Ka Lei Momi, Volume I, Number 17, 27 November 1893 — Page 1

Ka Lei Momi.

E MAU KOU OLINO ANA.

BUKE I          HONOLULU, OAHU, POAKAIII, NOVEMABA 27, 1893.         HELU 17

 

OLA HAWAII E!

E HOOKOIA ANA KA IINI O KA LAHUI HAWAII

KO AMERIKA HUIPULA KAHUA ALAKAI E HAULE PAHU AINA KOLOHE.

HILINAI PONO KE ALIIAIMOKU A ME KONA LAHUIKANAKA IA PERESIDENA KALIVILANA.

            Ma ka mokumahu Warimu i kakahiaka Poalima iho la i loaa mai ai ka lono no ka lahui Hawaii e hauoli palena ole ai, oiai, ua hoike ae o Kuhina Nui Geresehama i ke kahua alakai kwaho o Amerika Huipuia e pili ana ia Hawaii nei, ma kekahi palapala loihi ia Peresidena Kalivilana, e hoike aku ana no na mea i hanaia maanei e pili ana i ka hookahulihiaia ana o ke Aupuni Moi o Hawaii nei.  Ua kakauia ua palapala la ma ka la 18 o Okatoba i hala, ma ka la 10 iho la no o Novemaba nei i hoikeia ae ai ka manao i ke akea, a ua lawe nui ia mai na manao o ia palapala mai na hoike piha a hoopilimeaai ole a Komisina Balauna.  He nui a he lehulehu na manao waiwai ma ua palapala la e olu ai a e hoihoi ai ka lahui, a no ka loihi loa ua hookaulua makou, oiai, ua lawa no hoi kakou i ka ehu a i ka hoomahui wale aku no.

            Hookahi no nae hoi manao ano nui e hoike aku ai, oia hoi, ua hooholo lokahi ia ko Peresidena Kalivilana manao hoihoi hou ae i ke Aliiaimoku iluna o ko Hawaii Nohoalii e kona Aha Kuhina, ma ke lakou halawai ana ma ka la 14 nei.  Ma ia halawai na hoa Kuhina a pau a koo o Kuhina Kamika, oiai, aia oia i Georegia.

            Ua pihakui na nupepa Amerika o pili ana no keia ninau, ma ka aoao apono kahi a ma ka aoao kuo no hoi kahi, a ua nui no hoi ka hauoliia a me ke kueia o keia manao ma ia aina holookoa.  A ua oleloia nae hoi aole ka Moi o hoihoi hou ia @ aia a akaka maopopo na manao o na mana e ae o ke ao nei, a ua oleloia ae no hoi ua loaa i ke Aupuni o Amerika @nipuia na hooia ana aohe kue ana mai a na mana e ae no kana kahua e hooko aku ai i kela manao.  Me he la, o ke Aupuni o Beritania Nui kekahi ma ia manao ae la.

            Ia auwina la iho, i ka hoea ana mai o ka Monowai, aole no i loli ae ke kulana o kela lono hauoli mua o ke kakahiaka iho, aka, ua oi loa aku ka hooiaioia mai.  Eia nae, ua hoohauoliia na poe hoohuiaina mamuli o ka mea a kekah wahi nupepa hookahi o Kapalakiko ae nei i olelo ae ai, ao'e ka e hooleleia mai ana na koa Amerika iuka nei no ka hooko ana i ka manao o ke Aupuni o Amerika Huipuia, o ka pono ke hanaia i kekahi aupuni uuku a nawaliwali, aole hoi o ka aihue, ke a@uka a me ka pakaha.  No ia wahi lono hope nae hoi, aohe a makou hilinai ana, aka he hookahi no a makou, e hoomau i ka lana o ka manao a me ka hauoli palena ole.

            O ka Poaha a me ka Poalima, la 16 me 17 nei, na la i manaoia ai ma Amerika Huipuia ua hoihoi hou ia ae ka Moi, aka, mamuli o kekahi mau akeakea ana a ke Kuhina Amerika i maopopo mua ole ai, nolaila, aole kakou i ike i ka hookoia.  Na keia ae la i hapai hou ae i ke makou hoomanao ana no ka aneane loa e ko o ka Rev. Mr. Haulani mea i olelo ae ai a i wanana ai, ke ole nae hoi e loaa ke kuia.  O ua kuia la, oia ae la kela maluna, a hookakanalua ke Kuhina Aemrika i ka hooko aku.  Aka, ke noho nei no nae hoi makou me ka lana o ka manao e hoea mai ana no ka wa e hookoia ai, aohe e nele ana.

            Ma keia wahi la, ua manao makou ua lawa ae la no hoi kakou no keia amnawa, a e hauoli hoi kakou.

           

            Ua loaa mai nei he kauoha na Kakina i ke Aupuni Pi Gi o lakou aole e haawi pio wale aku no i ka wa o hooleleia mai ai o na koa Amerika.  A ke hiki mai ia manawa, e hookaawale aku ma kekahi wahi okoa aku me ka lawe i na pono kaua @ pau a me ka hoopoino ole i kekahi ola, a i hoihoi hou ia ae ke Aliiaimoku a huli hoi aku hoi na koa, alaila, l@le kaua mai a lawe kaokoa ae i ke Aupuni Hawaii no lakou.  Auwo! ka lapuwale no hoi o ka manao o keia welo mikanele!!  Awaawa no hoi me ka piha a wahua mapopo.

