Ka Lei Momi, Volume I, Number 10, 9 October 1893 — Page 7

Ka Lei Momi.

         HONOLULU, OAHU  POAKAHI, OKATOBA 9, 1893.              7

 

KA HAUKAI MAKAIKAI A

Kauka Talamage

-- I KA --

AINA HOANO.

 

                        No keia ninau hoohuoi a ua kauka nei, ua pane koke ia mai la no kana mau ninau ana e kekahi o kona hoahele, ka mea no hoi i ano kamaaina mua ma ia mau wahi no kekahi mau makahiki loihi i hala e aku mamua, i ka manawa i hooili ia ai kekahi kaua hahana mawaena o ka poe Mahomeda a me kakahi hapa o ka lahui Helene, i ka A. D. 1814, a oiai oia pu kekahi ia wa malalo o na Helene.  A penei hoi kaua i pane ae ai.

            "Ae, e ka hoaaloha maikai; o keia muliwai a kakou e ike nei, aohe keia he muliwai e ae, aka i ka heluhelu ana i ka buke o Daiela, ua ike oe i ka hapa nui o kana mau hihio kupanaha a pau, aia he kanaka i ololo mau mai iaia e ku ana ma kapa o kekahi muliwai.

            "Ae, e ka hoaaloha maikai e, o uu muliwai ia, oia iho no na a kakou e ike la me ka moakaka, o Ulai keia, ua kapaia hoi o ke "Keehina Wawae o na Anela" e ka poe Tureke, a o kela wahi ahua pohaku o ku kokoke ae la ma ka lihi wai, ua manao ia e ka poe Mahomeda, malaila i keehi iho ai na wawae o ka anela a ke kaula Daniela i ike ai ma kana hihio."

            "Pono e kuu hoaaloha, ae, oia ka ka inoa o keia muliwai nani a'u e ike nei,--auwe, ia Daniela ma ka pakana o Susana, ma ka aina o Elama, a i ka manawa o kana hihie no ka hipa kane me ke kao huluhulu, aia ae la ka oia ma ka muliwai o Ulai,--eia hoi o Ulai la.

            Ua hala ka wa o kuu lohe pepeiao wale ana no, a eia hoi au la i ka ikemaka ana.  Aka, o na hana a ia makamaka i hoomanawanui ai malalo o na hana a Belehazasa ke alii, ua hala ia me kuu ikemaka ole ana, aka o kahi nae i hanaia ai o ia mau hiohiona pahaohao, eia ka la.  E hauoli mau auanei kuu uhane i na wahi a pau a ke Akua i hoike maoli ai i kona mau elele i kana poe kauwa ma ke ao nei, a he mea hoohiolo hoi i na olelo a ka poe kue i ka oiaio o ke Akua."

            I ka pau ana o na olelo a ua kauka la, ua noho koke iho la oia ilalo, a hoomaka iho la e kaha i ko kii kahua o ia mau wahi a pau, a iloko o na minute pokole, ua pau ae la ia apana hana ana, a ua hoomakaukau koke ae la no lakou i ka lakou huakai no ka hele ana aku no mua.

            Mai ia awakea a po ia la, ua hala hope ae la ka muliwai o Ulai, a ke hoopili mau la no nae lakou ma kapa o ka Euperate, a ma ke kakahiaka nui o kekahi la hou ae, ua hoea aku la lakou ma kekahi wahi laula a he ano waonahele nae i ka nana aku, a ma keia wahi hoi i ike aku ai ua kauka nei i na manamana muliwai ekolu e kahe mai ana a komo ko lakou mau wai iloko o ka Enp@ate.

            Ma keia wahi iku iki iho ai ka huakai me ka pane leo ole o ua kauka nei, ua ku malie iho la oia me ke kaulona pololei ana o kona mau maka maiuna o ua mau mana wai la, a no keia ku kamahao ana o ka lakou huakai me ka maopopo ole i ka lehulehu heaha la ke kumu o keia ku honua ana o lakou.

            "Heaha ia e ka hoaaloha?  Ua halawai anei oe me ka ehaeha, a i ole me ka hauoli paha?"

            Huli pono ae la o Kauka Talamega imua o ka mea nana ka ninau a pane aku la.

            "Aole au iloko o ka ehaeha, a aole no hoi au iloko o ka olioli, aka eia au la me ka pahaohao, a o ka ui nui wale no iloko o'u e hana nui nei,--owai la keia mau muliwai liilii a'u o ike nei, a owai la ka inoa o keia mau wahi a pau?  He eeu ko'u pahaohao i keia wahi, me he la he wahi kaulana paha keia."

            "Ae, i ka nana ana i ka mokuna elua o Kinohi, mai ka pauku 10 a i ka pauku 1-1, e ike no ana nei oe, aia he mau mana muliwai ekolu i olelo ia, a o ka ha o lakou oia no ka Eurerate.  O ka mua o lakou, o Pisona, oia kela mana e kahe mai la mai ka hikina aku mai a e hoopuni ana i ka aina a pau o Havila, a o Havila ae no kela kakai pali e moe ae la.

            "O ka lua o iakou oia o Gihena, oia no kela o kahe mai la mai ke komohana akau mai, oia hoi ka muliwai e hoopulu la i ka aina a pau o Aitiopa, a o Aitiopa wale ae ho ia wahi a pau a hala loa i ke kemohana.

