Ka Makaainana, Volume I, Number 17, 23 April 1894 — Page 6

Ka Makaainana.

 

LAUOMIOIHAE

-----KA-----

UI I MOHAI IA I KE KOKO

-----KA-----

NANI I ALANA IA I KA OI O KA PAHIKAUA.

 

Ka Mea Huna iloko o ke Kiaha

Waina

Ka Mea Pohihihi i ka Maka o ke Kuikele.

 

-----A O KE-----

 

KEIKI NUMAREDINA

 

KE

 

Komo Lima Maka Popoki.

 

MOKUNA IX.

 

Na Mea Ekolu i ke Alahele ----Ka aina iloko o ka pouli, aole he mea ike i ke alahele ---- Ka hooili kaua iluna o ka aina Basana ----Ka olelo a na poo Ewalu ---- Ka pilikua no ka aina o ke Ao Olino.

 

            I ka wa i hoea aku ai o lakou iluna o ua aina la o Basana, a ia lakou i hoomakaukau iho ai e hoonuu i na mea ai e waiho ana imua o lakou, aia hoi, me ke pahaohao nui o lakou ua hoo-naue ia ae la ka aina o Basana mai o a o, a uhi mai la ka po-hina uwahi maluna o ka aina.  A nalowale ae la ke alahele o ua kamahele imi wahine la o ka aina o Siama.

            Aka, oia mau akeakea imua o ke alahele o ua poe la, aole ia he mea no Numaredina e hoi hope ai, oiai, aia ka pahu hopu o kana huakai i ke aouli la -- a o luna aku.

            I keia wa o ka aina e pouli nei, ua hoomanao ai la o Nu-maredina no ka aniani uuku e waiho ana iloko o kona poli.  A nolaila, wehe ae la oia mai kona poli ae a ninau iho:

            "E kena wahi aniani uuku e hiki anei ia oe ke hoike mai -- heaha la ke ano o keia uwahi e poipu nei iluna o keia aina?"

            Pa-e mai la he leo mai loko ae o ua wahi aniani la, e hiki ai ke lohe pono ia e lakou:

            "He hoouku kaua mawaena o Numaredina a me na kupua o keia aina.  A o keia uwahi e pohina nei, oia ka hoomakaukau ana o na kupua e nee mai no ke kaua, malalo hoi o ke kauoha a ko lakou alii.  Ina he make-make ko Numaredina e ike i ka oiaio o keia mea, alaila, e ike no oe iloko o ka manawa pokole."

            Ia manawa i pahemo aku ai o ke aniani mai na lima aku o Numaredina, a iloko o ka ma-nawa pokole e ku ana he aniani nui huinaha ma kahi o kela wahi aniani uuku i haule ai.

            I ka wa i maholahola pono ae ai o ua aniani la i kona nui, e hiki ai ke ikeia na mea a pau me ka moakaka loa, ua puoho koke ae la o Muridedera, ___

            "E kunane, e make ana ka-kou.  E nana aku oe (me ke kuhikuhi ana aku o kona lima maloko o ke alanui), aole loa e hiki ia kakou ke lanakila ma-luna o kela poe kino eepa; no ia mea e hoi no kakou, a na kela wahine no e kii i ko wahine a lawe ae."

            "Aole, e Murisedera; aole au e hoi hou i hope a hiki i ko'u hoea kino ana aku iloko o ia aina a ka Mea Huna iloko o ke Kiaha Waina i noho ai."

            He mea oiaio, ua kau mai la ka weli iluna o Muridedera a me Rahe Biama me keia mau hiona weliweli o ka hoonee kaua ana a ua pilikua la o luna o ka aina o Basana.

            Aia ua pilikua la e ku ana iwaena o kekahi ponaha poepoe a aia hoi kona mau kanaka ke ku mai la me ke kali ana i ke kauoha mai ko lakou haku aku.

[Aole i pau.}

 

            E lawe i KA MAKAAINANA, i ike ai hoi i na mea hou kuloko a kuwaho.  Ke nele no, pouli na maka.

