Ka Lei Rose o Hawaii, Volume I, Number 7, 15 May 1898 — Page 11

11

No Na Olelo Naauao.

                1—Iloko o ka wa maluhia, e hoomakaukau no ke kaua—Amerika.
                2—Mai kiola wale i kau loaa i ka wa nui, o hiki mai ka wa o ka nele pilikia oa—Thos Cain.
                3—I kou hele ana a me kou noho ana, mai no a hele hemahema, oiai, aole oe i ike i na kuia imua o kou alo, nolaila, e hoomanao ina wa a pau i ka mea nona ke ola—Iudia.
                4—Heaha la ka waiwai ke lilo ka honua a pau i ke kanaka, a lilo aku kona ola; nolaila, mai anunu wale aku i ka hai i mea e nui ai kou waiwai, no ka mea, ua kue ia i kona makemake—Mohabia.
                5—O ka mea malama i na hunahuna liilii, ua ake oia e hoonui ae i kona waiwai, o ka mea i hoomaopopo ole i ka waiwai o na hunahuna liilii, oia kai hoowahawaha i ka malama ana i ka waiwai—Confusions.
                6—Mai noho oe ma ka noho i kupono ole ia oe ke noho ma ke keena-aina, oiai, he mea pono nou ke kaupaona me kou noonoo maikai i kou kulana, a me ka noho au e noho ai—Hifu Kama.
                7—Mai lalau oe i ke ahi o wela ko lima, pela hoi, mai kue i na kanawai o ke Akua o wela ka uhane i ke ahi pio ole, a mai ha'iha'i hoi i na kanawai o ka aina o paa i ka hao—Iandus.
                8—Mai wikiwiki a hopuhopualulu, e haawi i manawa nou e noonoo ai, alaila, e loaa no ia oe ka naauao a me ka manao maikai—Anania.
                9—Mai ike i ka pala o ka hai hua-ai a lalau wale aku, no ka mea, ua ike no oe aole nau ia, aka, e noi aku i ka mea nana ka hua-ai a i ole haawi aku i moni no kana hua-ai, alaila, e lilo auanei oe i mea hana i ka pono—Aivana
                10—E haawi i ke kino a me ka uhane iloko o ka Haku mana, alaila, e lilo auanei na mea ino a pau i mea ole—Robetoes.
                11—O ka La no ko ke ao nei malamalama, o ka uhane maikai o ka naauao ko ke kanaka maloko ona—Ionia.
                12—Mai imi epa wale; mai imi hala wale aku, he mau ilio nahu ia e moku ai oe i kekahi wa i ke nahu ia mai—Kane.

J. D. HOLT, Jr.  D. H. LEWIS
Lovejoy & Co.
Mea hookomo mai a kua aku i ka

WAINA a me na MEA INU o na ano a pau.
Ua loaa mai ia makou na Waina Kaleponi maikai loa Gini Wisike Bia a me na ano mea inu a pau.
He Agena no ka Bia kaulana o Seattle, a ke kono ia aku nei oe e kipa mai ia kakou Hawaii, a kuai ia aku me ka oluolu.
O na ano Rama maikai me ka Bia Pauma, aia ma ko makou hale Anchor Saloon, kihi alanui Moi me Nuunau.

W. R. CASTLE [Kakela]
A ME
LIMAIKAIKA (Opio)
HE MAU LOIO MA KE KANAWAI.

Ua makaukau loa i ka huli ana i na palapala Alodio—He Akena no ka Ahahui hoopaa Ola Liona keena Oihana—Makai iho o ka hale Leda.
HONOLULU

KEENA OIHANA
Ka Lei Loke o Hawaii

NUPEPA. Elua manawa puka ana i ka Mahina.
ALANUI KONIA,
Ma ke Keena Oihana o R. W. Wilikoki.
O na kauoha mai na mokupuni mai, e hooko ia aku no ia me ka eleu.
E hoouna mai i na kauoha me na hookaa dala ana ma ka inoa o ka Lunahooponopono.