Ka Makaainana, Volume III, Number 7, 22 April 1895 — Page 1

Ka Makaainana.

BUKE III Ano Hou. Honolulu, Oahu, Aperila 22, 1895. HELU 7

 

Ike Hou ana i ka Nani

Ike hou ana i ka nani hanohano, O Iolani Halealii, Elua maua e lualai nei, Me kuu hoa noho i ka ihikapu, Ka noho'na kohu a ka mea waiwai, Hookulana imua a i hope, Nou o luna, nou o lalo, Nou na wahi a pau, O ka hana no ia e ikea nei, Ke aloha hoohakukoi waimaka, Mai na puka alohi ka ike'na iho, Ka maalo ana o ke aloha aina, I ukali@na ma na aoao, E na poe menehune aiwaiwa, Ua ko ae nei kuu makemake, Ua hookuuia kuu lahui, Hookahi puana kuu puuwai, O ka poe i aloha i ka aina.

 

Poe Kiure o nei Kau Ae.

E a iho malalo ka papainoa o na poe kiure o neia kau ae o ka Aha Kaapuni o ka Apana Ekahi nei:

            W. Chung Hoon, J. Kuhia, J. Crowell, J. Paniani, A. K. Kunuiakea, C. P. Kanakanui, J. Nalua, Hailama Kaaha, H. Ko @Iomoku, W. Makana, Petero Souza, C B Kuaika, James L. Holt, Jr, J. S. Kawewehi, J. W. Akana, W. K. Waiamau, Keoni Beka, A. Kekai, John Wallace, C. L. Hapakini, L. D. Keliipio, J. Kanaealoha, Aki K. Akau, M. Keliiaa, C. A. Long, H. E. Kuke, J. Kapali, J. Kaohi, J. U. Kawainui, T. R. Mossman, A. Bishaw, A. Morris, M. P. Lopikana, H. Kahalewai, J. Uilani Iosepa a me J. W. Mahelona.

 

Ua Hala ma ke Ala Mau.

            Ua lohe mai makou mai kekahi mai o na makamaka ma kahi kokoke i ka Halemai Pupule, a makou no hoi i hilinai ai, i ka i ana mai: Ma kekahi la o ka pule i hala, ua make iho la o S. W. Kamahele o Kalihiuka, kekahi o na keiki lalawai o ia uka, a i lilo hoi i pio na na uhane daimonio a noho malalo o ka malama ana a ke Aupuni ma ka halemai.  Ua kahaia ka e ke kauka, a ua laweia ka he mau hunahuna @wateria o kona kino a ua malamaia ka.

            He kupa a he kamaaina oia no ia uka puanuanu, a he koo maloeloe no ka ekalesia Hoole Pope o Kalihi a me Moanalua, he kauwa ikaika na ke Aupuni ma ka oihana kumukula no na kamaiki ma ia awawa, a ma ia ano oia i noho ai no kekahi wa loihi a hiki wale i kona pio ana i na uhane ino a moe wale aku la no na kau a kau.  Ua haalele iho oia he wahine a he mau kekeiki lehulehu.  "O ke kanaka i hanauia e ka wahine, he hapa kona mau la, na piha i na popilikia."

 

ONIPAA NO KE ALOHA.

 

Na Kokua Ohohia Mau i ka Ahahui Manawalea.

            Ua halawai hou ae no na lala o ka Ahahui Kokua Manawalea Lahui i ka auwina la Poakolu iho la, ma kahi mau no e like me ka maa, a ua waiho ae na komite noi dala i.

Ka Hoike Ekolu o na Loaa:

Mrs. Lilia Aholo $65.50

Mrs. M. K. Kapu 18.70

Mrs. Laura Mahelona 15.00

Mrs. Amalia Joy 8.75

Mrs. Maraea Kaulia 7.10

Miss Hanaia Kanahele 5.00

NA LULU MAU.

W. F. Reynolds 21.60

E. Johnson 2.50

LULU KUIKAWA

Keoki Ferene (Fern) 18.00

Huina $162.15

            Malalo iho e ikeia ai na hoolilo o keia pule iho la, a eia mai.

