Ka Lei Momi, Volume I, Number 15, 13 November 1893 — Page 6

Ka Lei Momi.

 

6          HONOLULU, OAHU, POAKAHI, NOVEMABA 13, 1893

 

AINA MAMAO.

Na Lono Hope Loa mai nei no na Wahi Lehulehu o ke Ao nei.

 

[Ma ka Auseteralia mai, Novemaba 4.]

Hawaii mo Amerika Huipuia.

  Ua mano na lala o ke Komite o ko na Aina E o ka Hale o na Lunamakaainana e hoouna aku ana o Peresidena Kalivilana i ka Ahaolelo, mahope koke iho o ka pau ana ae o ke koho ana no ka bila sileva, i palapala a me na kukai palapala ana o pi@ ana ia Hawaii.

 

Berazila Kupikipikio.

 

  Ua hooauhee ia na poe Repubalika e na kipi iloko o elua mau hoolele kaua hahana ana ma ka la 20 o Okatoba.  I kekahi o ia mau hoouka kaua ana he 1,000 kanaka i pau i ka lakuia.

  Ma ka po o Okatoba 19, ua hoao ae n@ mokumahu Iupita a me Eseperanaza o ka aoao kipi e hoopuka malu mai ke awa aku o Rio.  Ua loaa e ka Iupita i ka olinolino o ka uwila noii a kao@, aka, o ke kokoolua iho ka i palanehe aku me na lako kaua no Desebero, ke kulanakauhale o ka mokuaina o Sana Katerina.  I na hoolele poka mua ana no a ka papu o Sana Karuga, ua hoopilikiaia ka mokukaua kipi Urano iaia i hoao ai e hookomo aku i ke awa o Rio.

  Ua manaoioia o Adimarala Nelo kekahi o luna o ka Eseperenaza, a ina he oiaio ia, alaila, he mea maopopo e koakoakoa nui ae ana na mokukaua kipi he 12, no ke kau pale aku hoi i ka akoakoa ae o ko ke aupuni mau aumoku a haawiaku i na kokua ana i na papu.  Ua oleloia ae nae aole e hiki i na aumoku kipi ke neou aku no ka loaa ole o na hooma@ae ana.

  He mau palapala ka i hoolaha ia ae e olelo ana ua hoao ae o Adimarala @elo @ pale aku i ke ki poka ana ia Rio de Janeiro, aka, mamuli wale no o ka hana lapuwale a ku ole i ka hilinai o Peresidena Peisoto, a me he la makemake oia @ alako aku i na hoolele poka ana a na kipi maluua o ke kulanakauhale.

  Ua pio ke k@kai ana aku o na leo pukuniahi o ka papa a Sana Karuza i na poka a Nelo, a ua kukala ae na koa o loko aia lakou i ka wa.  Ua manao ia he puupuu oolea loa keia ia Peresidena Peisoto.  Iloko o na ulele ana no hookahi la holookoa mawaena o na aumoku a me na pu mai ma ka aina, aole loa kela papu i pa-e leo aku a houlele aku hoi he wa hi poka hookahi.  Ke manaoia la ma Berazila @ ano pipilikia aku ana o Peresidena Peisoto, oia nao, ua kuai aku oia ho mokumahu nui, i hoolakoia me na pu dainamaita a me ua lako kaua, ma Nu loka.

 

Amerika Huipuia a me Berazila.

 

