Ka Makaainana, Volume III, Number 7, 22 April 1895 — No Kela Huikai Lawaia Paoa. [ARTICLE]

No Kela Huakai Lawaia Paoa.

Ua lohe mai makou mai ia Kaahupahau mai iluna ka o Mokuumeume na makai lawaia pakalaki i hoolulu nui ai, no ka loaa ole o kahi maunu maikai e lawaia ai i ko laila papai. Me he la ua hoopunipuni paha ka Oihana Makai e hoopae hou ia mai ana ona mau lako kana hou malaila, aole hoi ma Kaalawai a me Kahala, no ia keia pau nui ilalo a haalele ia Keahi. No ka mea hoi, i ka wa ka o kahi moku kiakahi heihei Sepere (Hunakai) i hookomo aku ai i Puuloa i kakahiaka nui Poakolu, ua uhai aku na waapa elua a pili ana ma na aoao, pinana na owau iluna a huli nui iho la a ku i ka hooka a a me ia hoka no i hoi nui loa mai ai me kahi i'a ole. Pela no hoi i kakahiaka Poaono, la 13 nei, ua hoounaia aku he makai kuikawa maluna o kekahi lio no ka Lae o Makapuu no ka loheia ana mai aia kekahi mau moku liilii ano e mawaho aku kahi i aloalo ai. Aui ka la i hoi mai ai ua elele la a he neo ka i loaa aku. O na pea i ikeia aku iwaho, no na waa lawaia lehulehu ia o ia mau kaha. Kuhou no i ka hoka la. Hoomakeaka no hoi paha na hana hooluhi wale, a he hoike mai no nae hoi neia no ko ke Aupuni makaala a eleu e kinai i kekahi hana hoopaia maia hou aku e like la me ko Ianuari aku nei, a me ke kau no hoi o ka weli iwaena o lakou ia lakou iho no. Poakolu iho e ku mai ai ka Warimu mai Vanekouwa mai.