Ka Malamalama Hawaii, Volume I, Number 14, 1 Kepakemapa 1898 — Page 11

11

                Aloha nui oe e ka mea nana e malama maikai nei kuu mau iwi,  no kau hana maikai ia'u, e nana iho i keia  palapala oia ka'u uku no kau hana maikai
                Ia wa, ua nalowale aku la ua kanaka opio nei, puoho ae la oia he moeuhane a e paa ana i kekahi palapala.
                O keia palapala ana e paa nei, e hahai mai ana ia me na huaolelo maopopo, i kahi ana e hele ai no ka lua dala a kona makuakane, i make i ka powa ia iloko o ka ululaau.
                Ua nui ka hauoli o ke kanaka no na mea a pau i kuhikuhi ia mai iaia, a i ka hooko io ana i ua palapala nei, ua loaa aku na mea makamae i kahi i waiho ia ai ke dala, ke gula, ka momi a me na waiwai e ae he nui nona ke kumukuai piha he $500,000.

Olelo Naauao
A NA
LAHUI O KA HONUA

                Mai wikiwiki i ka olelo ana me ka ike ole i ka mea oiaio, o lilo ka olelo i mea e hewa ai oe, a e lilo oe i moa hoopunipuni. Martin

                I ke kakahiaka, e hoomakaukau oe no kou alahele o ia la; a i ka napoo ana o ka la, e kukulu i kou halelole, e uhola i kou wahi moe, a e hoomanao i ke Akua kou kokua. Ishamal

                E lilo ana na kulu kehau o ke kakahiaka i kahiko nani no na lau nahelehele, a o na hau hoi, i leialii no ka piko o na mauna. Almond

                Owai la ke lilo i mea kiekie, o ka mea anei e hookauwa ana na ka lehulehu, a o lehulehu paha e hookauwa ana na ka mea hookahi. Una

                I hewa hoi ko ke ao nei i ka lele mua mahope ka ke akua, ka mea kali me ka noonoo pono—Chowang.

                Mai pii oe iluna a kiekie a oia kou wa e lele ino ai e eha no oe. Pela hoi ina e pii kou huhu a nui, mai lalau aku oe a hoeha i ka mea au inaina ai, o hoopaiia oe e ke kanawai—Unis.

                Ina oe e haawi i kau makana no ke aloha, e haawi me ke aloha io mailoko mai o kou naau aole me ka manao ana a minamina, aka, me ke ana oiaio o ke aloha mai ke akua mai. Hundreds

                I kani ko aka i ka lealea. I puu hoi ko nuku i ka huhu, i le'a hoi ka nohona i ka maona. Hawaii.

S. M.R aaukai
ANA AINA

Keena hana: Kihi o na alanui Moiwahine a me Nuuanu, ma ka papahele elua iluna.

FOOK ON & CO.
NA POE KUAI I NA
kamaa Buti me haahaa
O na Lede me Keonimana.

311 alanui Nuuanu  Pahu Leta 267