Ka Malamalama Hawaii, Volume I, Number 14, 1 September 1898 — Page 5

5

Nuhou Kuwaho.
Haulepio o Manila

                Ma ka moku lawekoa Alliance i loaa mai ai keia mau mea hou ano nui e like me ia malalo iho:
                Ua haawi pio mai nei ke kulanakauhale o Manila ia Gen. Merritt, mahope iho o ke kipu ana a Adm. Deweu, a ua nui ka poino o na papu, aole i nui ko ke kulanakauhale, a ua make kekahi mau koa Amerika.
                I ka hora 1:30, ua huki ia ka hae keokeo haawi pio e ka Alihikaua Sepania, a ia wa no hoi i hooki ia ai ke kipu ana a na Amerika. Ma keia kaua, ua kokua pu mai na kipi, a ua holomalu ke Kiaaina Augusti maluna o ka mokukaua Geremania Keserin Augusta no kona pakele.
                Ua hoike ae na nupepa Geremania, aia ka aoao hema holookoa o Arabia malalo o ka koomalu ana a Beritania. E kukulu ia aku ana pela ka lono ma Wakinekona, i 100,000 pualikoa no ke aupuni.
                Ua koho aku nei ka Peresidena i mau Komisina e hooponopono ai no ka haalele ana iho ia Kuba a me Pota Riko ia Maj. Gen. Jas F Wade, Rear-Adm. Samson, Maj. Gen. C Butler no Kuba.
                Ia Maj. Gen. J B Brooke, Adm. W S Schley Brig. Gen. W W Gorden no Pota Riko

NO PAGO-PAGO.

                Mai ka nupepa Tribune mai o Nu Ioka mai, e hoike ana. Ua manao ka Peresidena Makinele, ua loaa iaia ka mana o ka lawe ana ae ia Pago-Pago ma Samoa, ma ke ano he awa ku-moku a hoahu nanahu no Amerika.

HONOLULU ABSTRACT & CO.

                E huliia na kuleana pohihihi a pau; Hanaia na Palapala pili Kanawai o kela me keia ano ma na olelo Enelani a Hawaii.
                E hoaie ia na dala ma na waiwai paa me ka uku panee oluolu, a e kuai ia na aina me ke kumukuai makepono, a pela aku. E lawelawe ia na hana me ka eleu a me ka uku oluolu.
                E loaa no maua ma ka Occidental Hotel.
F. METCALF,—Luna Hoohana,
Aug. 13, '98  (sept3-6m)

                Ua Makemake Makou e hoomaopopo aku ia oukou, o na waiwai a makou e paa nei, aole ia e mau loa ana, a ina e mau ke kaua Sepania-Amerika, e pii ae ana ke kumukuai.
                Eia kekahi, o ka pii o na ukumoku, a me ka uku halihali i na ukana a me ka poino iloko o ka wa kaua i ko kakou nei makeke.
Papakuai RIBINE
5 Cts. NO KA I-A
O na Ribine e ae, ma ke Kumukuai mau no Lakou
Eia na Ano PAIKINI—STYLES:
Na Ribine Kahakaha,
Na Ribine Kahakaha Loloa
Na Ribine Naau me Ribine Ewai,
He nani wale no ko lakou ano
Ia oe e komo mai ai iloko, e nana ae ma ka ipukaaniani, ua piha me na Lole no ka
MANAWA MAHANA
HEIAU O NA PAIKINI.
M. G. SILVA, ONA.

J. D. HOLT, Jr.  D. H. LEWIS
Lovejoy & Co.
Mea hookomo mai a kuai aku i ka
WAINA a me na MEA INU ona ano a pau.

                Ua loaa mau ia makou na...Waina Kaleponi maikai loa...Gini...Wisike...Bia... a me na ano mea inu a pau.
                He Agena no ka Bia kaulana o Seattle, a ke kono ia aku nei oe e kipa mai ia kakou Hawaii, a kuai ia aku me ka oluolu.
                O na ano Rama maikai me ka Bia Pauma, aia ma ko makou hale Anchor Saloon, kihi alanu Moi me Nuuanu.