Ka Lau Oliva, Volume III, Number 12, 1 December 1873 — Ka Hopena o ka Hoomanakii. [ARTICLE]

Ka Hopena o ka Hoomanakii.

He lapuwale snei Jcekahi i oi ae mamua o ka mea e haaa ia nei ma kekahi mau hale ma keia apana o Kona, Oahu ? Oia ka hoomanakii! O ka poe o keia lahui malalo o ke kanakolu makahiki o ke ola ana, aole lakou i ike maka i na hana hoomanakii mamua; ua lohe wale lakou no ia mea, mai na makua me na kupuna maL Aka, ke ike maka nei ka poe opio o keia au Kristiano i na kuahu o na akua kii; ke ike nei lakou i na kii e kau ana maluna o na kuahu, a me ka ai i mohai ia ia lakou! E ao ana ka makua i kooa ohana i kakahiaka e pule: " E ko makou Makua iloko o ka lani, mai hookuu ia makou i ka hoowalewaleia, aka, e hoopakele ia makou i ka inoa i ke ahiahi e haule aku auanei na keiki o ia ohana i ka hale hoomanamana, a e lohe lakou i ka pule ia Milu: " E Milu e, eia mai o M ■ - ke iho aku la, ale okoa ia, a liliha, a luai ae." E hana ana kumukpla Sabati i kana hana i ka la Sabati, a me ke kumnkula aupuni i kana hana i ke kakahiaka o ka ia noa ae, a ahiahi iho e haule aku auanei na haumana a iloko o ka hale halawai o Satana, na Laka ka hana iloko o ia mau hora. O ka mea au, a ka makua a me ke kumu i makee ai, a i ao ai hoi me ka hoomanawanui, na ka hoomanamana i kinai a pau. O ka mea a ka Papa Hoonaauao i kukulu ai i pono no ka lahui nana e noho ka aina, oia ka Laka a me kona poe kahu e wawahi nei, i pio ka malamalama. He hana lapuwale anei kekahi i oi ae i keia ? Aole paha. Ma owai la i ulu ai keia mau hana ino ? Elua poe nana e hoolaha nei keia mau hana ino e make al 1. O ka poe hoomanamana. He poe hupo lakou, h® makapo, a he makapo pu me ka poe e hahai ana mamuli o lakou ; e haule pu auanei i ka auwaha hookahi. 2. O ka poe e ao nei i ka hula naaupō, hula pegana paha ka olelo kupono maanei, o lakou kekahi poe e hooikaika nui nei ma na mea e poino ai ka aina a e uwe ai ka lahni no na popilikia nui loa mahope aku. Aole lakou e ike i keia wa, aole hoi e hoololie i ka poe ao aku. Aka, mahope lakou e ike ai me ka weliweli nui. Ina paha e hana maln ka poe hula i ka lakou iloko o ka hale me ke paniia o na puka, e aho ia; o lakou ke hanmia i ka lakou hana, a koe na mea e ae. Aka, ma ko lakou hana akea ana i na mea pili i ka hula, ua lilo lakoa i poe ao maoli -aku i ka hanauna hou e "He poe hoohaumia (ahui lakea. He poe pepehi uhane. No loko

ponoi ou kou enemi, e Hawaii; aole no wabo mai

He ninau. Heaha ka hope o keia mau hana pili hoomanakii ? E lilo ana ka hanauna opio e ulu nei A lahui lapuwale, ke lanakila na hula me ka hoomanamana. E emi hope ana o Hawaii. E kakau ia'na ma kona lae, " Ikaboda," ua hala ka nani. E lawe ia ana ka maln mai ona aku. E hoolohe i ka leo oka Mea Mana. "Aole ou akua eae imua o Ko'u alo. Owau wale no; owau ke pepehi, a owau ke hoola." A eia hou: "O ka lahui hookauwa ole No'u, e anai loa ia lakou." A eia hou hoi: " O ka poe hoopioplo, a me ka poe hoomanakii, a me ka poe hoopunipuni a pau, e loaa ia lakou ko lakou puu ma ka loko e aa mau loa ana i ke ahi a me ka luaipele, oia ka make alua." Oia ka hopena oka poe hula a kahea ia Laka, ke mihi ole lakou.

Eia keia ninau hou. Ua huli hope anei 0 Hawaii holookoa, a e hoi hou ana anei i na hana kohu ole oka pouli ? Aole pela. He nui ka poe i koe, aole i kulou imua o Baala. Aka* no ka ike pono o Lau Oliva ke hooikaika loa nei kekahi poe e hoolanakila i na hana o ka pouli, a o ka hoomanakii hoi, iloko o ka hula a me ka lapaau ana, oia kekahi mea e ulu nei, nolaila ke hapai nei oia i kona leo eao a e papa. Mai hana ino oe ia oe iho e Hawaii, ka pokii ona aupuni Kristiano. He alii oe iwaena o na pae aina o ka Pakipika, a he hanau mua iwaena o lakou. Aia ma kou lae ka lei alii aloha o ka malamalama. Mai kiola oe i kou hanohano. Ua hoolaaia oe e kou poe alii kahiko, i aupuni malamalama, i aupuni Eristiano. Ina o kou kulana ia, e onipaa auanei kou kahua ; aka, ina e hoowahawaha oe i ka Pono nana oe 1 hapai a kau iluna, a 'haalele oe i ka hilinai maluna olaila, pela no hoi oe e nele ai ike koo ame ke kahua paa eku ai. He manā ka Pono.