Ka Lei Rose o Hawaii, Volume I, Number 8, 1 June 1898 — Page 4
4
Nuhou Kuloko
O kela kuene o ka mokuahi Zelanakia o Cowes kona inoa, ua make oia ma keia huli hoi ana aku nei o ke Zelanadia.
Ke hooikaika nei ka Senate e laikini ia ka bila Opiuma iloko nei o ka aina. Elike me mamua i ke aupuni Moi, he o ki loa hoi ka hoopae malu ia e kekahi poe a nele ke aupuni, a e kaa ana no paha ka mana o ka hopu ana i ka poe kue kanawai Opiuma i ka mea a mau paha na na na laikaini la.
Ua ike wale iho makou ma na nupepa haole, aole ka e pau keia kaua kue a Sepania me Amerika a hale na makahiki ekolu, na kahi hoa o ka Aha Kuhina o Beritania.
Ua lilo ae nei ko makou makamaka maikai o Char. Hopkins o keia kulanakauhale i Comisina papa Hoonaauao, ua lawo a ua piha pono oia no ia makalua—Ola no ua keiki.
Ua ikaika maoli no ka Lunamakaainana Kuai o ka ua lani haahaa, i ka hooikaika i ka imi i ka pono o na makaainana o kona apana, a me ka hoomahuahua ana ae i ka uku o kahi mau Lunakanawai Hawaii! Ka mua i mau hale ma'i no ka apana o Hana, ka lua e hoopiiia kauku o na Lunakawal o Hana a me Lanai: I $10,000 no ka hale mai o Hana.
Ua ike iho makou ke koi hou nei o Corbet ia Fitzimon e hakaka hou laua, oiai wahi ana, aole oia i eha maoli ia Fitzmon, he wahi ulia wale no ia, ua hoole aku la o Fitzmmon, ia wa ua haawi aku la o Corbet he $24,000 e hakaka hou laua no ke apo gula o ka lanakila, a ua haawi aku nei o Fitzimon i kona ae no kela mau dala he $24,000 a ua hoopaaia ka pili koe ka wa e hakaka ai, aole makou i maopopo a ike iho.
Ua make ma ka hale kaa hapaumi ae nei ma ka Moiliili he wahine mai ano palupalu, o Kaua kona inoa, ua kui ia oia e kana keiki ponoi e (Keaka,) a ia hina ana no i lalo ua kaualako ia, ia wa no ua lele loa ae la kona aho, ua noho ka Ahakolonelo, a ua hooholoia ua make mai maoli no i hui puia me ke ku'i puupuu ana a kana keiki o ka ke kauka hoi ua make no ka mai ake-pau.
Ua make o Mrs. Emalaima B Wilson wahine a B Wilson i uoho Ilamuku ai, he kaikamahine papa oia na keia kulanakauhalk, a he ukali oia no ka Moiwehine Liliuokalani i kona mau la e noho Moiwahine ana—Aloha no.
I ka eli ia ana mai nei o ka lua wai o Kaunakakai, ua loaa iho la ka wai ma kahi o 75 kap. ka hohonu he momona ka wai a maikai maoli no; a he wahi mikina pauma ka i hoohana ia, i ka pauma ia ana ua loaa na galani wai he miliona iloko o na hora pokole wale no—I na pela he ku aku koe o na mahiko o ia wahi.
E na makamaka, e pono e kii mai ina laau kupono no keia wa o maimai e ulu-pa mai nei ia kakou, o kakou Hawaii no ka hapa nui e poino mau nei, nolaila, e pono e kii i wahi huaale noha, huaala piwa, kahi paakai no hoi, ka aila hoonaha no na keiki, e kii ma kahi o Hollister&Co. Hale kuai laau lapaau, a aia ilaila ka aila liliha ole he momona aku pono no na keiki iiilii pepe.
Ua noho he halawai nui na ka poe kuonoono o Honolulu nei moloko o ka hale paikau, no ka hoonoo ana i ke ano o na hookipa ana mai i na koa Amerika e kipa mai ana ia nei, mawaena o ka poe i kohoia he mau komite hookipa, eia ko lakou mau iooa, Jno Ene, H L Holstein, J Kea, J L Kaulukou, S K Ka-ne, S K Kaeo, A N Kepoikai, R W Wilcox, J M Poepoe a me D L Naone, lakou na poe komite hookipa.
Ua loaa aku ke kino o kekahi pake o Ah Tong kona inoa, ua make ia maluna o kona wahi moe, i kona nana pono ia ana iho ua make loa, ua laau ke kina a ua pau ka hanu, i kona makaukau ana e hookomoia iloko o ka pahu kupapau, ua ola hou mai la oia, a ua puiwa loa ia na hoaloha pake i hiki ae malaila, o na ihoiho kukui e aa ana, hookahi no ia pa'i ana lele liilii ana i kahi e, ua nui ka makau o na pake i keia mau ano hana kupanaha a hoopahaohao.
I ka poakahi nei, ua lawe ia mai la kekahi wahine ma'i mai Waianae mai, me ka manao e hiki mai i Honolulu nei i ke kauka, aka, make e aku la nae i ka wa i hiki mai ai ke kaa i anana, he wahine ma'i na ka pake o Naoha ka makuakane o keia wahine, a he kaikamahine papa oia no ia wahi, aloha no.
Ua kaa i ka pali he haole o Sawnson kona inoa, he haole kamanao no ka uapo o Heeia, ke kumu o kona kaa ana i ka pali i puhiia ka papale e ka makani, i kii aku ka hana i ka papale ona e o ke kakaa aku la no ia a na hoahoa ana ke poo a hai pu ka lima mai kahi ona i haule aku ai, ua manele ia aku la oia no Kaneohe.