Ka Makaainana, Volume I, Number 22, 28 May 1894 — Page 3

Ka Makaainana.

HONOLULU, OAHU, POAKAHI, MEI 28, 1894     3

HE MOOLELO KAAO

---NO---

MONE TIKERO

---KA---

HOLOLIO I KA WA HOOILO

---KA---

UI MAALO I KE KUPULAU

A O KE

KEIKIALII HARE MATINE

---KE---

KIAHA OPAKA O NINEWA

MOKU XI.

E ke kupaa, auhea kou lanakila ana---E ka Hoowalewale e, e hooki i kau hana ---Ahai ke akule i ke kolohe---Ke alahele iloko o n amauna---ka hololio o ke aumoe.

Ia laua e huli hoi nei maloko e na ululaau no ke kulanakauhale, aia mau na maka poniponi o ka ui o na ui ke kaulono mau le maluna o na helehelena nani o ka Hololio i k awa Hooilo; a i kela a me keia manawa a laua e haawi ai i na kukai olelo ana, e haawi ai i na kukai olelo ana, e haawi mau ana ua Pua Lilia la o Zubieda i na minoaka ana o ka mea i piha i ka makahehi.

A e haawi mau ana hoi ua keiki la i na olelo hoolana manao, o ka mea iloko o ke aloha o ka ipo i ka ipo.  A o na kalele pau ana o ke aloha oiaio i ka ipo, aia no ia maluna o ua ipo la a makou.

Ua hoike mai kona mau helehelena i ka piha hoihoi, ma keia hololio pu ana me kana mea i aloha ai, aiwa loa aku paha a ike i ka niu holu o Kalapana--o ke anana no ia i ka loa a me ka laula o Kapaa, aohe nui a koe aku, maopopo ka ikena i na mea nani o Piiholo.

Pele laua i hoomau aku ai i ka hele ana, a hiki wale no i ka aneane ana aku o na kukuna o ka la e iho aku ma kela aoao o ke aouli, ia manawa i hoea aku ai laua mawaho o ka hu'a o ka ululaau, a ikeia aku la kae kulanakauhale o ua kaikamahine la e waiho kahela mai ana i ka lai.

O ka puoa hoi o kona halealii, e pii koiuiu ana no ia i ka lewa lani, aneane e pa iluna o na hoku o ka lani, e ole wale no ka ikaika o ka ume ana aka mageneti ume puuwai, hiki ole ai ilaila.

Ma ka palena waho o ka ululaau, i ku iho ai ua mau opua hiki ahiahi la a nana aku la i na kukuna o ka la e iho aku la e nalo iloko o ka ilikai.  Alaila, kuhi aku  la o Mone Tikero i kona lima, me ka olelo ana aku:

"Aia kou kulanakauhale, e ka Pua Lilia o Zubieda.  E hauoli ana kou lauai ke hoea aku o eimua ona, a o na manao o ka pilihua a me ke kaumaha, iloko o na la i hala ae, e lu iho no auanei ia malalo kona mau kapuai wawae."

"Ae, e kuu hoopakele, ka mea a'u i aie nui ai iloko o na la o ko'u ola ana.  A heaha la ka uku nui a'u e panai aku ai no kau mau hana lokomaikai ia'u?  e hoomanao iho oe, ua aie au ia oe mai ka piko o kuu poo a hiki i na manea o kuu mau wawae.

"Aka, ea !  Aole ma ka poho o ko'u lima ke aupuni o ko'u makaukane, a ina paha aia ia me a'u, e unuhi ae no au i na waiwai o ko'u aupuni a haawi aku nau.  Aole nae ia mau mea maemae mea maemae me a'u i keia wa.

"Nolaila, ua manao au, aole he makana e ae a'u e hiki ai ke haawi aku nau malalo iho o na kukuna olinolino o ka la, koe wale iho no ka Pua Lilia mae ole o Zubieda.  E lei oe a e lei hoi au, hookahi ko kaua lei pu ana i ke aloha pauhananuu iluna o Mauna Kilohana, a na ka make wale no e mawehe ae i ke aloha kuwiliwili mawaena ou a me a'u.

