Ka Lau Oliva, Volume IV, Number 6, 1 June 1874 — Ka Hanohano o na Kanaka Opio. [ARTICLE]

Ka Hanohano o na Kanaka Opio.

KE KULANA O KA POMAIKAi.

Eke Kanaka Opiopio! Ka manao lana ana hoi o na la kanikoo o kou mau Makua ! 1 Ke ola ameka lanakila o kou Aupuni nawaliwali i na la e hiki m&i ana! Ke kala hala hoi o kou lahui makamae e' ealo nei raa kela aoao oka muliwai! E haliu mai kou mau pepeiao, a hoolohe me ka hoomaopopo i keia mau mapuna . olelo pokole, oiai, he kauwa keia kino Lau Oliva na kou Hoo'la, e hooikaika ana me ka wiwo ole no ke ola o kou uhane, e pale aku ana i na ino me ke kupa% a he alihikaua hoi no ka lanakila o ka pono a me ka pomaikai o kou pae aina nani nei. " Mai ae aku i na Hoowalewale." Hoko o kou hele ana ma na alanui o ke kaona nei, ma ke ao a ma ka po paha, a i hiki mai ka hoowalewale ia oe, e hoomanao oe i kou kulan.i, a me na poino e ili mai aiia, ke puni aku oe. Kekahi o keia mau hoowalewale ikaika !da, oia no ka Wa iona. I hiki mai keia enemi, alailu, hoomalo pololei ae i ke kino me ke ano koa o ke kulana, huli aku ke alo i kahi a ka inakani e pa mai ana, lalau aku ike kiaha a paa pono ma waena o ka manamana nui me ka lua o ka manamana akau, hoalu iho i kahi manamana uuku, a ae malalo o ke kiaha, panee mai a mamua pono ou. Ia manawa hookulana mai ke poo i hope, me ka hooi aku i ka nuku i waho, i kumu e hamama pono ai ke kileo, a hakahaka pono ka puu. Upiki iho i na lehelehe a elua me ka ikaika, hoihoi mai ka hanu iloko me ka hookuu malie aku ma ka ihu. A nie ke ano hanohaaio, hapai malie ae i ke kiaha a kau ke kihi ekolu paha iniha mai ka nuku aku, a ia manawa, leha malie ae na maka i luna, a noonoo ae i kou mau makua, ka ohana, a me na mea a pau i hai ia'e la maluna, a hookuu malie ae i kou lima me ke kiaha. Aole oka wa % Ina oe e henehene ia mai, he hoino ia, a ma ia hoino ana mai, he knnm kupono ia nou e haalele loa aku ai i ka hele ana ma ia wahi, ame ia poe hoi. Huli aku ke alo ma ke alanni pololei, alaila, e ka pokii aloha, o ka loaa ana ia o ka hanohano a me ke kulana o ka pomaikai. Ama ka hoomau ana ma ia alanui, ma laila wale no e mau ai keia mau kulana ia oe a hiki aku i ka piko o na pomaikai a j>au. E hoopaanaau a mai hoopalaka i keia leo v makee aku nei ia oe, a na ka Haku e hoolawa i kou niakemake.