Ka Makaainana, Volume II, Number 19, 5 Nowemapa 1894 — Page 7

Ka Makaainana.

 

HONOLULU, OAHU, POAKAHI, NOVEMABA 5, 1894

 

Ua pau na halekuai i ke paniia a ua kauohaia na poe a pau i hiki ke kokua e komo pu aku o hoopakele, me ka hooikaika pu ia ae no hoi o na papu @ale aku.  Okatoba 14 i lele kaua aku ai he heluna nui o na ope Kafiri a ua hoauheeia.

 

Na Hunahuna Laulaha.

Ua loaa mai nei he ohumu kipi nui na na poe anakisa a puni o Italia.  Ke akenui la ka Okana aina o Arizona e lilo i Mokuaina no Amerika Huipuia.

E wehe pili oihana ia ae ana ke awakumoku o Kopenahegena i awa noa i ka la 9 o Novemaba nei. 

Mamuli o kekahi kuikahi malu, ua ae o Nicaragua a me Honodurasa e kokua aku kahi i kahi ke komoia aku laua e kahi aupuni e ae e kaua.

Aia ka Hope Peresidena o Amerika Huipuia ke haiolelo he@@ la ma ka Mokuaina o Ilinoi ma ke kokua no i kona aoao kalaiaina Democarata.

Ua hoopanuia ae ka halekoa o Garanda, Nicaragua, i Okatoba 8, a he hapaha holookoa o ia kulanakauhale ka i poino. Aohe i maopopo ka nui o na poe i eha, aka, ua kohoia ma kahi o 200 na poe i make.

Aole o Mekiko laua me Guatemala e hakaka ana no kela kuee mawaena o laua e pili ana i ka palena aina mawaena o ia mau aina, no ka mea, ua hooponopono ae laua a hololea ke ano e mawaena o laua no ia mea a aneane loa ai e ulele kaua mamua aku nei. 

Ua lonoia eia o Kamaʻliikane Faranasisi o Batenebega "ke manao la e hoopalau me Miss Ana Gula, ka hooilina o ka on a miliona Keoki Gula (George Gonld), a ua hoihoi ole ka Moi Vitoria ia hoopalau.  Aia o Keoki a me Miss Gula ma Ladana, a e u hoi amai ua no Amerika i Okatoba 20

He 70 mau ope, i oleloia he mau lako hale, i hoopaeia ma Havere, Farani, mai Soutahametona, Enalani aku.  I ka huliia ana e na makai, ua loaa aku la he hale hana lako kaua no na poe ana@isa, e laa na mea hoopahu, na pu a me na lako, na ki a me na lako hana a na poe powa.  Aohe i maopopo ka mea nana i hoouna aku keia mau mea.

Aohe i maopopo loa na pomaikai e loaa mai ana ia Farani ke hoohui mai i ka Mokupuni o Madegasaka, no ka mea, me ka nui hewahewa maoli no o na lilo e hiki ai ke paa a ke malama.  Eia nae hoi, aohe makemake o na Farani i na mikanele Pelekane, o hoopihapiha olelo ia ka Moi a me kona mau Kuhina, aka, he ae no lakou e hoomana ia poe paele e like me ko lakou makemake iho.

No Tanagia ae ka lono i loaa ma Parisa, Okatoba 16, e hoika ana no ke kulana ano kipikipi iloko o ka pule i hale ae ma ke Kulanakauhale o Moroko.  Ua paa ko ke Suletana Kuhina Nui i ka hoopuniia e na kipi, ma muli o kona hoao ana e hooko i ke kauoha a ke Suletana e hopu ia Saida Behama.  Me ka hahana ke Saida i kue mai ai a hiki i kona kaawe okoa ana, i mea e kue aku ai i kona hopu ola ia hoopaaia.

Ma Parisa, Okatoba 5, i mare ia ai o Kamaʻliikane Anaderea Poniatesiki me Miss Elizabeta Sepere o Kapalakiko imua o kekahi anaina o na poe Amerika.  O ko laua mare ana ia ma ka aoao hooko i ko ke kanawai manao imua o kekahi lunakanawai, a i ka la 6 mai hoi iloko o ka luakini Katolika Roma, a mahope iho iloko o ka luakini Amerika.  Hora 5 iho o ia ahiahi i holo aku ai laua no Holani, a pau na la mare mua ilaila, hoi hou ae no Parisa.  He kamaʻlii Polani ke kane.

 

Hala ke Aloha, Naue Pu no me ka Anoai--a.

