Ka Malamalama Hawaii, Volume I, Number 13, 15 August 1898 — Page 13

13

Nuhou Kuwaho

                Maluna mai o ka mokuahi lawekoa Chasle Nelson i ku mai ai i ke ahiahi Sabati nei hora 6:30 p. m. Ua loaa mai la ia makou kekahi mau mea hou e pili ana i ko na Aina E. Ua make o Bisimaka ke kuhikuhi puuone kaulana o Germania.
                Pelelina. Iulai 30.—Ua meke ia ke Keikialii Bisimaka mahope koke iho o ka nora 11 o keia ahiahi—Ua hoopuiwa loa ia ko Europa holookoa i ka lohe ia ana aku o kona make ana. He 83 ka nui o kona mau makahiki ma keia ola ana, ua hoomaka mai ka ikaika o kona nawaliwali ana ma ka la 20 o Iulai, iloko oia mau la ua nui kona ehaeha ua poina pu oia no kekahi mau hora, a ano paupauaho mai no hoi, a hiki i kona haalele ana mai la.

E HAAWI PIO ANA PAHA O PORTO RIO.

                Madarida, Augate 5.—Ma ka aoao o ke aupuni Sagasata la, ua telegarapa ia aku o Kapena Kenerala Maehias i Porto Rio, e kauoha aku ana iaia e hooponopono koke ia na kumu e hoopau ia ai o ke kaua, elike me ka Toral i hana a ma Sanatiago. Ua hai aku o Sagasta i lilo ana o Porto Rio iloko o ko Kenerale Miller lima, a e hoao hoi oia e hana ma na ano a pau, e hookahe makehewa wale ia ai no ke koko.

KA AMERIKA MAU KUMU NO KA MALUHIA E KOHOIA NA KOMISINA NANA E KU-KA.

                Wasinetona, Augate 4,—Ua hoike ia ae mamuli o na lono i hiki ke hooiaio ia, ua hooko ka Peresidena i na kanana e wae ia aku ana i mau Komisina hooponopono maluhia mawaena o na aupuni kaua. O Peresidena i pau Harisona wahi a na lonolono wale ia, oia ana paha ka lunahoomalu o ua Komisna la, Olney Kuhina Nui i ke-au ia Kilivalana, oia nei ke kolu o na hoa—Aohe manao o Amefika i ka nui o ka Sepania mau Komisina e hoouna mai ai;—aka-ma ka rulu maa mau, na ke aupuni i uha-lu o na aupuni kane, nana e hoouna mai i na Komisina a nui.

NA KUMU HOOPAU KAUA

                Eia na kumu a Amerika i manao ai e waiho aku imua o Sepania, i hoouna ia aku ai ia Kuhina Komiska o Farani e Peresidena Mckinley penei:
                1—E haalele loa o Sepania ia Cuba no ka manawa pau ole, ia Porto Rio a me kahi mau wahi e a'e e pili ana.
                2—O Guam a me na mokupuni o Landrones, e paa no o Amerika ia lakou ma ke ano he wahi hoahu nanahu.
                3—O na hooponopono ana me ke aupuni no na mokupuni o Pilipine, e hooponopono ia no ia e na Komisina.
                4—Aohe mau koi poho ana ma ko Amerika aoao i ke aupuni o Sepania.
                Ua manaoia e ae mai ana o Sepania i keia mau kumu e waiho ia aku ana imua o Sepania—Iloko no nae oia wa, e hana no na pualikoa a me na aumokukaua i ka lakou mau hana.

UA HIKI MAI KA MOKUKOA O HAWAII NEI.

                Ma ka hora 6:30 o ke ahiahi Sabati nei, i ku mai ai ka mokouahi Kuna lawe koa, he 8 1/2 la mai Kapalakiko mai, me na Batariona mua o ka Regimana Ekahi o ka koa pualu Menyork Compnay C. Pataliona 3, oia Reyimana hooeahi no me 2 ana-aina oivila [Civil Engeners] malalo o L ent Mills, o ka huina nui a pau mai na lii a na koa, 567 ka nui.

NA KANAWAI KUWHHO HAWAII.

                Wasinetona, Augate 5—I kulike ai me ka olelo hooholo i waiho ia mai ai e ka Loio Kuhina, aohe he mau hoololi ana o na kanawai a me na hooponopono ana e pili ana i na kanawai kuwaho, ka hoopae limahana, kanawai o na tona mawaena o Hawaii nei a me Amerika, a hiki i ka wa e noho mai ai ka Ahaolelo Nui o Amerika.

O GEN MERRITT KE POO

                New York, Augate 4.—Ma ke teregarapa i ka nupea La o Iulai 30 ma Hong Kong ae, e olelo ana, o ke alahele e lawe ia nei e Kenela Merritt o na koa o Amerika ma Manila nei, oia ka mea nana e pale aku i na hoomakaukau ana mai i na poe kipi.
                Ua nonoi mai o Aginaldo e ae ia aku oia e Gen Merritt e moku aku i kona mau koa iloko o ke kulanakauhale o Manila, mahope iho o ka lilo ana iaia, ua haawi pu mai oia i ke  noi ia Merritt e lilo na aliikoa i poe nana e nohoalii maluna o kona  mau koa.