Ka Makaainana, Volume II, Number 4, 23 Iulai 1894 — Page 3

Ka Makaainana.

 

          HONOLULU,  OAHU,  POAKAHI,  IULAI  23,  1894     3

 

HE MOOLELO KAAO

----NO----

MONE  TIKERO

---KA---

HOLOLIO I KA WA HOOILO

---KA---

UI MAALO I KE KUPULAU

A O KE

KEIKIALII HARE MATINE

---KE---

KIAHA OPAKA O NINEWA

 

MOKUNA XII.

    Ke aloha o ka Ipo i ka Ipo--Hanini ka waimaka elo ka laau--Ka Ui Maalo i ka wa Kupulau iluna o Hagara--Ke kaoo o na poe me na medala kila no Arabia--Ka hoohui mare i ka wa Hooilo--Ike kumaka i ka nani o Mokuleia, aohe laula a koe aku.

 

  Ae koke mai la ua Muaza kaulana la o na kuahiwi o Hagara, a kakakau hou ae la laua maluna o na lio a huli hoi ak la no ka home kakela uluwehiwehi o ua kupueu la.

  I keia wa a laua e hoi nei, ke papa leo mau la no laua no ke ane a me ke kulana o ka aina o ka Pua Liha o Zubieda, mai ka wa a lakou i hooi ia hope ai i ke kaua me na enemi a hiki i kona hoea ana aku ilaila, a me na kukai olelo mawaena ona a me ua hoa funutu nei ona ma keia mua aku.

  O ia mau olelo ana i hoopuka aku ai imua o Igeboseda, ua lilo ia he mea maikai i ua elemakule la, a e haawi mau mai ana oia i na kunou ana a me me na mino aka ana hoi ma kona mau papalina. Aole hoi oia wale, aka, i kela a me keia manawa a Mone Tikero e hoopuka ae ai i ka inoa o ua Pua Lilia la, e puana mau ae ana ua Igeboseda la i keia mau olelo, "E ola loihi o Mozunadime!"

  Ua panai aku hoi o Mone Tikero me kana mau olelo, "E ola loihi o Igeboseda a ike i ka noho ana o ke akua lapu o ka po maluna o ka nohoalii o Arabia."

  Maanei i kani ae ai ka aka a ua mau kaeaea la, a pela wale no laua i hoomau ai a hiki wale no i ka hale o Igeboseda. Lele like iho la laua ilalo a komo aku la iloko, a lilo aku la i na kauwa ka hooponopono ana i n lio o laua.

  Ia laua i ko@o aku ai, ua pahola kokeia mai la kekahi papaaina i luuluu i na ono he nui, a ma ka aoao o ua papaina la i noho iho ai laua a me na kanaka puuwai koa o ua mau kuahiwi la o hoonuu i na mea i hoomakaukauia.

  E like no hoi me ka mea mau ka waiho pu maluna o ka papaaina na mea inu, pela no me keia, a o ka oi loa aku no hoi paha, oia no na waina maemae loa o luna o ka aina o Orekedera na huihui waina o Enegeti, a pela aku. E inu ana kekahi poe, e hookaau olelo ana hoi kekahi poe, a pela wale aku na hana a ua poe noho kuahiwi la.

  Aia iloko o keia wa a lakou e ai ana a e inu ana, aia hoi, ua ku ae la o Mone Tikero iluna me ke kino maloeloe o ke kanaka maikai a kulana o ka wiwoole o na wiwoole, e like me Ilamuku Ne, ke kaeaea o ke kahua kaua mawaena o na hoouka kaua a pau, a pane aku la:

  "E o'u mau kaikuaana, na hoa hana pu hoi iloke o ka oihana koa no ka hanohano o ko kakou mau inoa, ano i hele mai nei au e heike aku ia oukou no kekahi hana nui a oukou e hana aku ai ma keia mua koke iho, aole hoi o oukou wale no, aka, malia o kakou pu no paha ke hiki mai nae hoi ia manawa e hooko ia ai oia hana ano nui, a i kamaaina hoi i ko ke ao nei a puni, mawaena o ke Aupuni o Arabia a me Samanadala, oia hoi keia:

  Akahi--Oiai, ke kokoke aku nei i na la mua o ka hooilo, na la hoi a ka hau anuanu o na kuahiwi e halii mai ai iluna o ka aina nei. A mamua nae hoi o ia manawa o naue aku ai kakou no Arabia kahiko, no ka hooko ana i kekahi hana ano nui mawaena o maua me ka ui o Samanadala, a o ka Pua Lilia hoi i anoi nui ia e na keikikane a o ka milimili hoi a na kupuna (moopuna), a oia ka ka mea kakau i hoomanao ae ai i keia mau wahi lalaui mele.

Auhea walea oe e tutu,

Aia ko moopuna i ka lawa,

Ke unupeu ia mai la

E na keiki kia manu o ke kula, ka la hanohano hoi iloko o Arabia a puni.

  Alua--E malama pu ia ana ma ia la he mau hana hookelakela o na ano like ole, a na makemake au ia oukou e koa me ka wiwo ole, a e aahu hei i na manao kea iloko o ke oukou puuwai, a maluna ae o na mea a pau e loaa ia oukou ka hano hano o ka lawe ana mai i na makana o ia la mai na lima mai o ka nani o na nani.

 

  He mau pule loihi i hala ae, ia Bila Makawela kokua ana i ka ohi ana i na auhau o na poe hookaa ole, ua loaa aku iaia he palapala hopu no kekahi kanaka o J. K. Kawainui ka inoa, no kai o Kakaako. Ua huli oia ia mea aohe loaa, a kii okoa ana ia J. U. Kawainui, me kona manao paha oia ua mea la i hookaa ole i kona auhau. I pakele wale no ua o J. U. Kawainui mamuli o kona hooia maopopo loa ana mai ua kaa kahiko kona auhau. Hu no hoi ka aka o keia wahapaaia o ke koo ikaika o na oehaa. Oia no paha ?

