Ka Makaainana, Volume III, Number 7, 22 April 1895 — Page 5

Ka Makaainana

 

HONOLULU , OAHU, POAKAHI, APERILA 22, 1895.

 

            me Ka Oiaio i ka hoino i na wahine Hawaii, ke kama mai hoi o kona kuakoko i hookohiia mai ai.  Wahi mai a lakou, eia ka “ke hele e nei no na wahine aloha aina e noi i ke dala a ka poe P. G., a ke ike mau nei no hoi makou i ka pipili o na wahine Hawaii i na koa P. G. ke alu aku  ke ahiahi, e kieei ana mawaho aku o ka pu hao o ka pa`lii.”  Me he la ka hoi aole keia mau olelo na kekahi mea i hoohua mai i na kaikamahine.

 

            “Na ka mea hala ole iwaena o oukou e pehi i ka pohaku mua.”  Aia ponoi iho no i ke alo.  Malia ua maa no ua makua la i kana mau ewe ponoi, aole nae hoi makou i maopopo ia mea.  O ka makou i maopopo, o kekahi no o ua ewe wahine a ua makua la ia e hele kokua pu nei i kekahi o na komite wahine noi dala, a nona hoi makou e haawi aku nei i ka mahalo palena ole, no kena hana i ka hana aloha i ka puuwai, aole hoi i ka hana ohumu a hailuku lepo.

 

            Pela no hoi makou e panai aku nei i ka mahalo palena ole i na koumite wahine i hoinoia mai, oia o Lala a me Lilia; no ka laua ikaika me ka numi i ka hilahila i ka hele noi a makilo ana iwaena o na luna Aupuni a me na poe Pi Gi e ae.  Ina no i aloha ole mai, ua hiki no; aka, no ke alohaia mai no hoi pana a nie ka ike pu ia mai no hoi kahi he maikai ke kumuhana, nolaila, haawiia mai ai no.  No ka makemake no paha hoi kahi o ia poe e haawi, o ke kumu no hoi ia i haawi nui mai ai; a no ka loheia no hoi kahi ua makemake no kekahi o ia poe e kokua like mai, uo ia mai no ke kumu i hele nui ia aku ai e noi, i akaka lea ai  hoi ko lakou aloha io i na ohana o na pio.   Aka, o ka olelo ana ae “o ka hai papa hookupu ka i hoolanaie,” he hoike oiaio ole ia, no ka mea, mai kinohi mai o ka hoalaia ana o keia hana kokua manawalea, aole loa he papa hookupu i hoolaha akea ia.  He ohumu okoa no paha ia makou!

 

            O na moku nui o luna, Hawaii a me Maui, ia i loheia mai nei aia ka kekahi poe alakai o laua ke manao la e kaili ku ae i ka mana hoeuli a kukulu ae hoi i Aupuni kaokoa no lakou, me ka mahae loa aku ka mai keia Repubalika aku.  Ina pela io, auwe no ka hoi, aloha ino ko kakou noho like ana malalo o ka malumalu a kaupoki hookahi.  Aia no nae hoi ia ia lakou mai.

 

            No ke kai mai nei no hoi ka lono no ke kai aku ana no ka keia Paeaina.  Pe`a paha, aole ia mea i maopopo ia makou.  O ka lono nae hoi ka i loheia mai aia a iwaena o na poe Kepani lehulehu e pae mai nei ma ke ano poe limahana a poe iwi naauao maanei he heluna nui o na koa Kepani.  Oia paha, pela paha; ua koe aku no ka maopopo.

 

            A ke loheia nei no hoi eia ka kekahi poe oiwi naauao a koikoi o kakou ke manao nei e haliu aku i ka pono no ka aina nei i kahi mana ikaika kaua e ae, oiai, ua loihi ke kali ana no ka pono mai ia Amerika Huipuia a me Enelani.  I ko makou manao aohe no ia he mea hewa, ke noonooia me ke akahele.  A wahi mai no hoi a ua lono la, o Iapana ka ka i upuia Malia no hoi, ea, e haua mai ana no o Enelani a e hana ole mai ana no o Enelani.

