Ka Lei Momi, Volume I, Number 11, 16 October 1893 — Anoai o Kohala. [ARTICLE]

Anoai o Kohala.

Nui ka wela ma Kohala nei i keia mau la, a ke maloo mai nei ke ko ona mahiko. Ke hoomaka mai nei hoi na nihoniho o ka palai-huila o Hawi Mill e nau i na ko opiopio no ka makau o emi mai na paona kopaa, a poho wale no hoi ka luhi ana. He wa nele loa mei nei hoi keia i ka hana o ua aina haaheo nei, a ke noho nei kahi poe me nele i keia manawa, oiai ua emi mai ka hana e ola'i kahi e pono ai ka noho ana o kuaaina nei o keia mau la nele. Ke noho nei ko makou kau kiure iloko o keia manawa, a ua emi mai ka luhi o ko Kohala nei poe i ka hele ana aku hoi i Waimea, a aole hoi e like me mamua ke kokoe loa i Waimea no ke kiure. He ma'u wahi mea hou ia o ka aina haaheo nei, a no kahi wa aku, huai hou aku au ia oe e kuu milimili. Hawi, Kohala, Hawaii. Ke eili aku nei ma ko makou pepa he ekolu mau mele hoonaue puuwai, nolaila e hoomanao ia lakou o nanea auanei i ka Eono—elima. Aole o makou wa e aa ai e ku ae a e keehi aku me ko makou kuekue wawae no na mapuna lepo a pau e kanu ia mai ana maluna o makou, aka, o ko makou hele malie wale no ka pono me ka haahaa.