            Ma ka Mariposa mai nei, i loaa mai ai he 140 pahu lako ai a me e ae no na mokukaua Amerika Piladelepia me Adamu.

            Piha ka eono makahiki i ka Poakahi i hala, la 9 nei, mai ka wehe akea mua ia ana ae o ka ogana nui o ka luakini o Kaumakapili e W. Tela, a eia no iaia ka malama a hoomaopopo ana a hiki mai i keia wa.

            Ua lohe mai makou, he papaa ke pau ka medala hoohanohano i haawiia aku nei i kahi Aisupa o Hana, mai ka Hoikeike Anuanu mai nei o Kaleponi.  Ua hoo-kinohinohiia me ka wai keleawe.  Ola aku la ia kaaka!

            Aole loa hoi paha pela, e ka Holomua, e like me ka oukou haanui a haakohi ana o ka ou kou puka la o ka Poalua iho la, o ka Holomua hookahi wale noka nupepa ma ka aoao o ka la hui.  Eia no hoi KA MAKAAI-NANA ma ko ka lahui aoao, a aohe hoole ana a ka Holomua e hiki ai ke huna i ka oiaio o ia mea.  Kapakahi no la!

            Malama pono na poe hanai moa i ka lakou mau mea, no ka mea, eia na aihue ke hele nei.  He pule i hala ae i ka po Poao-no, la 14 nei, ua huki okoa ia ka laka mai ka puka aku o ka ha-lemoa a Kale Beka, e noho nei ma alanui Liliha, a he 13 moa i lilo aku.  Ua hoao hou ae no ke kolohe i ka wanaao Poaono, la 14 aka, lohe e ka ona hale mamu-li o kona hana kuli i ka hoao e wehe ae i ka laka hou a holo okoa.

 

NA PALAPALA.

            [Aole maluna iho o makou ke koi-koi o na hala ame na hewa no na ma-nao i hoopukaia malalo o keia poo, aka, aia no maluna iho o na poe na lakou i kakau mai.]

"Pomaikai ka Poe i Hoinoia no ka Pono."

MR. LUNAHOOPONOPONO:

            Imua o ka Peresidena a me na lala o ka Ahahui Heluhelu Baibala a me Kinai Hoomana-mana, ----Me ka mahalo:

            Owau o ka mea nona ka inoa malalo iho, he lala a he iwikua-moo hoi no keia ahahui, ke ku nei imua o oukou i keia po ma ke ano he lawehala a he mea i hoopiiia no ka hewa he "hoike i ka mea oiaio pili i na wahine haole o Kaleponi,' no ke kakoo ana i na makuahine o ko'u lahui, a i oi loa aku hoi, ka pulamaia o ka inoa ihiihi o ko'u Moiwa-hine i aloha nui ia; kahi hoi a ka kakou  Peresidena a me ke-kahi mau kaikuahine o'u e hai-pule pu nei, e noi ana no ka pono o ka Nohoalii o kuu lahui aloha.  A oiai, aia keia wa iloko o na manao auolua, e paio ana hoi kekahi i kekahi no ka pono o kona aoao, a ke kali hoomana-wanui nei no ka huolelo hope loa mai ka Aha Senate mai, ina no ke ola a make paha.

            Aka, eia imua ou, e Mr. Pere-sidnea, he hoopii anolua mai kekahi mau lala hoohuiaina a me ke kipi i kou Moiwahine, ka mea hoi a na puuwai-aloha oiaio a pau e kakoo like nei a e auamo nei hoi iloko o hookahi makahiki a oi; aka nae, he mea haohao iaʻu ka hoea ana mai o keia kumu hoopii mai ke kai mai.  A oiai hoi au imua ponoi o ko oukou alo, no keaha i hoea ole ae ai keia hana mai ke kumu ae o keia ahahui?  E Mr. Peredi-dena, ke waiho nei au imua ou a me na lala i ka manao kue no keia oki an aiaʻu mai ka ahahui aku, no ko'u hoike i ka oiaio o na mea i hanaia e na wahine haole o Kaleponi.

