Ka Lau Oliva, Volume I, Number 11, 1 November 1871 — Na Kokua no Okatoba. [ARTICLE]

Na Kokua no Okatoba.

E nana i ka papa hoike no na kokua, ma ka aoao eha. Ua oi iki ae ka huina nui o na lulu no Okatoba mamua o ko Sepatemaba; he maikai ia. Ma na lulu mahinahou, eia no ia Manoa ka helu akahi o na apana. Aohe wa loaa ia Waikiki-waena. He ekolu wale no hapaha ka oi o Manoa. Ua pii ae no hoi o Makiki i keia mahina. Ia Kapalama ka helu ekolu. Ma na lulu kuikawa, ua lilo ia Kapalama ka hae o ka helu akahi, ua oi loa ia. A ua pii ae no hoi o Maemae me Puiwa. Ekolu apana i kau like loa ma ia lulu ana, oia o Kunawai, Manoa a me Waikiki-kai. E nana iho. Ma na lulu Poaha, ua oi ka apana o Pauoa —oia ka i alakai mua. O Kapalama kona ukali, a Apana akahi iho, a o Maemae me Puiwa aku, a me Kunawai Aohe. wa a kau like o Kunawai me Maemae me Puiwa. I ka hana mau ana, mai hoopalaleha ; i ka haawi ana e hana me ka lokomaikai, aole kunukunu, aole no ka auhau ia; mo ke aloha na makana o ko ke Akua Aupuni. E like me Kona hoopomaikai ana mai, pela e kokua ai i kana mau hana. Ina kakou; e naue aku imua.