Ka Lei Rose o Hawaii, Volume I, Number 7, 15 Mei 1898 — Page 7

7

KE KEIKI ALII
HANA A PUNI
Imi ina Mea pohihihi

                E na makamaka, mamua ae o ko makou waiho ana aku imua o oukou, i ka moolelo o ko ke kilokilo hiki ana aku imua o kona ohana, a imua hoi o o ka Aha hanohano o ka poe naauao o ka aina, i kahea ia mai kela a me keia pe'a o ka aina e hoike aku ana makou i ka moolelo; o na kuhikuhi ana a ke kanaka maka ike, i kapaia hoi e kana mau haumana o ka Makaike. [Keen eyes] No ke ano o ke kii ana i kekahi o na hua gula oua kumu laau nei, i ike ia ai maluna o ka piko o na mauna Himela.
                A penei na kuhihuhi ana oua maka ike nei E kuu haumana; e hoi oe; a e hoik aku i na mea a pau a'u e olelo aku nei i ka Moi, e hoike aku oe iaia ma kuu kauoha, e koho koke mai oia ia oe i kuhina nui no kona aupuni, a he hookahi mahina mai keia wa aku e pii hou mai oe io’u nei, a na'u no e poni aku ia oe i ka aila hoano Hemolele loa.
                I mea e lanakila ole mai ai na i puka o ka po maluna ou, aole me ka mana o na keiki a kanaka; aole loa aku hoi i ka mana i na mea ea-e maluna iho o ka ili o ka honua, nolaila, me keia mana oe e hiki ai ke kii i ka hua gula o ka laau kapu, he oia mau oia i na wa a pau; a hiki i ka pau ana o ka honua i ke ahi. Nolaila, i kou kii ana; e halawai ana oe me na mea ino a pau, ke Akua-lapu, ke olai, kauwila, ka ua hekili ka makani ino a pela aku, a i ka lilo ana o keia mau mea a pau i mea ole imua o ka mana o ka aila Hemolele loa; oia auanei ka wa e pi'o iho ai na anuenue he 12 maluna pono oua kumulaau hua gula kapu la, oia auanei ka wa e hamau ai ko ka honua, aole oe e lohe wahi leo iki ana.
                I kou a e kii ai a ako i ka hua, mamua o kou kii ana i ka hua; o ka hua ma ka hikina oua laau hua gula kapu la, me ka puana ana ae i keia mau huaolelo. E hoonaniia o Alahe ka mea mana loa, ke kumu o na mea a pau, ke kii nei au i ka hua gula, a ma kou mana e hoolilo oe iaia i keiki alii nani a naauao, i mea nana e huli i na mea pahihihi a hoopahaohao au i hana ai, nolaila, e hoonaniia kou inoa; ia ao aku, ia ao aku; [Abulo] oia hoi ma ka olelo ana—e hookoia pela.
                A ia oe e ku ai iluna a lalau i ua hua la, e owili ae oe i ka hua ma ka Akau aole ma ka Hema; oiai, he keiki kane ke keiki i makemake ia, ia oe e huli hoi mai ai a halawai me kuu manu; [Rock] oia auanei ka wa a olua e ike ai ua wehe ka lani a maemae, oia auanei ka wa au e lohe ai i na leo kupinai kuapaianaha o na a no a pau e i ana; Hosana! Hosana!! Ia Alahe ka mea kiekie loa!!! Ia wa ka hoi kuu manu e lawe ai ia oe i ka lewa lani, a e ike auanei oe i na mea a pau a'u i ao aku ai ia oe; au hoi i ike ole ai mamua mai kou hanau ia ana mai a hiki i keia wa.
                O hoi; a hai aku i keia mau mea a pau a'u i hai aku nei ia oe i ke alii ka Moi, me ka hai aku e noho me ka manaolana, a na ke Akua e hoopomaikai mai iaia a me kana Aliiwahine, me ka lahui kanaka, me keia mau kuhikuhi a pau a kana kumu i kauoha mai ai i kana haumana (ke kanaka kilokilo) ua hooko oia i na mea a pau.
                E na makamaka, ua ike kakou i ka hoihoi ia ana mai o ke kanaka kilokilo e ka manu nui eleele (Rock) mai ke kuahiwi kapu mai, nolaila, i ka manu i hookuu iho ai i ke kanaka kilokilo iluna o ka ili o ka honua, hoi aku la oia a hiki imua o kona ohana a moe iho la oia ia po me ka hauoli nui, no ka holopono o na mea a pau ana i imi ai e hookoia ka iini nui o ke alii ka Moi kana Aliiwahine a me ka lahui kanaka holookoa.
                I ka hiki ana i ka wa e akoakoa ai ka Ahaolelo; ua piha ku'i ka Halealii i na'lii, na kaukaualii, a me na kanaka ko'iko'i o ka aina; e ake ana e lohe i na olelo hoike a ke Komite huli keiki, ka mea hoi nana i hoehaeha i ka manao o ke alii ka Moi, a me kana Moiwahine, a hiki aku i ka lahui, ke kumuhana nui hoi nana i kahea na kanaka ike a naauao loa o ka aina e akoakoa mai, e huli a e noonoo ai i kahi e hiki ai e loaa o na keiki na ke alii ka Moi, oiai e akoakoa ana na poe naauao o ka aina, au kahea ia na'lii ka Moi a me ka Moiwahine na keiki alii, na kaikamahine alii, na kaukau alii, a me na poe ko'iko'i o ka aina me ka malu, e kali ana, o ke komo mai o ke Komite hanohano. Ua meha ke kula aohe ke'u pueo; i ka hoike ana mai a ka Ilamuku kiekie o ke aupuni, ke komo mai nei ke Komite, ku ae la na mea a pau iluna he hoohanohano nui keia i loaa i ke Komite i haawiia i kahi mea.