Ka Lei Momi, Volume I, Number 18, 4 December 1893 — Page 2

Ka Lei Momi.

 

2.         HONOLULU, OAHU, POAKAHI, DEKEMABA 4, 1893

 

HOOLALAHU I KE KULA.

 

1.         Auhea wale ana oe,

            E  Pue ia i ke anu,

            Hoapili a o na manu,

            O ka ua a he Naulu.

HUI.    Ua kuhi au a he pono,

            Ka iaia e naue nei,

            Hoolalahu i ke kula,

            Hehi hewa ana i Manua.

2.         Kuhi ka opua makai,

            Wehe olu i ka lau niu,

            Eia mai ka pili'na,

            I ke one o Waialoha.

3.         Huaheo lua ka hele'na,

            I ke one a o Maili,

            Kaohi paa ke aloha,

            Pela iki iho hoi.

MANUAKEA.

 

HEMOOLELO KAAO

MONE TIKERO

-KA-

HOLOLIO I KA WA HOOILO

-KA-

UI MAALO I KE KUPULAU

A O KE

KEIKIALII HARE MATINE

-KE-

KIAHA OPAKA O NINEWA.

 

MOKUNA VIII.

Hohola na eheu o ka maluia-

            Pohe na manaolana-Hoi nele i ke Kula o Malama-Ka Aha Hulahula a ka Pua Lilia o Subieda-Ka paio hahana me na powa he nui-Ka lima hei ma ka hookani Gita-Owau ka hoa e like ai.

  Ma hope iho o keia mau kuka olelo ana a Makalika me kona makuakane a me MoneTikero ua huli hoi aku la na kaeaea la a hui pu me kona mau hoa alo ehuehu, a hookahi ka huikau like ana iwaena o na kanaka.  A ia lakou e nanea ana pela, ua loheia aku la ka leo o ke Kuene e kahea ana, ua makaukau na mea ai a ua makemakeia na mea a pau e akoakoa ae ma ka papaaina.  Ia wa eu like ae la na mea a pau a neue aku la no ke keena paina a haupa iho la i na mea i homakaukauia.  Ua kuilima pu aku hoi o Mozunadime me kona makuakane no ka papaaina i hele a laulau i na ono he nui,

  A hiki na me a pau ma ka papaaina, ua noho ae la kela a me keia ma kona noho iho, na lede hooni puuwai ma ka aoao hookahi a o na kane uha oolea ma ka aoao hookahi.

  Ia wa noho iho la na mea a pau i ka hoonuu i na mea a pau e waiho mai ana imua o lakau, ke kamau kiaha la hoi kekahi poe me ka inu ana i ke ola o ka Moiwahine o na Pua Lilia, a ke hoohie wale no hoi kekahi poe i na lede maka paluplau, a pela wale aku.

  He aneane hookahi hora o ka ai ana o na mea apau, a hookuu ae la no hoi a hoi nui aku la no ka rumi hookipa kahi e malamaia ai ua lealea o ia po le'a.

  I kela wa i hele aku ai o Mozunadine a hui pu me kona makuakane a kaihele aku la, oiai ua hele ua olomana la a hai malule na pua o ke kula i ka ua mea o ka inu nui loa i ka waina, ke hele la hoi a kapakahi Manuia o Keokoi ka moku, oia hoi, ua ona loa i ka waina ono o Enegeti.  Ua piha eleu no nae.

  Hele aku la laua a kome iloko o ke keena hookipa nui o ka halealii a pane aku la ua Pua Lilia la imua o kona makuakane:

  "E kuu makua aloha, ano e hoohele mai i ka leo o kau kaikamahine, a e maliu mai hoi oe e kuu makua," a maanei i hoomaha iho ai ua pua lilia la no ke kali ana o ka pane mai o kona makuakane.  A oia ka ua olomana ia i pane mai ai me ke ano kahiohio no,-

  "E hoike mai i kou manao e kuu kaikamahine, kuu lei hiwahiwa hoi, no ka mea, o kau mea e noi mai ai, e loaa aku no ia ia oe."

  "Eia wale iho no ka'u nei imua ou i keia mau hora o keia po, na'u e koho ka Ilamoku nana e hoomalu ka halealii i keia po."

  "Ho, ho, ho! Ka i no paha o ka ha@alua o ke aupuni kau i nei mai nei, eia ka o ka mea ano ole a kamalii.  E hana aku e like me kau i manao ai he pono e kuu milimili, oiai, o oe no ka haku wahine o ko ka@a kakela, ka anela kiai hoi o ko'u mau la palupalu," wahi a ua hapanea la i pane mai ai.

  I awa elua aku la o Mozunadime a hoike aku la imua o ke kaua lawelawe e hele aku a hoike imu a o ka Naita M@ne Tikeroa me kona mau kanaka, oia ka Ilamuku hoomalu o ia po,, a e hoolohe ia mau hooponopono ana.  A o kona leo kauoha, oia ke hoolohe ia e na mea a pau."

  E like me keia kauoha, pela i hele aku ai ua kauwa lawelawe la a kukala aku la,-

  " E lohe, e lohe, e na mea a pau ma ke kauoha a ka Pua Lilia o Subieda, ke kaikamahine alii o Samanadal@, ko kukala ia aku nei ma kona inoa ua hookohu pono ia ka Nuita Mone Tikero i Ilamoku nui no ka la i keia po no ka malama ana i ka maluhia o na hana, a e hoolohe na mea a pau i kana kauoha, a ua loaa hoi ka mana iaia e kau i ka hoopai maluna o na mea a pau e kue ana i kana kanoha."

