Ka Makaainana, Volume II, Number 26, 24 December 1894 — Page 2

Ka Makaainana.

 

HONOLULU , OAHU, POAKAHI, DEKEMABA 24, 1894

 

NA AINA MAMAO.

 

Na Lono Huikau main a Wahi Like Ole mai o ke Ao nei.

 

Make ke Kama’hiwahine Bisimaka.

 

            Hora 5 A.M. o Noveinaba 17 i make emoole ai o Kama’liiwa, hine Bisimaka ma Vazini, ka wahine aloha a ke kuhikuhi puuone ka liana o ia inoa o Geremania, mahope o ke kaa mai po kole ana no kekahi mau la helu wale no.  Ua mareia laua ileko o Iulai 1847, Johanna von Pottkamur kona inoa, a ua hanu main a laua he ekolu keiki, elua kana a hookahi wahine.  He wahine oia i aloha nui ia e ua poe a pau i ike a i kamaaina iaia.  Aia no ke kane ke waiho la @na ke kulana ola ku i ka hopohopo ia.  E hoea ae ana he hope no ka Eneperoa ma ka hoolewa o ke Kama’liiwahine.

 

Na Pe Holani ma na Inia Hikina.

 

            He lono palapala mai ka Mokupuni o Lomoboko ka i heolahaia ae ma Amesedama, Holani, Novemaba 24, e olelo ana na puka ae na poe Balinese mai kekahi mai o ko lakou mau wahi oolea loa a kaua aku la in a pualikoa Holani.  Ua hoauheeia na kipi me 45 poe i make.  Eha koa Holani i make, o ke konela kekahi.  Ia wa iho i hoolele poka aku aina Holani ia pupupu kauhale o Sasari a hoopahuiiakahi heahu pauda o na poe Balinese.

 

Weheia ko Italia Kau Ahaolelo

 

            Na ka Moi Humebata ponoi no i wehe ae i ke Kau Ahaolelo o Italia ma Roma i ka la 3 iho nei.  Ma kana haiolelo, ua pane hoalohaloha mai oia no na poino a popilikia i loaa mamuli o ke olai ano koke mai nei malaila.  Ke pii hou ae la na hanalima luloko, a pela no hoi me ka hilinaiia o kona kulana aie dala, me ka waihoia aku hoi o kekahi mau hila kanawai no ka hoomaalahi ana i ka holo ana o ked ala ma o a maanei a me ka hoomaikai pu ae hoi i ke kulana aie.  Ua hoopau ae oia me na hoike ana i ka hilinai no ka hoomauia o ka maluhia ma Europa.

 

Aole Loa e Hiki ke Pale Aku.

 

            Mai ka lilo pio ana o Awa Ata, wahi a ka lono mai Sanahai ae o ka la 12 iho mei, ua hoike malu ae o Li Hana Kana i ke Aupuni ma Pekina i ka hiki ole loa iaia ke akeakea a pale aku i ka nee ana aku o na pualikaua Kepani imua.  Ma kana hoike ua minamine loa oia no ka nele loa in a alahao mamua ae hoi o na ko@, a pela hoi i ko ai kona manao kalaiaina i hoolala ai mamua, e hoohoka ana hoi in a poe kue i kana alakai ana no ka hooholomua ana in a waiwai palena ole o ia emepaea.

 

            He keu a ka eleeleu loa o Kana-Kituna [Chang-Chitung ], ke Kiaaina hou o Nanakina, ma na hana ano nui loa no ka hooholomua ana i ka emepaea o Kina.  Iwaena o kaua mau hoolala ana o ka hana ana in a alahao kekahi, i mea hoi e hiki ai ke weheia na oihana o Nanakina  O kona manao paha ma keia mea, oia no paha kona hoomaopopo e ae i ka hopena o na hana o keia mua iho ke kahulihia ke Aupuni Pekina, a i mea hoi e kono aku a ii na haole e kukai pololei aku no me ia ma na mea pili hooponopono aupuni.  Ua manao ia Pake o keia Kana-Kituna ka hoku e oili ae ana ma ia emepaea.  Maloko loa aku hoi o Kina, he kau loa a ka maluhia palena ole.

