Ka Lei Momi, Volume I, Number 19, 11 December 1893 — Page 8

Ka Lei Momi.

 

HONOLULU OAHU POAKAHI, DEKEMABA 11, 1893

8

KELA ME KEIA

 

            Ke hoomau la ka wela a ka la ma Hanalei; ke moloo loa iho la ka limu kaulana o Manuakepa.

 

            E like hoi me ka hoike a na nupepa Iapana, e piha ana he elima mahina ia Naniwa e ku ai i o kakou nei.

 

            Ke nui mai nei ka mahaloia, mai ke Kahua Mai Lepera mai ma Molokai, o ka Kauka Goto lawelawe lapaau ana.

 

            Mahina hou i ka po Poaha nei, hapaha mua ma ka la 16 ae nei mahina piha ma ka la 22, hapaha hope ma ka la 29.

 

            Eia iho na ino i loheia ae o lakou na moho no ke kulana Lunakanawai o Ewa: F.A. Keliinohopono, A. Kauhi a me C.P. Kaaia.

 

            Ua pau mai nei i ka hopuia ma Hanalei he 6 poe ma`i lepera e ko laila Luna Makai, a ua lawe loa ia mai no Honolulu nnoi, a ai@ ke noho la ma Kalihi.

 

            I ke awakea Poaha iho la i oili ae ai he kaa hou loa no ka Hui Alahao Hawaii, a na na paahana no o ia hui i hana ma ke kahua ma Punahou. Eleu no!

 

            I ke ahiahi Poakahi i hla i malamaia ai ka halawai malu mua loa iloko o ka Hale Hui Malu hou ma ke kihi hikina o na alanui Hotele me Alakea.

 

            Ua hoopuoho ae ka bele pauahi i ka po Poalua nei no kekahi wahi ahi ma Kaumakapili ae nei mahope o ka hora 7 o ke ahiahi. Ua holo aku na kaawai aole nae i hoohanaia.

 

            I ka holo ana aku o ka mokumahu Osianika i ke awakea Poalua i hala, ua hihia ae kona huwila i kekahi pou uwapo, a i ke kue ana, ua haki pu ka pou iloko o elua apana.

 

            Aole i ku aku ka moku heihei Tolona i Hilo i ka wa a ka mokuahi Hawaii i haalele aku ai ia awa`i ka Poakahi i hala. Me he mea a la, ua holo loa aku la paha no Tahiti me ke ku ole i Hilo.

 

            Ua hoea io mai no o Kuhina Hawaii Iwini ma ka Osianika i ka auwina la Poakahi i hala, ua holo loa ae oia ma ka waapa e ike ia Adimerala Iwini, kona kaikuaana, iluna o ka Piladelepia.

 

            Ma ka Poakolu iho, la 13, e noho ai ka Aha Elele o ka Ekalesia Anagalikana ma Hawaii nei. He pule ahaaina a ka Haku ko kakahiaka maloko o ka Luakini o Sana-Anaru, a i ka auwina la e hoomaka ai na hana maloko o ka halekula.

 

            Ua hoike ae ke kapena o luna o Moiwahine i ka Poakolu nei, iaia i haalele aku ai ia Paauilo, Hamakua, i ka Poakahi i hala, ua hiki aku ka hohonu o ka luawai aniani e eli ia nei ma kahi kokoke i ka halewili i ka 120 kapuai ka hohonu, aole nae i loaa aku ka wai.

 

            He mahi laiki no Waioli, Kauai, ka i hooliloia ma ke kuai kudala e Mogana i ke awakea Poaha iho la, mamuli o ka hookoia ana e kekahi moraki, a ua lilo ia Aina (Ah Iu) no $600. He hoolimalima mai ia G N. Wilikoki o 45 eka, no 10 makahiki mai Ianuari 1, 1888, ma ka $325 o ka makahiki, kekahi i lilo pu.

 

            I ka auwina la Poaono nei i pau ai ka noho ana o ko Honolulu nei Papa Hoopii Auhau,

 

            Ua walaau wale ia ae no e hoea mai ana no ka he mokukaua Iapana hou ma keia mua kok iho.

 

            Mahope iho o ko ka Naniwa ku ana mai a i kakahiaka Poalima iho la i pau ai ka uhao lanahu ana, he 500 tona ka nui.

 

            Lohe loa ia iloko o Puuloa ke kani o na pukuniahi o ke Kamepiona, iaia e kiki hoomaamaa ana iwaho lilo loa i ka Poalima iho la.

 

            Ma ka po a ka la 2 o keia mahiua, aneane e hookahi eka i pau i ke ahi o ka mala ko o Kaanapali mamuli o ke puhi koloheia.

 

            Ua hooleia e ka Papa Ola ke noi a Kamaole (w) e hoi a noho pu me kana kane, ma ka Panalaau Mai Lepera, i ka halawai ana o ka Papa i ka Poalima nei.

 

            Heleuluulu ka ka hanini ana o ka Kulanihakoi poi wai ma na moku o Molokai a me Lanai, pela ka lono ma ka Mokolii o ka Poaono nei iho la. Ola aku la no hoi ia mau aina.

