Ka Makaainana, Volume II, Number 1, 2 July 1894 — Page 7

Ka Makaainana.

 

 

HONOLULU, OAHU, POAKAHI, IULAI 2, 1894

 

 

NA AINA MAMAO

Na Lono Huikau mai na Wahi

Like Ole mai o ke Ao nei

Nohoalii ke Kaua ma Kolorado

            O ke kumu o keia paonioni na koi na limahana i $3 ko lakou aku hana la o ewalu hora, aole hoi he umi hora, a ua ae hoi na ona lua lanahu e hoemi mai i oiwa hora hana no $3.  He eono malama i hala aku mamua ka hoaoia ana e loaa ka ae like ia, aohe nae he wahi mea a loaa @ki.

            Mei 25 i hoao ai he 125 poe i @ me na mea kaua mai Deneva e lele kaua aku, a ina he mea @iki, e hoauhee aku i ka huina o 1,000 poe eli lanahu, eia nae, na haule ia manaolana mamuli o ka hiki ole ana aku o ua kokua mai Deneva aku, e like hoi me ka mea i hooholoia.  Nolaila, na kuemi hope aku keia poe kakaikahi imua pono o kela poe lehulehu i hele a pii ka inaina a i lako pono hoi me na mea kaua.  Ua manaoia i kahi la ae e loaa aku ai he 400 poe kokua no kela 125, malalo o kekahi Makai Nui a me kekahi pakuniahi i hiki ke hoolele poka aku @o elimamile.  Po o Mei 25, ua loaa he 125 poe hou ma Deneva ma ka $3 pakahi o ka la, no ka hele aku e paio me kela poe kue maluhia.

            Ua hoopahuia kekahi mau @ lanaha me na mea hoopahu a ua lilo i mea ole me ka hooweliweli pu ia o na paahana e haalele nui iho i ke kahua, a ua hooloheia, oiai, ua hoea aku kekahi poe kue i huna i ko lakou mau helehelena a i lako hoi me na pu.  Pau hoi na hana hoopahu, ua puhi ahi ia aku ua kauhale a me na waiwai e ae i koe iho.  Aohe oe i poino.  O keia paha na ahailono hiki moa no ka hana o aku.

            Kakahiaka nui wale o keia la oiai kekahi poe e kiai ana i ka hale oihana o kekahi kahua eli lanahu, ua hele aku na wahine i kokua mahope o na poe kue.  Ua aeia lakou e komo.  Ia lakou nae hoi a komo ua hooana mai na wahine i na pu panapana a kauoha i kela poe kane e kau na lima iluna.  Aole lakou i hoole aku, a ua hoea koke aku na kane kue, oiai, aole no lakou i mamao loa.  He 18 ka nui o keia poe i hooneleia i na lako kaua, a kipaka nui ia e hele loa.  @a auwina la iho, ua hopuia he elua mau kaa hali ukana e holo ana no kekahi o na lua lanahu e paaia ana e na ona.  Iluna o ia kaa na poka owili a me ka pau@a. 

            Ma na kulanakauhale hoi o Vitoa a me Alomana, aia ke koke hele ia la na alanui e na poe eli i lako pono me na mea kaua, a he kau maoli no ka weliweli.  Ua loheia aku hoi no ka make ana o ehiku poe ma Karipili Kariki, a e mahuahua loa aku ana paha keia poino no ka la mua, eia nae, aohe i uleie io na ai a ka ui, uo ke kali hoi o ko ke Aupuni poe no ka hiki aku o na kokua.