 

LAUOMIDIHAE

---KA---

UI I MOHAI IA I KE KOKO

---KA---

NANI I ALANA IA I KA OI O

KA PAHIKAUA.

Ka Mea Huna iloko o ke Kiaha

Waina

Ka Mea Pohihihi i ka Maka o ke

Kuikele.

---A O KE---

KEIKI NUMAREDINA

KE

Komo Lima Maka Popoki.

 

MOKUNA XI.

 

    Owai aku kela?--He malihini mai ke Komohana mai--Ke kiu a Numaredina iluna o Halegula--Ka manu nunu iloko o ka hale aniani--Makaikai i ka nani o ke kihapaipua o Numere--Namaredina o Hurema ka hoa e like ai.

 

  Iaia nae e noho aua me keia ano ae la, kau mai la iloko ona na hoomanao ana no Numaredina ma, pehea la ka lakou huakai, ua hoea mai la paha iluna o Halegula--aole paha.

  Aia nae iloko o kela manawa a lakou e kukai olelo ana, i nana hou aku ai ke kupua maluna o kana hanai me na maka oluolu o ka mea i piha i ke aloha, me he la ua komo mai la paha iloko ona na hoomanao ana no kana mea i luhi mua ai, a oia kana i pane aku ai me keia mau olelo:

  "E kuu keiki, pehea la kou manao no ka'u mea i olelo mua iho nei ia oe?"

  "E kuu makua, e like me kau i hoike mai nei ia'u, aole loa au e ae e noho pu me na keiki a kanaka," wahi a ua kaikamahine la i pane aku ai imua o kona makua.

  Ua hauole loa ua kupua la i keia mau olelo a kana hanai, nolaila, me na mino aka ana ma na papalina i huli ae ai oia a pane ae la:

  "E wehe, e na paui hao o Zeruma, e hookuu i kou haku wahine e hoi no kona aupuni iloko o ke Ao Olino,"

  Ia manawa no i holo ae ai ka laka o ua mau pani la, a hamama ae la. Ia manawa pu no hoi i oili like aku ai lakou a pau iwaho, a kahuli koke ae la kahi luahine i manu nunu a lele aku la iwahe me ka mama nui i pakele ai hoi mai ke kookoo mana aku o Habakudera.

  He oiaio, i ka manawa i lele aku ai ua wahi manu la mai loko aku o ka hale, ua ike koke mai la no ua kupua la iaia, a oia kana i kauoha ae ai i na kiai o luna o @a aina o Halegula e alualu mahope o kona enemi a e pepehi aku iaia a make mamua o kona puka ana aku mawaho o na palena o ko lakou aina.

  O keia leo kauoha a ua kupua la, oia ka na kiai o ia aina i hooko koke aku ai me ka eleu, a ina he hapa mama ae no ko ua wahi manu kolohe la, ina ua komo oia iloko o ka ipuhao waiwela a ke kupua Habakudera. Aka, no ka nui mama no i hui pu ia me na manao koa iloke ona, pakele ai oia mai "pau pulu aohe lau e kanu ai."

  O ka eo hal@ u o na mea kaua a na kanaka o Iuna o ua aina la, a me na hooho kaua ana, oia na mea i ikeia ia manawa, a he mea ku i ka weliweli na hana ke ike aku. Aia hoi ua kupua la iluna o kekahi wahi puu me kana hanai ma kona aoao, a ke haawi mau la i ke kauoha i, na kanaka e hopu i ka enemi, a e kiai paa loa ia hoi na palena a pau o ka aina.

  Nana ae la ua kupua la a ike i ka makaukau o kona mau kanaka, no ia mea i huli ae ai oia a pane aku la i kana hanai me keia mau olelo:

  "E nana i kou mau kanaka, ua hiki ia lakou ke ku aku imua o ka enemi me ka wiwo ole, a ua hiki hoi ia lakou ke hoopio i ka ikaika kaua o na keiki a kanaka. O lakou a pau, o kou mau kanaka ia a na lakou e kiai i kou maluhia iloko o na manawa a pau. Ma kau wahi e hele ai o lakou pu kekahi me oe, o kau mau kauoha e haawi ai ia lakou e hooko no lakou me ka hikiwawe."

  "Heaha ka lakou hana nui o ka hele ana i keia la, a mai hea mai lakou i hele mai ai?" wahi a Lauomidihae i ninau mai ai.

  "E hele ana lakou e kaua kue aku i na enemi e hoao mai la e komo iloko o na palena o kou aina, a aia lakou iloko o kela mau pupupu hale (me kona kuhikuhi pu ana aku i na kauhale e waiho kakaalawa mai ana iluna o kekahi kula mauu) ko lakou mau home, a mai laila mai lakou i hoea mai ai. Mai hopohopo oe no lakou".

 

  Iloko o ka malama i hala i loaa ai he mau kulu pakaua ma Honokaa a me Kukuihaele, Hamakua, he elua iniha, a oia ka makamua loa no kekahi wa loihi i hala,

  Ua ike hou ia no o Puahala o poalo kauhale ana i na la i hala iho la. Hoea aku oia i kekahi hale haole ma alanui Moi, kokoke i alanui Rikeke, eia noe, ua ku mai oia i ka hoka, aohe i loaa kana mea i noi aku ai no ka makemake o kekahi mea e ao.