Ka Makaainana, Volume III, Number 3, 25 Malaki 1895 — Page 3

              HONOLULU,  OAHU,  POAKAHI,  MARAKI  25, 1895.             8

 

  NA AINA MAMO.

_______

 

Na Lona Huikau mai na Wahi Like Ole mai o ke Ao Nei.

_______

 

No ke Kaua ma ke Komohana.

 

   Ua lilo pio mai o Inikao (Yingkow), ke awa o Nukawana, i ka pualikaua elua o na Kepai i ka la 7 nei, mahope iho o ke kaua hahana ana.  Aohe hopohopo ana no ua haole e noho ia ma Nukawana, no ka mea. aia lakou ke kiai makaala loa ia la e na puali Kepani mai ka hoopoinoia aku e na Pake.  Ke haalele loa la ua na mikukaua Pelekane e Maleka i ka hoopakele aua i na kanaka o ia mau kupuni e noho la maliala iloko kaokoo ana lima o na Iapana.

   Ma ke la hooili kaua ae la ma Inikao, olua koa i puehu liilii mamuli o ke pahu ana ae o kahi hoahu pauda maloko o ko na Pake wahi pale mai.  I kakahiaka o ka la mamua ae ka lele kaua ana aku o ko Generala Nodwzu puali, me ke kokuaia aku e ka mahele ekahi, a kur aku la i na Pake malalo o Generala Luna ma Tiene-Kana Tai, ma ka aoao komohanao ka Muliwai Liao Ho, he 15 mile ma ke komohana aku i Nukawana kahiko.  I kolu wahi o ko na Kepani nee ana aku, hookahi puali ma ka akau mai, hookahi puali ma ka aka-hikina, a o ke kolu ma ka aoao akau-komohana.  Hora 7 A. M. ka hoomaka ana o na pukuniahi i nee aku ai he ekolu mahele o na pualikoa a kaua hahana aku mamua iki iho o ka hora 10:30.  Ua 10,000 a oi aku paha no Pake.  I kinohi, ua hoaano oolea mai no na Pake, aka ma ia hope iho ua nohaha lakou a holo liilii @@a o a maanei, @@e ke ki la hoi i ka lakou mau pu a me ka hoao ole ae e hoopakele i na hae a i na ukana paha.  Ma ka akau-komohana i auhee aku ai ka hapanui o na Pake.  Oiai hoi, he 100 wale no o na Kepani i make, ua haalele iho na Pake he 2,000 i @@ake a e waiho-a-make ana ma o a maanei o ia wahi.  Ua lilo pio aki na pono kaua a pau loa o na Pake,  A oiai no hoi e lulu ana,ua hao ae ke ahi a mamua o ka poeleele ana, aohe wahi opala i koe iho.

 

  Na Lono Kaua o Kina me Iapana.

 

   Ua hoikeia ae ua loaa aku kekahi ahahui malu iloko o Pekina, o ka manao nui oia no ka hookahulihia ae i ka Emeperoa a me ka aha hooponopono aupuni kuwaena.  O ke alakai keia, ua paa i ka hopuia.

   Elua mau, Kenerala Pale i hoopaiia e hoopaahaoia a ke kau o ka haulelau, alaila, ia wa aku e okiia ai na poo o laua no ka haule ana o Awa Ata.

   Ua ahewa aku ka Emeperoa o Kina e make na luna oihana kaua a me ka oihana kivila ma Wei-Hai_Wei, a ua hoomaopopoia aku hoi ke Kiaaina o Santuna e oki i ko lakou mau poo ma ka ui hou ole aku i ka Emeperoa.

   Ua hoole na Iapana i ka hoomakaia ae o na kukai ana no ka maluhia ma Awa Ata.  Ke hoopaakiki la lakou aia no a maluna ponoi iho o ko Iapana lepo e lawelaweia ai na kukai ana.

   Ua hoikeia ae ua hai akaka aku ke Kiaaina o Awa Ata ua komo pu aku oia me Li Hana Kana no ka hookahulihia ana aku i ka ohana ahi o Mana kuria.

