Ka Makaainana, Volume I, Number 14, 2 ʻApelila 1894 — Hunahuna Mea Hou o Kohala. [ARTICLE]
Hunahuna Mea Hou o Kohala.
Mr. Lunahooponopono Eia kahi mea hou o kuaaina nei: I kela mau la aku nei, ua maalo ae ka manuwa Kepani ma ka wauaao Poakahi, ia 19. Ua hooleleia mai ka malamalama o kona kukui uwila iuka nei, ua . nui ka malamalama, a ua hoonaueueia na pukaaniani o na kauhale kokoke a me ko na wahi mamao, e na pukuniahi o luna o ka manuwa Kepani. Eia i Kohala nei ke Kanikela Iapana kahi i noho ai iloko o keia mau la. He oi aku ke anuanu o Kohala nei i keia mau la, no ka paa mau no hoi kekahi o na kuahiwi i ka hau, o Maunakea a me Maunaloa, no laila mai kekahi kumu nui loa o ke anu. G. W. Kauhane, Mahukona, Hawaii, Ma. 27.