Ka Makaainana, Volume II, Number 22, 26 Nowemapa 1894 — Page 7

Ka Makaainana.

 

malaila.  Lehlehu loa o na poe e noho la ma kahi kokoke i ke Kaikuono o Delagoa ke pau nui la i ka holo ma na moku no Natala.  Ua ioloke a pilihua loa na poo alakai Pukiki malaila, a ua hooleleia aku hoi na luina mai kekahi mokukaua Beritania e kiai i na pono o na Pele kane.  Ke hoalaia la na puali kokua in a Iohanebega a me Peretoria, Taranavaala, no ka hele aku e kokua i na Pukiki.

Auwina la o Okatoba 15 i haalele aku ai he mau pualikoa o 800 kanaka ka nui ia Lisebona, Potugala, no ka holo aku no Lourenezo Makueza.  He anaina kanaka nui ka i nana aku me ka mumule i ko lakou holo.  Iloko hoi o ka Hale o na Elele ma Lisebona, la 17 ae. i hoike aku ai ke Kuhina Nui ua hoounaia na kauoha i ke Kiaaina o Anagola, Aferika Komohana, e paa iho me ke ku makaukau o 400 kanaka no ka hoouna aku e kokua i kela poe popilikia.  Eia mao, ua pahenehene a hoihoi ole ia keia lono ma Lourenezo Makueza, no ka mea, aohe ke kokua i manaoia ua lawa a o ka poino aku ana no ka hopena.  Ua loaa ae nae hoi ka lono ma Ladana, la 19 ae, ua ano maluhia iki ae ke ala kipi hoohaunaele, aka, ke hoopuni la no na poe Kafiri i ke kulanakauhale.

 

Pau ke Kapena Makai Kaulio

Ua noomahui wale aku no makou ma ka helu mua i hala no kahi paee a paonioni mawaena o Kapena Keleme o na makai kaulio a nie Kapena Rosehila o ka wati ekahi o na makai kumau i ka wanaao o ka Poaono la 10 nei.  He kaa ka i loaa aku i kekahi o ko Keleme poe me ke kahu ole a ua laweia ae no ka Halewai, aka, ma kahi hoi o ko Keleme hookuu aku na Rosehila, ka mea e ku wati ana ia wa, e hoopaa i ka hihia ma ka buke, e like hoi me ka rula, ua hoao aku la oia nana no ia e hana aku, no kona manao iho paha he kapena oia.  No keia hana ana, ua ulu ae he hoopaapaa, a no ko Keleme huhu loa paha, ua hookuu aku oia i ka ona o ua kaa la e hele.  Ua hoakakaia ae keia hana ae la ia Kapena Poo Waipa a ua ko kua oia ia Rosehila, a ua waihoia ae hoi ia mea imua o Ilamuku Hikikoki.  Mahope iho o ka noonooia ana, ua hoopau koke ia o Keleme mai ka Oihana Makai aku me ka hakalia a kaukaulua ole iho ia auwina la Poaono iho no, la 10.  Nolaila, ua pau ae la ia hanaiahuhu a ka Ilamuku, a ke ninauia nei--pehea la oia i aa ai?  Mamuli hoi o ko ianei hoopauia ana a me ko Wiliki Osema, ua manaoia e pau, ana na hana akiaki, niania a lilili iwaena o na makai, he mea i walea iloko o keia au.  Ua hookiekieia ae la o Lutanela Ko dese i kapena ma kona wahi.

 

NA PALAPALA

Aole maluna iho o makou ke koikoi o na hala a me na hewa no na mauao i hoopukaia malalo o keia poo, aka, aia no nialuna iho o na poe na lokou a kakau ma@.

 

Aohe Oiaio o na mea i Hoolahaia

MR. LUNAHOOPONOPONO.

Ke hoike aku nei au imua o ke akea i ko'u manaoio, i ike mai ai o'u kini o ke one oiwi @ ko Hawaii Paeaina, a me o'u mau makamaka iloko o ke aloha, ke ku loa nei au i kela hoolaha ma na nupepa e pili ana no ka loaa 'ana o ka'u keiki, oiai, aole a'u hoolaha i hookomo iloko o kekahi nupepa.  A owai la ka mea nana keia hoolaha @ @oike nei i na nupepa me ka @@e ana i ko'u inoa i ka mea i @a@a ole ia e a'u?  Pehea la na lunahooponopono nupepa i ae ai e hookomo i kela hoolaha, oiai, aole na'u i haawi aku e hoolaha?  Eia ka pololei, ke hoike aku nei au i ka mea oiaio i ike mai ai ka lehlehu, ua hele io no au ia Kauka Akina, Pake, i laau hoomaemae koko, oia ka oiaio maoli.  Aole oia i ike i ko'u hapai ana i ke keiki, na ke kauka o ka Papa Ola, oia ka mea nana i koho mua mai ua hapai au, a o ka lua o ke kauka nana i ike i ko'u hapai, o Akana, Pake.