            Hora 2 nae hoi o ka wanaao o Mei 26 i hana io nui ai, mamuli o ka hooweliwehia ana aku o kekahi wiliki kaamanu o liuliu koke ae oia i kona kaa a pela pu no hoi i ke paoahi.  Aohe i hoole, aka, ua holohe i ke  keuoha, oia;            he make maopopo loa ia no laua.  Hele a makaukau iloko o ka manawa pokole loa, ua piha ekolu kaa me 300 poe eli i lako pono, a ua holo aku me ka manao e hoopuoho aku i ko ke Aupuni poe.  Ua manao no hoi keia poe e haawi pio wale ia mai ana no me ke kue ole, ke ike nui mai hoi i ko lakou hele aluka aku, eia nae, ua pahua ia manaolana.  Ma kahi mamao lakou i lele nui iho ai mai na kaa a nee aku la imua maloko aku o ka nahelehele, aka, ua ikeia mai no e na kiai, a aole i emo ua hana io na aoao a elua, a o ka hopena, ua hoaaheeia na oe eli a lawe pio ia kekahi poe.  Mamuli hoi o ka make ana o ke alakai o na poe eli, ua naholo a mahae liilii aku lakou.  Ua pai a pai no nae hoi na make, he hookahi pakahi, a pela no hoi me na eha.

            Ke pii mahuahua la no ka heluna o na poe eli kue, no ka mea, i ke ao pono ana ae o Mei 26, ua loaa he 571 i lako pono me na pu raifela, a he 100 hou aku paha me na ano pu e ae.  O na poe kuikawa hoi keia, aia lakou ke auhee la mai ke kahua aku o na liuliu kaua, no ka mea, ke kokua ole aku lakou, e lilo ana no lakou i oe enemi.  Aumoe iho o ia la, he 200 na poe kokua i ko Deneva poe i hiki aku.  I hoolana loa nae paha hoi kela poo mamuli o ko Kiaaina Waite ano kokua ia lakou.  Eia nae, ua hooikaika ke kiaaina ma na ano a pau e loaa ka maluhia mamuli o ka hooponopono ana i na kumu o ke kuee.  Ua lilo ia mau hooponopono ana a ke kiaaina i mea ole, no ka mea, aole i ae na kanaka i na kahua o kana hooponopono ana.  No ka hololoa ole o na hooponopono ana mawaena o na aoao a elua Mei 28, ua kukala okoa ia mau aoao.  Ke hoouna nui ia la na kokua ana imua, a o na poe hoi ma ka papukaua o Puu @ulu, ua paa ka manao me ka olelo ae.  “O na mea a pau a o ka ole paha.”  Nui na lako kaua me na pu i hopu a lawe okoa ia e na kanaka, a ua kiai makaala loa ia hoi na alahele a pau a me ka nienieleia hoi o kela a me keia mea ke hele aku ma na ala.  Ma ko ke kiaaina aoao hoi, ua paa loa kona manao e hele kino aku i Karipili Karika e uwalo maoli aku ai no i na kanaka e hooki..

            Ua hopohopo na alakai Aupuni o lawe malu ia aku ke kiaaina, eia nae, ua paakiki no kona manae, nolaila, mamuli o ia paakiki ona, ua haalele honua aku na poe koa iaia.  Eia nae, ua hele io aku no oia a ma ke ahiahi o Iune 4, ua kukala ae oia he kuahaua no kana hana i aelike ai ma ka aoao o na kanaka a me ua one i $3 o ka la hana o ewalu hora pakahi, a me ka aeia hoi o na ona e hoolimalima i ua lihiahana mai loko mai o na ahahui paahana a mawaho ae paha.  Ua kuahaua pu oia, ma kona ano kiaaina a alinikaua nui, no ka puka a hele aku o na koa e hoomalu i ka maluhia ma Karipili Kariki.  Aohe no i akaka ka pau, eia nae, ua loaa iki no he maluhia i ka ke kiaaina hana.  Ke nee la na koa a me ua makai imua, Iune 5, me ke akaka ole no oka hopena.  Aia no hoi na kanaka ke liuliu nui la no, me ko lakou ae ole loa i ka ke kiaaina mea i ae like ai me na ona.  Aole loa lakou e ae aia a o na kanaka ahahui wale no ke hoohanaia.  Aole no hoi ma Kolorado wale, aka ma na mokuaina e ae no kekahi, ke hoomaka la na kanaka e puhi ahi i na alahaka a pau a ke hana la hoi i kekahi mau hana kupono ole.

