Ka Makaainana, Volume II, Number 21, 19 November 1894 — Page 8

Ka Makaainana.

Honolulu, Oahu Poakahi, Novemaba 19, 1894

 

KELA  A ME KEIA.

 

      E  ke kiai!  heaha ko ka po?

 

      E malamaia ana he mau heihei lio ilalo o Waialua ke hiki aku i ka La Karis@naka.

 

      Poaono iho la i piha ai na malama he 22 mai ke kahulihia ana o ke Aupuni kumu.

 

      Ua lawe o J H K Kaiwi i ka hoohiki kakoo i ke Aupuni Repubalika, ma Lihue, Kauai.

      O ka po hauoli keia o  ka Ligi Amerika iwaho o Pawaa.  He mau haiolelo hookelakela ana ka kekahi malaila.

      Ua huli hoi aku o Kanikela-Kenerala S Fujii o Iapana maanei ma ke Kina me kana wahine a me 24 ahui maia.

      Ua hoolilo aku ke Aupuni o Kili i ka mokukaua holo Esemerala ia Iapana, pela na lono i loaa mai nei ma ke Kina.

      Auwina la Poakolu iho la, hora 2, makai o Kawa, ua make iho la o Palea (k), a i ka Poaha mai i nalo aku ai ma ka i ina o Koula.

      Ua hookauluaia ke koena aku o kela palapala a ka Rev. Kauka Talam@ge i puka ai ma ko makou heiu i hala a keia pule aku paha.

      Ua hapa ae na hae o na luna Aupuni o na aina e maanei a me ko ke Aupuni no ka hoomanao ana i ke Za o Rusia i ka Poakolu iho la.

      Eia o Dilinahama ke hooikaika nei e hoala ae i hui mahiko hou no lalo o Ewa, ma kahi kokoke i Manana.  He $2,000,000 ke kumuwaiwai i manaoia.

      He ahaaina la hanau ka i haawiia ae i ka auwina la Poaha iho la ma ko J. Alapai wahi, ma Kapalama aenei, no kekahi moopuna ana, oiai kela haule ua nui e noke ana.

      Aole ka Nanasana i lawe a hoihoi aku nei i kela poe luina Kepani he umi ona i kipi nui ai aka, ua hoopaaia lakou iluna o ka Haiakina a na ke Kina i Hoihoi nui aku la no lokohama.

      He hoopuoho pauahi ko ka po Poalua iho nei mauka o Kole aka, alanui Papu, ma ka pa uuku mauka iho o ko Mrs. Kili kina Uau@ pa, a na pio koke no me ka h@ohana o'eia o na ka@wai.

      Ua hookahakaha paikau ae ua koa Repubalika i ka po Poakahi i hale ma Halealii Kuea, aole nae ha@i i kai huakai hoikeike nui ae e like me ke ano mau ia lakou.  Ilaila ae no ko lakou bana.

      I ko Kuauau hoopau wale ana no i kela hoopii ia C. Hama hana ili no ka hanai ana i kekahi ilio me ka laaumake, ua komo hou ae no he hoopii hou na ka ona ilio i make ai ma ke ana koi poho.

      Iwaho o Sana Susi, Waikiki, ka Bana Lahui i ka po Poakahi i hala kahi i hoohauoli ai i na poe o ia wahi.  Lehule@u na poe i pikokoi aku no waho o laila ia po a pomaikai no hoi na kaa hapaumi a me na kaa basa.

      Ua hanau mai he kekikane na ka wahine a G L Desha (Kinikake) i ka La Pule, la 11 nei, ma ko laua wahi noho mauka o Koiuiu.  Loihi aenei na makahiki hooko o a loaa hou no.  O ka hana ana paha ia la a ke keikikane, pahua hoi ka apu laau hoopa a kahuna, pela ko makou lohe mai.

      O kela poe ewalu o Koolau i laweia ai no Kawa no ka hookaa ole i na auhau, ua pau nui no i ka hemo i ka La Pule ae, la 11 nei , mahope ino o ka uku ana ae he $8 50 pakahi.  E uku nui ana no ka hoi la, hoapaapa nui wale iho no keia poe.

      Kakahiaka nui o@ehinei i hookomo mai ai ka mokukaua Amerika Iokataona (Yorktown) ia Kou nei a mo ku ae ma Waikiki iho o ka Haiakina, iloko o 8 la holo mai Mea Ailana mai, a ua haawi ae oia he mau pu aloha no ka hae Hawaii i keia kakahiaka.

      Mamuli o ka ua nui o ka auwina la Poaha iho la, loaa he poino i ka uwapo hou i hanaia iho nei makai iho o ko Burua Ma halekuai ma ke komo ana o ka wai i ka lepo a waiho iho he mau alualua.  Ina i hoomau loa mai ka ua, ina la "aohe nao ai i ka papaa" i ua uwapo hou la.

      Eia iho malalo na poe kiure i hooholo ai aole o Keoki Malina i hewa no ka aihue, a pekuia ai na elemu i kakahiaka Poakahi i hala, no lakou pakahi na inoa, penei:  H Kalehua, J K Maluaaikoa, M Kaneaiakala, J W Brown, H Manners, J W Haaheo, Jos Daniels, J Piuao a me J Morris.

