Ka Makaainana, Volume II, Number 19, 5 Nowemapa 1894 — Page 2
| This text was transcribed by: | Kalaunani Kuikahi-gaspar |
| This work is dedicated to: | Kaikela Hanauhope Medeiros-Dancel |
1st Column
Ka Makaainana.
HE MOOLELO KAAO
NO
MONE TIKERO
KA
HOLOLIO I KA WA HOOILO
KA
UI MAALO I KE KUPULAU
A O KE
KEIKIALII HARE MATINE
KE
KIAHA OPAKA O NINEWA
MOKUNA XII.
Ke aloha o ka Ipo i ka Ipo-
Hanini ka waimaka elo ka
laau-- Ka Ui Maalo i ka wa
Kupulau iluna o Hagara--
Ke kaoo o na poe me na
medala kila no Arabia--Ka
hoohui mare i ka wa Hoo-
ilo--Ike kumaka i ka nani
o Mokuleia, alohe laula a
koe aku.
E ka makamaka heluhelu, e
waiho kaua i ke kamailio ana
no na poe a ae e hooili la i ke
kaua, a e nana aku kaua maluna
o Mone Tikero e waele la i kona
alahele e hoea aku ai imua o
kena enemi kahiko, ka mea hoi
nana i hookikina i keia poe ka-
naka e hele mai e hoopoino
wale i ke ola o na poe hala ole.
I ua hololio la i ike aku ai i
kooa hoa paio kahiko e nee mai
ana me ke alii powa, me ka leo
nui o ka hookekena i na kanaka
e nee imua, ua kau ae la ia i kana
o-le m kona waha a puhi aku
la no elua manawa, e hoike aku
ana hoi ia i na keiki o Hagara e
hookaawale i ke alahele nona.
A o ia no ka manawa i mahele
lua ae ai ua naita puuwai hopo
ole a hele aku la ua kaeaea la
iwaena o lakou me kana pahi
kaua punahele e paa ana ma
kona lima akau, a o ka hiehie o
kona kulana he o ia no ia i ke
alo pali. Ua like pu no ia me
na puu haele lua o Pili a me
Kalahikiola.
Iloko e ia manawa no i haawi
aku ai a Mone Tiekro i na haa-
wina o ka ehaeha mau loa i na
enemi, a hiki wale no i kona
halawai pu ana he alo a he alo
me knoa hoa paio, ke Keikialii
Hare Matine.
Iaia i ike mai ai ia Mone
Tikero, pane mai la ia e like no
hoi me na olelo a ke kanaka
koa.
"E neenee mai, e ka ilio holo
nahele o loko o na ululuau, i
haawi aku ai o Hare ia oe, i laau
hahau no kau mau hana hoo
kiekie."
2nd Column
Mino aka iho la ua keiki la
no keia mau olelo a Hare, a i
ako la:
"E akahele, e Hare Matine i
kau mau olelo o hoi iho no
auanei e nahu ia oe, e ka moo-
puna a Sahazia."
Me keia mau olelo oia i kama-
ilio aku ai a hoolele pololei aku
'a i kona lio imua a Hare, a me
ka eleu nui i pahu ai oia i kana
pahikaua malalo ae o ka poaeae
hema o Hare, aole nae i ko ia
manao ona, no ka mea, ua pale
mai la o Hare me ka eleu nui a
hala ae la ia puu make.
A no ka ikaika loa o ka holo
e kona lio ua hala aku la ia no
ka aoao komohana a e Hare no
ka aoao hikina, a ia laua i huli
like hou ae ai no ka halawai pu
ana, poha mai ka leo o ke keiki-
alii i ka i ana:
"E makaala nou iho, e kahi
keiki hookano, ua heluia kou
mau la ma keia ao a e pau ana
kou ike ana i ka mea au i kaili
kuhihewa ai."
