Ka Makaainana, Volume III, Number 6, 15 April 1895 — Page 7

HONOLULU, OAHU, POAKHI, APERILA 15, 1895. 7

NA AINA MAMAO.

Na Loho Huikau mai no Wahi
Like Ole mai o ke Ao Nei.

Onene Kuloko ma Kana da.

E ano paonioni kaua mai ana paha o Kanada, mawaena o ke aupuni mokuaina o Manitoba kue i ke Aupuni Panalaau. O ke kumu o keia paee, mamuli no ia o ke kanawai kula o loko o ka apana, e makemake ana no hoi ka Ahaolelo Mokuaina nana e hana ke kanawai kuloko, aka, aole hoi pela ko ka Ahaolelo Panalaau manao, aia ka a na ia aha e hana. A o kekahi kumu hoi e kue loa ia ai, no ka mea, o na poe Katolika Roma ka hapanui loa ma ia apana, a ina hoi na ka Ahaolelo Panalaau e kau ae i ke kanawai, alaila, ina he manao kahi e hoopau loa aku ia kanawai, aohe ia hana e hiki ke hanaia e Kanada mawaho ae o ka Ahaolelo Imiperiala o Beritania Nui. Eena loa na manao me ka paakiki a uahoa pu ma kela mokuaina, a ua kakooia aku hoi ia manao e ka Mokuaina o Onotorio. Ina e ko ana ka manao o ke Aupuni Panalaau, alaila, e mahae loa aku ana paha ka pili'na o na nihoniho, a na keia mua aku e hoike mai i ka hopena o na hana.

E Okaikai ana Paha no Venezuela.

O ka mea ano nui e hoopiololoke la i na anaina pili aupuni o Beritania Nui a me Amerika Huipuia, oia no ka mea e pili ana i kela hoopaapaa palena aina mawaena o Giana Beritania a me Venezuela. Mamuli o keia, aia o Beretania Nui ke komo pono aku la ma ka Hapa poepoe Komohana, i ano like ae no hoi paha me kela koi poho ia Nicaragua, a ua lilo hoi ia mau hana i mea hoowahawaha loa no na Aupuni Repubalika a pau, no ko Beritania Nui komo wale aku no e paonioni a e akeakea me lakou, a ua manao hoi ia mau Repubalika o Ame rika Huipuia hookahi wale no ka mana kiekie a oi aku o ke kuleana ma na hooponopono a komo uwao ana aku iwaena o lakou iho.
                No Wasinetona ka lono o ka la 1 nei ua nui ka pioloke o ke Kuhina Nui no keia ninau e pili ana ia Venezuela. A ua holopono ole hoi ka Amebasedoa Baiada hooikaika ana e waihoia aku keia mau palena aina imua o kekahi aha uwao. Aia na pualikoa o na aoao a elua ma kahi kokoke loa i ka aina e paonioni ia la, a he wa wale no paha a puke ae. Ua olelo wale ia ina e hoomau aku ana ko Beritania manao paakiki ma keia hana, a ae ole hoi i ke noi a Amerika Huipuia e waihoia aku i kekahi aha uwao, alaila, e komo aku ana o Amerika ma ka aoao kakoo aku ia Venezuela, aole ma ka olelo wale, aka, ma ka hana a me ka hooikaika pu aku. Ma ke kauoha a Amerika Huipuia, ua holo aku o Adimerala Meade me kona mau moku no Colona, i kokoke ai hoi ma kahi o keia hana, aole nae ia laila wale, aka, ia Bilufi a no hoi kekahi. He ehiku ka heluna o keia mau mokukaua, a e kakooia aku ana hoi e na koa o elua moku ma ka aekai Pakipika ae o Panama.

Hoomoe Kaua o Iapana me Kina.

