Ka Makaainana, Volume II, Number 23, 3 December 1894 — Page 8

Ka Makaainana.

HONOLULU, OAHU, POAKAHI, DEKEMABA 3 1894

 

Loaa he Puali o na Koiohe

 

Mamuli o ka eleu o Makaikiu Lasena a me kona poe, ua paa ae kekahi poe aihue lehulehu i ka hopuhopuia i ka Poalima nei He ewalu ka nui o na poe i paa ae ma Kalakaua Hale, elua Pake a me eono Hawaii, no lakou iho keia mau inoa:  Keau, Paahao, Pukela,  Punuku, Kalakahuna, Wiliama Huihui, Apa a me Alama.  Ua oleloia he 20 ka huina nui o keia poe a ua ike a kamaaina mua no hoi ka hapanui ia Kawa.  Ma na kino o Pukela a me Huihui, ika huliia ana ma ka Halewai, ua loaa aku he huihui ki i ka inoa mua, a he pepa kii o na ano ki like ole i kahaia i ka in a hope.

 

Ahai ka Pupuhi.

 

He 12 poe i pae hewa mai ma ka Miowera aku nei mai Vanekouva mai, ewalu haole, elua Pake a me elua Kepani.  Ua hemo ae uo na Pake a me na Kepani i na hoa'loha maanei, hookahi haole i lawe loa ia aku no e ka Miowera a koe iho nei ehiku no ka hoihoi hou ia aku e ka Warimu.  Ekolu i mahuka aku i kakahiaka malamalama loa o ka Poaha iho la ma ka pinana ana iluna o na kua laau maluna aku o ka pa a haule ma ka aoao o ko kakalaika hale.  Ua ikeia mai lakou e kekahi mau keiki elua o hoikeia ae i kekahi makai.  Mai ia wa mai a hiki i keia la, aole o lakou mea i loaa iki, oiai nae, ua pau na awawa a me na kualono i ka huliia e na makai.  Eia no kekahi noe ke paa nei,  na hemo ae nae hoi kekahi i ka Posono nei i ke kokuaia e na hoa'loha. 

 

Mai ka hoi ana mai o Hope Ilamuku Balanou mai kela hukai ike i ke kahua mai lepera ma Kalawao, Molokai, a hiki mai i keia la kena waiho ana i ka mai, a na Kapena Poo Waipa i lawelawe mau ae i kana hana no elua iho la pule ma ka lawelawe ana i na hihia ma ko ke Aupuni aoao imua o ka Aha Apana. 

 

Oiai, o J Caside no hoi ka luna nui o ka oihana kukui uwila o ke Aupuni a luna nui pu hoi oia no ka Hui Telephone Bele, ua pau ae la mai ke kulana mua, a ua paniia aku kona wahi e J. W. Parata, luna nui mua loa o ka Hui Telephone Mutuaia i hoopau kahiko ia no ka ona mau.  He aliikoa oia i ke kipi mua ana iloko o 1887, a pela no hoi oia ua keia au.

 

Hora 7:30 o ka po nei i ku mai ai ke Kalaudine.  I Kawaihae loa aku nei oia i ka hooili bipi, a no ka nui loa o ka ino o Paauhau, Hamakua, aole i ku ilaila, hoi no Mahukona e ku ai. Haalele ia laila no Hana i kakahiaka nui Poaono nei, kalewa wale no no ka ino a holo loa no Lahaina, aole i hookomo i Kahului.  Haalele ia Lahaina hora 1 P.M. o ia la no a hoi mai la.

 

'O ka hoolimalima o ka pa-hae o Kenerala Mila, Kanikela Pelekane kahiko loa maanei, ma Waikki iho o Wasinetona Pa, i paaia iho nei no 33 makahiki e Kauka Makipiue makua a me kona ohana, ua lilo mai nei ia i ke Aliaimoku i keia wa.  E hoi ana ka ohana Makipine ma keia mua iho no Maui.  He 84 paha pahu i pha me ko lakou mau lako ukana, a o ua mea i koe iho e hooliloia aku ana ma ke kuai kudala i kahi la o keia pule.