            Mamuli o na mea i upu wale ia aole na poe Pi Gi e haalele oluolu mai ana i ke kulana a lakou e paa nei mamuli o ka pakaha, ua loaa ia Kuhina Wilisi ka mana oi ae, mawaho o kona kulana Elele Kuhina Nui, e lawelawe aku i kekahi mau hana ana i manao ai e hooko aku a e kahea paha i na koa Amerika e hooko aku.  I mea hoi e pa@e ae ai no ka hooko olea o ia mau kauoha, ua hoikeia aku i na kapena o na aumokukaua Amerika e hoolohoia kana mau kauoha a pau ia lakou a e hookoia no hoi.  Eia iho na kauoha a Peresidena Kalivilana ia Kuhina Wilisi:

            "E hoihoi hou ae i na kulana e like no me mamua ma ka Paeaina a e mau ana no hoi mamua aku o ka hooleleia ana ae o na koa malina mai ka mokumahu Amerika, Bosetona aku."

 

Ku mai ke Kamepiona.

            Ma ke kakahiaka Poakolu nei, hora 9, i ku mai ai ka mokukaua Beritania Kamepiona mai Esekimala, Beritania Kolumebia mai, iloko o na la holo he umikumamalima me ka hapa, ke awa hoi ana i haalele aku ai ma ka la 6 o Novemaba nei.

            Iaia i hookomo mai ai iloko nei o ke awa, ua haawi ae la oia i na ki pu aloha ana he 21 i ka hae Hawaii, i ukali pu ia mai hoi me 13 kani pu ana no ka hanohano o ka hae o ka Hope Adimarala irwin.  Ua panai aku hoi ka mokukaua Piladelepia me 7 kani pu no Kapena Rooke @ ko ka Moiwahine mokukaua.  A mahope loa mai hoi ka papu o Kakaako me 21 pu.

            He mokukaua o Kamepiona o ka papa ekolu.  Ua kapiliia oia i ka 1878. O ka nui o kona mau tona he 2,380, a o ka ikaika hoonee o kona mau enegini ua like me ka ikaika huki o na lio he 2,000.  Ke lawe nei oia ia 12 mau pukuniahi ewalu 5 iniha a me eha 5 iniha (elima tona) pukuniahi raifera, a me kekahi hekina nui o na pukuniahi liilii.

            O na mokukaua ma ka papa like me Kamepiona oia no o Conquest, Constance, Cordelia, Cura@oa, Cleopatra, a pela aku.  I ka wa a k@ Kamepiona, i haalele aku ai ia Esekimala, e ku ana ka mokukaua lawehae Royal Arthur ilaila a me na mokukaua Garnet, Numpho a me Manu Kolohala.  Ke upuia aku nei nae e ku mai ana @a Royal Arthur ianei ma na la mua o Ianuari.  E noho iki ana ke Kamepiona no kekahi mau la a holo aku no na paemoku liilii ma ka moana Pakipika alaila holo loa aku no V@lapsraiso, Amerika Hema, hui pu ana oia me ka Royal thur ma na kapakai o kili iloko o ka malama o Maraki o keia makahiki ae.

            Ke lawe nei oia ia 27 aliikoa a me 250 mau kanaka.

 

Pakele ke Ola mai Poino

            Ua hoikeia i ka Halewai ua pupule kekahi Pake a ua hoounaia kekahi makai, o Kimo Kupihea, e hele e nana pono.  I kona hoea ana aku i ka hale i kuhikuhiia ai oia, @ hiamoe ana ua Pake la ua hele a pauhia.  Ua hooala aku oia a ua nana mai la na maka, a pane mai la no nae ua pupule la, me ka eu ae a noho iluna o kahi moe, me ka ike ole aku o ka makai he pahi kekahi ana malalo o ke kua kahi i waiho ai a maluna iho kona moe ana.  Ua lalau iho la ka lima a hou mai la i ke poo o ka makai, oiai ka makai e kamailio aku ana, a ua hala nae ia pahuna a hala ka pahi mahope o ke kua a kau pono ka lima iluna o ka poohiwi.  Ia wa oia i lalau lima ia aku ai, lilo mai ka pahi, huli ke alo iluna a paa na lima i ka opeaia, a pela oia i laweia ai a hoea i ka Halewai.  Eia ua Pake la i ka Halemai Pupule i keia wa.

 

Na Hoopii Laibila.

            Iloko o ka makaukau mau o ka aoao i hoopiiia ma kela mau hihia laibila a Mr. Wilisona, ua kapae ae ia aoao i ka hookolokoloia imua o ka Aha Apana i kakahiaka Poalima iho la a @a waihoia aku imua o ka Aha Kaapuni no ke kau ae o Feberuari, 1894.  Pela mai no hoi na hoopii eha i koe iho, a e like no me ka mua, pela no i waihoia aku ai, i kakahiaka Poaono iho la.  Ua lonoia e holo mahuka ana ka ua lunahooponopono la.

 

Hole Waimea i ka Ua Kipuupuu.

            "Ke olino nei o Lilinoe i kona kapa huali (hau) i Novemaba 18 iho nei, eia nae, he maloo no ka aina, a ke ahulau nei na bipi wiwi a S. Paka ma," wahi a kekahi makamaka mai Waimea, Hawaii, mai.  A nana mai no hoi keia iho.  "Ke liuliu nei na kupa o ka aina no ka hoomakaukau ana i na apana aina hookuonoono."  Heaha hoi ka hewa o ia o ke ola ia a hoomau aku!