Ka Lei Rose o Hawaii, Volume I, Number 4, 1 April 1898 — He Moolelo Hoonnea —NO— ALI HIBA KE AHIKANANA A ME KA LUA OLE O KE KOA O KA AINA KUPUA, [ARTICLE]

He Moolelo Hoonnea —NO— ALI HIBA

KE AHIKANANA A ME KA LUA OLE O KE KOA O KA AINA KUPUA,

(He Nanea uo na buke Arabia mai.) "Owau no kau, e hea mai ai, E hea i ke kanaka, E komo maloko, E hanai ai, a hewa ae ka waha, Eia no ka uku la o ke ALOHA." ALI HIBA, oia ke kamaeu nona keia moolelo, ua hoea mai oia ma ke ano kino moo, a ma ia kino no oia i hoomaka mua ai i kana mau hana hoopahaohao a pau, a penei ke ano o kona hiki ana mai a lilo oia i mea kaao ia e ka poe puni kaao o na moolelo Arabia: E noho ana kekahi mau elemakule maloko o kekahi ululaau o ka aina kupua i kapaia e na kanaka Arabia, "Ka Aina Kupua o ke Alii Pookolu," he wahi luahine ma ka inoa o Sina, a nana hoi he wahi kolopupu kane o Nuredane kona inoa. A o ka laua hana e loaa ai ko laua wahi ola, he kalewa wahie ma ke kulanakauhale o ke Alii Pookolu i oleloia, ke kulanakauhale keleawe kanikani, a oia ke kulanakauhale Alii o ua aina la.q I kekahi la, ia Nuredina i hoi mai ai me kekahi pu-a wahie a hiki i ko laua wahi pupupu halo, aia hoi oili mai ana he wahi moo i hulali ia kona kua me na apuupuu pohaku liilii e anaanapa ana me. ke alohilohi. I ka ike ana aku o Sina i ua wahi moo la, ua hoooho ae la oia, "E, he wali moo nani maoli ka hoi kela, he keu a kahi moo maikai, —ina no hoi he hiki ke hanai ia, ina no la hoi na'u e hanai."

la wa no i lohe ia aku ai kekahi leo me he hanehane la mai ka moo mai: "E Sina, E Sina —he hiki no au ke hanai ia ina e ae ana oe e hanai ia'u. O kau ai e ai ai, o ka'u no ia, o kou wahi moe, malaila au e moo ai, a e ma— lama hoi oe ia'u e like me koa malama ana i kekahi keiki i hanau ia mai kou puhaka aku, alaila, e ike auanei oe e hiki mai ana ka manawa e noho ai oe i Moiwahine no ka aina kupua, a o Nuredane hoi i Moi maluna o ia aupuni. No keia mau olelo maikai a ua wahi moo nei, ua lilo ia i mea oluolu ia Sina a me Nuredane. Ia wa, ninau aku la o Sina, "Ea, ma ka inoa hea maua e kahea aku ai ia oe?" "Ae," i pane mai ua wahi moo nei, "e kahea mai olua ia'u ma ka inoa ALI HIBA, a o ko'u inoa ia." Ia manawa i lelele mai ai ua wahi moo nei a kau mai la iluna o na uha palupalu o Sina, a malaila oia i kuupau ae ai i na kiina mikioi o ke alohilohi ana o na pupu liilii maluna o kona kua, a ua like hoi ko lakou mau anapanapa ana me na hoku o ka lani, a o ka hapanui o na waihooluu, ua like me ko na momi anapanapa o ka moana wai o Inia. No keia mau kiionohi ano e o ua wahi moo la, ua hoomaoe wale iho la no o Sina me na huaolelo e i ana: "Ea, e Ali Hibo, he oiaio anei ua hanau ia mai oe malalo o na papaku panio o na kai hohonu o Inia, kahi i oleloia malaila e loaa ai na momi o na waihooluu like ole, no lakou hoi nu huina anapanapa ke huiia me he anuenue la. I keia wa i poha ae ai he leo mele nani me he hanehane la mai kahi moo mai, a puia ae la o loko o ka rumi o lakou e noho ana i ka eehia me keia mau huaolelo i puai ae kahi moo aku: "E ka nani e lnia. Kou pohaku onionio. I kipapa ia me ka momi, E kihea ia ana hoi, E na hou kai-ina, O na momi nani ou, Ma kou papaku no, I hanau ia ai au, Iwaena o kou mau nani, Ka neni kamahao- e."