KELA A ME KEIA.

 

E nana ae i na hoolaha hou e puka aku nei ma keia helu. 

 

Poakolu iho e noho ai ke kau kiure o ka Aha Kaapuni o ka Apana Hookolokolo Elua ma Lahaina, Maui. 

 

E hoomaha ana na Kula Aupuni a pau ma ka Poalima, Dekemaba 21, a hoomaka hou ma ka Poakahi, Ianuari 7, 1895.

 

Ua pau ka hune wai o ke kulanakauhale nei i keia wa, o na luawai ekolu o uka o Nuuanu, ua piha pono i ka wai.

 

E loaa no na hoaie dala ana ke kipa ae e ike Hui Hoopukapuka, Hawaii, e puka mau nei hoi ka hoolaha ma keia pepa.

 

I kakahiaka Poakahi i hala i hookuuia mai ai a Pake a me na Kepani i hoomaluia ai makai o Kahakaaulana o ka Osianika mai.

 

Ua hoolaunaia aku e Ilamuku Hikikoki o P.Karole, ke poo o ka Oihana Makai o Kapalakiko, imua o Peresidena Kole i kakahiaka Poalua iho la.

 

Ua panikauia ae na keena oina na Aupuni, na hale kalepa a me na hale banako elua ma ka Poaha nei.  Aole hoi he kula o na Kula Aupuni ma ia la. 

 

O ka Warimu no ka hoi ke hoea mai ana no ma kona wahi aole hoi o ka Arawa, aka, e holo pani mai ana nae hoi ka Arawa ma ko ka Miowera wahi.

 

Ma Barito Hale, alanui Konia aenei, kahi a ua Pukiki i hoomanao a i lealea ai i ka po Poaono noi no ko lakou la kuokoa, ka 234 o na makahiki.

 

Mai na mokumahu holo pili aina o kakou nei i pau nui mai i ka hoi i nehinei, i loaa mai ai ka lono no ka nui o ka ino ma ko lakou mau awa i holo aku nei.

 

Ua lele uwati ko makou mau luina i ka Poaha ino la no ka hoomanao ana i ka La Kuokoa ou e Hawaii aloha.  Pela pu no hoi  me ko ka Holomua mau limahana.

 

Ma Honuapo, Kau, Hawaii, ua hanau mai he kaikamahine na Mrs K. Keliilaka ma ka la 17 o Novemaba, he waha ma ke kua.  He ano e keia mea i ikeia ma Kau, a eia ke ola nei.

 

Ua hala aku ma ke Kinau o ka Poalua iho nei na Kapena W. Matesona a me Roka, a me na luina o kahi mokumahu Daise Kimibala, no Hilo. Oiai, ua lilo ae nei ua mokumahu la i ka hui o Waila Ma.

 

Eia ke hoolala nei na wahine hoahana o ka Ekalesia o Kawaiahao no ka wehe ana 1 aha fea ma na la 14 a me 15 o keia mahina, no ka pomaikai o ka luakini, malalo o na lawelawe ana a Mrs Haalelea. 

 

O ka Poakolu iho la ka La Kuokoa o Hawaii nei, Poaha ka La Hoomaikai o Amerika Huipuia, Poalima nei ka la hoano o Sana Anaru, ke kiai hoano a hoopomaikai no Rusia a me Sekotia a o ka Poaono nei no hoi ka La Kuokoa o Petugala.

 

I ka Poalima nei, la hoano o Anaru Hemolele, kekahi o na Aposotole, ua malama io ia no na uaina haipule ma na luakini o Sana Anara a me Malieokamalu.  Ia la no hoi i piha ai ke 31 makahiki o ka make ana o ka Moi Kamehameha IV.

 

Elua Pake i pepehi ae i kekahi makaikiu Pake i ka auwina la onehinei, ma ka Huina-a Kale aenei, a ua pae ae i ka hopuia a u nonoho ana i Kalakaua Hale.