 

            He Pake kuai i`a a he Lelewa kane ka i u hoopaapaa ae makai o Ulakoheo, i ka auwina la o ka Poaha nei, a hiki wale no i ko laua lawelawe lima ana. Ua hopuia laua no ka hakaka lua.

 

            He wahine Iapana ka i hopuia ilalo e Ewa i ka poaha iho la no ke kuai waiona a ua lawe loa ia mai iluna nei, a i ka Poalima nei i hookolokoloia ai imua o ka Aha Apana a hoopaiia he $100. Nui kela, pokeokeo! No guru hanahana!

 

            Mahope o ka pau ana o ka hana ma Iolani Hale, ua hoihoi ia ae he elua pukuniahi a me hookahi pu ki pinapinai ma ka lanai makai i kela a me keia po. Aole i akaka ke kumu o keia ano hana, koe wale no paha ka makau honua.

 

            Oiai no keia mau la kupiliki a ano nele, ua kukala mai nei ka Hui Kaa Alahao Hawaii, ma Ladana, he puka o ekolu pa-ke-neta no ka makahiki i hala iho la. I kela makahiki aku nei he 2 ½ pa-keneta. He hoike keia no ka pakiko a me ka hoopono o ka lawelaweia e ka hana @aauei.

 

            Kakahiaka nui wale o ka Poaha nei i holo aku ai ke Kamepiona iwaho no ka hoomaamaa waapa me kiki pu ana, a i kahi la no i huli hoi mai ai. Iaia iwaho, mawaho pono ae no o Waikiki kahi i hekau ai, a ilaila no hoi na waapa i hookahakaha ae ai, a mahope iho, holo iwaho loa.

 

            Ma ka Arawa i hoea mai ai ko Kanada Kuhina Kalepa, a ua launa pu ae me ko Honolulu nei Ahahui Kalepa i ka hora 9 o kakahiaka Poakahi i hala, no ke kuka ana ma na mea pili kalepa a me ka uweaolelo moana. O ke kumu ia i hao iho ai ka Arawa a holo ai i ka Poakahi.

 

            Ua haule a make loa iho la o Henry Burke, he hapahaole, ma Alanui Moi i ke ahiahi La Pule, la 3 nei. I ka loaa ana a hoihoiia i kauhale, ua pau ke aho a aohe manaolana ana i koe. Ua noho he Aha Kolouelo, a ua hooholoia i make oia mamuli o ka inu nui i ka waiona me keka hi mai pilikia e ae o lako.

 

            Ua hoomaka hou na kulu pakaua eloelo i kela mau la aku nei e ka pule i hala iho la, a ke hele hou ae la na alanui a pahoo i ka welowelo. Maikai kela.

 

            Ua halawai kekahi wahine Hawaii me kekahi ulia mauka o Kaopuaua i ke ahiahi Poalua i hala, ma ko okupe ana i kekahi alualua o ke alahelle aoao ma ka huli Waikiki o alanui Nuuanu. He lehulehu na alualua ma na alanui e ae o Honolulu nei, a he mea pono i ke Luna Alanui e makaula.

 

            Apopo, ahiahi ma ka Luakini o Kaukeano, e hipuu ia ai o Miss Vida, ia moopuna a Mrs. Konuwela, me Mr. W. P. Boyd, Hope Kanikela Nui o Amerika Huipuia. Ko pau ia, he anama ake a hoolauna ko kahi o ke kupunawahine, a e hoohauoli aku ana ka Puali Puhiohe Lahui malaila, a malia, a ka Bana Pi Gi ana no paha kahi.

 

            Ua hookui ae he kaa kikane no ka Pake a me kekahi kaa huilalua a kekahi keiki Hawaii e hookele ana, i kakahiaka Poaha iho la, ma ke kihi o na alanui Nuuanu me Beritania, a ua haki pu kekahi kano huila o ke kaa huilalua. O ke kumu o ka pilikia, i huli koke ae ko ka Pake kaa a hookui ana, oiai no hoi ke kaa huilalua ma koua aoao pololei. Ua hopuia ka Pake.

 

            Mamuli o ka hoopau wale ia ana o ko J. E. (Gomes hihia opiuma, ua hookomo ae la o J. H Apio a me D. L. Kalawaia he mau hoopii koi poho ia Kapena Anaru o ka Oihana Makai no $300 pakahi. O ke kumu o keia mau hoopii ana, no laua kahi ame ka hale a na makai i komo ai mauka o Puunui. E poohu paha aunei ka lae o ua keiki alualu bipi la o Makawao.

 

            O ka mokumahu Arawa ka moku oi loa aku o ka nui komo i loko nei o Kou. He 20 a oi aku kapuai kona loihi mamu o ka mokumahu Kina. Eia nae, ua palanaiki loa no i na mokumahu alo ehuehu o ka Moana Atelanika, a he hapakolu wale no hoi ko ia nei nui, 5,000 tona, i ka mokumahu Kulanakauhale o Parisa, 15,000 tona, ke Camapania, 12,500 tona, ka Lucania, a me kahi mau moku nunui e ae.