   He ala kue aku i na haole ka i hopohopoia ma ka mokupuni o Foamosa, a ua hoounaia aku he mau manuwa Pelekane lehulehu no ia wahi,  Mamuli o ke pahu ana ae o kekahi papu malaila, ua poino he 2,000 poe kanaka.

   Lehulehu na wahine haole i haalele iho ia Kaigana no Pekina, mamuli hoi o ka leo uwalo a ke Kuhina Amerika o laila kahi pono no lakou.  Maluhia o Kaigana ia lakou i haalele aku ai , a pela no hoi me Pekina.  Aia hoi na haalele la ia Pekina, Tienetesina, Taku, a me na wahi kokoke e ae, no ka makau i ke komo aku o na Kepani.  O na mokumahu hoi keia i hoea aku i Sanahai, ua hele a pihakui me na kuewa mai o kela mau wahi ae la.

 

Kulana Kupikipikio ma Aigupita.

 

   Ua hoole ae ka Ahoaleio Aigupita i kekahi mau bila kanawai lehulehu a Nuba Pasa, ke Kuhina Nui, me ka hoomaopopo pono ole a hoohakalia ole iho no hoi.  Ua ikeia hoi ke komo nui aku o na poe Bedouina iloko o Alekanederia.  Nui ka hoopiolokeia o ka lehulehu mamuli o na wanana i lu hele ia ae no ka luku aku i na poa Europa a me na Karistiano i ka manawa w malamaia ar o ka ahaaina pili hoomana o Ramadana.  Na na poe Moselema keia wanana ku i ka hooweliweli.

   Mamuli o ka hoikeia ana ae e ka mea kakau o ka nupepe Manawa o Ladana e noho la ma Kairo aia ke he mea kakau nupepa o Parisa ke olelo akea la no ko Farani kakoo aku ia Aigupita me ka ikaika kaua, a ua lilo keia i wea hoopioloke ma Parisa.  Aia nae i oi ke Kedive ke manao la e hoopau i kona Kuhina Nui, ia Nuba Pasa, a ua oleloia hoi aole loa oia e ae i kekahi ano @u i ka hoopaahao, a aia hoi oia ke hana pu la me ka lokahi me Enelani.  Ua manaoio nae hoi o M. Felourene, he loea kalaiaina Palani kaulana, o ko Enelani manao maoli no ke kimopo aku me ke oolea, a e loaa @nai hoi he lawelawe kuokoa ana ina Aigupita.

  He nupepe puka la no Alekanederia ka i olelo ae ua kuhi aku ke Kedive i ke ano epa wahahee e Haku Kaloma (Cromer), ke elele Beritania malaila.  Ua manaoia na ke Kedive mai no keia manao i hoolalelale.  Mamuli o keia ae la i manao ai ka Aha Kuhina e haalele, aka, mahope iho o na kukakuka ana, ua hooholo paa nui iho la aole loa lakou e haalele, oiai hoi lakou na kakooia e ke aupuni Pelekane. 

 

Na Hunahuna Laulaha.

 

   Ua ka haiolelo pane i ka haiolelo Alii, us hooholoia iloko o ka Hale Ahaolelo Makaainana Beritania e ke koho ana 297 kue ia 283, he oi o 14 no ke Aupuni.                 

   Kanakola poe keiki helo kula o Mosekao i piholo a pau i ka make, mamuli o ka haule ana iloko o kekahi lua iloko o kekahi muliwai i uhiia o luna iho a paa me ka hau.

   Na ka nupepa Manawa o Kikako i hoike ae ua lilo aku na hui hana wati elegina a me Walatama o Amerika Huipuia ma ke kuaiia e kekahi hui o na poe Pelekane waiwai no $10,000,000.

   Ua lonoia e hoouna ana ke Aupuni Geremania i elua mau mokukaua i Guaira, no ka hooko ana aku i ka hookaaia mai o ka uku hoopaa i hookaa ole ia mai no ka hanaia ana o ke Alahao Veneznela Waena e Geremania.

   Ke kiai makaala loa la o Farani i na launa pili aupuni ana mawaena o Enelani a me Italia.  Ua hooholo paa ia Aupuni no ka hoomahuahua loa ia ae o na aumokukaua, mamuli no hoi o ka hoomahuahuaia ae o na mokukaua Beritania.

