Ka Makaainana, Volume II, Number 23, 3 December 1894 — Page 5

Ka Makaainana.

HONOLULU, OAHU, POAKAHI, DEKEMABA 3, 1894.                       5

 

ma‘i lepera ma Molokai.  O ke kumu nui i makemakeia ai e uwai mai i kela poe ianei, no ka nui loa ka o ka lilo, ma kahi o $6,000 a oi o ka makahiki e malama ai ia lakou, a o kekahi hoi, no onei aku no ka ia poe ma‘i.  Hele pela, e hoi no ka pono me ka nele a malama aku ae ia poe ma‘i, oiai, ua lawa no o Hawaii nei me kona iho.  He maunu ino keia a he apu auhuhu koheoheo lapuwale loa, a malia o apo aku no keia poe kolea kauahua maanei.

 

            Mai ka manawa i loheia ae ai no ka haliia mai o na kauhale o ka lahui no ma lako kaua a hiki mai hoi i keia wa, aole loa i hookoia mai kela iiui nui o Kuauao.  Ua oleloia ae nae ina ka e hookoia mai ana, e kukala mua ia ae ana ke kauawai koa.  Eia nae, ua pio loa ia manao kukala kanawai koa, pela ka loheia mai, mamuli o ke kue ikaika loa ana o kela Kuhina laenai a ku hou no o Kuauau i ka hoka.

 

            Ua oleloia ua makemake loa ka ka mea iaia ka aelike no ka hooloihi ana aku i ke alahae o ka Hui Alahao a me Aina Oahu e hoolimalima i na kanaka mai oli no $1 o ka la a pii aku, aka, aole ka he ae o Dilinahama ma, aia no ka o na Pake, na Kepani a me na Pukiki ko lakou makemake loa.  Ua hilinai ae makou i keia lohe a he maoli no hei no ka oiaio loa.  Aia la, akaka no ke ano o ua poe la o ka auna pakaha aina a na poe o ke au nohona Moi i kokua ai iloko o ka Ahaolelo.  O ko lakou nei wa paha hoi keia e hauamo mai ai.  Eia aku no he wa e hoea mai ana e mali leo hou mai ai no, a ke hoea io mai ia wa, hanai aku no i ka laau kupono.

 

Na Hui Telepone Elua

            Mahope iho nei o na noonoo a halawai pinepine ana o na hui telepone elua o kakou, ka Mutuala a me ka Bele, no ka mea pili i ka hoohui ae ia laua elua a lilo i hookahi.  Ua hooholoia a ua ko ia manao, a mai Ianuari 1, 1895, e hoomaka ai ko laua lilo i hookahi.  Ma ke kohoia ana iho nei o na luna nui hou no ka Hui Mutuala, ua lilo ke kulana peresidena ia W. G. Iwini ma ko H. A. Wilimana wahi, a pela no hoi me kekahi mau kulana e ae i na poe o ka Hui Bele, e hoike mai ana ua alapohoia ka Mutuala e ka Bele.  O ka luna nui o ka Hui Bele, J.  Caside, oia aku aua no ka luna nui, a e mau aku ana no hoi na poe lawelawe kahiko o ia nui me ia.

 

            O keia ka la pau o keia kau kiure iho la.  I pakeo mai la paha hoi i keia la no ka hana ole aka i ka Poaha nei.

 

Hoopiiia no ka Hoomainoino.

            Mai ka Poakahi i hala i hoopaneeia mai ai a i ka poakolu iho la i noho ai ka Aha Apana e hoolohe i ka hihia hoomainoino holoholona o Luna Nui Paine a me elua mau luna lawelawe o ka Hui Alahao Hawaii.  Na ke Aupuni ka hoopii ma o Loio Kuhina Kuauau la, no ka pepehi a hoomainoinoia ana i kekahi lio e huki nei i ke kaa hoopulu wai i kakahiake La Pule, Novemapa 18.  O na hoike i ku ae imua o ka Aha, oia no ka Loio Kuhina, Misasa W. O. Kamikka a he wahine haole okoa iho e noho nei ma luna.  Ua hoike ae lakou a pau ua ikemaka lakou i keia mau hana hoomainoino, oiai, ua kokoke loa i ko lakou halenoho.  O ka hua i loaa ae ia Kuauau no keia makee ona i ka pono o kekahi holoholona hiki ole ke pane ae, oia no ka hookuuia o na oe i hoopiiia ia auwina la iho a ku ana oia i ka hoka.  Ua laweia kela lio i kai a ua ikeia aohe poino, aka, he maikai no ke ola a me ka nanaina o ke kulana kino o ka lio.

