Ka Malamalama Hawaii, Volume I, Number 14, 1 September 1898 — Page 8

8

Ka Malamalama
Ka hoa haihaiolelo no na home
Honolulu. Sept. 1, 1898.

Ko Makou mau
Manao Paka i na
KOMISINA HAWAII
I Wakinekona

                Ke minamina nei makou i ka hoike ana aku imua o ko makou poe heluhelu i ko makou manao, e apono ole aku ana i ka hana a na Komsina Hawaii i hoouna aku nei i Wakinekona, ma ka lawelawe ana i na hana nui a ka lahui a hoouna aku nei ia lakou, e lawelawe ma ke ano Deplomatika—E hoomanao e na makamaka, aole makou e kue ana ina Komisina a ka lahui ma na mea pili kino e kue ana makou i ko lakou hemahema maoli i ka lawelawe ana me ka lakou hana nui koikoi ma ke ano deplomatika pololei.
                E kue ana makou i na Komisino a ka lahui Hawaii i hoouna aku nei mamuli o ko lakou lawelawe ole ana i na hana, i ka hanohano o ka hana a lakou i lawe aku nei, a alakai ma ke ano deplomatika. Ke aneane aku nei paha e hala na mahina eha aole makou i ike iki ua pai buke ia ma ke ano palapala kekahi mea e pili ana i ka hoike a ua mau Komisina la imua o ka lahui ma ke ano deplomatika, i mea e hoike ia ae ai imua penei a penei ka hana ana a na Komisina imua o ka Ahaolelo Amerika.
                KA MUA—E hoike ana i kahi i kukulu ia ai ka oihana Komisina Hawaii, e kue ana i ka hoohuiaina imua o ka Ahaolelo o Amerika ma Wakinekona.
                KA LUA—E hoike ana ia lakou imua o ke kuhina Hawaii Hatch, he poe Eleloe lakou na ka hapa nui o ka lahui Hawaii i hoouna aku e kue i ka hoohuiaina, o na mokupuni o Hawaii me Amerika, me ka hoike pu aku imua o ua komisina la i ko lakou palapala hookohu i aponoia e kekahi mana nui.
                KE KOLU—E hoike ana i ko lakou hoolauna pono ia me ka Peresidena o Amerika ma ke ano Oficiala, ka launa ana paha me na hoa o ka Aha Kuhina, a ina paha ua launa a launa ole he mea pono e hoike ia ia mau mea a me na launa palapala ana paha.
                AHA—Na launa a kukai palapala ana paha mawaena o ke kuhina Hawaii Hati, me na Komisina a ka hapa nui a ka lahui Hawaii e kue ana i ka hoohuiaina—na kukai a launa palapala ana paha mawana o na komisina a me na hoa o ka Aha olelo o Amerika na palapala a me na pane i loaa mai ia lakou a pela aku.
                ELIMA—Na kono i loaa ia lakou ma ke ano deplomatika a me ka lakou mau kono a hoolauna ana ma ke ano deplomatika a pela aku, a pela hoi me na mea nui a liilii i lawelawe ia e lakou e pili ana i ka lakou hana i hoouna ia ai, o keia mau mea ka makou i kali ai a manaka, e aeke ana ee hoike ia mai e na komisina ma ke ano deplomatika, i lilo ai i mea hauoli no ka poe a pau i kokua no ka huakai hele a na komisina i Wakinekona, i ike maopopo ai hoi kakou penei a penei na hana ana a na komisina. Ua launa no ka lakou me Peresidena Makinile, ua mea ka, a ua mea iho la,