 

            He nani okoa no hoi la ke kipakuia aku ke Kuhina Amerika, alaila, kukala kaua, aku ma ia hope iho.  O ka makou nae hoi ia e hoomaopopo nei i ka palapala a kekahi makamaka mai Kapalakiko mai no ke kaua aku o Hawaii nei ia Amerika Huipuia, alaila, hoouna aku i ka mokuhae Kalaudine a me ka Eleu a ki poka a lawe pio mai ia kulanakauhale.  Ina pela io, auwe hehene, ikea ke “paewa o ka pili`na me ka nihoniho.”  Oia, hoohoa aku oi hoi ha!

 

            Lohe mai makou, a o ka lohe wale no, no ka maopopo ole i ke Aupuni o mua aku nei a me kona hopena e okuku ae ai, a eia ka ke noho nei me ka hopohopo, ka makau, a me ke akaka ole.  No ka makau mai no ka ke kuma i makemake ai e kipaku loa ia V. V. Akepoka.  I keaha iho la hoi, he hanaiahuhu no hoi mamua!  Pela no paha na huakai lawaia paoa, he hua mai no ia no ia omaimai maopopo ole o ka laau lapaau e ola ai.  A eia no ke kiu a ke hakilo nei i ka Ligi Amerika.  O lakou no ia, a ua welawela no ka manao iwaena o lakou, o ke kai wale no koe a penupenu aku me he penu ana la i ka hiu kamano.  Ua hiki no!

 

            Ua lohe mahuihui mai makou, a he wahi ano no hoi e hiki ai ke hilinai aku, o ke akenui loa o na poo alakai Aupuni o keia au o ka huli nui aku o ka lahui me lakou, a ua hilinai hoi lakou aia ka a hana maikai lakou i ke Aliiaimoku, oia ka ma maunu e hoomalielie a e hoolakalaka aku ai i ka lahui.  Ina pela ka manao ana, aohe e ko ia mea ke hoomauia ka hoopaa nio ana i ke Alii; e ahona iki nae paha hoi ina e hookuu a e kala loa aku iaia, loaa no paha he wahi maliuia aku, a i ole no hoi ia, aole no e loaa iki aku ana.

 

Aohe Ae i ka Huikalaia.

 

            Poaono, la 13 nei, i heluheluia aku ai imua o V. V. Akepoka kona palapala huikala mai ke Aupuni aku, oiai oia e waiho mai ana ma ka Halemai Moiwahine.  Na ka Hope Ilamuku i heluhelu aku, a ua hoole oia hoi kona haalele loa mai i keia mau kaiaulu.  A oiai, eia no hoi oia malalo o ka malu o ka Ilamuku, ke noho la no oia ma ka halemai me ke kiaiia e kekahi makai, ana ma ka puka komo o kona rumi ahi i noho ai.  Nui no kona mai a aohe no i akaka loa kona pono.  Ua holoholo kaa ae oia i ka Poalima nei, malalo no nae o ke kiaiia, no ka hooponopono ana i kekahi o kana mau hana.  Ma kona keena oia kahi i hooponopono ai i kekahi mau palapala ana  Ua olelo wale ia e haalele mai ana oia ma keia Auseteralia ae.  Pela paha la!

 

Hoopai no ka Auunu Dala.

 

            Poalua iho la i hooloheia ai ka hihia o G. Ilihia Paka no ke koi dala wale aku no i na wahine Kepani hookamakama.  Oiai ua kaheaia ka hihia imua o ka Aha, ua ulu ae la he hoopaapaa mawaena o ka loio pale a me ka Hope Ilamuku no ka hoopanee hou aku, a no ka ae ana mai paha hoi o ka Lunakanawai Apana i pii koke ae ai ke kai o ua Hope Ilamuku la a hoopau wale no i ka hihia.  Puka aku nei o Paka a iho i ke alapii, mahope aku ka Hope Ilamuku me ka haule o ke puna a pai ana i ke poo o Paka, aole hookahi wale manawa, aka, ua elua manawa me ka hana ole ia aku.  Ma ia hope koke iho no, ua hoopukaia he palapala hopu hou a paa ana oia, a i ka Poakolu ae i hookolokoloia ai a ahewaia, a na hoopaiia e hoi i Kawa e hana oolea ai no ekolu malama.  Ua hoohalahala aku oia i keia hoopaiia ona imua o keia kau kiure iho.