 

Hoohaunaele Kipi ma Kina

            Iune 4 i loheia aku ai ma Ladana, ma o ka nupepa Manuwa la, aia he haunaelo kipi ma ka Okana-aina o Manakuria ke nee aku la i ka nui a palahalaha loa, ao.  Ua hoolakoia na poe kipi  mana lio me na pu raifela ki amaamau a ua hoauheeia aku hoi na pualikoa imiperiala ma na ulele ana a pau.  Lehuiehu na kulana ano nui i lilo a paaia e na kipi, a o kekahi o ia mau wahi oia no kahi hana a hoahu lako kaua o Sasina, kahi i waihoia ai o 100,000 pu raifela.  Mamuli o ko Kuhina Nui Ia Huna Kaua hopohopo, nolaila, ke hoakoakoa la oia i kekahi puali nui no ka hoopio ana aku i ka haunaole. 

 

Pau Pu me Korea iloko o ia Uluaoa

            Ua ulu ae he haunaole kipi ma Korea a ua lilo aku o ‘Seoula, ke kapitala, i na kipi.  Ua hoololoia aku he pualikoa Iapana no ka hoopakele ana i ke ola a me ka waiwai.  Aole no hoi o ia wale ae la no ka ke Aupuni o Iapana mea i hana ai, aka, ua hoouna aku i kekahi pualikoa nui no ka hoopakele ana i kona mau pono iho malaila.  Ua hui keia ae ua holo aku ka Moi o Korea a ma kahi o ke Kuhina o Iapana e noho ai malalo o ka malu o ia Aupuni.

 

Na Hunahuna Laulaha

            Aia he onene Aha Kuhina ma Hunegari.  He pio o Peresidena Ezeta pau o Salavadoa i keia wa. 

            Ua make mai nei ka Lunakanawao Kiekie o Reritania Nui oia o Haku Colerige, i ke 73 o na uiakahiki.

            He hoopii ka ke Aupuni o Amerika Huipuia, ma o ka Loio Kuhina la no $15,000,000 ko poho kue i ka waiwai o Sanatos Sanafeda i make.

            Ua ae ka Aha Senate o Farani i kekahi manao i noiia aku no ka wehe ana aku i kekahi lulu dala o ka lahui, i mea hoi e hooliloia ai ma ke kukulu ana i kia hoomanao no Ioana o Aka.

            Aia ke Aupuni o Rusia ke hoolala la i kekahi kumuhana no ka hoala aua i panalaa Iudaio ma Aferika Hema, a ma ia wahi hoi e hoihoiia aku ai na poe Iudaio mahiai a hanai holoholona o Rusia Hema.

            E noi aku ana ke Aupuai o Kanada i ka Ahaolilo no ona haawina dala o $75,000, no ke kokua ana i kekahi hui mokumahu holo loa mawaena o Soutahamotona a me Kuibeke.  Nui ka ikaina a kueia o keia manao e ka lehulehu o na okana aekai.

            Mei 30 i haalele aku ai ke Kamaliiwahine D@ Galatoro Colona ia Nu Ioka, oia a me kana mau keiki elua a me na kauwa no Sautanametona, Enelani, maluna o ka  mokumahu Nu Ioka.  Ua hele aku kona makuakane kolea, J. W. Make ame J. W. Make opio e ike i kona holo ana.  O ka holo paha keia a hui hou aku me ke kane, oia nae, ua olelo ae oia aohe ana mea e olelo ai no ka hoolahaia.  Ma ia moku no i holo aku ai o Kalausa Sepekela a me kana wahine.

            Aia kekai wai ahulau ke holapu la ia Kina Hema, a ua hoea loa ae i Honakona, pela ka lono ma Ladana i Iune 5.  Ua oleloia ua like loa no ka me kela “make eleele” i holapu weliweli ai ia Ladana i 1665.  Ma Canatona, ua hahana loa ka holapu ana a ua hoea mua ae ma Honakona i Mei 10 paha a ua emoole ka laulaha ana ae.  Aole no i loihi iho, ua 50 paha na poe i loohia i ka la hookahi a ua make aku he 60 pa kenela o na poe i loaa iloko o 48 hora.  Ua oleloia ua hoea aku ue kela ma’i ahulau ma Iapana.