Ka Makaainana, Volume I, Number 19, 7 May 1894 — Page 7

Ka Makaainana.

 

HONOLULU OAHU, POAKAHI, MEI 7, 1894

 

Pi Gi, pau kou pono e kaito hoino Moiwahine, a hele oe i ka loa a me ka laula oa ka honua, a kolo hoi iluna o ka weuweu, e like me Nepukaneza, kea alii ino, oiai, he puhilua oe, a pukahee hoi, a he muhee, he ia hololua no ka moana, o Kuahailo kou akua e pule ai, ke akua ai kahu.  Auhea oe, e ka mole awahia o ka apana o Hanalei, na ka mea haia ole e hoine i ka Moiwahine e pono ai, aole @aa, o like oe me na Parisaio a ka Haku I olelo aku ai, “na ka mea hala ole o eukou e pehi mua iaia”

 

Nolaila, ke hai nei au i ka puana a ka moe, oiai, ke kunana mai nei paha oukou, a ninau iho owai la keia kaito napauea hoino Moiwahine?  Puana aku au, o mai oe, o J. Kakina no he Saido.

 

Owau no me ka oiaio loa,

G P. GOLIANA

Hanalei, Kauai, Apr 19, 1894

_____

Lilo ka Puu Kaua o Kauiki i na

Poe Kumakaia Aina

 

O KAUPO AI LOLI KA WINI

 

O ka nui o na kanaka Hawaii i puni wale i na oihana i p@kali ia aku, o ka apana o Hana, Maui, he hookahi haneri, no ke ake e lona keia mau kulana, he makai, he mau kumukula, a me na eka aina he 25 no ka mea hookahi, a ua puni wale a kakau i na inoa ma ka aoao e kakoo ana i ka h@ohiki kue i ke Aupuni Moi, a e kakoo ana i Aupuni Repubalika, ke kukuluia aku.  O ka hopena o keia poe, he tini supa me na puna kepau ka lakou, a eia ke hoonuu nui nei.  O ko Kaupo ai loli ka oi aku o ka wini, ke hele la me na leta kauoha oihana a me na palapal hookohu oihana makai a kahi o ka Luna Makai.  Me he mea la oia no paha la?  Na laua e hai ae i ka oiaio.

 

HAUOLI KAUPO I KA IMU LOLI

 

  Ua hiki mai o G. B. Nehemia a me Waiwaiole, he mau kanaka no Kaupo, ma kahi o ka Hope Makai Nui, J. K. Iosepa, no ko laua mau hookohu makai no Kaupo, a he $25 pakahi ka uku mahina, a oia ka uku o ke kakauinoa ana ma ka aoao e hoohiki ana e kakoo i ke Aupuni Repubalika e kukuluia aku ana.  Ua hiki mai laua ma ke kauoha a Kakauolelo Dao o ke Keena Ilamuku me na palapala, a o ka hopena ua hoa-a ka Hope Makai Nui i keia hana hoopahaohao.  He puna kepau ka makana a ua mau Kaupo ai loli la i hoi ai.  O ka uku ia o ka puni wale.

KAEAEA O KA-PONI-MOI

                           

Ma ka huakai hope loa aku nei a ka Monowai no Kapalakiko, ua hanau he keikikane malihini iluna ona na kekahi wahine o na ohua o mua.  Ua heaia kona inoa o Michael Monowai Norke, a ua lulu ae na ohua he $150 makana nana.

 

 

Haiolelo a A.P. Kalaukoa ma ka Halawai Makaainana

O Koloa, Kauai

 

  E o’u mau hea makaainana i akoakoa mai i keia halawai o ka hauoli –Aloha oukou:

