Ka Lei Rose o Hawaii, Volume I, Number 10, 30 June 1898 — Page 11
11
KA IPUKA GULA
O NA MEA PILI
Akeakamai
NO OXYGEN.
He huaolelo paakiki keia me ka wehewehe ole ia o kona ano iho, aka, ke hoakaka ia na mea a pau e pili ana, e ike auanei kakou i kona ano, a ma ia mea e lilo ai ka huaolelo "Oxygen" i mea waiwai, e like me keia malalo iho:
O kau mau ano hana a pau e hana ai, ua pili wale no ia mau mea i ka oxygen, ia oe e hanu ai iloko i i ko hanu, i kou akeama ua komo aku la ke oxygen iloko ou a koe kekahi iwaho o ke ea. O ka mea i koe iloko o keeaau e hanu la,ina e lawe ia ae ia mai loko o ka oxygen, alaila e make ana oe i ka paupauaho, me he mea la ua piholo oe iloko o ka wai.
O ka oxygen, oia no kekahi mahele o ka kakou mau mea ai, ka mekini hoowali ai hoi o ko kakou mau kino, nolaila aole ia mea i komo iloko o kou opu, aka ua like no ka oxygen me he ai maoli la nau e moni ana.
He ai ka oxygen e hanai ai i ko kakou mau akemama, a e lawe ana ke akemama a moni i keia ai o ka oxygen i make ole kakou. O ka ai maoli a kakou e ai nei a moni, oia ka mea nana e kukulu i na wahi paakiki o ke kino, oia hoi ka iwi, na ami, ke olona, a me ka ili e uhi ana mawaho o ke kino. I ke komo ana o ka ai iloko o ka opu, aole ia he mea paakiki, a eia kona ano he EA (gas).
He nui a lehulehu na ano o ka ea. O ka ea a kakou e hanu nei, he huina ia no ua ea la e olelo ia nei, a o ka ea hoi e loaa nei ia kakou, mamuli o ka hoa ia o ke ahi, he okoa loa kona ano i ko ka ea maoli. Ina kakou e noho iloko o na kulanakauhale nui, e ike ana kakou i kahi e hoa ia ai ka ea i kapaia gas burner aka, ua hiki no ke ike ia ia mea he gas mamuli o kou ike ana i na ano ula ahi o kela me keia ano, ina paha mai ka pauku wahie mai, nanahu, ipukukui a ihoihokukui paha.
O ka aila bibi me aila puaa, e lilo e ana laua i ea mamua o ka a ana. O ka ula o ke ahi, oia no ua ea la e a ana, ina e a ia ana ka wahie a nanahu paha, a koe ka lehu wale no, alaila, ua pau ia mau mea i ka lilo i ea.
O ka hapanui o na ea aole o lakou waihooluu ua hiki ia oe ke ike aku maloko o ke ea, e like me kou ike maloko o ke aniani, e ike mau no oe i na wahi a puni maloko o ke ea, e like me na mea i hoakakaia, oiai he ekolu mau mahele nui iloko o ka ea, a aole nae oe e ike ana i ka ea mama me ka waihooluu ole e like me keia.
Ina waiho hamama wale ia kahi hoaa ia ai ka ea me ka hoa ole ia aole oe e ike i ka ea e oili mai ana mai loko mai, e honi ana nae oe i ka hohono, nolaila, o ka ea waihooluu ole, e lilo ana ia he ea akaka me he aniani la, e ike ana oe ma kekahi aoao ona, nolaila, ma keia wehewehe o ka oxygen, oia no kekahi hakina a hapa nui o ke ea, a he mahele ano nui hoi no na mea a pau a kakou e ike nei.
Aole i pau.