Ka Makaainana, Volume II, Number 15, 8 October 1894 — Page 2

Ka Makaainana.

 

LAUOMIDIHAE

KA

UI I MAHAI IA I KE KOKO

KA

NANI I ALANA IA I KA OI O KA PAHIKAUA.

Ka Mea Huna iloko o ke Kiaha

Waina

Ka Mea Pohihihi i ka Maka o ke Kuikele.

A O KE

KEIKI NUMAREDINA

KE

Komo Lima Maka Popoki.

MOKUNA XIII.

Iluna o ka aina o Zulibe – Ka holo waapa kamahao – Ka hoopakele a ka mea i ike ole ia i ka lewa – Numaredina e, auhea oe?

            I keia manawa nae e nee mai nei keia puali hope no ke kaua ana mai ia Numaredina ma, ua hele pu mai la me ko lakou alii me lakou, oiai, ua ike mai la oia aia he mea okoa kekahi e kokua nei ia Numaredina ma keia hana ana, a ia ka mea i pau ai kona poe kanaka i ka make.

            Mamua o ka loaa ana ia Numaredina he manawa e hooko aku ai i na olelo a kona kokua, ua loaa mai la oia i kekahi makani ikaika i puhiia mai ka waha mai o ke kupua a lele koheoheo ana i ka lewa, a i kona mau kaikuahine hoi keia ua paa pio aku la iloko o ka halealii o ua kupua la.

            I keia wa o Numaredina e opeapea ia nei i ka lewa, ua pau ae la kona ike ana i na mea a pau, aole no hoi oia i ike iki eia kekahi mea ke kokua nei iaia.

            I ua keikialii la i puoho ae ai mai kona poniuniu ae mamuli o kela hooleia ana ona, oia hoi, ike iho la oia aia iluka o ka waapa kahi i moe ai, a e hoe ia ana kona waapa e kekahi kanaka eleele, a o kona kua nae kana i hoohuli mai iaia

            “O oe no anei keia e ka mea nana i hoopaele mai ia’u mai loko mai o na poino?” wahi a na keikialii la i ninau aku ai.

            “Ae, owau no ia. Mai makau oe, no ka mea, ua kokoe mai kou wa e lanakila ai maluna o kou enemi.”

            He ekolu no mapuna hoe a ua keiki hoehoe waapa la Sisilia, pae aku la ko laua waapa i kula, a pane mai la ua kanaka la:

            “E hele pololei imua, e Numaredina, a mai nana hou mai i hope nei, E hoomanao oe , ua paa pio kou mau kaikuahine i ua enemi la ou, aole nae e pilikia, no ka mea, aia no he kokua me laua.”

            Uwe iho la ua keikialii la no keia mau olelo a ua kokua nei ona, a me ka hookaulua ole iho ua hele aku la oia imua a hiki i kona wa i halawai pu aku ai me ua enemi nei ona, oiai, aia no oia ke noho mai la me kona manao ua mako la kona enemi. A i kona ike ana mai nae ia Numaeedina e hele aku ana no imua ona, kani iho la kana u a pane mai la:

            “Eia hou no oe, e keia wahi keiki hookano; a nui ko ikaika pakele oe ia’u,” a hoomaka mai la ua kupua la e nou i kana laau newa ia Numaredina, a alo ae la ua keiki la a hala.

            Ia wa no i uhau aku ai o Numaredina i kana pahikaua maluna o ua kupua la a moku ae la kona lima akau, a pa e mai la he leo i ka olelo ana:

            “O Numaredina ke koa, e hookuu kakou iaia e hele no ka aina o ke Ao Olino, a na kiai o laila e hoopai mai iaia.”

            Aole nae ke kupua i hoolohe i kela mau olelo ae la, aka, ua ha pai ae la oia i kana laau ihe ma kona lima hema a pahu mai la ia Numaredina, aka, ua hahau aku la ua keiki la me hikaua a haki ae la ka ihe a ua kupua la, a na ia mea i hoopiena loa iaia, a mamua o ka hiki ana iaia ke oniu ae i kana pahikaua ua moku ae la ia lima ona a lele ana i kahi e. Pau ka pili ana me ke kino kahi o kona kuleana i makemakeia ia.

            O ka wa no ia i loheia aku ai kekahi mau leo hauwalaau, e olelo ana:

            “E holo kakou i pakele, o Boba ke kokua o keia keiki.

            A mamua o ka hiki ana i ua kupua la ke holo no ka @oopakele ana i kona ola, ua loaa aku la oia i ka pahikaua a Numaredina a make loa iho la oia.

            A no ia mea i hoomaka aku ai ua keikialii la e hele huli i kona mau kaikuahine, a i kona hoea ana aku mawaho o ka halealii o ua kupua la, lohe aku la oia i ka leo o kona kaikuahine i ka pane ana ae:

            “E Numaredina e, auhea iho nei oe?”

            “Eia no au,” wahi a ua keiki alii la i pane aku ai. A hoomaka aku la oia e komo iloko o ka halealii, me kona lohe mau no nae i ka leo o kona kaikuahine iloko o na manawa a pau.

[No kahi wa aku.]

 

Hapa-umi (5 k@neta? wale no, noho ana i Waikiki maluna o na kaa ho@ueu lehelehe a hoonalulu eleniu.

 

NA AINA MAMAO

Na Lono Huikau mai na Wahi Like Ole mai o ke Ao nei.