  Ma kela helu aku noi i hoomahui aku ai Ka Lei Momi nei no k@ ku@ rula o ia Adimarala Amerika ma Berazila, iaia hoi i ku ai @a ke awa o Rio a mahope o ke ki pu aloha ana o kona moku no ka hae aupuni, ua @ ae oia a haawi i na ki pu aloha ana no kela Adimarala kipi.  Nolaila, mamuli o ia hana ana pela, ua kauohaia aku oia @ kona aupuni @ hoi mai a haalele aku i kona moku, oia ka maka.  No ia hana a keia Adimarala o Amerika Huipuia, ua hoike koke aku ke aupuni o Berazila no ia mea i ko lakou Kuhina ma Watinetona, a ua hooia ae ke Kuhina Nui a me ke Kuhina Kaua Moana i ua Kuhina Berazila @a i ka ehaeha o ke Peresidena Kalivilana manao no kela hana kue rula a ia Adimarala o kona Aupuni, oia o Stanton, a mahope aku o hanaia ai na hana hoomaikal uo kola hana hewa.  Ua hoike ae nae ka mea kakau o ka nupepa Ahailona (Hera@a) o Nu Ioka ma Monetevideo i ka hoopahaohaoia o ko laila poe no keia kue pili oihana ia aha o keia hana a Adimarala Stanton, a ua hoike pu ae no hoi oia ua ike mau ia no o Adimarala Nelo e na aumokukaua o na aupuni okoa aku mai ka maka mua loa mai no o ka hoomaka ana o ke kaua kipi.

 

Farani a me Rusia.

 

  Ua hoea aku o Peresidena Kano ma Toulona i Okatoba 27, a ua komo pu aku iloko o na hoohiwahiwa ana a ka lahui Farani i na aumokukana Rusia.  Ua ukali pu aku me ka Peresidena ka Adimerala a me ka Elele Rusia, a ua paiakuli na leo hooho huro no lakou a ekolu.  Iwaena o na kukai makamaka ana, ua haawiia aku na hoomaikai a me na hoohiwahiwa ana i ko Peresidena o Farani, ma ka aoao aku o na Rusia, e like la no me ia e haawiia ai no ka Emeperoa o Rusia.  O kekani o na hoomaikai ana i lilo i mea kamailio nui ia, oia no ka haawiia ana mai o ke ki pu aloha alii ia Peresidena Kano, iaia i kaalo iho ai mawaena o na lalani numoku Rusia.

  @ ka la 21 o Okatoba i haalele aku ai na aumokukaua Rusia ia Parisa no Toulona iwaena o na heoho aloha ohohia palena ole a na kanaka.  Ua oi aku mamua o 100,000 i uhai aku mahope o na kaa o ka Adimerala Rusia a me kona mau ukali.  Maloko o kekahi hale opera (keaka) ma Parisa, mahope o ke meloia ana o na mele lahui o ia mau aupuni a hookuu ia na hana, ua ku ae o Adimerala Avelana o Rusia a hooho ae la, "Iluro no Farani!"  Ua hoopupuleia ka lahui o keia.  Ua himeniia ae ke melo lahui Rusia no @ono manawa, a ua kukala ae la no hoi o Peresidena Kano, "Iluro no Rusia!"  Na ia hoi i hooi loa aku i ko ka lahui hoopupuleia, a ua hele a paiakuli ka lewa me @ leo hooho ohohia palena ole.

  Aohe olelo ana, ma na kahoaka o keia mau kukai hoohiwahiwa ana, ua hui keia mau aupuni, a he mea hiki ole ia ke hoole ia ae.  Ua oi aku na aumokukaua o Farani a me Rusia mamua ae o ka heluna o na moku o Geremania, Auseturia a me Italia, a ua like no hoi na pualikaua o laua elua me ko lakou le ekolu.

 

Beritania Nui a me Farani.

 

  Aia he kuia o na kukai ana mawaena o Beritania Nui a me Farani no ka mea e pili ana i kekahi okana aina i manaoia a kukulu ae i aupuni kuokoa, mawaena o na palena o ia mau aupuni elua ae la ma Siama.  O ka hopena o ia mau kukai ana, aole i maopopo.

 

Ko Iapana Aumokukaua.

 

  Ke liuliu la ke aupuni o Iapana e hoolana ae i kekahi mokukaua hao hou o 4,000 tona i hanaia no na Iapana, a he moku ia no ka papa ekahi.  Ua nui ka mahaloia o ko Iapana oihana kaua moana, a he hookahi wale no haole i koe, oia no ka mea ao ki pukuniahi.  Aia no hoi kona pualikaua aina ma ke kulana maikai, a he aliikoa Geremania wale no ka haole i koe ma ia oihana.

 

Ka Ninau Dala o Amerika Huipuia.