J. KEPILINO.

Ma Kauluwela, kokoke i ke alanui Liliha, ua kuu mai la o J. Kepilino i kona hanu ola a niau palanehe aku la ma kela ao i ka wanaao Sabati, Okatoba 28.  Auwina la Poakahi mai i hoolewaia aku ai kona kino a kanuia ma ka ilina o Koula.  He wahine a me ka ohana ke noho u nei nona.  Aloha wale!

 

KEOKI KAMAKEE

Ua hala o Keoki Kamakee ma kela ao mau loa me ka haalele iho i ka wahine, na kaikuaana, na keiki a me kona pokii e paiauma aku nona ma keia ao me ka luuluu.  Hanauia oia ma ka Lua-o-Pele, Kilauea, Hawaii i ka la 31 o Dekemaba, 1868, na W. Kamakee a me Kaahanui (w).  Hoonaauaoia ma ke kula a Kai kuahine ma Puna no kekahi manawa.  Haalele ia laila a noho i Waiohinu, Kau, a komo i ke kula Enelani a Mrs. J. H. S. Martin, a ua noho loihi ma ia kula no eiwa makahiki. Komo i ke Kula Hanai o Hilo i ka 1885, i ke au o Rev. W. B. Oleson.  Hemo mai ia kula mai a holo no Honolulu a noho kumukula i Waianae.  No kekahi manawa ua hoi hou mai oia i Hilo nei me ka pau ole no o kona manao imi i ka naauao a mare i ka wahine i ka 1891, a noho ma Kihalani, Hilo Akau.  I ka 1892, ua loaa mai kona hookohu kumukula no ke kula o Kulanakii, mai ka Papa Hoonaauao mai, a i ka hoike ana i ka 1893, ua loaa mai kona palapala hoomaikai piha, a he kia hoomanao hoi ia na ka wahine kanemake a me makou ka ohana.

I ka po La Pule, Sepatemaba 9, i hele kohana aku ai oia i ka 25 o kona mau makahiki, 7 malama a me 11 la.  Hora 11 o ia la i lohe mai ai au ma ke telepona a hoomaka ka helewawae ana no Maulua.  Ike no hoi i ke kino wailua o ka pokii i ka hora 8 oia po.  Nui na makamaka a me na hoaʻloha i luakaha, a auamo a waiho na iwi o kamahele i Papaloa. Aloha!

K.P. KEANUENUE.

Puueo, Hilo, Hawaii

 

KANAE ME KEOMAII ANI KAHELE

Hora 11 o ka po o ka la 9 o Okatoba, ua kii mai la ka anela o ka make a lawe aku la i ka hanu ola o ko makou pokii, Kanae Kahele, i aloha nui ia, a hoi aku la ka uhane i kona Mea nana i hana a waiho iho la i ke kino no ka lepo, kahi o na mea a pau.

Ua hanauia oia ma Waikiki kai, Oahu, Dekemaba 27, 1885, na H. Kahele me Kahinu (w).  Nolaila, ua piha iaia ka 28 ma kahiki me 3 malama a keu o kona hanu ana i na ea oluolu o keia ao.  Ua nui ka hoomailo ano a ka maʻi maluna o kona kino, ua huliia ke ola ma o na kauka la a ua hiki ole e loaa ka maha.  Ma na la hope o Novemaba, 1893, i hoi mai ai oia a noho pu me makou kona mau hanau mua, a me makou oia i noho ai a hale wale aku la.

Aole i loihi aku oia iloko o ka opu o ka honua, aia hoi, ma ka la 10 mai no, ua hala aku la o Keomailani Kahele, ka maua kaikamahina i aloha nui ia, a ili hou iho la ke kaumaha luuluu maluna o maua a me ka ohana holookoa.  Ma Nawiliwili nei no oia i hanauia ai i wanaao o ka la 18 o Ianuari 1894, a ua piha na malama 8 iaia, 22 la a me na hora he 12. He luai kona maʻi, a ua hoaoia ka laau a ke kauka i mea e pale ae ai i kela pilikia, aka, ua hiki ole.  Aole no hoi i manaoia he maʻi keia e haalele mai ai oia ia maua a me ka ohana.

No laila e na kaikuaana a me na pokii on a, ua pau ko oukou milimili ana iaia; e na kamaaina o ua kai ekaeka nei, ua pau ko oukou lohe ana i kona leo; e ka makani anu he Kiu, ua pau kou kikoni ana i kona ili e ka heiau o Pakaalana, ua pau kona hehi ana i kou mau huna lepo; e ke kai o Pakaalana, ua pau kona auau ana ia oe; e na kaiaulu o ua aina nei, ua pau kona hooipo ana me oukou; e kuu Home Aloha, ua pau kou hookipa ana iaia.  Ua hala, ua nalo, ua huna aku la na maka o kuu lei aloha i Pelehuna, ua niau kololio aku la i ke ala hoi ole mai.  A pela i ko ai ka Iakoba olelo. "O ke kauaka i hanauia e ka wahine, he hapa kona mau la ua piha me na popilikia."