 

Ua pau ko Davida Nahoolewa noho makai ana no ka Aha, a ua paniia kona makalua e Alopeka Makana (A McGurn), he hapa-haole no i noho mua ma ia kulana.

 

Ua lilo o Muolaulani, kahi noho o ke aliiaimoku mauka o Kapalama, maka hoolimalima ia Kimo Laukeke, i wahi e noho ai kekahi kaikamahine ana a me kana kane.

 

Ua hookuhuia ae o J. Kahoeka i lunahooponopono no ka waiwai o Ana Boide. i make, o Koolaupoko, Oahu nei, malalo o $500, imua o ka Aha Kaapuni ma ka hooponopono waiwai.

 

Poaono nei i hemo mai ai o J. K. Iniha mai kona noho ana e hana oolea ma Kawa, no hookahi wale no puupuu o ke kui ana i ka auwae o S. Kamaiopili a lewa, a makou no hoi i hoike aku ai mamua.

 

Aohe i malamaia na heihei kaa hehihehi wawae i ka auwina la Poaha iho la, no ka nui loa o ka ua a inoino hoi ke kahua heihei o Kapiolani Paka.  Ua hooholoia iho nei ma ka La Karisimasa ae e hoohana aku ai.

 

Eia ke manao wale ia nei e hoouna aku no Kapalakiko ka lio heihei Haku Boroka o ka Emeperoa o Waikapu, W. H. Konuwela, ma ka Auseteralia o Keia Poano iho, no ka heihei pu ana me na lio o Kaleponi.

 

Ua paikau hookahakaha io ae no na pualikoa Pi Gi i ke kakahiaka Poaha iho la, oiai na kulu pakeua e iho makawalu ana ma ke Kuea Halealii.  A malaila pu ae no o Kolekaaka kahi i makaikai ai i na hana paikau like ole o ka hapai ana o na pu malalo o ka J. H. Pika hooponopono ana.

 

Poaha, Novemaba 22, i make ai ke kaikamahine uuku hope loa a Mr a me Mrs C A. Balaunu, nona hoi ka inoa o Bernice Kamamalu I@.  Auwina la Poalima, hora 4, i malamaia ai ke anaina haipule ma kauhale o na makua, iwaho o Kulaokahue.  Ua hoiho@ia ilalo o Waipio, Ewa, e kaua ai.

 

No kela hoeha ana o kela makai kaulio Cleo E i kekahi o na paahana o ka Hui Alahao Hawaii i kela po o Lipine ma i hopuia ai i hoikeia ma ka aoao 3 o keia helu, ua hoopau wale ia no ia i@ua o ka Aha Apana i ka Poakolu i hala ma ke noi a P. Numana, loio no ke kahukaa i hoehaia ai

 

Hora 11 A.M. o ka Poalua i hala iho la i hele aku ai ka Hope Kanikela Generala o Iapana e haawi i ka palapala ike a ka Emaperoa i keia Repubalika, imua o Peresidena Kole a me kona Aha Kuhina.  O na hana no e like me na aha ike mua ka i hanaia ae no i keia wa.

 

Kakahiaka nui Poakolu, Novemaba 21, i loaa aku ai o Kulia, he mea i maa i ka ai a me ke puhi opiuma mau, ua make iloko o kona keena iluna o kekahi hale kiekie ma ke kua aku o ka hale hoomana Pake ma Kaumakapili aenei.  Ia auwina la iho i kolo@loia ai a hooholoia i make oia no kekahi mai eha iloko o ka opu.  He mea oia ua aoo.

 

Imua o ke A'ha Apana i kakahiaka Poalima, Novemaba 23, na kapae ae o Keoki Malina i kona hookolokoloia ma ke ano nieniele, a no ia mea ua waihoia kona hihia hoike wahahee ma ke degere elua no ka Aha Kaapuni ma ke kiure.  Oia paha kona kumu i lawe loa ia ai ia ahiahi iho no Kawa e hoomalu ai, oiai, aohe i loaa ka hope nona e bona aku ai no ka waiho ana aku la o kona hihia iluna.