 

Luku Mainoino ia e na Kepani.

 

            Mai ka hoomaka ana mai o ke kaua, akahi no a ike a loheia he wahi kiko-eleele e hoopaumaele ai ia Iapana no ka hoomaino ino a ku ole hoi i kea no naauao o keia au.  No Iokohaina mai no ka lono o ka la 12 iho nei no ke komo ana aku o na pualikoa Kepani iloko o Awa Ata i Novemaba 21 a hoomaka aku la i ka luku a me ka pepehi ana in a poe a pau loa o ka lahui malaila me ka menemene ole ae.  O na poe i hiki ole ke pale ae ia lakou iho a i nelee no hoi me na lako kaua ka i pepehiia iloko o ko lakou mau kauhale a hoomainoinoia aku hoi na kino me ka mauaonao a weliweli launa ole mai a me ke kau maoli io no o ka weli i hiki ole ke pale ae, a us mau aku pela no ekolu la.  Ua hao a pakahaia ke kulanakauhale ho lookoa me na hana manaonao a ku i ka maeele palena ole.

 

            Ae, o ka makamua loa io no keia o kekahi kiko maluna o ko lapana ano naauao.  E lilo ana keia i mea hoomanaonao i kea o holookoa.  Mamuli hoi o keia mau hana weliweli loa i ka nana aku, ua haalele like iho na poe kakau nupepa kuwaho i ka pualikaua.  Ua hooiaio a hilinai loa ia keia lono, eia nae, aole loa he wahi manaoio iki o ke Kuhina Iapana ma Wasinetonaa no keia mau hana i oleloia ua hanaia e na Kepani ma Awa Ata.  O kekahi hoi o na olelo pale, aole no na na koa Kepani keia mau hana, aka, na na poe limahana Kepani paha, mahope iho hoi o ko lakou komo ana aku a ike nui ae hoi i ka pau o na poo o na poe koa Kepani i pau i ka make i ke okiia a kuawale main a kino aku, a na ia poe aku hoi keia mau hana mamuli o ka inaina in a mea i hanaia iho maluna o ko lakou mau hoalahui make me ka ma inoino a manaonao palena ole.  Nolaila, aole keia mau hana i kupono loa no kea no naauao a Iapana e pai la ma keia hoouka kaua ana.

 

Hoauhee Hou is no na Pake.

 

            No Anetona mai ka lono i loaa i Ladana, la 12 iho nei, e olelo ana ua hoauhee aku ka mahele Kepani i ka Poakahi, Dekemaba 10, in a Pake ma kahi kokoke i Kini-Kawa-Hu.  He 100 i make o na Pake, a he heluna nu ii eha.  Ma ko na Kepani aoao hoi he kanaha wale no i make a eha, a ua lilo pio mai ia lakou he elua lepa, umi poe pio a me kekahi heluna o nap u raifela.  He 4,000 ka heluna o na Pake ma keia hoouka kaua ana.  Ua moe aku kaoo auhee o na Pake no Toso-Hune-Kou.

 

Na Lonolono Kaua o ke Komohana.

 

            Kakahiaka Poaono, Noemaba 24, i haalele iho ai kekahi moku lawe olelo i ke lowa o Pini Iana no Awa Ata, e lawe in a hoomaikai ana o ka Emeperoa ia Kouna Oiania a me kona mahoalo in a pualikoa.

 

            Aia na Kepani ke liuliu la no ka hooilo.  He 10,000 tona lanahu i lilo pio mai ia lakou ma Awa Ata, a me na lako kaua o 3000,000 taela ka waiwai io.

 

            He palapala no Si Fu ae i ka nupepa Manawa o Ladana, o Noemaba 26, ka i olelo ae o Awa Ata ke a la.  Ua ikeia ae he 12 mau mokukaua Kepani malaila.  Aia no na mokukaua Pake ma Weihaiwei.  O ke kolu hoi o na pualikaua Kepani i haalele aku ia Iapana i Novemaba 20, aia no ma ke kai, a ua kaa pono ae ka lakou mawaho o Weihaiwei.