"O na kahiki nani o ko'u malapua a me na pua lilia e popohe ana me ka mahiehie, oia ka'u e hoomomoa mau ai nau, a maluna ae o na pau--nau e makaikai ka nani o ke kakela o Zubieba."

Me na manao o ka hauoli i huli like ae ai laua a nana aku la kahi i kahi, me he la, i ka nana aku ua komo aku la ke kuinao o ke aloha oiaio ilokio o laua pakahi.

Aole he meau huaolelo i puai ae mai na lehelehe aku o ua Hololio la, aka, aia no ke koni malie la iloko o kona puuwai na manao o ka hoohili no ua ipo la ana o ia mau la heu ole

Nolaila, pane mai la ua Pua Lilia mo keia mau olelo:

"Ua oi loa aku anei mamua o ka mea kupono na olelo a'u i hoopuka aku nei imua eu?"

"Aole pela, e ka manu nunu o ke kakela o Zubieda.  Ua iliwai like ko'u manao me ia."

I keia mau olelo no a ua keiki la, kani iho la ka aka a ka Pua Lilia, ua ulu ia paha no ka hoi, a i ole, he eke paha e hamohamo i ku iwi kuala o Puna.  Aole e nele aku la ia mana, he malihini, aohe i maa i ka hoe waa kaulua.

[A oili hou aku.]

Ua makemake o Kuau, ka hono-bolo o ke kaa hoohuiaina e kau ae ke Aupuni i ka inoa o ke alanui Lehelehe a maopopo, i ike pono ka lehulehu.  E hoike pu ia hoi ka latitu a me ka lonitu kahi e moe nei o ia alanui.

Makuakane Hanaino Keiki.

No kahi mau wa lehulehu i hala ae ka hiki ole ae o Harold Kanuha i ke kula, a i kakahiaka Poakolu Mei 16, i loaa ai ia Makai Kula Bila Makawela e pee ana ma Komoiliili.  O ka lua keia o kona hopuia ana no ia hewa hookahi, a o ka lua iho la no hoi keia o kona olelo ana iaia i kona hanainoia e kona makuakane hanai, e Kanuha, kekahi luna laina paahao Pi Gi e hele nei a oia no hoi kela hapa paele paioa.  Malalo o ke alakai ana a kela keiki, ua hoea aku laua i kahi no ho o kanuha ma Waikiki, a ma ke kihi o ka halelio, hoike aku la ka opio i kona wahi e hoopaahaoia ai me ka hikii kaula ia , mahope iho o k apepehiia ana, ke haule iaia ke manawa hanai a hoohainu wai o ka lio.  Ua olelo ae o Harola e ahona oia e hoi i ke Kula Hoopololei o Keoneula e noho ai, a ua ko no ia manao ona i kakahiaka Poaha mai , ma kona hoounaia ana no laila e noho ai no hookahi makahiki.  Ina ua oiaio ka kela keiki, alaila, he keu kona kahu hanai a ka lapuwale a lilo hoi kona hele pule i mea hoopalaimaka wale.  Malia i hoonana nae paha hoi oia no kona kakoo i na Pi Gi.

Eia ke wele nei he hae hou maluna ae o Iolani Hale.  E hewa iho la paha hoi ia.

I ka Poakolu iho la i waihoia aku ai imua o ka Aha Kaapuni na palapala hoohalahala a Beni Galega a me kela kuke hiena, Joe Caecires.

Ua hoopaiia o D. K. Beka, imua o ka Aha Apana, i ka Poakolu, Mei 16, e uku i $10 no ka hoeha i kekahi hapauea mauka o Niolopa, mamuli o ka ona pio, i ka La Pule, Mei 6.

Ke ku mai ka Arawa i ka la mua o iune ae, e holo aku ana o J. N. S. Wiliama a me kona ohana maluna ona no ka holo loa aku no Sekotia. Ua loaa iaia he kulana hana maikai me kekahi hui o na poe eneginia hana hao ma Galasagao.