H. K. KAHELE.

Nawiliwili, Kauai. Okt 13.

 

Pakele kekahi wahine haole mai popilikia mamuli o kekahi puiwa ana o ka lio o kona kaa iwaho o Waikiki i ka Poakahi Okt. 22.  Iaia i hookomo aku ai i ka lio me kekahi kaa huilalua i loko o kona wahi noho, ua puiwa ae la ka lio a holo aku la iwaena o na kumu niu.  Ua hookui ke kaa me kekahi o na kumu niu a pau i ka nohaha, a o ua wahine la hoi, ua kiolaia a haule ana i ka honua, aohe no he wa a pa me kekahi kumulaau.  Aohe mau eha kukonukonu loa i loaa iaia. 

 

Holomoku ma ka Aina.

Ahiahi poeleele o ka Poakolu, Okatoba 22, ua hele holoholo kaa ae kekahi kapena moku haole, oia a me kahi kokoolua.  Hora 10 paha, hoihoi i kona hoa, a hoi loa mai la oia no loko nei me ka manao e hoihoi loa i ka lio a me ke kaa i ka halekaa ana i hoolimalima mai ai, a mawaho iho o ka Hale Opera Hawaii, puiwa ana ua lio nei a holo pololei no Kalihi.  Nui kona leo i ke kahea ma ke ala, a ua alualuia oia e elua mau makai kaulio a iuka o Waipilopilo, paa mai ka lio, i ke ano piula paha, me ka poino ole o ke kaa, ua hele nae ke kapena moku a makau.  Laweia ae a ka Halewai a hookuuia no.  Ina i ka moana kai lipolipo keia holo ana, e pa kikiao ana ka makani, he mea ole ia iaia.  O ka liko ole paha keia la o ka holo kai a me ka holo noho aina.

 

Hihia no na Pono Kiki Manu.

Auwina la Poakahi, Okatoba 22 i hele aku ai o W. M. Kaninahama e ninau i ka Hope Hamuku in a paha he palapala hopu kahi nona, oiai, ua lohe oia pela mai ka Ilamuku, a in a pela io, aohe on a makemake e hooluhiia na makai i ka huli iaia, no ka mea, e hele ana oia no Waikiki, a in a ua makaukau e hooko koke mai maluna ona.

Ua ae mai no ka Hope Ilamuku, aole nae hoi i makaukau, a ia ahiahi iho ka hookoia ana.  He hoopii keia na S. G. Waila a me kahi poe e ae no kona lawe i ka pu me ka laikini ole a iho ilalo o Waialua e kiki mauu ai i ka La Pule aku, a he kue ana hoi ia i ka Pauku 2, Mokuna 61, o na Kanawai o 1886.  Poaha iho la i hookolokoloia ai imua o ka Aha Apana, a o ka mea hoopii, oia ke kiu i ikemaka, wahi a kana hoike imua o ka Aha, a me kekahi Pake lawelawe ona.  Ua ae no hoi ka mea hoopiiia aohe ona laikini mai Sepatemaba 2 mai.  Aole i pau ka hana ia la, ua hoomoeia mai a hoopau loa ia i ka Poalima, la 26 mai.  Ua kukuluia no he mau hoike e hoole ana i na mea i oleloia ua ki pu oia.  Me ia mau olelo ike, ua hoopaiia mai oia e uku i $10 me na koina, a ua hoohalahalaia aku i ka Aha maluna ae no ka hanaia imua o ke kau kiure ae.  He wahi hana manaoino paha keia no kaua hoopii koi poho i kela poe.

 

Iwaena o ua ukana a ka Alameda i lawe loa aku ai mai ka Hema mai he iwakalua mau pahu, he $500,000 ma ke gula o loko, no Amerika Huipuia aenei.

Poalima, Okatoba 19, i hoolewaia ae ai he wahine Pukiki poupou, i malama halekuai ai mamua loa, he mau makahiki loihi i hala ae, ma ka huli mauka mai o ko makou keena nei.  No elima makahiki paha o kona noho ana ilaila a hele aku la i kela ao ia wanaao no.  Ua ala kaiia kona hoolewa e ka puali puhiohe Pukiki a me kekahi ahahui kokua aloha iwaena o ia lahui.  I na la mahope mai, ua hoopuka ae ke kane he palapala mahalo akea i kekahi poe lehulehu e pili ana no ka lakou i hana ai no kana wahine iloko o ka popilikia.  Elua a laua mau kaikamahina e ola nei, aia i ka home o ka luaui me ke kupunawahine.