Ua kukalaia ae e hooki a e hoomoe iki ia iho ana ka hoouka kaua ana mawaena o Kina a me Iapana, i loaa ai hoi he wa kupono no na kukai ana no ka maluhia. Akenui loa ka Emeperoa o Kina e hooki koke i ke kaua, a ua oleloia ae hoi i loaa iki keia hoomoe ana mamuli o na manao aloha kahoahoa no kala ki pu ia ana mai nei o Li Hana Kana. Ua hoikeia ae o na kumu e loaa ai o ka maluhia e uku ae o Kina i 400,000,000 iene no ke poho a e hoolilo aku ia Foamo sa a me Manakuria hema, a e paa hoi o Iapana i na hooia ana no ka manawa e hookaaia ana o kela koi poho a me ka hoomaopopo ana i na palena. Aohe mau kumu i hoikeia no keia hooki ana i ke kaua, koe wale ho paha na koi ma ko Iapana aoao.
                Ua olelo ae ka mea kakau o ka nupepa Manawa o Ladana, e noho la ma Pekina, ua hoopuka ae ke Aupuni i na kauoha a kulike me na kumu o ka hoomoe kaua ana, a ua oi loa aku la ka maikai o ke kulana i keia wa no ka loaa ae o ka maluhia, mamuli hoi o na hoike'na ano makamaka loa o ka Emeperoa o Iapana no Li Hana Kana. A ua olelo ae no hoi kekahi nupepa o Parisa i loaa keia hookiia o ke kaua mamuli o ka pau o na wahi e loaa mai ai o na kokua dala ana ia Iapana a me ka popilikia hoi i loaa aku i kona oihana kalepa mai kinohi mai o ka hooili kaua ana.

Na Lonolono Kaua o ke Komohana.

E holo ana ka Emeperese o Iapana no Hirosima no ka nana ana i na halemai oihana koa a me ko ka Ahahui Kea Ulaula.

                Ua oleloia aia na Pake ke hana la i na liuliu ano nui ana no ka hoopakele ana ia Foamosa no ke kue aku hoi i ka pae ana aku i manaoia o na Kepani.
                No Honakona ka lono o Maraki 30, aia na Kepani ke ki poka la ia Taiwana, ke kulanakauhale poo o Foamo sa.
                Ua hoouna aku ka hui hana pu Winike seta o Amerika Huipuia he 2,000,000 poka owili no ke Aupuni o Kina. Mai ka hoomaka ana mai o ke kaua, ua 20,000 na pu raifela a ia hui i hoouna aku i Kina, a aia no hoi ke hana la i na kauoha poka hou no ia Aupuni.

                Ua hoikeia ae ua ano oluolu loa ko Li Hana Kana eha a ua hiki hoi iaia ke lawelawe ae i ka hana.

                Aia ke hoea nui la he mau tau sani lehulehu o na koa Pake i Nanakina no ka hoopakele ana i na awa ma ka hema aku o ka Muliwai Iana-tise kiana. Ke hoopio la hoi na pualikoa Kepani ma Kianasu i na kulanakauhale ma ka akau aku o ke alawaioki Nui.

                Ua oleloia ae ma ke keena oihana Iapana ma Wasinetona e hoounaia aku ana paha kela opio nana i ki o Li Hana Kana i na lua eli minerala ma Iapana Akau a pau ke ola. Ua ano like loa no ka ia wahi me Siberia. Me he la imua o ka aha hookolokolo maoli kona hookolokolo ia ana, no ka mea, ina paha imua o ka aha koa, ina la ua hoopaiia oia o make.

Na Hunahuna Laulaha.