 

            Ho uluhaku lanaha ka i haule a pa pono ana ko Laeula poo, i kakahiaka Poakolu iho la makai o Ainahou, oiai, oiu kekahi limahana hali lanahu mai ke kiapa Beritania Duke o Agaila, a ua loaa iaia he eha kukonukonu. Ua waiho a make aku oia, a ua laweia ne i ka Halewai, a mai laila aku a ka Halemai Moiwahine a humumumuia ka eha. I kona pohala ana ae, aole ona wahi hoomanao iki no kahi mea. Ua palekana oia i keia wa.

 

            Mai ia M. K. Manuia o Kalau papa, Molokai, keia mau olelo penei: “Ua ike au ma ke Kuokoa o ka la 25 o Novemaba, epili ana no na pipi wiwi. He wiwi io no, aole nae hoi e like ma ka mea i hoolaha ia aole i luai na ma`i.  Ke hoole nei au, aole na`u i hoolaha ma ke Kuokoa. He oiaio ka K. Kamanu i hoolaha ai no ka wiwi a me ke kupono ole i na ma`i ke ni. Ua lawa, ke hoa mai nei ke ahi pulelo o Kamaile e hoi ko Nualolo kini ua ahiahi.”

 

KA LEI MOMI

NO. 1894.

“Iluna no ka Ua, waele e ku Pulu.”

 

            I ola honua no, mahope iho o ka noonoo pono ia ana, ua hooholoia e like me keia malalo iho na uhao lanahau ana e hiki ai ko mau aku ka holo ana o ko makou wahi wae nei iloko o keia makahiki ae, a ia malalo iho na auhau ana i manao ia ai e loaa mai no he ola a ho kanaaho, penei:

 

UKU O KA NUPEPA.

 

No Hookahi Kope                               $ .10

No Hookahi Malama                             .25

No Ekolu Malama                                 .75

No Eono Malama                                1.25

 

            Aka, ina o hookaa ua ia mai iloko o ka malama mua o ka hapaha makahiki a i ole ia, o ka hapalua makahiki a makahiki holookoa paha, alaila, peneia ka auhau ana:

 

No Ekolu Malama                               $.50

No Eono Malama                                1.00

No Hookahi Makahiki                                    2.00

 

            O ka iini nui nae hoi, o kela me keia hapaha makahiki (ekolu malama) ke hookaa mua ia, no ka mea, he oluollu ia, he maalahi, a he hiki olo loa hoi ke pale mai no ka nele loa o ka waihoua. Aole no e lawe kekahi mea i ka nupepa, ina e ike ana i ka nele maopopo aia imua o na makahiki i ku ai.

 

            E hooko pololei ai aku ana keia ae la maluna, a ke kauleoia aku nei hoi ko na Luna Nupepa a pau hooko pono aku me ke kuemi ole a ewaewa ole hoi i keia kauoha maluna ae.

 

            Aole no hoi e ke ola o ka nupepa wale no ka mea i manao hookahi ia, aka, o ka luhi pu no hoi kekahi o na poe kokua a hooikaika aku i ka holomua o keia nupepa, a ua hoomaopopoia peneia iho:

 

UKU O NA LUNA NUPEPA.

 

5 Inoa                                                  .15

10 Inoa                                                .20

Maluna aku o ka 10 Inoa                    .25

            E hoomaopopoia a ka uku pa-keneta ae la ia maluna o kela a me keia dala hookahi e loaa ana, a e hoomaopopoia no hoi he nupepa loaa wale ka na Luna a pau, oia hoi, na poe e loaa ana he elima inoa kou aku mawaho ae ona ponoi iho.

 

            E hoolawe ne no hoi na Luna i ko lakou uku mai ka huina dala e loaa ana ia lakou no ka lakou poe lawe i hookau, a o ke koena iho hooili mai, me ka lawe pu ae no i ka uku o ke kikoo leta. E hoolohe i keia, i pohinihi ole.

 

            Aole no i pili keia ae la i ko Honolulu nei mau Luna, aka, e loaa no ia lakou e like me ka mea i kuluma.

 

            O na kauoha nupepa, na hoolaha a pela aku, e makania ae i ka Ona a Luna Nui; a oiai oia hookahi no hoi ka Lunahooponopono, iaia no e hoounaia mai ai na palapala a me na manao no ka hoolaha aku. Aohe e hoopukaia kekahi manao ke ole e hoikeia ka inoa oiaio.

 

            O na hoouna a kikoo dala ana a pau, me ka Puuku hookahi wale no ia, oia o Mr. F. J. TESTA, aole i ke kahi me @ e aku. Aole palapala hookaa e mana, o kana wale no, a nolaila, iaia no e hoouna pololei ia mai ai na dala a pau.

 

            KEENA HANA: Helu – Alanui Moi, ma Kapuukolo, maluna mai o ka Uwapo a Haaliliamanu, ma ka huli W@kiki ma ka aoao makai.

 

            KEENA PUUKU: nelu 15, Alanui Kaahumanu, ma ke keona oihana loio o ka Mea Hanohano A. Rosa.

 

            W. H. KAPU,

Ona, Luna Nui a Lunahooponopono