            "O ke kolu o ka muliwai, oia o Hidekela, oia no kela nuku wai e kahe ae la a komo iloko o Euperate ma ka hema, a oia no kela oawa e kawaha ae la a hala loa aku i ka akau, a ma kona aoao komohana ka aina holookoa a pau o Asuria.

            "O ka ha, oia iho no hoi--

            Aole i puka pono aku ia mau hoaolelo ana i ka hoopuka, ua hoopuka koke mai la o Kauka Talamega i kana mau huaole me ka hole a piha i ka olioli, me ka lima hema ma kona umauma, a o kona lima akau e paa ana ikana wahi Baibala pakeke.

            "Ke ike nei au i ka oiaio o ia mau mea a pau, aka ua lawa e kuu hoaaloha.  O edena nani--Aina Kamahao--Kihapai Eehia!  O Edena no ka maanei.  Auhea la ka loa me ka laula ou e Edena nani?  E ike lihi wale aku la hoi au mamua o ko'u hoi ana aku me ka nele."

            Ma ka pau ana ae o na olelo a ua kauka nei, ua huli ae la oia a kauoha aku lo e hoomaha ka hu@kai malaila no kekahi mau la loihi me ka hoao ana e huli pono aku ina paha e loaa iki aku ana he wahi mehou o kekahi o ia mau wahi waiohia o kela mau la omaka mua ana ae o ke ao nei.

            No keia mau kaohi iki ana o ke Kauka lTalamega, ua puukiuki ae la lakou a pau ma kahi hookahi ia kakahiaka, a pau iho la lakou a pau i ka lele ilalo.

            Pau ae la na mea a pau i ka hooponopono, a hoala koke ae la no na halelele o lakou ma kapa komohana o ka Euperate.

            O ko lakou kahua hoomoana ia manawa, he kahua ano pono ole no ka hooluolu ana i ka po a me ke ao, he ano opilopilo a he pohopoho ko hoi, aole loa ia aa o Kauka Talamega e neenee hou ae ma kekahi wahi e aku, ua ake nui loa ua kauka la ia wahi he nanaina (view) kupono loa ia e ahuwale ai ka hapanui o na wahi a pau ke nana aku, nolaila ua hoololohe loa oia i keia wahi me ka nana ole i na pilikia e ae a pau i ikeia.

            Nolaila, ua hele aku la kela a me keia e hulihuli i mau pauku laau paepae ae no ko lakou man wahi e moe ai a e @ma pu ai no hoi ma na halelo. @ a pau ekolu i haka ia a kiekie iki ae mai ka ili lepo ae.

            I keia manawa no nae, aia no nae aia no ua kauka nei ke au wale la no kona ma kela wahi a me keia wahi e kau pono mai la i kona mau maka.

 

Haleakala Mountain

 

Heaha kou la lelele e ke

Kelele e ke ae pane ana ne

He sahio panini kululu u ku

He mea hosake kilili i ko

Kololo o ko na kuu lima he

I hamohamo a o lalala a la

Aloha no au kelele e ke

I ko ihu waliwali sanana a na

Kalala a ka i ka haku o ka he

Kelele e ke i ka uliuli mai

Kilili i ki i ke kuluaumoe

Kololo o ko i ka nui o ka hanu

Kalala a ka ua pau pilkia

Kelele e ke i ka liko mamane

Haina ka puana le e lele

Ka wai a o Polipoli au e hehene.

Kuululu lBoy

Keokea Kula Maui.

 

HOOLAHA.

 

            Ke papaia aku nei na mea a pau aole e hele wale maluna o na palena kai lawaia o Haoaloa a me Waikele, o hoopai ia e like me ke kanawai, a o ka poe helu wale malaila ma ka po, e ukuhale o ki@ a i ka pu, a e lilo keia i kumu ao.

SUNG CHUNG LEE,

 

KAUKA YONG KAM PUNG

APANA

HELU 81 ---   Alanui Maunakea.

 

KAUKA LOFA O KA AINA PUA.

             Ua hiki ke hoola ia kela a me keia ano mai, mai ko na wahine a me ko na kane a me ko na keiki liilii.  Ua hiki ko hoola ia na ma'i hano, na ma'i a pau o ke akemama koko ino hu'i o na wahi a pau o ke kino.  Na ma'i wahine o kela a me keia ano.  Na ma'i Lele, oia ka Fiva Lenalena, Hehera, ke Kolela, a me kekahi mau ma i e ae he nui wale.  Ua hiki no hoi ke lawelawe ma na lapaau oki ana i na palapu o kela a me keia.  O na ma'i koko paa a pehu ua hiki loa ke lapaau ia me ka uku haahaa loa.

            E kipa nui ae e na makamaka, ka poe hoi i loohia me na ehaeha a ka ma'i e loaa no au ia oukou me ka hauoli e kokua aku i na mea a apau me ka auhau mama loa.

            O na pilikia a pau e pili ana i ka hanau keiki, ua hiki loa ia ia'u ke hanai aku a h ohemo, me ka ehaeha ole a me ka oinolu no hoi.

            I na e hemo ke keiki e inu hoa i ka laau i mea e hoomaikai aku ai ia loko o ka waihona keiki, a me ka hoopau pu no hoi i ka maeele o ke kino.

            Me ka malama pono no nae i na rula a'u e kuhikuhi aku a@, a noliala, e hele mai mai ko nui a ka liilii.  A mai Hawaii ho'i a Kauai.

                                                            YOUNG KAM PUNG.

                                                                                                22--3  M