Ka Malamalama Hawaii, Volume I, Number 13, 15 ʻAukake 1898 — Page 11

marina o na mokukaua Piledelepia a me Mohikana.
Aia hoi ma ka hapalua o ka hora 11, ua hiki mai la ka poe huki hae me na pualikoa a lawe ae la i ko lakou kulana ma kahi huki hae; a ina Kakiana hoi o na koa P. G. ka huki ana o ka Hae Hawaii ilalo. Ma ka hora 11 me 30 minute i koe hiki mai la ka Peresidena Dole ma ka holopapa i hoonaniia mamua iho o ke alo o ka hale mana hooko, me na leo e huro ana nona mai ke anaina mai, a lawe la oia i kona noho me kona Aha Kuhina, mahope mai ona ke Kuhina Sewala o Amerika a me Adimarala Mila, i ukaliia e kona mau ukali ke Kanikela Kenela Haywood, hope Kanikela Boyd Col. Barbar, Luna koa nui o Hawaii nei a me na kapena o na mokukaua. Ia lakou a pau i noho iho ai maluna o ko lakou mau noho, ua haawi mai la o Rev. G. L. Pearson i na hua pule e hoomaikai ana i ka mea Mana Loa, ua ku na mea a pau iluna.

KA PANAI ANA.

Na Peresidena Dole me ke kope a ka Olelo Hooholo a Newlands mai Sewall mai, i aku la o Sewala ia Peresidena Dole penei:
"E Mr. Peresidena, ke haawi aku nei au ia oe i ke kope o ka Olelo Hhooholo Hui a ka Ahaolelo o Amerika i aponoia e ka Peresidena ma ka la 7 o Iulai, 1898. i kapaia ka olelo hooholo no ka hoohui i na mokupuni o Hawaii me ke aupuni o Amerika Huipuia."

PERESIDENA DOLE PANE IA SEWALL.

"Oiai, ua hanaia ke kuikahi hoohui, a ua hooholo mua ia hoi e ka ahaolelo o ke aupuni Repubalika o Hawaii nei, a ua apoia mai hoi e Amerika me ka pumehana. Ano, ke haawi aku nei au no ka pono a me ka pomaikai o ko Hawaii nei pohai kalai aupuni, me ka hilinai nui ana maluna o ka hanohano, ke kaulike a me ka noho aloha ana me na kanaka o Amerika, a nolaila, ke haawi aku nei au ia oe ma ke ano he Luna KIekie no ke aupuni o Amerika Huipuia, a he mana nui hoi maluna e hoomalu ana i ka pono a me ka waiwai o na mea a pau maluna o na mokupuni o Hawaii."

PANE HOU KE KUHINA SEWALL.

"E Mr. Peresidena, ma ka inoa o Amerika Huipuia, ke lawe nei au i keia la i ka mana, na pono a me na pomaikai a pau o ke aupuni o Hawaii."

KA OLELO KUAHAUA.

I ke aupuni a me ka lahui kanaka o Hawaii, mamuli o ka olelo hoohlo hui i hooholo ia e ka ahaolelo o Hawaii, a me ko lakou paulele a hilinai nui ana maluna o ke aupuni o Amerika, a ua aponoia hoi, a ua hooholoia no hoi ma ka ahaolelo o Amerika e hoolawa mai ai i na luna aupuni, na lunakanawai a me na aliikoa e lawelawe nei malalo o keia aupuni, e pau no lakou; a oia mau pono pilipaa i loaa ia lakou mai keia aupuni aku, e wehe ia'ku no ia mai a lakou aku, a e haawi ia aku maluna o ka mea a mau mea paha, e like me ka mea a ka Peresidena o Amerika i manao he pono. I ka hana ana i keia mau hana i hookau ia'ku ai maluna o ka Peresidena e like me ka manao o ka olelo hooholo hui, ua kauoha ia ka Peresidena ma o keia olelo hooholo la o na luna aupuni a pau, ka oihana kanawai a me na aliikoa e lawelawe nei i ka hana malalo o keia aupuni, e mau no lakou ma ka lakou hana, e like no me ka wa mamua iho o ka haawi ia ana aku o ke aupuni Hawaii ia Amerika i ku i ko ka Peresidena mana ma ka hoopau ana i na luna aupuni ana i makemake ai a me ka hoopiha ana i ko lakou mau hakahaka. A oia mau luna aupuni a pau kai makemake ia e lawe i ka hoohiki malalo o na kanawai o Amerika, a pela pu hoi me na pualikoa a pau e lawelawe ana malalo o ia oihana, me ka lawe ana mai i mau hana hou i ke aupuni o Amerika. A o ka mana o ke Kuhina o ko na Aina E mamuli o ka hoohui ana, e lilo no ua mana la maluna o na pono o Hawaii ia Amerika Huipuia, e like me ka lakou pili ana ma na mea pili launa dopolomatica ana mawaena o Hawaii nei a me na aupuni e ae o ka honua nei. Pela hoi me na mea pili ahaolelo kuloko, koe wale no na mea i lawelawe ia ma ke ano o na kuikahi o na aupuni e, koe na mea ewaewa a kulike ole i ka olelo hooholo hui, a kue hoi i ke Kumukanawai a me ke kuikahi paha o Amerika Huipuia, a e koe no lakou pela a hiki i ka wa e noho mai ai ka ahaolelo nui o Amerika Huipuia. O ka oihana dute o Hawaii, Amerika a me na aupuni e ae, e mau no ia me ka loli ole, a hiki i ka wa a ka ahaolelo o Amerika e haawi mai ai i na kanawai dute a me na hooponopono ana a Amerika i keia mau mokupuni.
HAROLD M. SEWALL,
Elele Kiekie a Kuhina Nui o ke Aupuni o Amerika.