Ka Hoike Ekolu o na Lilo:

Ohana o Keoni Beka $1.25

" Makakoa 1.00

" Kahaiao 2.00

" D. K. Koa 1.50

" Kanaana 1.25

" L. Kameakane 1.50

" R. Palau 1.50

" Manuel Kuhio 1.00

" D. Keaunui 1.00

" J. K. Kamali 1.25

" Kaanaana 1.00

" Keawekalohe 1.50

" Nahinalau 1.00

" Inoaole 1.00

" Pihana 1.50

" Enoka 1.00

" H. P. Kaohi 1.00

" Kamaka 1.00

" H. Kalei 1.00

" Aberahama 1.00

" Kaolowi 1.00

" Geo. Makalena 1.00

" Kaaihue 1.00

" Kamai 2.00

" S. Kalalau 1.50

" E@ua 1.50

" D. Damiana 1.50

" Kaneuu 1.25

" Keamopohaku 1.50

" Kauai 1.00

" John Mahuka 2.00

" Waianae 1.25

" John Piko 2.00

" G. H. Pahia 1.50

" Kakaio 1.50

" Paterika Lene 1.50

" J. Kaae 2.00

" Ioela Kiakahi 1.00

" Keoni Waipio 1.00

" Wm Kekoa 1.00

" Alika Kamika 2.00

" Holo 1.50

" Kamaki Pule 2.00

" Hanupau 1.00

" Kilohana 1.00

" Toma Pedro 1.50

" Kema Kekipi 1.00

" Kaaikike 1.00

" J. W. Bip@kan@e 1.00

" Keoni Pio 1.00

" W. M. M@epali 1.50

Huina $66.75

KELA A ME KEIA LILO.

Ukuia ia Alani me Lopikana, koena aniani..$ .40

Hoihoi ana i na ohana makai o Kakaako 3.90

No na ipukukui a me ka hana ana i na puka 2.75

Uku no ka paku makika .75

Kaa kupapau me ka kaa hoolewa, makuaho nowai o M Kuhio 7.00

Huina lilo a Aperila 20...$81.55

            Eia ke koe nei ma ka waihona a Aperila 20, he $697.70.  (He 15 keneta hoi ka paewa o ka makou i hoike aku ai ma kela helu no ke koena dala ma ka waihona mai ka helu oiaio.)

Na Hunahuna Huikau.

            O na poe wahine e noho nei makai o Kakaako, oia o Laa me na keiki, Emalia, Ane, Nuhou, Kapeka a me Keal@ hoo kohu aku ka hui ia Misasa Kekona Pilipo i luna nana no keia poe ae la.  Ma ka noonoo ana hoi o ka hui, ua kauohaia i ka hale hana poi o Mele Poka ma Holokahana, Alanui Liliha, e kii ai ka ai.

            He mau kokua e ae kekahi e haawiia aku ana, oia hoi na wahi lole a@hu no kahi poe i hune loa, pela ko makou lohe mai.  A ua lohe mai no hoi makou e kokua aku ana no ka kekahi poe wahine o ka ahahui ma ka humuhumu, ulana ie, a me na hana e ae e pono ai kela poe popilikia, ina no hoi paha e hiki ole ana ia lakou ke hana maoli iho.

            Aohe mea lawe ole a na komite, mai ka hapa kenikeni a pii aku, oiai, aohe keia he wa no ka hoohalahala.  Ina no he manao kokua mai ko na kua aina, ina aohe ke dala, hoouna mai no i na waiwai o na ano e ae e hiki ai ke hooliloia aku a loaa mai ke dala.  Oluolu no i na mea a pau, aohe mea koe e helu wale aku ai no.

            Ma ka aoao hoi o ke komite haawi dala i na wahine a na pio kalaiaina, ua makemakeia na wahine a pau e hiki ae ma ko J. K. Kaulia keena loio mai ka hora 1 a ka hora 3 o kela a me keia auwina la Poaono, e ohi mai ai hoi i na kokua ana ia lakou.  E halawai ana no ka ahahui e like me ka mau.

