Ka Malamalama Hawaii, Volume I, Number 12, 1 August 1898 — Page 5

Lono Nuhou
Ana E.

Maluna mai o ka mokuahi Mariposa i ke kakahiaka Poakolu nei i loaa mai ai kekahi mau mea ano hou loa penei:
O ka Brooklyn, Indiana, Dexas na moku nana i kipoka o Santiago de Cuba malalo o Com Schley, ua hoomaka ke kipoka ana i ka hora 5.15 p. m. o keia auina la. E like me ke kauoha i loaa mai iaia mai Shaflir mai. Ua laina pono ae la na moku ma ka hikina a ke komohana, he akahi hapaha mile mai ka aina mai, ua kiia na pu maluna aku o na lae pali pohaku puna e moe ana mai kuahiwi mai a hala loa iloko o ke kai, a maluna aku o keia mau kualapa kuahiwi makou e kipu aku ai; he hookahi hora ke kipu ana. Mahope iho o ke kipu ana ia 35 poka mai na pu nui 8 iniha, ua hiki no oe ke hoomaopopo iho i ka lele ana o ka poka o na moku mai kahi aoao a kahi aoao o ke kulanakauhale. Pau iho la ka Brooklyn ki ana, a hookuu ia aku la ka hana na na moku nui Idiana me Pexas, he 2 minute ke kowa o ka manawa ki—nana hoailona o ka aina, ma na hoailona mai uka mai he 1000 kapuai ka haule pu o ka poka o na moku, a ua aui no hoi mai ke kulana a na koa PaHiolo e paa ana. I ka molehulehu ana iho ua hoopau ia ke kipu ana o na moku, hoouna aku la o Com. Chley he waapa mokuahi ia Generala Shafter e ninau ana ina paha e makemake ana oia e hoomau i ke kipu ana ia po.

E MALAMAIA ANA KEKAHI MAU MOKU PIO PANIOLO.

O Maria Derasa a me Ohristobal Calona ana paha na moku e hana hou ia ana.
O na Cruiseas, Viscaya, Oguendo a me na moku topido Furor a me Pluton, aohe o lakou lihi; he 61 puka paha o ka moku Vixcaya, he 330 ka Maria Teresa, a he 8 o Ohristobal.

AOHE HOPO O AMERIKA IA FARANI A ME GEREMANIA.

Ladana, Iulai 9.—Wahi a kahi pepa puka pule e olelo ana, Ua nui ko makou mahalo kiekie i ko Amerika mau aumoku, no ka mea, no ke kau o Santiago de Cuba i hooiaio mai i ke kulana ikaika maoli o na moku kaua Amerika, aole he mea na makou e kanalua ai ke olelo ae ma na ano a pau, ua like no ko Amerika mau aumoku kaua me ko na aupuni ikaika e ae o ke ao nei. Aia i ka hope o keia kaua ana, ua maopopo, ua hiki loa ia Amerika ke ku aku imua o ko Farani mau moku kaua a paio aku, a i ole ia i ko Geremania paha. Ina e maopopo io ana he kaua a hoea mai mawaena o Geremania a me Amerika, e lilo ana i kaua nui me ka hikiwawe loa, ilaila e maopapo ai na moho ikaika.

HOOHANA O GEREMANIA

Manila, Iulai 9.—Mai Honkong mai o ka la 13 o Iulai, ma ka la 6 iho nei, ua hoouna aku o Generala Aguinaldo i mokuahi i lako i na mea kaua i ke kuono o Subig e lawe mai i kekahi mokupuni iloko olaila. Ilaila ka moku kaua Geremania Irene kahi i ku ai a komo mai oia mawaena e keakea ai. Oia na mea i hoike ia aku ia Adimarala Dewye, ia wa no i hoouna kokeia ai ke Concord o ka Raleigh me na kauoha ikaika e lawe mai ua kipu aku keia mau moku, ia wa i nee aku ai ka moku Geremania a kahi e ku mai. Hookahi pu i ki pololeiia a ku ka hale o ke alii koa o na Paniolo, a ua uu ia ae la ka hae keokeo iluna, a haawi pio koke mai la na koa 400,000 owili poka, he 100 wahine, 100 poe ua mai. Ua ike ia he 5 ka nui e na moku kaua Geremania o poalo mau nei ma ke kaikuono nui o Masivels me 2 mau moku i piha me ka nanahu.

Na Komisina Hawaii

Ma ke ku ana mai o ka mokuahi Alamida i huli hoi mai ai na Kuhina Komisina o Wasinetona Haki (Hatch) a me Kuhina Hoohuiaina A. L. Kakina mai Wasinetona i kohoia e ke aupuni Repualika.