Ka Makaainana.

 

ka lele awiwi, loaa ka mea nail okoa a ii ke alelo.

_________

Ua manao paha kela nupepa nukanelo he me ia no kekahi poe e hele aku ai e hoohiki, ina ua hoohiki io o A. Rosa.  Ina oia ko lakou manao, aohe kuhihewa aku u koe mai.  Aia no i kela a me kela ka hoohiki,  aolehoi ma ka uhai wale aku no i kahi poe e hana ana pela.  Ua lilo kela hoolaha oiaio ole ia ana i mea e nune nui ia ai me ka hilinai ole ia no, a pale loa ia ae hoi mamuli o kona hoole akea maoli ana ae no.  Ku i ka hoka!

 

__________

Oleloia mai aole loa o E. Helkunihi i kupono iki i Lunakanawai Apana no Wailuku, no ka mea, he makau wale i ka hooko i kana hana.  He Pukiki ka i noea aku imua ona e hoohiki a ii kekahi palapala hoopii kue ia E. H. Bele, no ke apuka i ka waiwai i haawiia iaia e malama.  Ua hoole loa oia i ka hoopuka ana ia palapala, nolaila, ua noi aku ka loio o ke Pukiki ia Lunakanawai Kaapuni Kepoikai e hooko mai, a i ole hoi ia, e kauoha aku i kekahi mea okoa nana e hooko mai.  O ka mea hope kana i hana ai a kikooia ka Lunakanawai Apana o Makawao e hele mai e hooko i ka hana ma kahi o ko Wailuku Lunakanawai hohe wale.

 

____________

Eia mae, ua lilo keia hana a ka Lunakanawai Kaapuni i mea no Kuauau, ka Loio Kuhina i hele a lehia ma ka ike kanwai, e piena ai.  Oiai hoi, o ko ka Lunakanawai Kaapuni maua no ia i haawiia ai malale o ke kanawai, Akaka ole hoi ko Keauau wahi o ka piikai ana.  O ke Poaono nei ka la e hooloheia ai o ua hihia la ma Wailuku, eia mae,  aole ka loio o ke Pukiki i nolo aku, no ka mea, ua hoole o Kuauau i ka lawelawe aku ma koke Aupuni aoao.  Aia la, o kona mana no hoi ia malalo o ke kanawai, piena makahewa nae hoi ia hai.  malia nae paha no ko lakou ano hanauna o ka poai mikanele hemolele hookahi.  Oia maoli uo; pololei!

 

Oiai hoi, ua heo aku nei ka Piladelepia, eia paha na kuli o ua poe aihue nei ke opaipai nei, no ka mea, ua koe hookahi iho la ke Kamepiona, ko lakou nei pulakaumaka.  Pehea ana la ua poe  nei e pono ai?  I hele no hoi paha a hoeu aku ka lahui, o ko lakou hiolo no ka hopena.

 

___________

 

Ke paialewaia nei ka lono mamuli o ke ohohia nui ole ia aku o ka hoohiki e ka lahui, a no ka nui ole loa hoi o na poe e hoohiki nei, ua hilahila loan a poo Aupuni hoehewa.  Ua ukali pu mai no hoi me ia lono eia no ua poe alukai nei ke manao nei e hook ii ka hoohiki ana.  Ae, aohe no e hewa, oiai, ua ku ka ea o ko oukou hilahila loa, no ka hoihoi ole loa ia.

 

____________

 

Aole o ia wale ae la no kahi lono, eia hou iho no, oia hoi, aia ka in a Komisina Beritania a me Farani ka hooholo i ka mea pono e hanaia ai no Hawaii nei, a o ka hooko wale aku no hoi ka ke Kuhina Amerika ia mea.  O ka oiaio o keia lono, aole i maopopo ia makou, aka, o ka nana aku no hoi ka kakou i keia mua koke iho.

 

____________

I ka Poaha iho la, imua o ka Ahaolelo manawa o ka Repubalika, ua hooholo awiwi hou ia ae la ia bila kanawai, he hoololi hoi no ke kanawai Pi Gi e pilo ana i ka hoopaeia mai o na malihini ano aea wale.  O ka manao ma keia hoololi, oia ka hoelele mai no i ua poe la kea e lakou a hana malalo o na aelike mahiai no elua makahiki.  Ia lakou nei no ka hooholo awiwi  loa ia o na kanawai, a mahope pahonohono aku.  Ua kue loa o Kimo Mogana i keia an ohana a ua koho kue aku no hoi oia.  Oia ke ku, oia ka hana ana a oia no hoi ka pono io maoli.  Ua pono a pololei oia!