  Iloko o na la mua o ka makahiki 1893, a ma ka la 17 o Ianuari, o ia makahiki no, aia hoi, ua loohia iho la maluna o ka lahui Hawaii oiaio na manao kuhohonu o ke @aumaha nui, ma o ka hookahuliia ana o ke Aupuni kumu o Hawaii, ke Aupuni hoi a he kanaka Hawaii e poiua ole ai a hiki i ke kanaka hope loa e hanu ana no kona ola iho  Aia hoi, nia ia la 17 poina ole o Ianuari, ua kukuluia ae he aupuni hou ma kahi o ke Aupuni kumu i nalohia aku, mamuli o ka manao o kekahi poe na lakou ia haua a lakou i manao wale ai e huliamahi aku ana ka lahui Hawaii ma ia alanui hihipea a ka launa ole mai.  A no ka mea hoi, iloko no o ia pilikia nui i loohia iho maluna o ka lahui Hawaii no ko lakou aina hanau, ka home hoi a ke Akua Kiekie Loa i haawi mai ai no lakou a me ka lakou mau mamo.  Aia hoi, aole no i hanaia na manao hoouluku a hoohaunaele iloko o ka umauma o ka lahui Hawaii no keia hookahuli aupuni, aole loa no hoi na manao ohumu kipi, no ke kueana aku i ke Aupuni hou, i kukuluia ma kahi o ke Aupuni kumu i hoopauia, aole no hoi he mau hoolako ana i na mea kaua ma ko ka lahui Hawaii oiaio aoao.

  Aka, o ka mea nui a ka lahui Hawii i hiipoi ai, o ka malam ana i ka maluhia, ka noho hoomanawanui ana iloko o keia kulana kupilikii, ka nohe oluolu, ka manao akahai a me ke aloha.  He mau hoike oiaio keia ma ko ka lahui Hawaii aoao, nana hoi i hapai ae i ka lahui Hawaii a ke hulana naauao o ka hoopono a me ka hilinaiia mai e na aupuni naauao o ka honua.  A ma na la mua o keia makahiki 1894, ua hooholo ke Aupuni Kuikawa e ku nei, e @oounaia mai ana imua o ka lahui Hawaii he hoohiki ana malalo o kekahi olelo hoohiki, no ke kakoo ana aku i ke Aupuni Kuikawa e ku nei, a e hoole loa ana i ke kukulu hou ana i ke Aupuni Moi o Liliu, a mahope o ka pau ana o ko ka lahui hoohiki ana, e haawaiia mai no ke koho balota ana iwaena o ka lahui, no ke koho ana i umikumamawalu elele hana kumukanawai, ka hana hoi a na poe nonohua a ka hookahuli aupuni e manao nei e ahele mai i hei ka lahui Hawaii i ka lakou kipuka, a haule ka lahui Hawaii a me ka lakou maa @mamo iloko o ka luameki o ka poino mau lea. 

  Nolaila, i na poe kupono a pau i ke koho balota o ka apana o Koloa nei, ke konoia aku nei lakou a pau me ka manao lokahi, e hoike i ko lakou manao kuokoa, me ka paulelo kapekepeke ole ma ka hooholo ana i keia mau olelo hooholo.

 

NA AINA MAMAO

________

 

He Mau Lono mai kela a me keia Pea o ke Ao nei

________

 

Pomaikai Ulia o kekahi Kahunapule.

 

  Mamuli o na hana kokua alo ha a kekahi kahunapule i hana wale ai ma ke aianui, ua ulu ae ka hua o la hana maikai ma o kekahi homaikai ulia wale i loaa iaia me kona kanao mua ole e loaa mai ana laia.  Oiai ua kahunapule la, nano ka inoa o Rev. Wilimana MakaNila, kahu o ka Luakini Bapetisa ma Emeporiuma, Penesilivania, ma ke Kulanakauhale o Ierese, he wa loihi i hala aku, ua ike oia i kekahi luahine e ku ana ma ke alanui me na loina o ka popilikia maluna ona.  Ua haule kona mau makaaniani iloko o ka lepo ukele a he mau puolo lehulenu ma kona mau lima, a na ia mau mea i pale i kona kulou iho a loaa kona mau kokua maka.  O ke kuku mai no a kamalii ma kae alanui me ka ahenehene iaia, a ua lilo hoi ia i mea hoonauluulu loa iaia.  Ua hele aku ke kahunapule a lalau iho i na makaaniani, holoi ae a pau ka lepo a haawi aku la iaia.  Ua noi aku ua luahine la no kona inoa a me kona wahi noho.  Ano koke mai nei, mamua aku o Maraki, i make ai ua luahine la a ua hooili mai no Mr. MakaNila i kekahi aina mahiai kokoke i Berigetona, Nu Ierese, nona ka waiwai io o $10,000, a i ka moopunawahine a ua kahunapule la he mau hale lehulehu ma ia wahi no i hiki aku i ka $25,000 ka waiwai io.