      Ua pili mai i ka uwapo mokumahu Pakipika ka mokumahu Kina mai Kapalakiko mai i ka hora 6 @.M. o ka Poalua iho la.  Maluna ona i huli hoi mai ai o Keoki Makapolena, A S Hatawela, J F. Hakafila a me kona ohana.  Hora 4:30 P.M. i holo loa aku ai oia no Kina a me Iapana.

      Imua o ka Aha Apaa i ka Poalima nei, ua ahewa a hoopaiia o Mele Trask no kanaono la hoopaahao ma Kawa no ka hele ole i ka haukipila.  Ua hoohalahala aku oia i ka Aha maluna ae.  E komo aku no hoi paha iloko o ka Puali Hoola, a hookahi ka u kukui like ae me kona pokii, me Ema.

      He Pake, o Ai (Ah Yee) ka inoa, ka i hoopaiia e uku i $30 imua o ka Aha Apana i ka Poalima nei no ka hoao ana e kipe aku ia Lutanela Haka.  La 11 nei oia i hopuia ai no ka piliwaiwai  a na haawi aku oia he $13 no ka hookuu aku iaia.  Ua hoopaneenee pinepine ia keia hihia a hiki wale iho la no i kona ae okoa ana i kona hewa.

      Hauoli na keiki paaua o ka Hale Lea Nui, no ka mea, ua hoo@ahaia e ka Luna Leta Nui a aponoia e ke Kuhina Waiwai, ma ka hora 1 o n a auwina la Poaono e pani mau ia ai ka Hale Leta ma keia mua aku, koe wale no ina he mau leta hiki mai paha ia auwina la, alaila, e hemo no a e hana nui no.  Aole ia he mea hewa, o lakou na kauwa hoohana nui loa ia o ke Aupuni.

      He aha fea ke haawiia ana iloko o ka halekula o ke Kula Kaikawahine a ka Rev. S. H. Davsi, ma Kona Hema, Hawaii, ke hiki aku i ka Poaono, Dekemaba 8.  Aole no e hewa ke hele nui aku ko Kona Poe ilaila, oiai, he hana kokua kela no ka pono o ka luakini Enelani e ku la malaila.  O ka Rev. Mr. Davisi ka luna leta mamua iho nei no Kealakeakua, a no kona ae ole ana e hoohiki, ua waiho aku oia i ka hana.

      Elua Kepani kane me hookahi wahine a me hookahi Pake i paa i ka hopuia e na makaikiu i kakahiaka Poalima nei no ke ki pa, ma keia hale loihi ma Ewa aku o ko makou keena nei ma ka aoao hookahi.

      He mau pa u a palekoki puenu makani ko luna o ke alapii mai luna iho o ka Mariposa i ka auwina la Poalima nei, oiai ke kikiao makani oolea e pa ana, a loaa hoi ka mea puili iho o kahi poe i kahi "kakela i ke alo pali" a hehene hoi kahi poe.

      Ua hauleia mai luna iho o kekahi pou kukui uwila o 40 kapuai ke kiekie, o Frank Lee i ka Poakolu iho la, oiai oia e hoopaa ana i kekahi uwea, a ua eha loa ia, a aia no oia ma kona wahi ma Makaaho aenei a ua oluolu loa oia i keia wa.

      Ua walawala kulou poo kekahi mea e hoomaamaa ana i ka holo kaa hehihehi wawae i ka auwina la Poalima, la 9 nei, mawaho ae o Koula ma alanui Moi nei no, aohe nae i poino.  Iaia a haule, aohe ona ikeia aku no ka paa pu loa i ka punohu ae a ka lepo.    

      O Alana Kaunani, aole o Maria ka inoa o kela kaikamahine opio i ahaiia aku nei e Iosia Makaimoku no Hilo, he haumana no ke kula o Kawaiahae a ua hemo.  O ka lono hope ua paa laua i ke apoia, aole e hemo hou a he wahi olai uuku ka i hoonaueue ae ia laila.

      Kakahiaka nui Poaha iho la i ku mai ai ka Mariposa mai na Panalaau Hema mai a i ka hora 3:30 o ia auwina la i holo loa aku ai oia no Kapalakiko, me ka lawe pu aku i keia hui keaka i hoikeike iho nei i o kakou nei a me na ohua e ae a me kekahi heluna ukana mahuahua.

      Ua pekuia kekahi opio ma ka umauma e kekahi lio e ku ana ma kekahi wahi o alanui Moi nei ka auwina la Paono, la 3 nei.  E ku ana ka lio ma ke ala helewawae aoao, a hoao aku oia e kulai, a loaa mai ai oia i keia peku mahanahana, aohe nae hoi he eha kukonukonu.

      Pakele ke ola o kakahi wahi keiki i kakahiaka Poalua iho la ma o ka haule ana o kekahi kua iloko o ka pa papa o Lui & Kuke.  E komo aku ana oia makai aku nei o ke alanui Kalepa oiai kela e haule iho ana mamua pono ona.  He iniha wale no paha koe a loaa pono oia i ka pauku newa.