 

Make Uila Wale

            Ma ka hora 8:45 o kakahiaka Poalua iho la, ua loohia iho la o Joe Kela, ka lunahoohana o ka Hale Hana Hao Honolulu me ka umii walaila no.  Ua no keia oia ka lomilomi e na kanaka aole nae i oluolu ae, a ua hookau koke ia maluna o kekahi kaapio o laweia no kahi o Kauka Berodi.  I ka hiki ana ilaila ua haawi koke ia i ka laau a loaa he oluolu iki.  A i ka hoomakaukauia ana no ka hoihoi aku iaia no kona wahi noho mauka o Auwaiolimu, ua mauliawa ae la ke aho no elua manawa a make loa aku la.  He eha ma ka puuwai kona mai a hala aku la, pela ka ike a ke kauka.  He 36 ka nui o kona mau makahiki a ua haalele iho oia he wahine a me ka ohana.  Ua noho hana loihi oia ma ka Hale Hana Hao o Ulakoheo no 20 makahiki a keu, a ua mahalo nui ia oia e na haku hana.  I ka auwinala Poakolu mai i hoolewaia aku ai ola a nalo ma ka ilina o Kawaiahao malalo o na lilo o ka Luna Nui o ka Hale Hana Hao, me ka ukaliia e kona mau hoa’loha a me na paahana pu.

 

Na Hunahuna o ka Aha Fea

            Ua oleloia ma ka la i malamaia ai o ka aha fea o Sana Anaru, ua nuha kekahi poe Amerika a me kekahi poe welo mikanele o kakou nei a hele nui ole ae e haawi i na kokua ana no ka pomaikai o ia heiau o ke Akua Mana Loa.  Eia nae hoi, ma kahi o ko lakou hele ole ana ae, ua lehu lehu na poe e ae o ia auna, a o na poe aloha aina aku no nae hoi ka oi loa, i hele ae.

            Iwaena o na poe hanohano i ikeia mahila, mawaho ae hoi o ka Moiwahine Kanemake e noho a e lawelawe ana ma ke pakaukau o na mea kuai Hawaii, malaila ae no o Kuhina Amerika a me Mrs. Wilisi, a ua mahuahua no na dala a laua i lu iho ai.  Malaila no hoi ia la a o o Komisina Beritania Haoese, e kiai a e hakilo ana i ke ano o ka lawelaweia ana o na hana, me ka nui no hoi o kana mau kokua i haawi ae.  O na luna aupuni koikoi hoi o keia au oehaa, he ueo loa ko lakou wahi mea i ikeia ae, he neo loa no hoi.  Mea ia mai ua pau nui no i ka nuha, a he wahi manao ano e ae no paha hoi kahi, no ka pule ole ia paha hoi kahi no Kolekaaka.

            Pikokoi lua na Pake ma ka ipuka komo i ka po iho.  O na poe o lakou i komo, ua hoao ae e hana maalea, ke puka no waho, ua noi ae lakou no ona balota e komo hou ai iloko.  Ua lilo keia i mea no ke kiai puka e noonoo nui ai a loaa no, oia hoi ke puka iwaho, komo mai kona hoa me ia balota komo hou, a hookahi no ia lilo ana, pau elua a oi aku paha o lakou.  Iloko o ko lakou maalea, ua loaa no lakou i ka hoohokaia ma ko ke kiai puka haawi ana i na balota komo o na opio, a ia lakou i hele ae ai e haawi, ua hooleia aole e hiki ke komo me ia palapala aia a uku hou.  Ku no hoi i hoka la!

 

Ki Pu Iaia Iho a Make Loa.

            Auwina la Poaono nei, maloko no o kona keena e noho nei ma kekahi hale ma Kamakela aenei, malalo ae o ka uwao a Kamika, ua ki ae o Simona vona Topaza, kela kouna Lukini, iaia iho me kekahi pupanapana ma koua poo ma kekahi mahamaha a puka pu ka poka ma kekahi aoao.  He kiu oia no ka Oihana Makai a i ka Poali na nei no ka pau ana.  Oia ke kiu nana i hoike ae no na halawai ohumuhumu kipi a na poe oiwi aloha aina ma Waikiki a me Kapalama, a i ka hoounaia ana aku hoi o na makai, he mau halawai pule a ahaaina paha.  O ka hope lea o kaua mau hoike, he halawai ohumu kipi iloko o kekahi hale ma Kapalama, a i ka hiki ana no o na makai ilaila, he poe kanaka e mama awa nui ana.  Ua lilo nae hoi keia mau hoike i mea hoopioloke loa i ke Aupuni.