Mamuli o keia mele a ua wahi moo la, i ike ai o Naneana ma, ua hanau io ia no ka ka laua hanai milimili a eehia hoi ma na papaku o na kai o Inia. A o oukou paha kekahi e na makamaka heluhelu e hoomaopopo iho ana i kahi i hanau ia ai o ka mea nona keia kaoo. Nolaila, aohe a kakou kamailio ana i koe, aka, aohe hewa i ka mea hoopuka kaao ke olelo ae, ua hanai ia oia e kona mau makua e like me kana kauoha, a ua malamaia hoi oia me he kieki ponoi loa la na laua, a hiki i kona nui ana. Ua lawa paha keia mau wahi hoakaka pokole ana no kona hanai ia ana, a e huli ae kakou a nana aku i ka hoomaka mua ana o ua hana hoopahaohao a ua wahi Ali Hiba nei. Aia hoi i kekahi la, kahea aku la oia i kona wahi luaui hanai, "E Nuredane e." "Heaha ia?" wahi a kona wahi luaui makuakane i pane mai ai. "Heaha mai hoi kau—l kahea aku nei hoi paha au ia oe, ua makemake au e mare i wahine na'u?" "Ae, ua pono ia," wahi a kona luai, aka, e imi paha au i moo wahine e like me kou ano e kuu hanai." "Aole pela e Nuredane, heaha ka waiwai o ia, ina paha e hoomare ana oe ia'u i ka moo, e hanau mai ana no ka hua mai ko maua puhaka aku he moo no, kai no hoi i wahine kanaka ka'u e mare ai, a i loaa mai hoi na keiki, he mau keiki kauaka." "Kahaha! e kuu keiki—Pehea e hiki ai ke ae ia mai oe e ka poe na lakou kaikamahine kupono e mare me oe, oiai, he kino ano e kou a ku i ka hoomaka'ukau? Ina paha he kino kanaka kou, aohe no la hoi he olelo ana. Aka hoi, o kena kino ou, aohe paha he wahine ae mai ke hele aku au e noi." "E Nuredane, e hoomanao—l ka wa auanei e ae mai ai kekahi wahine owau kana kane, a i ka la auanei o maua e mare ia ai, owau ma ko'u ano kino moo, a oia ma kona ano kino kanaka, oia ko'u la e lilo ai i kanaka. A nolaila, ke kauoha aku nei au ia oe, e hele oe a olelo aku i ke Alii Pookolu o ka aina kupua, he makemake au i ke kaikamahine aua i wahine na'u. Nolaila, e hele koke oe ano."

Me ka haalulu a me ka makau, ku ae la o Nuredane iluna, a me ka leo i piha i ka weliweli no ke Alii Pookolu, pane mai la oia: e kuu ke hoouna mai nei oe i kou makua nei e hele i kahi o ke Alii nona ka ihiinhi ame ka weli e makau ia nei e na kanaka a pau, oiai oia he Alii noi o kona mana a me kona ike, a ina paha oia e lohe ana i keia noi, alaila, o ko'u hopena no ia. Nolaila, e kuu keiki, e hoouna mai oe i kou wahi luaui e kii aku i wahine nona ke kulana haahaa e like me ko'u nei." "Aole! Aole!" wahi aua wahi moo nei i pane ae ai me ka nui launa mai o ka leo, e hoohaalulu ana i kahi pupupu hale o lakou, a ua piha loa iho la o Nuredane i ka makau a me ka weliweli, oiai hoi o Sina maloko o ka ululaau e hoiliili wahie ana. A liuliu iki, pane hou aku la o Ali Hiba: "A no i keia wa, e Nuredane, e hele koke oe imua oua Alii la me ka makau ole. A i ana imua ona, e olelo aku oe penei: Ma ka inoa o ke Alii Solomona, ke kauwa a ka Mea Hoano Loa, ke olelo aku nei au ia oe e laahia ke kino o ka elele. A ina ia e ninau mai ana i kou kou manao o ka hiki ana aku, e hai aku oe e like me ko'u makemake. A e ike no auanei oe i kana pane, aole ia he pane nou e make ai, aka, he olelo nau e hoihoi mai ai a hai mai ia'u. O hele, a e haalele i kou makau i kauhale nei."