Ka Malamalama Hawaii, Volume I, Number 14, 1 Kepakemapa 1898 — Page 9

9

nolaila, e lilo ana ka lakou mau lawelawe ana i ka pono o ka lahui a me ka ainA i mau kuhikuhi a alakai na kekahi poe mahope e hahai aku ai, oiai, ua loaa aku nei na kuhikuhi me na alakai ana i na komisina i hele aku nei, ke kamailio nei makou i keia ma ke ano maa, aka i keia mau komisina hoi i hoouna ia aku nei e ka lehulehu, ua pouli maoli no kakou a pau no keia huakai a na komisina anoai paha he mau olelo hoopunipuni wale iho no na ona o kekahi komirina a hele hoi kekahi komisina me na wahine haole, aohe hoi e hihi o ka lawe ana mai o na komisina a hoikeike mai i ka lehulehu ma ke alanui pololei o ka palapala a hoike ae i ke akea, alaila, ke olelo nei makou, he oiaio aohe mau olelo haku wale ia ana nk na komisina, no ka mea, ua kakauia na mea a pau me ka oiaio, nolaila, aole e ku ka waha a kanaka, no ka mea, ua paa i ke pa'i bukeia, a ua ku hoi i na rula pololei maoli o na hana ka lakou e hele aku nei e hana i na ua pono a pono ole paha ka hana.

                Mai pii oe iluna a kiekie a oia kou wa e lele ino ai e eha no oe. Pela hoi ina e pii kou huhu a nui, mai lalau aku oe a hoeha i ka mea au inaina ai, o hoopaiia oe e ke kanawai—Unis.

                Ua make kekahi kahunapule kahiko o ka hoomana Katorika Roma, o Raymond Delalande kona inoa ma Heeia, he 80 a oi na makahiki.

                Ua ike iho makou ma ka nupepa Call o Kapalakiko, he manao akea mai ka makapeni aku a ka Moiwahine, no na mea pili i kona manaolana no keia mua aku o Hawaii me kona lahui.

                O ke keiki a Komisina Blount i holo mai ai ianei e uu hou ai i ka hae Amerika ilalo i keia makahiki, oia kekahi aliikoa o ka puali kumau.

Olelo Naauao
A NA
LAHUI O KA HONUA

                Mai wikiwiki i ka olelo ana me ka ike ole i ka mea oiaio, o lilo ka olelo i mea e hewa ai oe, a e lilo oe i moa hoopunipuni. Martin

                I ke kakahiaka, e hoomakaukau oe no kou alahele o ia la; a i ka napoo ana o ka la, e kukulu i kou halelole, e uhola i kou wahi moe, a e hoomanao i ke Akua kou kokua. Ishamal

                E lilo ana na kulu kehau o ke kakahiaka i kahiko nani no na lau nahelehele, a o na hau hoi, i leialii no ka piko o na mauna. Almond

                Ina oe e haawi i kau makana no ke aloha, e haawi me ke aloha io mailoko mai o kou naau aole me ka manao ana a minamina, aka, me ke ana oiaio o ke aloha mai ke akua mai. Hundreds

                I kani ko aka i ka lealea. I puu hoi ko nuku i ka huhu, i le'a hoi ka nohona i ka maona. Hawaii.

                Owai la ke lilo i mea kiekie, o ka mea anei e hookauwa ana na ka lehulehu, a o lehulehu paha e hookauwa ana na ka mea hookahi. Una

I hewa hoi ko ke ao nei i ka lele mua mahope ka ke akua, ka mea kali me ka noonoo pono—Chowang.