            He oiaio, he mea ehaeha no paha i kekahi na mea a'u i hoo-laha ai, aka e Mr. Peresidena, una ua ehaeha io lakou no ia mau huaolelo, ea! aole ane hoi e oi loa aku ko lakou ehaeha a me ka luuluu o ko lakou uhane i ka hoolilo ana i ko lakou aina no ka waiwai loaa hewa mai, a me ke kipi i ko lakou Moiwa-hine no kahi papaa palaoa popopo?  E Mr. Peresidena, ke ku nei au a kue aku i ka manao oki o kekahi poe ia'u ma ke ano hoopilimeaai, oiai, aole i lawa na kumu hoopii kupono e kaa-wale ai au mai keia ahahui aku.  Aka, aia no i ka oukou hooholo ana, a na oukou na na poe mae-mae a ki auhau ole e kaupaona mai iaʻu, ina no ka make a no ke ola paha, a na ka Haku no e aloha mai i na poe i hanainoia no ka pono.

            S. K. KAMAKAIA.

Honolulu, Apr. 16, 1893.

 

NA AINA MAMAO.

He Mau Lono mai kela a me keia Pea o ke Ao nei.

 

O Melo ke Poo o ke Aupuni Kuikawa

            Ua lonoia ae ma Bueno Ea, Maraki 23, ua kohoia a ua ku-kalaia ae o Adimerala Melo i poo no ke Aupuni Kuikawa.  He pani aku la oia ma kahi o Peresidena Kuikawa Lorena.  Mai ko Lorena hookohuia ana, aohe ana wahi mea i hana iki, koe wale no ka hoopuka pala-pala ana i na mana like ole e noi ana no ka ikeia aku o na kipi ma ke ano he poe a he Au-puni kaokoa ia e paio ana no ko lakou pono iho.  Ua haalele ka Aha Kuhina a Lorena i hooko-hu ai a ua paniia aku la e na poe Federala (poe i hui aku).  Aia iwaena o ia Aha Kuhina hou he elele mai kela a me keia o na kahua kipi a pau.  Ua ho-ike ae o Adimerala Melo i kona manao e hoomau aku @o i ka hakaka ana ma Berazila.

Hoomau no na Kipi i ka Holapu ana.

            Aia no ma ka Hema na kipi e hoomau la i ka paio ana.  Aohe i akaka lea ka hopena.  Aia ia Generala Saraiva ka hoomalu ana o na pualikoa aina.  E lilo ana paha la Kapena A ekanede-rino o ka Akuidabana, ko Adi-merala mokuhae, ka hoomalu ana o na aumokuka@a.

Lanakila na Kipa ma ka Hema.

            No elua la ka hakaka ana o na kipi malalo o Generala Bareila a lilo mai la ke kulanakauhale o Sana Maria mahope iho e ke kukoloia ana o ona mau papu pale kaua e ko Peisoto mau puali.  Mamuli o ka lono no keia pio ana o Sana Maria, ua nee awiwi aku o Generala Hipolaita, ke alakai o na puali Aupuni ma ka hema, me 2,000 kanaka no ia wahi.  E hoao aku ana oia e lawe pio hou ae i ke kulanakau-hale, ke hiki hoi iaia a me kona mau kanaka ke hoohoa aku i na kipi.

Paio Hahana me ka Hemo.

            I ka wehenakaiao o ka Poa-lima, Aperila 6, ua hoomaka aku na kipi malalo o Adimerala Melo e hoolele poka mai na au-mokuu hou ia mai no i kakahiaka Poakahi, la 9 mai.  O na koa i hooleleia iuka, aia malalo o Ge-nerala Saraiva, a hiki i ke awa-kea pono ana ae ua lilo mai he hookahi-hapakolu o ke kulana-kauhale, aka, i ka hora 1 ua pahu ae kahi hoo@@ pauda i ke-kahi pokapahu o ke ki pololei ia ana.  Ia wa no i kuemi hope aku ai na poe koa Aupuni, he hapalua paha ko lakou heluna i