            I ka loheia ana ae ma ka halewai ua ki oia iaia iho me ka pu, ua holo koke aku o Kapena Poo Waipa a loaa aku oia e wa iho ana iwaenakonu o ka rumi, ua puka ke poo, aole nae oia i make.  Ua lawe koke ia aku oia no ka Halemai Moiwahine, a i ke ahiahi ana iho i make loa ai.  Elua mau wahine e nuku ana iloko o ka hale a na keia mea i hooki ae i ka laua hana.  Ua laweia ae laua i ke keena o ka Ilamuku ma ke ano hoike, o Kapuni ka inoa o kekahi, he Molokai, o kana wahine ia o ka noho pu ana no kahi wa loihi i hala ae.  I ka oheia ana ae no kona make, ua holo aku ka Ilamuku me ke kauka a me kekahi poe e ae ma ke ano kiure koro nero.  Ua nana lakou a noho koke no e noonoo, a ua hooholo ia i make no oia iau iho.  I ka auwina la o nehinei, mahope iho o ka hora 2, i maneleia aku ai kona kino mai ka haukipila aku a nalo ma kahi o “aa puaa a Koolau” i waiho ai ma ka pa ilina ma Ewa o uka o Maemae.  Ua hoohanohano ae he mau mahele o na koa a me ka bana Aupuni i kona hoolewa.

            Aohe no paha oia e hoohewa hewaia, oia no kahi haole Lukini maka hapopo ihu loihi i hookele kaapio ai mamua, noho koa kumau iho nei no na Pi Gi, makai kaulio a hoopauia, a he kiu iho nei a make.  He lala oia no kekahi o na pualikoa pualu o ke Aupuni e ku nei.  Ua waiho iho oia i kona pahulole, ha apa ia pepa i kakau ponoi ia e ia ka i loaa aku ua houia me kekahi kui hana lihilihi e paa ina ma ka puka ki, a e olelo ana no Ilamuku Hikikoki ia pahu.

 

Hopula no ke Puhi Ahi.

            Mamuli o ka noii ana a ka Ilamuku i ka oakahi i hala a me eha poe e ae ma ke ano kiure, no lakou na inoa o C. B. Wilisona, J. D. Gilimana, W. C. Pikoka a me M. Davisi, hopuia o J. P. Bowene, ka haole e noho nei iloko o kekahi hale o ke Aliiaimoku iwaho o Waikiki, no ka hoao maoli ana no e puhi ahi i ua hale la, a makou no hoi i hoike aku ai ma kekahi hunahuna ma ka helu i hala.  O na pono o loko o ka hale, ua pau i ke panihakahakaia no $750, a ua manao wale ia o ke kumu paha ia o keia hana ana pela.  Ua loaa aku malalo o ka hale he puka i okiia maka papahelo, ua kakia hou ia a paa me ka aaho, a ma ia wahi ka pulupulu a me na apanapana laau kahi i muu ai ua ma u i ka ailamahu.  He hapaha hora mamua iho o ka ikeia ana e ke ahi, ua ikeia ko Bowene haalele ana aku i ka hale moe kekahi mau ukana, a e ole na pakeke wai a na poe kokokek malaila, pio koke ai.  Ua oleloia ua pau mua kekahi mau lako i ka hookaawaleia a kahi wahi okoa aku.  Poalua iho la oia i paa ae ai i ka hopuia malalo o kekahi palapala hopu a ua kauila kona bona i ka $2,000, aohe nae he mea i ae iki e ku hope ae nona a hiki i keia la, nolaila, eia no oia ke noho nei ma kahi paa.

 

            Ahiahi Poakahi i hala i holo hou aku ai ka Waimanalo no ke kahua o ka moku ili Keoki Wilikoki a huli hoi mai no i ka poalima nei me ka neo.  Nui loa ka ka ino.

            Aohe mea i loheia mai nei ma ke Auseteralia no ka Wilimana huakai.  Eia ae oia ke hoi pololei mai nei a ma keia mokumahu ae e hoohiki loa mai ai.  Aia no ka hunona, C. O. Bega, ke waiho mai la i Kapalakiko.  O Mekia Seweda ka i hoi mai la.

            He anaina haipule no ka i malamaia e ka Rev. Makinikoki i ka hora 10 A.M. o ka Poaha iho la, La Hoomaikai Amerika a me na pakaha o Hawaii nei, maloko o ka luakini o Sana Anaru, a pololei ole na mea i lawe olelo wale ia ua papa ka Haku Bihopa o Honolulu aole e malamaia ana kekahi auaina haipule @a ia la.

            Ahiahi Poaono nei iwaho o Waikiki, ua ki pu aku o Kimo Tela, he haole hapauea kui hao kahiko i kana wahine Hawaii.  Elua poka o ke ki ana me ke ku ole, a no ka inaina paha i ke ku ole o ka wahine, ua haawi aku oia he hookani mana ai puupuu a ku pono ma ka nuku.  Ua hopuia oia a laweia mai a noho ana i Kalakaua Hale, a ua hemo ae no ma ia hope iho ma ka waiho ana aku he $350 kuike ma ke ano bela.