 

            He ahaaina hoomanao la hanau ka i haawiia e Kapena a me Misasi A. G. Simerson (Elena), ma ko laua wahi e noho nei ma Kapalama, i ka auwina la Poaono nei uo ka piha ana o na makahiki he 17 o ka laua kaikaimahine.

 

            Ma ka la i laweia ai o na pio kalaiaina no Hilo, ua aihueia iho la e Aona he wahi kaa huila palala mai kekahi Pake okoa mai.  I kahi mau la aku nei no i ikeia ai, a no ia hewa aia oia i Kawa e noho nei, he wahi no nana i ike a i kamaaina mau.

 

            Imua o ka Aha Apana i ka Poalima nei i`ae ai o Punuku i kona aihae ana he $115 mai kekahi luahine mai, a ua waiho ia no ka Aha aku o lana.  Ua kuhikuhi oia i kahi ana i huna ai, a i ka huliia ana aku ua lilo, a ua koho no o Punuku i ka mea hope nana i aihue aku la.

 

Paa no ka Laweola.

 

            O kila haole nona ka inoa o Alabeta Hemanasona, i kulai ai i ka makuahonowai kane a make loa, ia Maia, makai ae o Kawaiahao, ma alanui Moiwahine, ma kona wahi no e noho nie me kana wahine, me Kaimi, ua ku ae oia imua o ka Aha Apana i ka Poaha, la @ nei, a mamuli hoi o ua olelo ike i waihoia ae i waiho loa ia aku ai kona hihia no keia kau kiure iho.  He omaimai kahiko no ko ia elemakule, a hoohua no hoi keia hoopaapaa ana o na keiki a komo uwao aku ai oia, a i ke paleia ana mai, o kona hina aku la no ia a make loa.  O ko makou ike a kamaaina no keia haole, he malama wahine oia, a pau pu no me ko ka wahine ohana.  He paa pu oia no keia Aupuni, a oia no hoi kekahi o na poe kiai po mawaho iho o Kawa.  Eia no oia ke paa nei no kela kewa, ma ke ano he lawe ola, aohe loaa o na hope nana oia e bona ae no $1,000, oiai nae hoi ua hooikaika ka wahine.

 

Una Dainamaita menemene.

 

            Eha poe Kepani i hoea mai ma ke kaamahu kakahiaka nui o ka Poaono nei mai Waianae loa mai.  He poe hana lakou ma ka mahele Waianae o ke alahao e hooloihiia aku ai, a he hoopahuahu giana panda hoi ka lakou hana o ka Poalima nei.  Ua hana aku no elua manawa a he hihio wale no, a i ke kolu hoi, no ke ake loa e pahu maikai, ua nou iho elua o lakou maluna, a o ka wa no ia i pahu ulia ae ai.  O na mea maluna iho, ua pouli pu na maka a ua hui aku a hui mai ka nanaina, a he ku maoli no hoi i ka manaonao.  A oiai hoi laua e hana ana me ke kolopa, ua mamao ko laua wahi i kiolaia aku ai.  Ua kulaiia hoi kekahi mau mea aku me na paholehole ma ke kino.  Hoihoi kanaka maoli ia na mea e`ua i eha, a i hoea loa mai la hoi @ nei e lapaaui ai e kekahi kauka Kepani, aka, loaa e i ko ke Aupuni aoao a lawe loa ia i ka Halemai Moiwahine.  Aohe laua i manaoia e ola ana.

 

            He pake ka i loaa aku ma Kaanaole, Kula, Mui, ua pepehi ia a make, me ka manaonao o na eha ma ke poo.  Ua hopuia o Kuhelemai no keia kurima, a ma Ke Kalaudine mai o ke kakahiaka o nehinei i laweia ma ai eia ae i Kawa e noho hoomaiu nei no ka hookolokoloia i keia kau kiure ae o Iune ma Wailuku.  O ko makou lohe mai ua ae oia i kona hewa.

 

            No ka ua a ukele o na alanui i ka Poalua iho la, aole ko ka Piladelepia  poe i lele moi e paikau, aka, i kakahiaka Poalima nei lakou i lele nui mai ai.  Ia lakou ma ke ala no Kui okahua, ua pinauaia ka pa pohaku o Kawaihao iloko o 35 sekona, a i ka hoi nui ana mai hoi, ua hoao hou a ua hiki no iloko o @ @ kona.  Ua eleu no ua poe keiki aukai la.