Owau iho no,

MRS. L. KAINANA PUAHI.

Waikiki, Oahu, Nov. 10, 1894.

 

He mau Hana Hilahila Ole,

MR. LUAHOOPONOPONO:

Ma ka pule elua o ka malama o Augate , ua nohoalii iho la he mau anela kiai kino iluna o Kawa@eli, hunona ponoi a J. G. Hoapili o ke "kai malino lai a Ehu," oia no hoi ka wahine mare ponoi a Mr. Alopeta Hoapili.  He nui na mea i hanaia e laua, oiai ko laua mau anela kiai kino e hekau iho ana maluna o ko laua mau hokua i awiliia me ka inaina a me ka naau aloha ole, i hoopihaia me ka makona o ke aloha hoalauna ole a ike ole aku i ka imo mai a na maka.  He hapalua hora mahope iho ua pii palua a pakolu ka inaina iloko o keia Kawaieli me kana kane, Alobeta Hoapili, a ua hele aku laua me na koloka o ka inaina male'o o ka malu o Kuamu, ko laua alakai.  O ke kumu i ala mai ai o keia uluaoa, mamu li no ia o kekahi lole, a o ka mea nona keia holodu, no Mrs. Rikikini, a o keia ka mea i ulupuni ai o keia mau Hawaii i ka inaina a hoihoi iho la i ko laua mau maka i ko laua mau kapuai wawae, a o ko laua mau wawae hoi, he mau iwi poo no laua.  No ka mea, o keia lole holoku hoi ka mea i piena loa ai laua, he wahi okoa loa kahi i waihoia ai o keia lole.

Eia ka mea apiki, ua ka aku la ka inaina iluna o Mrs. Kaiaiki a me Chas. Kaiaiki, na moa i hana ole i ka hewa i ka wa i loaa mai ai o keia lole.  Ua laweia aku la a kahi noho o Chas Kaiaiki, puhiia aku la i ke ahi me ka nana ole ae i ka nui o na poe e noho mai ana iluna o na pa pohaku o Keauhou nei me ka namunamu liilii ana o kona mau le helehe i like me ko ka bipi ai waiu.  A pela kou mea kakau i hoomauao ae ai i keia wahi hoo heno, a na ka mea heluhelu e ike iho:

"A pi ko ihu ha'u i ka makani,

Alala a he bipi keiki,

Keka@e kou hoa panai like,

Hauopi ko waha i ka hoka."

Mamua ae o ka wa o Kawaieli i pii mai ai e puhi i ka lole i ke ahi ma kahi noho o Chas Kaiaiki, ua pii pu mai no me ke kane a kamailio mai la ia Mrs. Kaiaiki me ka olelo aku, "ano ka manawa, e ike olua e paa aku ana ka ouka o ka pa o olua a me ka punawai."  Ia manawa, ua ulupuni loa keia A. K. Hoapili opio me ka inaina, ua hele na kui a aaki, he kohu mea e noho iho ana ka manukoae iluna o keia punawa i paniia iho la.  He punawai kahiko keia i oi aku mamua o 70 makahiki, a o keia no hoi ke ola o ka lehulehu.  No ka mea, o keia punawai he kahe kokoke loa i kahi nobo o Mr. Chas Kaiaiki, a o keia hale no hoi he wahi hooluana mau no ka lehulehu i na wa a pau loa, oia hoi, mai ka uwapo mai a hiki i keia punawai, aole e oi aku mamua o 70 kapuai.  A pehea la keia mau Hawaii i hana ai i na haua keonimana ole a lede ole?

Ma keia mau hana ana a olua, ua nalohia ko olua hie a ua isabotaia, ua hala ka nani, a ua puka mai no mai ko olua mau waha mai ka huaolelo makona, "aohe hoa'loha, aohe makamaka, aohe pilikoko."  He mea oiaio, ua hele a ua haalele ko olua mau uhane kanaka i ko olua mau kino, a he mau uhane lapu o ka po ko olua.  Ina paha olua e ao kanaka iki mai ana, alaila, e ike koke no olua i ka pono a me ka hewa.