 

            O na mokukaua ma Awa Ata i ka wa i lilo pio ai i na Kepani, ua manaoia o na moku Pake no ia i holo aku ai ilaila me ka poino mahope iho o ke kaua ana ma ka nuku o ka Muliwai lalu, a oiai hoi ua pau nu ii ka hana hou ia, aole lakou i aa e hoopuka hou aku no waho.

 

            Ua lonoia mai Nu Kawana (New Chwang) ua mahae pu ka pualikaua Pake malalo o ka Kener la Suna alakai ana.  Aia kekahi mahele ke paa loa la ia Motielina (Mothieling) a e hoauhee mau ana hoi i kekahi  mahele o ka pualikaua Kepani mua.  Ke onou aku la hoi kekahi mahele no Awa Ata e lele kaua aku a ii na Kepani malaila.  Aia hoi kekahi mahele o ka puali Kepani mua ke uhai la in a Pake ma ko lakou ala no Awa Ata.

 

            Ua hoomaka hou ae na Tona Haka i ko lakou ano eena ma ka hema o Korea.  Ke kokua la na koa Kepani in a pualikoa Korea ma ke kiuai ana iho i keia ano pioloke a haunaele ae.  Ua lele kaua aku he heluna nui o na Tona Haka ia Konosina, Korea, i Noemaba 28, a ua hoauheeia e na Kopani me ka luku nui ia  Elua alii kipi i make.

 

            O na poe Pake i auhee wai Kiui Sao, ua kuhihewaia mai lakou e ma pualikoa Pake o lakou no ka enemi a ua kiki poka ia mai.  He mau haneri o lakou i pau i ka make.

 

            Ua hooko ae na luna oihana Pake in a mihi aua aku e like me ke noi a na luna oihana o Beritania Nui no na hanaino wale ia aku uo e na koa Pake maluna o kekahi mokumahu Beritania (ke Saiga Kini—Chaig King) iloko o Augate  Ua kip u aloha ia mai la oia e na pu ma na papu o Taku a ua haawiia aku hoi ka mihi i makemakeia i ke Kuhina Beritania.

 

            He aie kaua hou ka i kaheaia ae e Iapana o 50,000,000 iene a ua loaa koke ae no malaila, a mamuli o keia ua loaa ae he 80,000,000 o ka 100,000,000 i hoomanaia.

 

            Ua hopu a pepehiia e na Pake he elua maheleolelo a me kekahi mea kakau nupepa e uhai ana mahope o ka pualikaua Kepani.  Aia hoi ua koa Monogolia ma Ia Ho ke kipikipi la.

 

            Ke ake loa la ka na mokukaua Kepani, pela kekahi hoike mai Si Fu mai, e komo uui loa aku iloko o na hana o ke kaua me na au mokukaua Pake.

 

            Ua pae ae na Kepani me ka heluna nui, pela ka lono mai Tienetesina o ka la 12 iho nei, ma kahi he kanalima mile ma ka akau aku o Sanahai-kawana.  O ka lono no Wu-Hu ua maluhia o laila.

 

            No Sanahai mai o ka la 12 iho nei ka lono, oia hoi, mamua ae o ka noonoo ana i kekahi mau koi no ka maluhia mai ia Kina aku, e koi paakiki aku ana o Iapana i ka haawi pio ia aku o na luna oihana Pake a pau, no ke okiia aku o na poo, i haawi in a uku makana dala no na poo o na poe Kepani.  Ua hoikeia ae no hoi ua loaa aku ua palapala, i kakauinoaia e ke Kiaai ia o Nanakina, e haawi ana i uku makana no na poo Kepani.

 

            He palapala no Berelina ka i hoike ae ua ae o Kine i ka Enelani haawi o kekaui aie lahui o £ 1,200,000 no 4 ½ pa-keneta.

 

Na Hunahuna Laulaha.

 

            Ua lonoia ua noi aku o Rusia i ke Suletana o Tureke no kekahi wahi hoahu lanahu ma ka Boseporusa.

 

            Laulaha loa ka manao kue @ eena loa in a Faraui ma Madegasska.  Aia ka Moi (wahine) ke bookokono la e kue aku.

 

            Ma Parisa, kakahiaka o ka la 1 nai, i make ai o M. Auguste