Ka Lei Rose o Hawaii, Volume I, Number 6, 30 April 1898 — Page 12

Mai ka aoao 9 mai.

makuakane, aole anei e hiki ia kakou ke manao iho; o ka mau o ke aloha i ka makua oia ke kumu o ka ulu ana o kela manao e komo pu i ke kaua no ke aloha i ka aina hanau o kona makua, oiai, ua hala ka makua i ka make, aka, mau no nae kela manao iloko he aloha makua. A pehea la na keiki ea-e a Wilikoki, ua like pu no anei? A ina pela io maikai wale hewa ole; a he pono loa ola mau.
                E noho ana ko'u mama me ka maua keiki ma ke kulanakauhale o Honolulu no ka nawaliwali mai o ke keiki, nana aku la oia i kona mama a pane aku la. "E kuu mama aloha nui e; ke makemake nei au e hele aku oe i ka halekuai e e kuai hou i mau wahi lole (holoku) hou nou, aole au makemake e ike mau aku ko'u maka ia oe e komo mau mai ana oe i na wahi holoku kahiko." Pane aku la kona mama, uo lawa au i keia; mau no ka pane a ke keiki e kuai, aka, aole i hooko ka makua oiai ua lawa no. Aole anei he aloha makua ka hana a keia mau keiki ae la, pane ae la kekahi makua i ke akea no kana keiki; hekupanaha ka'u kaikamahine, o ke kiei wale mai no o ke poo a emi aku, aole hoi kau o ke-o wale mai a pane mai la hoi eaho la hoi ia, heoki loa no, he keu no paha ka hana a keiki a ka eepa nui wale; wahi a ua makua nei i kana keiki, mau no la hoi ka leo he ola i no ka makua. hele aku nei kekahi makuahine i kana kaikamahine ua male i ke kane haole, eia ka pane a ua kaikamahine nei:
                "Heaha mai nei kau?" Pilikia; i wahi kenikeni pola poi—Wahi a ka makuahine. Ae; eia ka hapalua o hoi, mai hele hou mai oe he huhu ka hale, kulou iha la ke poo o kona mama a hoi aku la me ka naau luuluu i ka lohe ana aku i keia leo a ke kaikamahine awaawa a ka launa ole mai, a ina ua mau ke aloha makua i keia mau hope elua i na ua hana laua elike me ka hana a keia mau keiki; aka, na kela makua a me keia makua e ike i ka hana a ka lakou mau keiki iho, e malama i ka makua i na ua loaa kau, he pono ole ke aloha ke ole ka hana, nolaila, i na ua loaa kau keiki e pono e malama i kou makua ma na mea apau e hiki ana a kupono i kou manao.
                O ka lahui o keia a na lahui ea-e; Europa Amerika, he mea maa mau keia e ike ia nei iwaena o na pake, a na pake e imi waiwai nei ma Hawaii nei, ke hoouna mau nei lakou i na dala na na makua ma Kina; a pela no na keiki haole, aole anei he kumu ao maikai keia e ao mai ana i na keiki Hawaii nei o kakou, mali-a paha ke hana nei no kekahi poe pela; he pono ia, aka, o ka poe keiki hana ole pela, o oukou no ka lahui, a o na makua no ka hoike o keia mea. Nolaila, he pono i na awai luakini na halawai a me na anaina haiolelo; "Crestian" e waiho i na manao paipai e pili ana ina keiki me na manao hoolana maikai, aole me na manao hoonaukiuki a huhu; aka, me na manao aloha i maliu mai na keiki.
Mr. Makua.
April 21th, 1898

J. L. KAULUKOU J . M. KANEAKUA
KAULUKOU &
KANEAKUA
MAU LOIO MA KE KANAWAI

O na kuleana pohihihi o na aina ma na wahi a
pau iloko o ka Paeaina Hawaii, e huli pono ia no
a e haawi ia aku no hoi na hoike akaka no na
kuleana.
Keena Oihana: Ma ka Hotele Occidental ma ke kihi o na alanui Moi me Alakea, Honolulu.
apr30

K. B. Porter G . A. Ordway
Ordway & Porter

Mea Kuai Lakohale Helu – Ekahi
maloko o keia kulanakauhale.
Kihi o na alanui Hotele me Betela. mar

Paul Neumann
KEENA KANAWAI, 314 Alanui Kalepa

Honolulu.

Kualaku
Halekuai BIBI me KAMANO helu ekahi ma ke Kapitala o Honolulu nei.

E Kip a aia a ike no oukou iho!

W. C. Akana Kalauki.
KA LOEA MAHELEOLELO Hawaii me ko Kina.

Makaukau hana Palapala Hoolimalima me Kuai, e pili ana i na Waiwai Paa me Waiwai Lewa.
Keena: Ma Kanaana, kihi alanui Moi me Alakea.

Kuai Emi
MA KE Kuike

NA KAA-PI'O, NA KAA-LIILII, a me UKANA, e kuai ia aku no me
KE KUMUKUAI HOEMI O KA HAAHAA LOA: ma ka hale oihana holomua o
C. BREWER & CO., Alanui Moiwahine