 

Poaha iho la 1 ku mai ai ke kiapa Amerika Cilona, 34 la holo mai Awa Taonasea mai  Ua hoike mai o Kapena Kalahuna opio, keiki a ka ona a kapena mua o ia moku, ua loaa io aku no ka kona moku iwaho ae o Moanalua ia Pohakuhulumanu, kela haole oki wahine i mahuka ai mai kekahi laina paahao iuka ae o Kahauiki, Kalihi-waena, a aole hoi i piholo, e like me ka mea i upu wale ia.  Aia oia ke hele la i ka loa a me ka laula o Keomolewa.  Aele mea e hanaia ana no kela kapena maanei.

 

Imua o ka Aha Apana i ka Poakahi i hala, eono poe Pake piliwaiwai i ku ae, ekolu i ae i ko lakou hewa a hoopai nui ia e uku i $10 pakahi me na koina a hookuuia ekolu.  Elua mau Pake okoa ae i hoopaiia e uku i $50 pakahi no ka malama opiuma.  No ka hoeha i kana wahine, ua hoopaiia o Keoki Mapala e uku i $5 a me na koina.  O ko Pinao hihia hoi no ka aihue ana he elua poo kapiki na kekahi Pake, ua hoopai wale ia.  O na hihia o 17 poe ona nae ka mua loa i hoopaiia i $2 a me $1 koina, e like me ka mau.  He mau hihia eae no hoi kekahi i hookauluaia.

 

Kakahiaka Poalima, Novemaba 23 i hopuia ai o Ross Sepencer, he moopuna na Pakana, no ka hewa alunu dala.  He makai oia mamua a i kipakuia hoi no ia hewa no, he wahine Kapani ka mea ana i koi dala ai.  O kona kokoolua no hoi ma ia hana ana, ua hopuia oia i ka Poaiua iho la no ia hewa like no.  He $25 i llo mai iaia na kekahi Kepani, o Iasu ka inoa, mamuli hoi o ke koi hoomano ana aku i Mei 1 i hala, oiai laua e hooko ana i na hana ma ke ano he mau makai.  O ka hewa hoi o Pakana opio ma keia mea, oia no kona kokua malu ana me ka ikemaka no i ke ano o ke hewa e lawelaweia ana oiai no hoi he makai oia ia manawa.

 

E. M. NAKUINA

 

KOMISINA O NA ALA LILLILA A ME

NA PONO WAI.

 

Notari Lehulehu a he Agena Haawi Palapala Ae Mare no Honolulu nei,

KEENA HANA:  Helu 308 Alanui Kalepa                                                  dk 3 lmk.

 

MAU APANA AINA KUAI

 

EHA Mau Apana Pa-Hale Maikai ma Kapalama, mauka ae o ke Kula Hoopololei o Keoneula, a he

UMI a oi aku paha ma Kawaiahao, ma kahi o J W Kaika nahaole.

            No na mea e pili ana e ninau ia

                                    R.W. WILCOX

Kihi o na Alanui Moiwahine a me Nuuanu, i kekahi keena o luna.                            dk 3-tf

 

HOOKAPU KAI LAWAIA.

 

I ko'u mau hoa'loha e pau.  Ua Hookapu iho nei au i na I'a a pau o ke Kai Lawaia o KAAKAUKUKUI a i kamaaina hoi i na kanaka a pau ma ka inoa  o KAKAAKO i lilo mai ia'u h@a ka Hoolimalima mai ia T. Heu mai no Elima Makahiki.  O ka mea a mau mea e loaa aku ana ia'u a me ko'u Hope e kue ana i keia, e hoopilia no ma ke kanawai o ka aina.

                                                                                                                                                            HIKUCHI (Jap.

K lihi-kai, Dek. 1, 1894.                                 Imuw.