No laila e ka io a me ka iwi, he koko hoi ou e Hawaii, eia iho ka haina nui a me ke kumakaia i kou ili me kou io a me kou koko.  Aole paha olua i hoomanao i keia wahi hooheno, ina e kaawale ka uhane lapu mai ko olua mau kino aku, alaila, e ike pono no olua, a oia keia malalo iho:

"Hawaii oe Hawaii au,

Hookahi ke kupuna o Kakuhihewa,

Mai hoohewahewa olua ia makou,

Ia'u mai la i ko pilikoko."

E.K. LILOIKAWAI O-HAIA

Keauhou, N. Kona, Hawaii

 

I ke komo mua ana o ke Kula Kamehameha i keia hoomaha nui ana iho nei, he 72 ka nui o na keiki, a hiki iho la i keia wa ua hiki aku ka ni o na hauma ua i ke 98 a me hookahi kaikamahine.

 

No Kela Mokukaua i Ku Iho Nei.

O ka mokukaua Farani ihu palau peleleu i ku iho nei a holo loa no Kina i na la mua o keia mahina, he kaeaea oia no kela kaua ana ai a Farani me Kina iloko o 1887.  Iaia a me kekahi mau moku o ae iloko o ke awa o Fu Sao (Foo Chow), aole i kukalaia ke kaua, aka, iaia hoi a me na moku liilii iho ua hala aku ilok@ a iluna o kekahi muliwai me ke kaalo ae hoi i na papu Pake, ua kukalaia ae la ke kaua.  Ua lele kaua koke ia aku oia a me kona mau hoa liilii iho e na mokukaua Pake.  Na keia moku ihu palau hoi i pale aku i kela kueia ana aku ma kona eku okoa ana mai no i kona ihu a piholo hookahi moku Pake i@oko o elua minute.  O na tepido @ oi keia i hoomoeia iloko o ka wai mahope aku ona, ua huaiia ae ia mau mea e na Farani a pau i ka hoopahupahuia.  Mamua iho hoi o ka haalele ana aku, me ka lawa ole hoi no kana poino i hana aku ai, ua hoopiholo aku oia i na moku Pake a pau e ku ana ilaila.  I ka hoi aua mai ilalo o o ka muliwai no ka puka iwaho, ua ki poka pahu ia aku oia mai na papu aku me ka manuheu ole iho, a ua panai aku no hoi oia me na hopena awahua.  Nana i kokua i na moku liilii iho a pau nui no i ka palekana me ka poino ole.  Malalo na aumokukaua Farani o na alakai ana a Adimerala Kobeta, a iluna hoi oia o kekahi moku uuku.  Ua hoi aku oia no Farani e hoomaemae hou ia ai me ke kipa pinepine ae no i Kina.  Nui kona weliia e na Pake a ua kapaia oia o "Ka Holoholona Eleele."  Aohe i hoololiia ae kela ihu palau weliweli, oia mau no ia a hoea mai la i Kou nei, I 1877 kona hanaia ana ma Farani.  He eha ona mau wahi e hookele ai i ka moku, hookahi aia iluna o ka oneki, hookahi mahope, hookahi aia iluna a kekahi on a laau kea o ke kia nui a hookahi aia i ka oneki o lalo@  Eia ka ka hapanui o na mokukaua Farani o keia wa ke ha@aia nei ma ke auo ihu onou a palau aku.

 

          La Pule i haia, la 11 nei, i malama ae ai ka Rev. H. W. Peke, o ka hoomana Metodia Episekopala, i kana anaina bapetizo mua loa, he keiki uuku loa.

Ehaawi aua ka Hui Waapa Leilani i aha hulahula mawaho o Pawaa ke hiki aku i ka po o Dekemaba 14, i mea hoi e loaa ai ona dala no ke kuai ana i waapa no na poe hoehoe e hoomaamaa ai.

Kakahiaka nui Poakahi, la 12 i hala i hoi mai ai ka Waimanalo mai ke kahua o ka moku ili Keoki Wilikoki me na unkana i loaa mai, e laa na lako huila hao, na pokaa uwea hao, na pahu pili piula a me na pena eke.  Hoia 10 o kahi la ae i kuai kudala ia aku ai a pau no ika liko.  Kakahiaka Poalima mai hoi i ku mai ai ka Heeia me ia piha uka@a hou no, o @a lako hao no ka nui a me hookahi pahu lole kalakoa.  Awakea Poao@o mai i pau ai no i ka hooliloia ma ke kuai kudala.