      Oiai kekahi poe Pake lehulehu e uwai ana i kekahi hale kahiko mamua iho o ke awakea Poakolu, la 7 nei, ma Kapalamawaena aenei, a no ka nawaliwali loa o kekahi o na koo, ua hiolo iho la ka hale a paa ana hookahi Pake malalo ae.  Ua loaa no iaia kekahi mau palapu ano kuko@ukonu, aohe nae mea i lohe hou ia mai nona.

      Poluluhi ka lewa i ka Poaha iho la, a ua po iho, hora 9 paha, ua kulukulu liilii mai la na pakaua a ao ia kakahiaka ae, mao no hoi, me ka mau mai no nae hoi o ke poluluhi a poipu.  A hiki hoi i ka hora 2 o ia auwina la, haule eloelo mai ana ma ka hema mai, i ukali pu ia mai no e ke kikiao makani oolea, a pau uo hoi ka hor 3, mao loa a hiki mai i keia wa me ke ano, ikiiki no @ae.  Heaha la keia ahailono?  Malia he ehu wawae aku la no paha no Kala@ila!

      Ua hoomanao hapa ae na luina hana o ka Hawaii Holomua i ka la hanau o ka Moi Kalakaua i make i ka Poalima nei, ma ko lakou lele uwati ana i ka auwina la iho.  Ua ano hakina ka la hoomanao ia lakou.  He paina ka lakou ia awakea iloko no o ko lakou halepai, a o lakou wale no ka i anunu iho, aohe hoi he ike mai i na hoa'loha.  Oia iho la no hoi paha!

      O kela kumukula o Waimea, Kauai, i hopuia ai no ke apuka i ka waiwai i haawiia nana e malama iaia i noho ai ma Kaleponi, a laweia ai oia ilaila e hookolokoloia ai, ua hoi hou mai nei ma ka Auseteralia o ka la 3 nei.  Ua hookuuia mai nei oia a ua hoi hou mai la e hui me kona ohana, oiai, ua hoomau aku no ka wahine ma ka noho kumuao ana.

      Poaha iho la i noi ae ai o Kale Aki i ka Aha Kaapuni e hoopau i kela kauoha ana iaia e uku i kaua wahine i $7 o ka pule no kona ola, oiai, eia ka ka wahine ke noho kane a wahine pu nei me kela Lipine Feru e hookele kaa nunui a hapaumi nei.  Poalima nei hoi i pane aku ai ka wahine, oiai, aole o Kale Aki i hooko iki i kela kauoha, e pono oia e hoike ae i kona kumu e ahewa ole ia ai no ka hoowahawaha i ka Aha.  Auwe no ka hoi laua nei la!

      O kela hoopii a Keawehaku no ka mea pili i ka palapala kauoha hope loa a Akahi, i make kahiko loa, ua hoole mai o Lunakanawai Kaapuni Waitina i ka Poakahi i hala, la 5 nei, i ka hoohalahala a ka mea noi e kapaeia ua palapala kauoha la e hanaia imua o kekahi kiure.  Mamuli o na olelo hooholo mua o ka Aha Kiekie i hooholoia ai keia hoohalahala, e kakoo ana hoi i ke noi e kapaeia ua hoohalahala la.  Ua hoohalahala hou ia aku i ka Aha Kiekie.

      I kahi wa o ka po a ao ae ka Poakahi i hala, mamuli o na pahele ana a kekahi Ewa i kekahi Adamu a hoea laua iuka o Makiki me ka ona, a i ka moe ana iho keia a puoho ae, ua lilo aku ka paa lole hou o ka Adamu a me kekahi mau pono e ae, he palule lole Kepani wale no kahi mea i koe mai, a me ia oia i hoi olohelohe mai ai ia wanaao.  Ma ke ala loaa oia i kekahi puuwai aloha, hoiheiia i kona hale, moe ilaila a ao, hoaahuia a hoi loa mai a Asia aenei me ka papale ole o ke poo.

      He wahi paina ko kahi o D K Naone, mahope aku o ka luakini o Kawaiahao, i ka La Pule i hala, la 11 nei, pela ko makou lohe mai.  Iwaena o na poe malaila, he wahine upapalu uhalale kekahi, nona ka inoa o Kapahau he wahine hoi na kekahi kahuna.  Nui ke saki i ihuia a nui pu no hoi me ka ona, a o keia wahine kakahi.  Ua hele aku oia iloko o ka haleliilii e hoopau pilikia ai, a oiai hoi malaila, ua hele aku nei ke kaikamahine a u hoomaka iho nei e hoopaapaa a e aumeume, a ia laua e noke nei, hele aku nei h@@ ke keikikane, a o ka hemo aku la no ia o ka papahele a haule ana ua wahine nui la ilalo.  Me ka hana nui a hemo hou oia me ka paumaele, a me ia @p@h@ hoi i mahie ae ai ko@a ona saki.