Ua lilo i mea hoopahaohao ko na koa hele ma ke poo o alanui Ema, e hui la me na alanui Puowaina me Kula, i kakahiaka nui Poaliuna nei.  Ua manao waleina e kiai ana o powaia o Kolekaaka.  Aole malaila wale, aka, ma kekahi mau wahi e aku no kekahi.  He makau honua paha o ala ae na akualapu o ka po.  Eia ka, e hele huli nui ana i kahi poe koa o lakou i mahuka.

 

________________

 

Pokole loa paha ka manawa i koe uo ke "Kuokoa" a uwe haloulou ae no ko lakou ike ole loa ia mai.  Keu we, hakelo ka upe, kahe ka haae loloa a helelei hoi no niho o ka hapauea o ke kukoo kuhihewa ana in a poe aihemu i ko ka lahui kumu pono "Wasa mala nao; hohole Samoka!" wahi a ka "Holomua."

 

________________

 

Launa Ike Pili Oihana

 

Hora 10 o kakahiaka Poalua i hala iho la i holo ike aku ai o Kapena Hawe, Komisina Beritania a pani hoi o Kuhina Wudehausi, ia luna o ke Ka mepiona, a no hapalua hora ka noho ana.  Iaia i hoi mai ai, ua uiua mai he 13 pu aloha nona.  Mai laila ae oia i laweia aku ai no ka Piladelepia, a hala ana no he hapalua hora hou iaia malaila, a i kona hoi ana mai ua loaa mai no he 13 pu aloha hou nona.  Lehulehu na poe makaikai makai o na uwapo.

 

KAU O AUGATE

____________

 

Hapakue Wale na Hana a Hoka hoi in a Poe Kiure Ole.

 

Hora 10 o kakahiaka Poakahi i hala i weheia ai ke kau kiure o ka Aha Kaapuni o ka Apana Hookolokolo Kaapuni Ekahi nei, ma ka noho kahu ana mai o Lunakanawai Waitina.  Oiai, ua kaawale aku ka Loio Kuhina i Hawaii, na kona Hope hoi i lawelawe na hana ma ko ke Aupuni aoao.  He 143 ka nui o ua bihia no keia kao, penei: Kiure Hawaii, karaima 17, kivila 5: kiure hui 13; kapaeia ke kiure 30; hoopii oki mare 8.

 

Lehulehu na poe i akoakoa ae, main a loio, na poe pili in a hihia a me na poe makaikai.  A mahope hoi o na hana maa mau ma ka hoomaopopo ana i ka makaukau o na hibia a me ka heluhelu ana hoi in a palapala hoopii hoahewa, ua kaheaia main a kiure Hawaii, a o ko J. L. Aholo ka iaoa mua loa.  Iaia a ninauia  no ka hoohiki a hoole no hoi, e ka ole like no ia a piha he 33, e like me keia iho: J. L. Aholo, J. Keohokii, J. Keakahiwa, D. Noholea, J. K. Enoka, J. A., Victor, J. Naai, J. Kupaa, G. E. Boardman, G. Cox, C. L. Crabbe, D. Bent, g. Hokii, J. Pomaikai, T. Gandall, Elona Kekoowai, A. Pauole, S. Haluapo, J. Aea, Kalaeloa, H. Welewele, O. Stillman, E. Moanaliha, J. Hili, J. N. Ainiu, G. D. Robinson, J. S. Keawe, R. W. Aylett, H. Williams, S. Kane,  I. Testa, H. Aea a me D. Hoapili.

 

Iwaena o ka heluna o 36, he ekolu poe i lawe e no i ka hoohiki.  He elua hoi he mau luna Aupuni, oia o A. S. Mahaulu a me L. D. Keliipio, a ua hookuu loa ia iaua no ke kau, a pela pu no hoi me kela poe he 33, a he hookahi wale uo ohakulai i koe iho, oia o W. Hapa Kahumoku.  Pau lakou i ka hookuuia, hele nui no e oh ii na $2 no ia la, a ua loaa mai hoi ia me ka hoohiki ole.  A mahope iho hoi o kekahi mau papa leo ana ma waena o ka Aba a me na loio, ua hoopaneeia a ka hora 1:30 o ka auwina la, me ke kauohaia o na kiure haole ke hiki ae ia manawa.