Hahau koke aku la oia i kana
pahikaua maluna o ke poo o
Mone Tikero, aka, ua hala ae la
ia me ka pale eleu ana a ua
olohe ia a iloko o ka manawa
pokole, aole ka Hare pahi ma
kona lima.
No ia mea i pane aku ai o
Mone Tikero: "E kii hou i
pahi nau, eiai, ua nele oe me
ka pahi ole e pale ai nou iho. A
o kau mau olelo e hoi mai ana
ia e nahu ia oe."
Ia manawa i lawe mai ai ke-
kekahi o na kauwa i pahi nana,
a i hakalia no a paa ma kona
lima, o kona manawa no ia i
hou koke ake ai ma ko Mone
Tikero umauma, a ina paha he
wahi keiki hawawa kela, kala
kahiko i komo puanuanu ai ka
maka o ka Hare pahi i kona
puuwai. Aka, no ka lehia ma-
oli no ma ia hana, ua pokopoko
liilii aku la ka ua keikialii la
pahikaua a kau olohelohe iho
la oia me ka pahi ole.
"E aho paha me na laau ihe
kaua, e Hare, oiai, ke ike nei au
aole oe i lawa ma ka hakaka
pahikaua ana," i kamailio mai
ai o Mone Tikero.
Aole i pau.
Ma ka Pele i hoihoiia aku ai
no Makaweli, Kauai, i ka au-
wina la Poakolu, Okatoba 24, he
Kepani i mahuka no umi mala-
ma i hale ae mai ka mahiko mai.
E ilio ana ka Hui Waapa
Healani i hui i hoohuiia ma
keia mua iho. Ua loaa he
$3,000 ia lakou i keia wa ma
muli o ka luluia a me ka laweia
e na kuleana mahele, a ke aeia
ka hoohuiia ana aku malalo o
na kanawai, e hoomaka koke ia
aku ana ke kukulu ana i hale
waapa hou no lakeu. O ka inoa
i keia wa i hoololiia ae, oia ka
Hui Mokupea a me Waapa
Healani.
3rd Column
LAUOMIDIHAE
KA
UI I MOHAI IA KE KOKO
KA
NANI I ALANA IA I KA OI O
KA PAHIKAUA
Ka Mea Huna iloko o ke Kiana
Waina
Ka Mea Pohihihi i ka Maka o ke
Kuikele
A O KE
KEIKI NUMAREDINA
KE
Komo Lima Maka Popoki.
Mokuna XV.
Alo hou i ke ehuehu no ka
aina o Hiureta--Ke kilo-
kilo wahine iwaena o na
enimi--Ka pahikaua a ka
mea hookahi imua o na
enemi
Mahope o ka pau ana o keia
hooili kaua ana i hoomakaukau
hou ae ai lakou no ka nee ana
imua, a no ia mea i paina mua
iho ai lakou i ikaika ai hoi ka
hele ana aku o ke alaloa. I ha-
kili, no a pau ka lakou hoonuu
ana i na mea ai i hoomakaukau
ia mai e ke komo kupua, o ka
pai koke mai la no ia o kahi ki-
lokilo wahine ia lakou e hele,
oiai no oia me lakou iloko o
ia manawa.
Aohe hoole ana a Numaredi-
na i na olelo a kona kokua, no
ka mea, aia ke aloha no ka mea
pohihihi i ka maka o ke kuikele
ke hana malie la iloko o kona
puuwai. I ka manawa i ike iho
ai o ua kilokilo la i kana mau
keiki e makaukau ana no ka
hele, haalele koke iho la oia ia
lakou me ka olelo ana iho,-
"Mahope ae no oukou, owau o
kakou ke hele e ae mamua e
nana ai i ke ano o ka aina a ka-
kou e hele aku ai."