Ua ae okoa aku no o Liwai Samoa i kona hewa imua o ka Aha Apana, i ka Poaha, Mei 17, no ka aihue ana he pahu kui mai ka halepapaa aku o W. G. Iwini Ma, a ua hoounaia no 20 la hana oolea ma Kawa.  Oia no kahi Samoa i noho hana loihi ai me ia hui.

Poakolu iho la i waiho ae ai o Hakawala, ka loio ma ka aoao o na luna nano koho balota i hoopiiia e H. Keleme, e pale ana i kela hoopii ma ke kumuo ka ahaelele hana kumukanawai no ka lunakanawai no kona mau hoa iho, oiai, pela no ka hoakaka ma ke kanawai no ia mea.

Waiho na Iwi i ka Aina Oiwi.

Ae, ua hiki kino wailua mai o John P. Parker i Hawaii nei.  Poaono, Mei 12, ku ma Kaawihae, Sabati ae, pii mai no kua o Waimea, a Poakahi ae, hoolewa ia a komo i ka ilina o Mana.  He nui ka minamina o keia opio oluolu, lokomaikai, heahea a malama kanaka, eia ka, e hele okoa aku ana ma kela aoao.  Lehulehu na poe i komo ma ia huakai hoolewa, e laa na ohana o Mr. Wood a me Mr. Low, a me kahi poe e ae, oia o Mr. Moore, Kapena Ross, P. Jarrett, W. L. Vredenburg, S. M. Kekoa, Z. Paakiki, George Bell, Frances Johnson, H. Akona, S. H. Mahuka a lehulehu wale aku, i ukali pu ia e kona papa, ka Hon. S. Paka, a me kona mama, kona kupunawahine, Mrs. Hanai Paka, ka wahine kanemake opio a me kona mau kuahine elua.  Malie a maikai ka la hoolewa, a waiho pu ana ma ka aoao o kona kuahine i hala mua.   Aloha no!

WAIMEA.

Mea iho no a mea ae no i na nupepa o Keliihohopono, maloko o ke keena halawai o kawawiahao, i ka po Poakolu iho la.  He loaa ole paha no kahi manao paipai kupono, nolaila, hapuku wale na olelo.  Ula ka heo!

I ka auwina la Poakolu nei, ua hele aku ka mea malama telepona o ka hui kaa I.X.L. e ike i ke kino wailua o ioane Malia, a iaia i hoi mai ai ua miki aku la ke kahuna nui o na kalaiwa kaa, Naholowaa, he pola wai gini (paha) a pikai aku la iaia a me elua mau keiki o ka Hale Leta.  Wahi a ua kahuna nei, aole ona makemake e ukali ia kona kaapio e na makapaa. 

Ma ka Bila Kanealii palapala o Mei 12 nei ia J. S. Keawe, ua hoike mai oia i na mea hou malalo iho no ka Midiwini Fea, penei:  Ua hiki mai he mau kanaka ikaika mai ka Hikina mai a ua hana iho nei i ka laua hana.  Ekolu lio a kahi i hapai ai, a o ke kahi hoi, ua hapai he umi-kumamaha kanaka me ke kui ana i ka pohaku ala a naha liilii.  O kekahi hoi, eia he haole ke hele nei iluna o ka uwea o 300 kapuai ka loa, a ua like me he honua la iaia ke hele.

He keu no hoi a ka hilahila ole o kela hui misionari o F. O Holo & Keiki, ma ko lakou hoopaa ana i ka palapala ae holo o R. Ruperete, kela haole pena hale loea i na kahakahana like ole i ka Poaha, Mei 17, no kekahi aie mailuilu o $7.  E ole e komo @ aloha i kekahi hoa'loha pena ona, hookaaia ka aie a hala aku la oia no Kapalakiko maluna o ka S. N. Kakela.   O kahi a makou i olelo ai no ka hilahila ole, mahope o kona hoolilo dala nui ana ma kaua oihana me ia hale kalepa, ua hiki ole ka ia lakou ke kapae ae i ka manao ana no kela mau wahi dala omilumilu wale ia lakou.  Ua ikeia no naea o ko na mikanele ano no la, aia no o ka hului pau loa mai me ka malele hou ole aku.