Buke 84, ma na aoao 262 me 263, a o ia no hoi ka i hooliloia mai ia Kahaulelio i oleloia ma ka palapala hoolilo a Polly Kalua me Jno Kalua, kana kane mare, i hanaia i Ianuari 14, 1887, a i kopeia ma ka Buke--, aoao--.
HAWAIIAN COMMERCIAL AND SUGAR COMPANY.
Kuike na Kumu. Ma ka aoao o ka mea kuai ka lilo no na palapala.
No na mea hou aku i koe, e ninau ia
JOHN RICHARDSON,
Wailuku, Maui,
Loio no Hawaiian Commercial Sugar Company, a i ol, ia
GEORGE HONS,
Luna Kudala.
Wailuku, Maui, Mei 4, 1895.
[mei 6--4pl.]
KAUKA YONG KAM PUNG.
[APANA.]
KAUKA LOEA O KA AINA PUA.
Helu 306 - - Alanui Hotele
Ua hiki ke hoolaia na ano ma'i a pau, o na kane, wahine a me na keiki liilii. Pela me na ma'i ha-no, akepau, eha ma ka puuwai, ka ma'i korela, hebers, fiva lenalena, puupuu ulalii, koko ino, a me kekahi mau ano ma'i e ae. Ua hiki ke haawi i I au hoohanau keiki, a pela aku.
He oluolu loa ka uku. E nane mai ike pono. Oluolu na kuka ana.
mei 13-1 mhu