 

Aohe mau mea ano nui i hanaia i ka noho ana aku ia auwina la a hoopaneeia no ka Aha.  Aka, i ka noho aua ae i ka hora 9:30 o kakahiaka Poalua ae, ua heaia main a kiure haole, a eia iho na poe i kupono mamuli o ka hoohiki ana: W. H. Wilkinson, J S. Simonson, J. T. Waterhouse, Jr., H. J. Nolte, C. M. Cooke, J. Lucas, J. C. Cluney.  P. R. Isenberg, W. Mutch, F. Lewis, G. Grau,  F. Hustace, W. C. King, F. W. McChesney a me W. W. Dimond.  eha poe i hoea ole ae, ua pau nui nae hoi i ka hoohiki, oia o W. W. Hall, S. B. Rose, E. F. Bishop, a me N. Gedge.  Ua kalaia o Bihopa no ke kau mamuli o kona ano omaimai, a pela iho no hoi me J. B. Atherton, Wm. McInerny a me N. Gedge, o ka mea hope no kekahi mau la wale no.  Eia iho na poe kiure haole i hookuu loa ia no ke kau no ka hoohiki ole, oia o F. Whitney, W. H. Dimond, C. Mett, J. Scott, G. Bruns, W. G. Irwin, W. F. Love, H. Congdon, A. N. Tripp, J. M. Angus, E. Hopkins, J. M. Dowsett, A. R.  Hatfield, E. Vandorn a me G. S. Harris, Jr.

 

I ka Poakolu mai, ma ka hihia komo hale o J. Deleo a me Geronimo Moemoe, na kanaka hapa Paniolo a hapa Manila i komo aihue a ii kekahi hale ma kamakela aenei, a makou no hoi i hoike aku ai mamua aku nei, mahope iho o ke kue ana a ko laua loio, C. W. Akepoka, in a kiure, oa kiiia he ekolu poe e ae mawaho, oia o W. Labz, H. Armitage a me J. W. Winter.  Ua hookuuia, no lakou no ka ae nui ole e lawe i ka hoohiki.  Mamua ae o ke awa kea Poaha iho la, ua hooholo ua kiure ua hewa laua, hookahi kiure kue.  I kakahiaka Poaono ne ii hookau mai ai ka aha i ka hoopai maluna o laua, he eono makahiki  o Moemoe a he elima hoi o ke kookoolua.

 

____________

 

MINAMINA WALE

 

Ae, me ka minamina nui loa makou e hoike aku nei no ka lalau koke ana mai o na lima menemene ole o ka Anela o ka Make, i ka hora 11 A.M. o ka Poakolu iho la, a lawe kohana aku la i keaho hope loa o Maraea Kekumamo, ka wahine a ko makou hoaloha S. Lui Kekumano, kekahi o na lima lawelawe o ka Hale Leta Nui, i ka 18 o na makahiki a oi iki ma keia oa, ma ko laua wahi noho ma Aala aenei.  I ka ia 2 aku no kena hanau ana i ke keiki, eia nae, aole keia poino koke ona mai ia hanau ana i ke keiki, no ka mea, ua maikai no oia ia kahiaka a ua palekana hoi malalo o na lawelawe lapaau ana a Kauka Hebeta.  Me he la i ka hora 8 A. M. paha a mahope iho o ia la, ua hoomaka ae ke kau hola aua iho o kekahi wahi mai ano e iaia, kauoha koke ia ae kauka a hiki mai, a i kona nana ana iho aohe maopopo o ka mai.  Ua awiwi ae ka pii ana o ka eha a ke poo a komo iloko o na maka, a o ka pouli koke ae la no ia a pau ka ike ana mai.  A pela oia in oho ai iloko o ia eha a aili loa aku la kea ho i ka manawa i hoikeia maluna ae.  Hora 5 o ia auwina la no i maneleia aku ai kona kino a nalo ma ka ilina o Kawaiahao, malalo o na lawelawe haipule ana a ka Rev. V. H. Kiticata.  Ma Molokai kona hanauia ana i Iune 22, 1876, a i Iune 15, 1893, kona mare ana me kana kaue i haalele iho la me ka laua kamalei kane uuku, me na makua, na kaikunane a me na obana lehulehu e ae, e u aku nona ma keia ao.  Aloha no;  welina wale ia makuahine Hawaii oipio!

 

____________

 

Hala ia Makuahine Hawaii

Hora 1:40 o ka wanaao o nehinei make ai o Mrs. Pamahoa Kalauli, o Mrs. Napoliona Nihi mamua, ma kona wahi noho makai o Apua, mahope iho nei o ke kaa ana i ka mai garipa a ola a loaa hou.  Aia paha kona mau makahiki mawaena o ke 50 a me ke 60.  Wanaao iho la no o nehinei i pae mai ai kana kaikamahine muli loa mai Hana mai ma ke Kalaudine, oia o Mrs. J. H. S. Kaleo, oia no a me kana kane, a ike ana i ke kino walua o ka makua.  Ua haalele iho oia he eba kaikamahine a me elima keikikane, me na moopuna lehulehu, e u aku nona ma keia ao.  E hoolewaia ana kona kino kupapau i ka  hora 4 e keia auwina la mai ka hale aku a ka iliua o Kawaiahao.  Aloha no oia.