  Iloko o ia manawa i huro ae ai @a me a pau me ka hauoli no ka lohe ana i na mea e pili ana a@a i ke kaeaea o na mea kaua oia ka ilamuku nui o ia po hauoli.  A i ka wa ilohe ai o ua Ui maalo la i ka wa Kupulau i keia leo kauoha, ua kau koke ae la oia i kona papale ma@ole a hele mai la no ka puka komo, a hapai ae la i kana pahikaua iluna me ka wiliwili ana ae, ia wa no hoi i laiua like mai ai kona mau naita a me kona hoaloha hapauea me ka hiehie nui iwaena o na leo huro o na kanaka a paiakuli ae la ka lewa i ko lakou mau leo huro.

  Ua lilo keia mau leo huro o ka hauoli i mea hoopuiwa i ke anaina e noho ana iloko o ka rumi, a phuee nui mai la e nana ma na ipuka aniani i ka lehuehu e uwauwa nei, a ike mai la no nae lakou me ka hiaai nui he puulu o na naita me ka hiehie e kuku ana, a o ka oi no nae iwaena o lakou oia no ka naita i kapaia o Mone Tikero, ka Ui maalo i ka wa Kupulau a o ka Hololio hoi i ka wa Hooilo.

  Ua puka mai la hoi na koa kiai o Samanadala a nana mai la i na naita o na kuahiwi o Hagara me ka hiaai nui a me ke pahaohao no hoi, a oia ka lakou i nu olelo ae ai, "aole keia he poe naita hou, aka, he poe naita lakou no ke au kuhiko loa."

  He oiaio, he poe naita kahiko io kekahi o lakou, a he poe hou no hoi kekahi, a ua lehia wale no nae ma keia hana o ka lawelawe ana i na mea kaua, ua like me he wai auau la imua o lakou.

  Aka, ua pakila loa aku la paha kakou ilaila, nolaila, e hoi ae kakou i ke kuamoo pololei o ka kakou n@nea.

  Hele aku la o Mone Tikero a hui pu aku la me kona mau kanaka, a hoonee pakolu aku la ia lakou no ke kiai ana i kela a me keia puka aniani o ke keena hokipa, kahi hoi a kekahi anaina nui o na kanaka e hooluana ana.

  O kekahi mau naita, ua hoouna ia aku lakou ma ke ano he mau kiu iwaena o na kanaka.  A o kekahi poe ua hoounaia aku iwaena o na ululaau, me ke kauoha pu ia aku ia lakou i ko lakkou wa e lohe ai a ike paha i kekahi mau hiona ano e, alaila, e p@hi koke mai lakou i ka o-le me ka awiwi.

  A o Mone Tikero hoi me kona hoaloha hapauea Igeboaeda, aia lakou me ke koena iho o na naita ma ka puka komo nui o ka halealii kahi i ku laina ai me ka makaukkau mau me na mea kaua.

 

Na Moa Hou o ka Makaniolau niu o Kohanla Homa.

 

  Ke emi nei ka ai i keia makahiki, omi pu no hoi me ke dala.

  He oma@alu ua ke ikeia aku nei, aole nae he haule iho.

  Eia ke haalele mai nei ua luna Ekalesia o Kohala Hema, ma ka nana aku me he la ua paupauaho.

  Ma ka la 15 o Novemaba, ua hopuia iho la o Paulo a me Mrs. Kina no ka @ lealea, pela me ka wahine a keia Paulo me D. B. Kaono, a na J. A. Kaleo i hopu ia laua, a ua kopiia ke kane he $50 me $4.00 koiaa, a o ka wahine he $30 me $4.90 koina.  Mikomiko pono iho la.

KOHALA HEMA.

 

  Loloa na papalina a haule hoi na auwae o na poe hoohuiaina mamuli o na lono i loaa mai i na la i hala ae.

  Aia aku nei i Paia, Maui, kahi kaa poniuniu kahiko i ku iho nei mauka mai o ka hale hana hao o Ulakoheo.

  Ua papiia na ipuka o na keena oihana aupuni i ka Poaha i hala iho la, ko Amerika Huipuna La Hoomaikai, a koe ke Keena Waiwai, oiai he la ohiai ia no na luna aupuni.  Kupaianaha no hoi.  Ma ko Hawaii nei La Kuokoa hoi, aohe na Pi Gi i hoemaopopo ae.

  I ka hookomo ana mai o ka mokuma@u Kina i ka auwina la Poakahi i @ala, ua ikeia aku la ka welo ana mai o ko Adimerala Sekerete hae.  Ua haawi ae na koa marina a me ka puali puhiohe o luna o ka Piladelepia i na hoomaikai.  Ua hoea io mai no ka Abimerala, me kana wahine a me kaikamahine elua a me kona mau ukali, a i ke awakea Poalua mai i holo l@a aku ai no Kina.  Oia aku la ko Adimerala Iwini @ani ma na kaiaulu o Kina a me Iapana.

 

KUU HOA KAKELE I NA PALI.

 

Nani ka manao e pipii nei,

Anoi pu no me ka puuwai,

O@ e na hana a loke la,

Hoohele kanaka i ka lehua,

Nawai e ole ko'u hiaai,

I ka waiho ia mai i ke alo,

O ka polahinano a i kui ia,

Ka'u i hoopupue ai i ka peli,

Nee mai e ka ua noe i ke kula,

Kik@pa ka ohu i na kuahiwi,

Haa mai kuu ipo i na u@i,

Na hene o uka ua lai pono,

Pehea ko leo e ka Uhiwai la,

I ka hoopapa i ke kino la,

Ilihia i ka nani a o Puna la,

I ka wai halau a i Wailua,

Elua maua i ka haka ea,

I ka piko wai olu o Hauola.

            E ola kuu lei kuu kama,

            Kuu hoa kakele la i na pali

LUINA.