He ae wale no ka Numaredi-
na i ka iala mau olelo, oiai, o
kona pomaikai ia e huliia la e
ka ikaika hoomanawanui o ke
kilokilo. A i oi pakela loa aku
hoi ka hoomanawanui o ua kilo-
kilo nei mamuli o kona ake nui
ana e make kona enemi iaia, ke
kanaka i hiki ke kukulu i aupu-
ni nona ma ka honua a ma ka
lewa no hoi, he hiki hoi ke hoo-
lilo i kona mau enemi i mea ole
imua ona a me kona mau kana-
ka, a e like me ka loihi o ke ku
ana o kona aupuni, pela no e
mau ai ke o ana o kana mau ole-
4th Column
lo- Na Kiai Naue Ole--maluna
o kona mau kanaka.
No keia mau olelo wale no i
ukiuki ai kahi kilokilo, a imi ai
oia i mea nana e kokua iaia ma
kana kumuhana, no ka mea, ua
manao oia o ka ui a me ka nani
o na kelehelena o Numaredina,
i hui pu ia hoi me kona mau
manao koa a wiwo ole, oia au
anei ka mea nana o hoohaule i
keia mau olelo a ua kupua la a
lilo i mea ole, a e moe iho no
auanei kona mau kiai imua o
Numaredina me ka hoonani ana
iaia. A o ia auanei ka manawa
e haulehia ai o ia mau olelo ka-
ena ana a ia manawa e kani ai
ka aka a kahi luahine ma ke
ana hoohenehene. I ua wahi
kilokilo la i haalele iho ai i ua
poe kamahele la, ua awiwi koke
ae la lakou me ka manao e alu-
alu aku no mahope e ua wahi
luahine la, aka, ua nalowale i i-
kiwawe aku la oia iloko o na ao
polohiwa, aia ke hookokoke aku
la i na palena o ke aupuni o Li-
birato, ka aina o na mea ono he
nui.
Aia maluna o keia aina na la-
au ulu a pau o ka honua, na lo-
kowai nunui, e holo ana hoi na
i'a o ke kai iloko o ia mau loko-
wai mai ke nui a ka liilii, mai
na manu o ka lewa a hiki i na
lauiki ai o Babulonia, na kumu
hua waina ono loa o Euegati, a
he nui wale. A ke nana aku ka
malihini iluna o ua aina la aohe
mea a ka maka a wae ai, he oluolu
ka nanaina ke nana aku. O na
holoholona like ole a pau o ka
honua, aia iluna o ua aina la.
O keia mau mea a pau na na
kupua no ia i lawe iluna o ua
aina la mai na aupuni honua
aku, he mau mea hoonani hoi
no ke aupuni o ko lakou alii, ka
mea hookahi hoi a ko lakou ha-
ku e malama la imua o kona
alo, a a kapa mau ana hoi lakou
i na mea la--Ka Hoku o ke Ka-
kahiaka.
No ka mea, i ka wa e oili mai
ai ua kaikamahine la mai loko
mai o kona halealii, he molale
maikai kona mau helehelena a e
kuuwelu mai ana no hoi kona
mau owili lauoho maluna o kona
mau poohiwi me he mau kuku-
na olinolino la no ka la ke oili
mai i ke kakahiaka. A no ua
Hoku la o ke Kakahiaka i mau-
na ai o Numaredina i kona ola
i ka maka o ka pahikaua, a e
ike io aku ana no ua keikialii la
i ma kea anu i makemake ai.
Aole i pau
Eia ke akule a me ka hahala-
la ke ku nei i keia mau la a ma
Ulakoheo no e ikeia ai.
He Pake me kekahi kini opi-
uma a me na pono puhi ka i
hopuia e Kapena Sekota i ka au-
wina la Poaha, Okatoba 25.
He kaikamahine Pukiki ka i
kau aku i kekahi kaa hapaumi
ma alanui Moi nei, i ka auwina
la Poalima, Okatoba 26, a me ke
alapii no kahi i ku ai. Iaia no
e nanea ana, ua pakika iho la
ola a kea ana malalo, a e ole e
lalauia iho e kahi ohua e ae, pa-
kele ai ola mai poino.