Ka Lei Rose o Hawaii, Volume I, Number 4, 1 ʻApelila 1898 — Nuhou Kuwaho. [ARTICLE]

Nuhou Kuwaho.

Aole no he mau mea ano hoa i loaa mai nei ia kakou maluna mai o ka mokuahi Gaelic, o na mea wale no e pili ana i ka hoopahu ia o ka mokukaua "Maine." Ke manao wale ia la, ua poino ua. mokukaua la mamuli o ka manao kolohe o na enemi, a penei na mea i hoike ia mai ma ke telegarapa o ke Chronicle, a i pai pu ia hoi me na kukai olelo ana a Senetor Matthew S. Quay, ma kona wahi noho ma Beaver Home. "Ua akaka loa na mea a pau e pili ana ia Havana i ke aupuni, a me na mea a pau i hana ia, o na nieniele ana a me ka huli ana a .ka poe luu, aohe he mea i hoakaka ia mai. O ke topido i pahu ai ua hana ia no ia i Amerika, ua maopopo kona ano,. ua hiki no ke hoonna ia ke topido maloko o ke kai no hookahi mile ka loihi, a ke hoopahu ia hoi mamuli o ka uina ana, a i ole ia ma ka uwiki ia ana paha a loaa i kahi i makemake ia ai e pahu, i hoohele ia e like me ka uwaki. Aohe i lihi launa iki ka poe Sepania ma ia mea, e like me ka manao' kuhihewa o kekahi poe, aohe he mea i hiki ke hai mai i ka oiaio o ia mea. O kahi no hoi, ua manaoia na kekahi poe koa kaua pukaa o Sepania ma Havana, aole he helehelena o ia ano maluna o ka aupuni o Sepania." KE KAUOHA LA O GEN. LEE I NA AMEKIKA A PAU E HAALELE IA CUBA. Ke hoomaka la na kanaka Amerika me ko lakou mau ohana e haalele ia Cuba, mamuli o ke kauoha a Generala Lee, ko Amerika Comisina ma Cuba, a ua lehulehu ka poe i haalele iho ia Cuba no Key West, a i keia mau la koke iho, e haalele hou ana a lehulehu wale o lakou. Ua maopopo ke kaua mawaena o Sepania a me Amerika. O ko poe i makaukau ma ike moku, a me ka lakou mau ike e pili ana i ke pahu ana o ka "Maine" me he mea la e holo pu ana lakou e hoike i ka la-

kou ike i ke aupuni, wahi a ka poe i lawa ina ike e pili ana ina mokukaua, ua olelo ae lakou na kekahi kanaka pupule Sepania i hoopahu i ka moku kaua "Maine." Ua makaukau oia e kukala kaua i na wa a pau, koe wale no ina e loaa maopopo mai ana na hooiaio mai waho io mai ka pilikia i loaa ai i ka mokukau Maine. O ka oiaio ka ke Aupuni e ake ana e loaa mai, alaila, eia ke aupuni ke hoomakaukau nei ina mea a pau e lawa ai ka ikaika kaua aina a me ka ikaika kaua moana no ka hiki mai o ia manawa. HOOLE KA NUPEPA SEPANIA LA-LUCHA. He mau manao kuio a ano okalakala kai hoolaha ia i keia auina la maloko o ka nupepa "La Luoha," e kue ana i ke Kapena Sigsbee o ka mokukaua Maine i hoopahu ia. Ua olelo ae ua nupepa la, aole i ku iki ike kanawai kona lilo ana i hoa no ka aha ninaninau no na kumu i poino ai ka moku Maine, a he pono hoi oia e lilo i lunakanawai no kona hihia iho ma keia ninau. Nolaila, o na mea a pau e pili ana i keia hihia, aole oia i kuleana iki ma ke ano kaulike, oiai, nona ka moku i poino, anoai paha oia iho no kekahi i pili ina mea i poino ai ka moku Maine. E olelo hou ana ua nupepa nei, o keia ulia poino, aole ia malalo o na kumu e ae, aka, mamuli no ia o kona makaala ole a malama pono ole hoi i kana hana. Ua lawe ia ae ke kapena imua o ka aha ninau e hai ai i kana ike. Ua olelo hou ae ua nupepa nei, o keia kohoia ana o Capt. Sigsbee, ua kuee maopopo no hoi ia i na rula o na aha kaua moana, aole hoi i ku like me ko na rula o na aupuni mana nui e ae o ka honua nei. NA AUMOKU HOU O SEPANIA NO CUBA Wasinetona, Feb. 22: E hoouna mai ana o Sepania he 10 mau moku kaua hao i lako pono me na mea kaua ano hou, aolo i hoike pili aupuni ia mai mau lono, aka, he mau lono malu nae, he hoopuipui ana mai hoi i ko Cuba ikaika kaua moana. Iwaena o keia mau moku hou e hiki mai ana o ka mokukaua hao Pelayo ka oi aku o ka nui a me ka paa a oia hoi ka moku Adimarala o na Sepania.