Eha tausani poe e lanahu o ka Mokuaina o Iowa i olohani ae malaila.
                He ahakukakuka alahao ke malamaia aku ana ma Ladana, a e komo pu aku ana me Amerika.
                Ua kipa ike aku o Kiaaina Makinile a me kona poe ia Pere sidena Kalivilana ma Wasinetona.
                Ke hana malu loa ia mai la e na Heresofa ka moku heihei Ame rika hou nana e hoopakele i ke kiaha Amerika ma nei mua iho.
                Ke koi la ka nupepa Manawa o Pa risa no ko Enelani mihi aku ia Farani no na olelo i hoopuka koke ia mai nei e Sa Edewada Gere a me Iosepa Kamalena.
                Aia a loaa ae he mokukaua kaawale, alaila, hoouna aku o Peresidena Kalivilana i komisina no ka nana ana i kahi e moe la o ke alawaioki o Ni caragua.
                Ua meha pu na hana ma ke alawaioki o Panama mamuli o kekahi olohani a na poe paahana. Ua haule pahu kekahi hoao ana e puhi ahi aku i ke kulanakauhale o Colona.
                Ua hana kuikahi aku o Iapana me Peru i like ke ano me kela me Amerika Huipuia. He hoike keia no ko Iapana hoololi ae i kona kahua alakai pili kalepa ma keia mua aku.
                Ua hoounaia aku he pualikoa o 1,400 kanaka no ka hoopakele ana mai ia Robatasona, ka agena Beritania ma Sitirala [Chitral], e hoopuikaikaia la hoi e Sere Afesula, a ua hala aku ma kela aoao o ka palena o Afeganitania mai Inia aku.
                O ke paonioni a kokoke ai e ulele hakaka mawaena o Mekiko a me Guatemala, ua pau aku la mamuli o ka hooponoponoia ana me ka maluhia. Ua manaoioia e mihi aku ana o Guatemala ia Mekiko, a e waihoia aku ana hoi ke koi poho a Mekiko i kekahi aha uwao.
                No Samoa na lono o Maraki 23, aia no na poe kipi o Tauta ke hooweliweli la i ke Aupuni. Ua hoopaiia kekahi haole, nona ka inoa o Charles Thomas Taylor, no ekolu malama hoopaahao no ke kuhi ana na R. L. Kiwinikona i make i hoolako aku i na kipi me na lako kaua, a ua kala loa ia hoi o Kiwinikona mai na hewa a pau.
                Ua loaa aku he kono ia Pe residena Kalivilana mai na makaainana alakai aku o Kikako, me ka nana ole ia ae o ka aoao kalaiaina, no kekahi aha hookipa hanohano akea nona a me Misasa Kalivilana, ma ke ano hoike ae hoi no ko lakou mahalo no ko ka Peresidena kupaa mau ma ka hoomauia aku o kekahi kahua pili dala lahui oiaio maoli.
                Ua lonoia ma Nu Ioka, Maraki 5, ua hoopalau o Misi Conosuelo Vanabila, kaikamahine a W. K. Vanabila i moku me kana wahine, a me John W. Mackay Jr. (Keoni Make opio), he keiki ona miliona no. I kahi la ae i holo aku ai o Misasa Vanabila a me na keiki no Enelani, a ma kahi wahi o Europa lakou e noho ai ma keia mua aku ma ke ano hoolaulea a hoohala manawa.

                Ke hooweliweli la o Ga za, ka powa o Mekiko, e komo aku i Bocala dele Toro, ma Colomobia Ua hopu ae na kipi i kekahi moku kiai ma Coseta Rica. Aia hoi o Rojasa Paulo, Generala Pepa a me kahi poe e ae i kipakuia mai Venezuela ke noho nuu la ma Curacoa me ka haawi i na kokua ana i na kipi o Colomobia, a ua lonoia hoi ua hoauheeia na kipi, koe nae hoi ka pio loa o ka onene kipi.
                Ma ka haiolelo a ka Emeperoa o Geremania imua o na koa moana hou i ka wa o ka hoomoeia ana mai nei o ke kila o kekahi mokukaua hou ma kahi o ka mokukaua Peresau, iwaena o na olelo e ae, ua hoike aku oia i keia iho: "E like hoi me a'u, ko oukou Emeperoa a alii hoi, e hoolilo ana i ko'u noonoo a hooikaika ana a pau loa no ka aina makua nei, pela no hoi oukou i hoopaaia ai e haawi i ko oukou alo holookoa ana no'u."

Ua mareia iho nei e Rev. J. Waiamau kekahi mau haumana o ka Puali o ke Aloha. Pono.
                Ua hooholo iho nei o Lunaka Kaapuni Kupa i ka pono no ka mea hoopii ma ka hihia kipaku o Lu cy Kila kue ia S. K. Kila me ke kiure ole, no kekahi apana aina mauka aenei o Leleo. No ia mea, ua hoohalahala loa aku nei ka mea hoopiiia imua o ka Aha Kiekie.