 

  Ua hoikeia aku na Repubalika kokua i ke sileva, Okatoba 24, na hooholo na Democarata kokua i ke sileva e haalele iho i ka paio ana o kue ana i ka hoopauia o ke kanawai sileva, a @ hookuu aku e kohoia.  A ua manaoia ma ka Poakahi, Okatoba 27, e koho ai ka Aha Senate ma ia ninau ano nui o ka manawa ma ia aupuni.  @ kakoo ikaika o Peresidena Kalivilana no ke kahua dala gula, a me he la e kaa ana ka lanakila ma kona aoao.  O ka loao no keia haawi pio aku o ka aoao kokua i ke dala keokeo, ua lilo ia i mea o pii ae ai o ke dala a me na waiwai e ae iwaena o na kahua kalepa dala.

 

Ili ke Kulanakauhale o Nu Ioka.

 

  I ka auwina la Poaha, Okatoba 26, hora 4:15, ua ili aku ka mokumahu Kulanakauhale o Nu Ioka mawaho mai o ka Ipuka Gula o Kapalakiko iloko o kekahi uhi paapu ana a ka ohu hoopohina ike.  Ua nui na hooikaika ana e hoopakele ao iaia mai kona wahi i ili ai iluna o na a-a ma ka hikina-hema, malalo iki aku o ka halekukui ma @ae Bonita aole nae i p@kana.  I ka wa i ikeia ai aohe e pakele ka moku, ua hoomaka koke ia ka hue ana i na ukana, e like me ka mea e hiki ana ke hoopakeleia.  Maluna ona he $191,290 ma ke dala maoli, a he $132,000 ka waiwai io o na ukana.  Ua pakele mai na dala maoli a pau, a me he mea la e pau loa aku ana na ukana i ka poino.  O na lono hope loa e poino ana ka moku, aohe manaolana i koe, a ua manaoia ua haki pu kona kua, a ua piha ka opu i ka wai.  Ke weheweheia la na pono a pau, e like me ka hiki ke wehe ia, laweia a hoopakeleia.

 

Hui Mokumahu Kanada-Auseteralia.

 

  Eia aku a hoea mai he mokumahu hou, nona ka inoa o Arawa, ma kahi o ka mokumahu Miowera i poino.  Aohe na agena o ka Miowera i manao e hoohakalia, nolaila, ua hoolimalima aku lakou i kela moku ae la, i oi ao hoi ka nui i ka Miowera.  Mai Auseteralia e holo mai ai, a molaila, he hookahi ana no holo ana e haule, oia keia haule ana o ka Miowera e paa nei i Puuiki,  Ua hiki i ka Arawa ke lawe i 30,000 kino holoholona i loleia maloko o kona mau keena hau.

  O kahi mea hilu loa i na agena o keia hui ae la, ua hoomaopopo e no lakou no kekahi moku ke pilikia ka Miowera a me ka Warimu, a mamua ae hoi ia hoohana ana a lakou me ko lakou ike mua ole ua poino ka Miowera.  He wahi halia no paha o ka pilikia, alaa ka pololei o ka liuliu e ana, a mamuli keia o ko lakou makemake ole e hoopilikia i na poe kalepa o ia laina hou o ka Pakipika nei.

 

Na Hunahuna L@aha.

 

  Ua hookipa hiwahiwa ia aku na aumokukaua Beritania ma Sepezia, Italia.

  Ma Roma, Okatoba 21, i make ai o Ilaku Viviana, Elele o Beritania Nui.

  Ua hoao hou ia mai nei e lawe i ke ola o Kenerala Camaposo o Sepania.

  Ua hoauh@ia na pualikoa o ka Moi Lobenegu@a ma Matabele Aferika, @ na Beritania ma kekahi hoouka kana hahaua ana.

  He ohumu kipi nui kai loaa @ai nei i ke Aupuni o Nicaragua.  Lehulehu na poe koikoi o Leone i hoopahaoia, a ua pau kekahi poe i kipakuia.

  @ olai oolea ka i halawai mai nei me kekahi okana aina ma Iapana, ka oi hoi o ke oolea no na makahiki he kanalima a kanaono i hala ao.