            Ua make o Kahuai, ka makuahine o Kauwalu, wahine mare a Manuela Kuhio, kekahi o na pio kalaiaina i ka la 19 nei, i ke 60 makahiki a oi.  Ua hookuuia mai oia e ike i ke kino wailua o kona makuahono wai uo ka manawa.  Na ka ahahui i kokua na lilo o ka mea i poino.

            Ua loheia eia ka ke Aupuni ke uoonoo nei e huikala i na pio, a ma ka la 4 o Iulai ka e hanaia ai pela.  O kekahi no hoi i loheia ua makemake ke Aupuni e maopopo i na ohana pilikia maoli, a ina e maopopo lea, hookuu mai i na poo ohana.  A ua hookohuia ka i komite no ia hana, oia o J. U. Kawainui, J. M. Kea a me S. M. Kanakanui.  O ko Kawainui mea no ka paha ia e pinai mau nei i o Kaulia la, i maopopo iaia.  Akaka no ka palaualelo la.  He mea imi aku no hoi e like la me ko ka hui huli ana a loaa a maopopo.

            Ma ke Kinau i loaa mai nei na kokua ana a ko Hilo poe me $100 a me $50 hoi a ko Puna poe.  Ua nui no ke aloha, Wahi mai nei no hoi a na lono, ua lilo ka ua i mea ole i na wahine e oloio ana me na palapala noi dala.  Noi no ke kono o ke aloha iloko o lakou.

            No Hilo mai nei no hoi ka lono, mai ia Misasa Malihini Makaikai, ua kukulu mai nei ko laila poe wahine i ahahui kokua aloha, i ano like me ko Honolulu nei, i ke ahiahi Poakahi, la 15 nei.  He 18 ka nui o na wahine i akoakoa ae, a ua noho lunahoomalu kuikawa ia ae e Misasa J. M. Lee (Mele ana), a o J. D. Keawehano ke kakauolelo kuikawa.  Ua kohoia na luna nui mau no ka hui, oia o Misasa L. A. Like, peresidena; Misasa A. Akamu, hope peresidena me puuku; a o Misasa M. Ai, k@kauolelo.  Eia iho na lala o ke Komite Hooko i kohoia.  Misasa H. W. Nailima, lunahoomalu; Misi Aid@ W@sele, na Misasa K. Holopi@aai, @M. Kauhi, K. Aiona, K. Kaialio a me L. Loika.

 

No Kela Huikai Lawala Paoa.

            Ua lohe mai makou mai ia Kaahupahau mai iluna ka o Mokuumeume na makai lawaia pakalaki i hoolulu nui ai, no ka loaa ole o kahi maunu maikai e lawaia ai i ko laila papai.  Me he la ua hoopunipuniia paha ka Oihana Makai e hoopae hou ia mai ana ona mau lako kana hou malaila, aole hoi ma Kaaiawai a me Kahala, no ia keia pau nui ilalo a haalele ia Keahi.  No ka mea hoi, i ka wa ka o kahi moku kiakahi heihei Sepere (Hunakai) i hookomo aku ai i Puuloa i ka kahiaka nui Poakolu, ua uhai aku na waapa elua a pili ana ma na aoao, pioana na owau iluna a huli nui iho la a ku i ka hoka a a me ia hoka no i hoi nui loa mai ai me kahi ia ole.

            Pela no hoi i kakahiaka Poaono, la 13 nei, ua hoounaia aku he makai kuikawa maluna o kekahi lio no ka Lae o Makapuu no ka loheia ana mai aia kekahi mau moku liilii ano e mawaho aku kahi i aloalo ai.  Aui ka la i hoi mai ai ua elele la a he neo ka i loaa aku.  O na pea i ikeia aku iwaho, no na waa lawaia lehulehu ia o ia mau kaha.  Ku hou no i ka hoka la.  Heomakeaka no hoi paha na hana hooluhi wale, a he hoike mai no nae hoi neia no ko ke Aupuni makaala a eleu e kinai i kekahi hana hoopaia maia hou aku e like la me ko Ianuari aku nei, a me ke kau no hoi o ka weli iwaena o lakou ia lakou iho uo.

 

            Poakolu iho e ku mai ai ka Warimu mai Vanekouwa mai.