   Aohe hilinai o ka Pepe i ka manao oluolu akea o ke Za o Rusia.  Ma kona manao, ina e manaoio ana kekahi i ka ke Za mau hooia ana, o ka hopu koke ia ana mai nei o kanakolu poe kahunapule Polani ka mea e pale loa ae ai ia manaoio ana o ia poe.

   Iloko o ka Hale Ahaolelo Makaainana o Enelani, ua hoike aku kekahi Haku o ka Papa Kaua Moana, e olelo ana:  “Mai ka hoomaka ana o 1894, he ehiku na mokukaua i hoomaka ia e hana me Enelani, hookahi ma Farani a he ole ma Rusia.”  A imua no hoi o ia Hale, ua pane aku o Sa E. Gere i kekahio ninau, e olelo ana aohe o Gere mania manao hoohui ia Samc.  Aia no ko Enelani manao ma ke hooko aku i na kumi o ka aelike o Berelina e pili ana no ia mau paemoku.

 

______________

 

Wahi Olulo Pae Hewa.

 

   I ka wa e ku ana ke okohola Belevedia iwaho o ke awa, ua mahuka iho la kekahi mau luina ona a au mai la a pae iuka nei.  O kekahi ua paa koke no ia he mau la no mahope mai, a koe o Oto Nete.  Ua holo pee oia hala wale no kona moku, a @@@ la 5 iho nei ua hoike ae la oia iaia iho a hele aku la a hoohiki e kakoo i ka Repubalika imua o ke Kakauolelo o ka Aha Kiekie, a ua manao e komo iloko o kekahi pualikoa o ke Aupuni, aka nae, ua haawi koke ia i ka oihana makai ma ke ano he mea i mahuka.  Ua hoihoiia aku oia maluna o kekahi mokupea i holo aku no Nu Ioka i kela mau la aku nei.  Wahi ana i hoike ae ai ua malama maikai ia oia e kekahi ohana Hawaii ma Kamoiliili, oiai kona mau la e holo pee ana.

 

_____________

 

   I ko C. W. Akepoka la i holo ai, ua lulu lima aku kekahi hoa’loha iaia, a ua olelo aku ---“Mai poina oe ia’u.”  Ua pane mai hoi kela – “Aole au e poina ia oukou.”  I ka uwapo ho keia kike olelo aloha me ka lulu lima pu ana.

 

   Ua hoopauia ko S. W. Kaikuahine noho kumukula ana no ke kula olelo Hawaii o Kawaiahao, o ke kumu, no ka hiamoe i ka wa hana o ka haole, a no ka uuku loa no hoi o na haumana.  He makai oia no na keiki haalele kula i keia manawa.

 

   E hooliloia aku ana ka pa o Boloka, i onaia o W. G. Iwini, ma ke kihi hema o na alanui Likeke me Kalepa, kokoke i Halaaniani, i kahua paani kinipopo upena.  Eia ke hoiliwai a ke hoolaumaniaia nei me ka hooulu aku hoi i ka manienie, i lea pono ai hoi ka walea ana a na Adamu a me na Ewa.

 

   He haole kuewa ka i hopuia i ka Posha, la 14 nei, no ka aeahaukae, a i ka Poalime mai i hoounaia ai no Kawa no hookahi malama hana oolea.  O ka makilo hele kaua hana, he molowa loa i ka hana.  He hana ka i haawiia iaia iluna o kekahi moku i holo aku no Amerika aohe nae he ae.  No ka nui loa, paha o kona makemake ia Hawaii nei.

 

   Ia Keoki Kalaka, e noho nei me Bihopa Wilisi, e holo malie ana ma kona lio i kakahiaka Poaona, la 16 nei, a ma ke kihi akau o na alanui Papu me Moi nei, mawaho pono o ko Hama hale hana ili, ua pakika kona lio a huli aoao, a waiho ana oia ilalo o ka lepo.  Ua eleu hou ae no oia a ku, a mamua ae hoi o ka hiki ana aku o ua kokua, ua a’e ae la oia i ka lio a holo aku la me ka eha a poino ole.