 

Haalele i Kana Kane Kama’lii.

 

Iloko o na la makamua o keia maka hiki, ua haalele honua aku ka wahine Amerika a ke Kama’lii Colona o Italia, a ua ahai aku ka pupuhi no Amerika Huipuia, oia a me na keiki.  O ke kumu o keia like ole o ko laua noho ana, mamuli no ia o ke ano uhaai loa o ke kane i ko ka wahine pono, oiaia, he alii nele oia i ka waiwai, a e ole ka wahine, ola ai laua.  He hoopii ka ke wahine imua o na aha hookolokolo o Parisa no ko laua hookaawaleia mai ka noho kane a wahine ana.  Mamuli o keia haalele honua ana o ka wahine, ua pii ka inaina o ke kane nona a me kona lawe pu ana i na keiki, a ua olelo ae ua lilo ia haalele ana ona i mea hoowahawaha i na aha Farani, a he mea hiki ole paha iaia ke hoi hou aku ilaila.  Aia ua Kama’liiwahine Colona la i Kaleponi i keia wa, oia me na keiki, oiai, o kona aina oiwi no ia.  Ua olelo wale ia ae ua manao ke kane e uhai aku iaia ilaila, aole uae i maopopo loa ia manao ona.  Ma Parisa, iwaena o ka mahele Amerika, ua nui ka hoowahawaha loa ia o ke kane.  O keia Kama’liiwahine no ke kaikamahine a Mrs. John Mackay (Keoni Makei), kekahi o na ona miliona o Nevada, a e noho la ma Kaleponi, aia nae hoi i Europa kahi i lu ai i kona waiwai ma o na hookelakela ana a kana wahine.  He Italia ko Kama’lii Colona, a o ka R. W. Wilikoki wahine mare, he mamo oia no kekahi lala aku o ia ohana.

 

Na Hunahuna Laulaha.

 

   Ua hoikeia ae iloko o ko Nufaunalaui Ahaolelo, i Aperila 14, na lala o ka Aha Kuhina hou.  He olelo hooholo hiliuai ole ka i waiho koke ia ae, paioia a hooholoia.

   Ua loaa ae ka lono ma Roma, o Aperila 7 nei, mai Zaniziba aku, e hoike anan i ka make ana o Kama’lii Eugene Rusepolo, keiki a ka Meia o Roma, i kekahi elepani, oiai oia ma kekahi huakai noii malaila i Dekemaba 4, 1893.

No Nu Gini ae ka lono i ioaa ma Kikane, Maraki 23, ua ulu ae he hakaka ma ka Mokupuni o Roseli, a ua malamaia ae he ahaaina ai kanaka nui e ka aoao i lauakila.  He 1,200 poe pio i mohaiia ma ua ahaaina la a pau ika hamuia.

He ahaaina mare ka i malama ia mai nei ma Bosetona, Masakuseta, i ka po e Maraki 13, a ua 800 a ei na poe i hoea aku.  I kahi la mai, ua pina ho 300 o ua poe la i loohia i ka mai, a ua manaoia mamuli paha o ka ai ana i na mea ai i hoomoaia iloko o elua mau ipuhao keleawe kahiko ke kumu maio keia.

I mea e hoike ai i ka hauoli o o ka Emeperoa o Geremania, no ka hooholoia ana o ke huikahi kalepa, ua hooili aku oia he mau hoailona hoohanohano alii kiekie maluna o Kuhina Nui vono Caparivi a me ke Kuhina o ko na Aina E, a he hoailona haahaa iki iho maluna o ka mea nana i lawelawe na kukai ana i hooholo loa ia ai.

No kahi wa loihi i hala ae i hauaia ai he hoopii koi poho na kekahi wahine opio, Miss Madeline Polada, kue ia Lunamakaainana W. C. P. Berekenerige no $25,000, no ka uhaki ana i kana noi a aelike ana e mare laua.  Ua haawi mai nei ke kiare i ka pono no ka mea hoopii no ka huina o $15,000.  A ua hoike koke aku ka loio o ka mea hoopiiia i kona manao e waihe aku i noi no ka hookolokolo hou ia.

Aia he puali nui o na poe hana ole o Kleponi ke moe la kaoone Wasiuetona, me he pualikoa la ka nene papa, no ka