Ka Lei Momi, Volume I, Number 19, 11 Kekemapa 1893 — Anoai o ka Poli Lauae o Makana [ARTICLE]

Anoai o ka Poli Lauae o Makana

Mr. Lunahooponopono; E ae mai i kau wahi keena kaawale o kau LEI MOMI no keia mau wahi hunahuna materia mea hou malalo iho: PAINA LA HANAU. Ma ka la 28 o Novemba i hala ua wehe ae o Uo Mahuiki he papaaina i piha me na one he nui, imua o kekahi anaina nui makolukolu, no ka laua kamalei, a o ka piha ana hoi ia o ka makahiki o kona hanau ana i na ea huihui o keia ao. Ua ai na mea a pau a lawa ka makemake, aohe hoohalahala ana. NO KA LA. Oia mau no ka hana a ka La ma ka apana o Hanalei, he hele la a "moa unounou iluna Puna i ke akua wahine," koe nae hoi ka pamalo loa ana. I ahono paha i na kulu kehau o ke ahiahi. KO MAHAMOKU ANOI. Ma ka la i hai ia maluna, ua akoakoa ae na kupa o ua one kaulana la ma ka home o E. Kuapuhi no ka hoomanao ana i ka La Kuokoa o Hawaii nei. He papaaina nui ka i paholaia mai, a nuu iho na mea a pau me ke aloha. He mau lealea kekahi i malamaia a ua ulu ae he uluaoa i ka lealea hope, oia ka hukihuki lio, mamuli o ka huki naaupo ana o Iuda i ka lio o W. Kini, oiai oia ua lele iho mai luna iho o kona lio no ke kaula peki ole o ka lio. Pakele nae o Iuda mai wahi ka papa auwae i na keiki o ka Poli Lauae o Makana. E malama hou ia ana no paha na lealea ma ka la 1 aenei o Ianuari, 1894 HAENA.