E Moe ana Kaoo no Pekina

            He ake loa o Kina e aelike aku ma ke ano kuikahi, pela kekahi lono o Tokio mai, aka, he hoaano lo o Iapana no ke kaua. E ha@lele aku ana ia Iapana iloko o @a la hope o Sepatemaba iho la he kaoo nui o na aumoku huli koa me 40,000 koa. Ua malama malu loa ia kahi e pae aku ai, aka, ua kohokoho wale ia no e hoaoia aku ana paha e moe loa aku kaoo no Pekina. Ua olelo ae o Miabara, he Iapana kapili mokukaua ma Ladana e nana la no ka naia o @lua mau mokukaua nunui o 14,300 tona pakahi, ma kona manao aia ke kuhikuhi ana o na mea a pau no ka hele aku a hoohiki loa i Pekina. E ukaliia aku ana keia puali Iapana nui, ke kamoe loa aku no Pekina, e na aumokukana a hiki i ka waba o ka Muliwai Pei-Ho, iloko o ka apana o Pekili.

Ua Hooleleia no ka hoi Koa.

            O na olelo o kekahi palapala mai Tienetesine ae ua hooleleia no ka hoi koa Pake ma na kapa o ka muliwai Ialu mai na mokukaua aku, he 7,000 ka nui, iloko no o ke ki poka hoomano ana aku o na aumoku Kepani. Ua hele na moku Pake me na lako kaua a ua kauohaia e pao palau aku i na moku Kepani, eia nae, ua lohi loa ia kauoha. Aia ka nui o na koa Pake ma ka Muliwai o Ialu ma kahi 2,800, pela ka hoike a kekahi palapala o Sanahae ae, he poe hou loa ko lakou hapanui a ua maikai ole hoi ko lakou hoolakoia ana. Ua hoopihoihoi a hoopilikia loa ia ke keena ka@a o Kina mamuli o na puku na@i, na pu raifela a me na lako kaua e ae ma Pini Iana. Aia na Pake ke hooikaika loa la e ulele hakaka ae ma ka Muliwai Ialu a e hoihoi hou mai hoi i ka poino nui i loaa ia lakou ma Pini Iana!

Kahi Ikaika Loa o na Pake.

He 11 mau moku hali koa Iapana i ku aku ma Kemalapo (Semeulupo ka makou unuhi ana mamua), a ua hoopae aku he 7,000 paha kanaka malalo o ka hoomalu ana mai o na pukuniahi o elima mau mokukaua. O na lono hoi mai ka apana mai o Pini Iana, me he la oia aku ana no ke kahua hakoko nui, aia i na Pake ka hoomalu piha ana o ia wahi a aia hoi ma kekali kapa ae o ka Muliwai @alu he 20,000 kanaka a oi aku. He lehulehu o keia poe koa he poe hou loa no Manakuria, a oiai hoi, aohe mau koa kaualio o na Iapana, aohe no i manaoia e nui ana ka lakou poino e hana aku ai ina hoi @ puhee aku na Pake, no ka makau i ka akahi no a ike aku lakou i ka hoohanaia mai o na pu mikini.

Noho Kuikawa ko Iapana Ahaolelo

Ua kuahauaia ae no kekahi akoakoa kuikawa ana o ka Iapana Ahaolelo i Okatoba 15. Ua oleloia ae aole loa e hiki ana i ka Ahaolelo ke kaohi a akeakea ae paha ma kekahi ano e ae i ke kaua e noke la, oiai, aia wale no i ka Emeperoa a me ka mahele hooko ka mana kaokoa loa e kukala kaua aku a me ka hoomau pu aku no hoi. Aole no hoi i manaoia e loli ae ana ko Iapana kulana mokomoko e hoohahana la mamuli o na hopena o ke kau koho balota no keia kau ahaolelo kuikawa.

Hophopoia o Akeakea aku o Rusia.

No Sana Pet erobuga mai ka lono ua lele kaua aku na Pake i kekahi kahua hoolulu o ke Alahoa o Siberia, haoia a hoopoinoia na pono o loko o ke keena telegarapa a pepehiia he ewalu o na limahana Rukini a make loa. Ua hopohopoia e hoolilo ae ke Aupuni o Rusia i keia mea i wabi kumu e komo aku ai e akeakea i ka paonioui kaua mawaena o Kina me Iapana.

Makona na Poe Korea i na Kepani.

O kekahi o na loina kamahao loa ma keia paonioni ana, oia no ke ano makona a hoihoi ole o na Korea i na Iapana a me ka hoike okoa ae no i kahi a ko lakou iini i waiho ai, aia no ia me na Pake. Mai na mea a na Kepani i olelo ai mamua ae o ke kaua ana, e manaoia aku no i ke kukalaia ana ae o ke kaua, e huliamahi aku ana la hoi na poe Korea mahope o na Kepani. Eia ka he okoa loa ka mea e ikeia ana. Ua halawai aku me na Kepani nanaina maka oolea o na poe Korea i ku ole i kau wahi o ka hoihoi, a aia wale no hoi ka loaa aku o ka ai no ke kanaka a me ka holoholona pu malalo o na hookikina ana. Aohe lakou lono i ae iki e hoike pololei aku i na Kepani, aka, o na mea a pau e loaa ana ia lakou a ka aoao o na Kepani, ua hoeuna konke ia aku no ia me ka awiwi loa i ka aoao o na Pake. Ua hoikeia ae ua oi aku mamua o 30,000 poe Korea i noi aku ia Generala Ie, ke alakai o na pualike a Manakuria no na pu a me ua lako o ke kaua, aka, he 12,000 wale no i hiki ke hoolawa pono ia. He mahele o 3,000 poe koa Korea mai ka apa@a ae @ Pini Iana ka i hui ae me ka